menota

Menota data services

Menu Search
55r AM 243 b α fol (AM 243 b α fol)  - 55v 56r 

On this page...

  • No text linked to this page in database

Images

ꝩæri firir mannum folgnir æf Guð ꝩilldi æigi
birtaz lata oc hæꝩir hann til þærs marga luti
birt firi mannum þa er aðr ꝩaro folgner mæðr sialfum
hanumat hann ꝩilldi at maðrenn bæri nytsamliga
ahyggio firi froðleics auðœfum þeim er hann æignaz
af guðlegri fehirzluEn þæssa til ꝩisan ma
hælldzt marca til þœiʀar ahyggiu er fyʀ rœddum
ꝩer um at geta þœiʀa orða er sialf spæki
hæfir af ser mælt þa er hon kꝩæðr sꝩa at orðe
Guðleg b/,o/n Ek em getin
af hiarta Guðs
oc gecc ek fram af munni hins hæsta
oc skipaða ec allum lutumEn Guðs ande fluttiz
iꝩir tomt unndirdiupoc skilðum ꝩer lios
fra myrkrum oc skipaðum stunder oc tima daga
oc nætr ar oc ꝩætr oc æilifligh sumar oc
timbraðum ꝩer himna konongi stirnt hosæti oc
æcki gerðe Guð on mina haghspacliga atꝩist
þꝩi at ꝩer ꝩagum saman letleic loptz oc hofga
iarðar oc hængðum þungan iarðar boll
i letto lofti oc styrctum fæsti band himins
mæð aflgum craftumBuðum ꝩer skinanda
solo at skryða allt dags lios mæð biartum geislum
en brigðiligo tungli buðum ꝩer at lysa
natleg myrcr mæðr bleikum skimaVer
gerðum fagrskapaðan mann æpter ꝩaʀri
licnæskiu oc skryddi Guð andlit iarðar mæð
marghskyns aꝩæxti tria oc grasa oc leiddi
hann fram loptlect skruð mæðr margfalldaðu
kyni fugla oc fal hann fiolða fiska mæð
marghum kynium idiupum ꝩatna oc bauð hann
fiorfœttum kyckꝩænndum at marghfalldaz
a iorðu mæð margskonar kynkꝩislum oc
hann umgyrdi alla kringlu iarðar mæðr þiotanda
hafi oc salltum straumum oc bauð hann
þiarfum ꝩatnum fram at fliota af andliti
iarðarmæð brattum forsumoc skipaðe
Guð grundꝩallu iarðar mæð tilsoghlighum
æðrum at fliotande ꝩotn mætti fræmia
uaflatlegha boðet æmbætti oc bauð hann letto
iarðar dupti at bæra þung ꝩotn iꝩir haleic
loptz mæð tœygianda hita oc hann bauð
ꝩind þrotnum skyium up at spyia sꝩalum ræghnelum
iꝩir andlit iarðarEn skapare allra
luta bauð mer at skynia allan haghleic
guðleics smiðes ocsteig ec harðliga iꝩir
hꝩirꝩil fialla mæðr þrystannda fœtiEn ec
gecc letliga um sletta dala oc flata ꝩollu
gecc ec hardliga iꝩir brattar baror mæðr
þungu astigi oc mællda ec ꝩiðatto slettra
hafa mæðr linligum fætumþrysta ec striðliga
stirðum læggium þa er ec gecc ifir fiarðar
stormsamra ꝩindaMællta ec bliðliga
þa er ec lærða þægianda logntil sœtrar
snilldarLagða ec ꝩægu mina um holeic himins
oc ꝩiðatto loptzkannaða ec biugan ring ukyrs
hafs oc mællda ec mæð fætum allan boll
akufottrar iarðarFor ec um fioll oc um asa
oc rann ec um heiðar oc ꝩallu oc sletta dala
oc gaf ec hunanglegar dagger allum fræandum
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close