menota

Menota data services

Menu Search
54r AM 243 b α fol (AM 243 b α fol)  - 54v 55r 

On this page...

  • No text linked to this page in database

Images

æpter faður Þæss bið ec þec drottinn minn
at þu ꝩæiter mer at ængi kꝩistr sa er af
þer mer blomgazt þorni eða rorne oc æigi snuiz
þœiʀa urœct eða ꝩilli stiga æpter heimskum
þioðumHælldr gef þu þeim skilning oc ꝩit
at skilia oc kunna heilagt logmal þitt oc
crapt oc goðan ꝩilia at ælska þec oc þin
boðorð þꝩi at þu æinn ert sannr guð sa er
liꝩir oc rikir um ænndalausar ꝩærallder
ꝩærallda AmenFaðer
nu er þæsse su b/'oe/n er nu hæꝩir þu
hœyrt er konongr ma hafa er hann ꝩil mæð
aðrum bœnumeða psalmum æf hann kann en þo
at hann hafi æigi þæssa bœn iamnan þa
skylldi hann þo mæð þꝩilicri skipan bœna halld
sitt hafa sæm her er skipat i þæssaʀri bœn
oc ætla ec ꝩist þœtta hans skylldar syslo ꝩæra
a hværium dægi til þæss er hann hæfir tiðum sinum
lyðtoc mæsso æf hann ꝩill þꝩi fylgia sæm hans
namni byriar ochans er skylldar æmbætti
Sunʀ nu ꝩirðezt mer sꝩa sæm
þer hafit skyrt firi mer hvat yðr þycki
skylldar sysla konongs ꝩæra um nætr æpter liðna
sꝩæfn stund þa er hann bæʀr ahyggiu firi
riki eða folki sinuEða sꝩa um morna þa
er hann gengr til kirkiu eða bœna halld sitt
oc ꝩirðiz mer sꝩa sæm þæsse sysla se bæðe
nytsamlegh oc sꝩa nauðsynlegh at hænnar
ma ængom kosti ónFirir þꝩi ꝩil ec biðia
yðr ny at þer synit mer ænn fram a leið
hvat hans skylldar sysla skal ꝩæra um daginn
mæð þꝩi at þer hafit synnt mer þat er hann skal
haꝩa um nottenaeða andꝩærðan morgoninn
hvart yðr syniz at hann bæri firi þꝩi ahyggio
mæð nattligri ꝩoku um riki sitt at hann mæghe
frialsligri liꝩa þa um daginn æpter mæð
þœiʀi siðꝩæniu sæm ec spyʀ at konongar hafa
nu i flæstum staðumannat hvart at riða
mæð haucum eða fara a ꝩæiðar mæð hunndum
eða æina hværia þa skemtan er ec spyr
at í flæstum staðum er nu tið um kononga at hæfi
eða synizt yðr at hann ætti aðra skylldar syslo
æf hann gerðe æpter þꝩi sæm skylldeoc
taki þeir þæssa skemtan meiʀr firi gamans
sakar hælldr en þat hœfði nafni þeiʀra
Faðeʀ þat er þar spurðer þu
þa ætla ec þat ꝩist at konongdomr se meiʀr
sættr oc skipaðr at bæra ahꝩggiu firi nauðsynium
allrar alþyðuoc rikis sins hælldr
en til loclauso eða hegomlegrar skemtanaʀr
En þo er hanum þat æigi bannat noccorum sinnum
at fræmia noccora skemtan annat tꝩæggia
mæð haukum eða hunndum eða hæstum
eða mæð ꝩapnum at hann mæge hallda heilsu
sinni eða letleik til ꝩapna oc allra hærfara
en hitt er þo hans skylldar sysla at bæra
nytsamlegar ahyggiur firi manꝩitsamligri
rikis stiorn oc goðum orlausnum
um oll ꝩandænda mal eða allz kyns
nauðsynium er firi hann ꝩæri bornar oc skallt
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close