Abiron oc Dathan þa er þeir hœyrðu þat af
Moysi at þeir hofðu misgort þa urðu þeir
reiðer amot oc iðraðuz æigi oc fello þeir þꝩi
ꝩægðar laust at þeir leitaðo ængrar ꝩægðar
Ðeiʀ eʀ bygðu Iericho eða Amalech þa hofðu
þeir margha dagha þat hœyrt at þeir hofðu
illa gorthvartꝩæggia moti ꝩilia guðs oc
sꝩa folki hansen alldri buðu þeir yfir bœtr
hælldr buðu þeir at hallda ꝩarnir mæð ꝩapnum
firi ser oc urðu þeir mæðr þꝩi sigraðer
at ꝩæghðar lausri hæfnd En þeir er i hinum
siðaʀrum dœmum synda ec þer um Aaron
oc Ur eða Dauid eða allir aðrir þeir er i
þeim dœmum gat ec þa dulðu þeir æcki illꝩirkia
sinna gengo sꝩa ꝩiðr sinar afgerðer
sæm þær ꝩaro bæidduz firi þꝩi ꝩægðar oc
licnar at þeir ꝩænnto þæss at þeir munde
fa oc buðu hans dom til yfir bota er þeir
ꝩissu at ꝩalld atti a dominum oc heto þꝩi at
alldri siðan munnde þeir i þær sacar falla
æf þeir kœme þa í fullaʀ sætter Sunr
nu ꝩil ec þærs spyria hvi sꝩa mykit skildi
mæð þeim Petri oc Iudaoc man þo
synazt sakir þœiʀa licar ꝩæraIudas hvarf
aptr mæð pænningom þeim er hann hafðe fengit
oc iðraðezt uraðs sins oc gecc igegn
at hann hafðe sællt saclausan hæʀra sinnoc kastaðe
a braut þeim fiarlut oc kꝩaz æigi hafa
ꝩilia eʀ hann hafðe sꝩa rangliga at komizt
Nu tyndezt hann þo at hann iðraðezEn Petr toc