menota

Menota data services

Menu Search
45r AM 243 b α fol (AM 243 b α fol)  - 45v 46r 

On this page...

  • No text linked to this page in database

Images

orðin i sakar ꝩorn yckarʀi en aðr ꝩaro i loghbrotum
Firi þꝩi skolo þit þola þann dauða
er ec het yccr þo at þit fallit æigi þægar
dauð niðr þa skolo þit þo langar hæfndir
taca iycrum dauðafiri yccart logbrot
oc ængaʀ kynkꝩisliʀ skolo þæʀ af
yccr koma er æigi skolo sꝩara þæssum logbrotum
En þa stund er þit lifir a iorðu
þa skolu þit þola sorghsamleghar nauðer
i stað þæss er þit kunnut æigi at geta
frialslegrar sæloEn firi þat at þu gerðer
fyʀri loghbrot en Adamrþa marghfallda
ec þæssar nauðer þinar um fram þat er
þit skolut bæði kenna Ðu skallt under
ꝩæra orpin ꝩælldi bonda þins oc allum hans
forræðum oc synaz hvar- ꝩætna minni firi
þer oc lægri i augliti sona yccaʀaBorn
þau er þu getr i lostasamlegri girnd þau
skallt þu fram leiða mæð sott oc nalgandez
lifs haskaþu skallt oc skylld at ꝩæita
bornum ycrum alla þionosto mæð starfi
oc sorghsamligri ónn i upp fœði þæiʀa
Þa mællti guðNu er Adamr orðinn sꝩa froðr
sæm æinn hvæʀr ꝩaʀrꝩitanndi goða luti oc
illaVariz þer at æigi nœyti hann af lifstre
firi utan lœyfisꝩa sæm hann nœytti af froðleics
æplumat æigi liꝩi hann æilifliga i sinum sæctum
Þꝩi næst skipaðe Guð cherubin at ꝩardꝩæita
þann ꝩægh er liggr til lifstres mæðr
ælligho sꝩærði þat er iamnan sꝩipar allan
ꝩægh mæðr ælldbitrum æggium sꝩa at ængi
mægi þar fram coma firi utan lœyfi Ðꝩi næst
mællti Guð ꝩið AdamFirir þꝩi at þu lydder
mæiʀr uraðe kono þinnar hælldr en
heilræðum minum oc neꝩttir kꝩiðiaðan
aꝩoxt iarðaʀ firi bolꝩaz iorð i ꝩærki þino
su er þer gaf allan girniligan aꝩoxt sꝩa
sæm mæð moðurligri milldiNu skal
hon synia þer aꝩaxta þæiʀa er þer se sœmilighir
til nœyzlu sꝩa sæm ryggliga reið
Þistla oc illgræsi skal hon gefa þer i aꝩoxt
nema þu faghir hana mæð ꝩærcnaðe sꝩa
at hon dræcki sꝩæita þinn þꝩiat heðan
ifra skallt þu mæð starfi afla þer matar
a iorðuÐꝩi næst gaf guð þeim Adami
oc Eꝩꝩo skinnkyrtla oc mællti ꝩid þauMæðr
þꝩi at þit skamþuz noctra lima þa hylit
yccr nu mæðr starfs ismottum oc uglæðis klæðum oc farit nu aꝩiðatto iarðar
mæðr annsamligho starfi oc leitit yccr
fœzloþo skulu þit hꝩilaz i dauðligho faðmlagi
iarðar oc snuaz aptr natturulegh
i dauðligh æfni þar er þit ꝩarut af tækin
firi andꝩærðuÞa mællti AdamrMiskunn
oc rett dœmi þacca ec þer drottinn minn
þꝩi at ec skil gorla storar afgerðer minar
sꝩa þæcta ec oc miskunn þina þꝩi at ec man
æigi tynaz licnarlauss sæm LuciferRyggr
man ec stiga niðr til dauðlighra hælꝩitis
skugga þo man ec iamnan glæðiazt iꝩan
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close