menota

Menota data services

Menu Search
42v AM 243 b α fol (AM 243 b α fol)  - 43r 43v 

On this page...

  • No text linked to this page in database

Images

minniEn þꝩi gef ec yðr allum sialfræði
á hvart er þer ꝩilit hælldr briota þæssi
loghmal eða hallda at þeir er hallda
þa ero þeir ꝩalder mer til kosinna gersima
en þeir er briota þa ꝩærða þeir firi
hatri oc ræcnir til qꝩalsamligrar anauðar
oc uꝩingiarnligrar þionosto
Þæsser ænglar ꝩaro allir faghrir oc
þo ꝩar æinn fægri allum þeimoc ꝩar
hann firi þꝩi Lucifær kallaðr oc ꝩar hann skipaðr
hofðingi iꝩir morghum ænglumoc neig
mykell fiolði ængla til hans mæð þionosto
oc allri ꝩinattoEn þa er Guð
hafðe lokit þæssaʀri rœðuþa hvarf
Lucifer sꝩa sæm í norðr fra Guði mæðr
allum sinum fylgiarum oc mællti sꝩaHꝩi
skolum ꝩer þola hot af guði firi þionosto
ꝩara þar sem ꝩer hofum sialfir yfrinn
crapt oc fægrð oc fiolðaat hallda ꝩaʀri
sœmðNu man ec sætia mer annat
hasæti lict guði í nœrðra lut himins
eða mæira oc ꝩarðꝩæita mæðr agetligri
stiorn annan hælming himins eða meira
Ða sꝩaraði Guð oc mællti ꝩið Lucifer
Mæðr þꝩi at þu hæfir logbrot gort
mæðr sꝩicligri upreist þa mattu ænga
staðfæstu hafa længi mæð oss
oc mæðr þꝩi at þu ꝩillt rikis gezlo
hafa þa far þu nu til rikis er þer er
buit oc skallt þu nu hafa nauð firi frælsi
oc ꝩæsolld firi sælo hværs kyns harm
on alla huggan fylgi þeir þer allir
er æigi ꝩaro gagnstaðligir þinni raðagerð
En þa er Guð leit til ti þæiʀa reiðuliga
þa skulfu himnar allir í ogliti
guðs en uꝩinir hans flyðu mæðr
ogorligo niðr ꝩarpi oc gerðu leiðilict
lita skipti mæðr brot orpinni fægrd
Þꝩi næst hitto þeir alla þa staðe er
þeim ꝩar til ꝩisat oc dræifðuz þeir um
allar hælꝩitis holorskipaðer mæðr ymisligho
æmbætti oc skilðiz mæðr þꝩi myrcr
fra liosiEn æptir þat er Guð hafðe mann
skapaðan oc hann ꝩar skipaðr í sælldar lifi
í paradisoþa mællti Lucifer til sinna
felaghaÞæssum man Guð hafa ætlat
riki þat er hann rac mec ífra æf hann gerir
æigi misbrigði igegn hans ꝩiliaEn þo
at hann skipaði aðrum ænglum iꝩart riki
þa mættem ꝩer þat alldri þola æf ꝩer fengim
noccot at gortEn þætta er oss of mykil
skom at maðr sa er gorr ꝩar afleiri
eða saurgu iarðar dufti skal ꝩæra
leiddr i þa æilifa sælo er ꝩer ꝩarum fra
ræknirFiri þꝩi skolum ꝩer iamnan
bæriazt ꝩiðr hværn þæiʀa er þannug
stunndar oc hæfna ꝩars skaða mæðr
grimligri heipt á allum þeim er ꝩer
fam sigratFiri þꝩi skal ec ꝩiðr leita
at ꝩinna sigr a hinum fyrsta manni er Guð
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close