menota

Menota data services

Menu Search
46r AM 243 b α fol (AM 243 b α fol)  - 46v 47r 

On this page...

  • No text linked to this page in database

Images

eða kꝩistir af æino hværio treÞar ꝩæx
fyst upp æinn bulr afrotonum oc kꝩislaz
siðan mæðr marghum greinum oc limum oc
hværn er þu tæcr liminn oc rannzakar mæð
rettri at hygli þa er þat iafnan fast ꝩið bulit
þann er upp er ꝩaxinn firi andꝩærðu afrotonum
oc niota allir limirnir oc kꝩistirnir
þæiʀa ʀotanna er sialft treet stænndr áEn æf
þu hœggr af æinn hværn liminn oc kastar langt
brot fra treno oc finnr sa æinn hvæʀr á er
ukunnict er hvar staðet hæfit þa þycki
honum slicr sa kꝩistr sæm æinn hvæʀr annra
sa er hann finnʀ a sinum ꝩægh þꝩi at hann ꝩæit ækki
til hvar hvæʀr hæfir staðitEn æf
hann bæʀr aptr til hins sama stofns er af hio
oc læggr þar ꝩiðr þa bæʀr kꝩistrinn sialfr
ꝩitni um af hværium rotum hann er upp runninn
Nu er mæð sama hætti um skyring rœðu
hvæʀrar sa er goða skyring hæfir til þæss
at rœðan fari rett þa hæfir hann oc skilning
til þæss at skyringin fari rettEn mæð
þꝩi at ec hœyrða at sumir luter hafa þeir
ꝩærit iþæssaʀri skyring er æigi hafa opt
ꝩærit hœyrðer þa ꝩil ec nu stunndum spyria
mæðr þꝩi at optaʀr hæfi ec sꝩarat en spurt
Oc ꝩil ec nu þærs spyria hꝩart noccorir
lutir ero þæir er þu hæfir askynia orðit
iþæssaʀri rœðu fyʀrSunʀ
Ero þeir sumer luter oc þo æigi marger
Þat hæfi ec hœyrt hærmt fra orðum
Luciferi at hann kꝩaz ꝩilia sætia sæti sitt iamnhatt
guði en ængi hæfi ec hœyrt fyʀri andsꝩor
skyrð þau er Guð ꝩæitti þar a mot en
nu skyrðu þerFaðer
Enn ꝩil ec framaʀr spyriaHꝩæʀrn ætlar þu
þann hærmt hafa orð Luciferi er hia stoð
oc hœyrði þæssi sꝩica full drambyrðiSunr
þærs nafn er æigi skyrt firi mer
oc æigi þycki mer ꝩist at sa hafi æinn hvæʀr
fra sagt er hœyrt hæfir firi andꝩærðu
Faðeʀ þat skallt þu þo til
ꝩiss ꝩita æf sa hæfir hærmt fra orðum
Luciferi er hœyrði þau firi anndꝩærðu
þa munndi hann at ꝩisu hœyra þæssor anndsꝩor
guðs sæm nu hæfi ec fra sagt oc mætti
hann skyra hvara tꝩæggio rœðu æf hann ꝩilldi
þꝩi at annat tꝩæggia munndi hann hœyra baðar
eða hvargaEn æf hann hæfir æpter ætlan
hærmt sꝩicligh drambyrði Luciferi þa
mætti hann ꝩæl æpter ætlan skyra sannligh
andsꝩor guðs til hæfndarinnarþꝩi at
annat hvart hæfir orðin sonn hvartꝩæggia
eða hvargi þꝩi at aþæiʀi samu stunndu er
Lucifer gerði loghbrot annat hvart mæð
hugrænningom eða mæðr orðum þa hugði
Guð þægar alla hæfndina þa er ꝩæra skylldi
fra hinni fystu stunnd oc til hinnar œfsto
þꝩi at sꝩa er mykil gnott guðlegs manꝩitz
oc ætlanar at forsia guðligrar
glogþæcni gripr i æino auga bragðe
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close