menota

Menota data services

Menu Search
54v AM 243 b α fol (AM 243 b α fol)  - 55r 55v 

On this page...

  • No text linked to this page in database

Images

þat til ꝩiss ꝩita at iamskyllt er kononginum a hværium
dægi at geta ræghlu hæilagra lagha eða
ꝩarðꝩæita retlæti heilagra doma iamnt sæm
byskupinum er at ꝩarðꝩæita a retta ræglo heilaghrar
mæsso oc allra tiðaSunʀ
Ec spyr firi þꝩi þæssaʀra luta sꝩa inniliga
at margir hyggia þat at kononglegh tighn
se skipað til gamansamlegs rikdoms oc alfrialsrar
skemtanar í allri girnd sinniEn
mer skilzt þat nu af æpter yðaʀri sogn at hann
a iamnan at ánœyða sec under guðs oki
oc ꝩirðizt mer sꝩa sæm hann æigi hværn dagh at
bæra þunga byrðe í allri ahyggiu þœiʀi er hann
hæꝩir firi alþyðu nauðsynium þeim er firi hann ꝩærða
bornarAf þꝩi ꝩil ec ænn biðia yðr fram a leið
at þer synit mer skilꝩislega hvat konongs sysla
se æptir locnar tiðerFaðeʀ
þat ꝩar siðr forðum þann tima er konongdomr
ꝩar skipaðr oc hann stoð mæðr fægrstum bloma
at þægar konongr sat ꝩið ængan uꝩina agha
oc hann ꝩar i fullu frialsi mæð hirð sinniþa
æinkaðe hann til þæss æitt agetlect hus at lata
þar sætia í hasæti sitt þat er hann hafðe domstol
oc let þat sæti ꝩæl bua mæð kononglegri tign
allriSiðan sættiz þar konongr í oc hugsaðe hann
þat hværsu agetliga oc haleitliga hann satþꝩi
næst hugum leiddi hann þat hværso hann mætti þærs
sitia i sꝩa ageto sæti at hann ꝩæri æigi mæðr
noccori haðung brot runndinn or þꝩi sæti
annat hvart firi sacar ranglætis eða illzku
skamsynis eða folsko eða ofmikillar blœꝩði
eða of drambs eða of mykillar yꝩir girnðar
þo at hann se haleitliga sættr Nu þyckir mer
þat sannligazt mæð þꝩi at ꝩiðr þæssom hætti
ꝩar konongdomr skipaðr firi andꝩærðu sæm
nu er sagt at konongr halldi ænn hinni samu skipan
sæm fyʀr ꝩaʀ skipaðEn þægar er konongr
kœmr i þætta sæti sæm nu er um rœtt
oc hann hæfir þæssa alla luti hugleidda sæm
nu hafum ꝩer um talatþa a hann þꝩi næst at
dœma um mal manna oc nauðsyniar æf
firi hann ꝩærða bornarEn mæðr þꝩi at æigi
ꝩærða skylldaʀ nauðsyniar þar fram bornar
firi hannþa skal konongr hugleiða upp runa heilagrar
spæctar oc rannzaca mæðr athuga samlegri
ahyggiu alla hænnar ꝩæghu oc stiga
Sunʀ þæss ꝩil ec nu biðia yðr
hæʀra minnat þer reiðiz æigi þo at
ec spyʀia nu skiotligaoc ufroðlega þꝩi at
þætta ꝩirðizt mer torꝩælligh ahyggia
at hugleiða uppruna sialfrar spækioc
hænnar ꝩæghu oc stigha oc firi þꝩi ꝩil ec
biðia yðr at þer synir mer noccot af þæssaʀri
ahyggiu sꝩa at ec mætti noccora skilning
her af taca æf sꝩa ma ꝩæraFaðer
Eighi er ꝩiðr þat reiðandez at maðr
spyri inniligha þœiʀa luta er hann þyckiz
æigi skilia mægha nema hann haꝩi noccora
til ꝩisanEn Guðs miskunn gœrir margha
luti mannum kunna oc synilega þa er mioc
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close