menota

Menota data services

Menu Search
42r AM 243 b α fol (AM 243 b α fol)  - 42v 43r 

On this page...

  • No text linked to this page in database

Images

at ꝩæra at marghir se þeir aðrir er æigi
skili hælldr en ecEn þat er um Orminn er
þer sagðut at kom til Eꝩꝩo oc mællti
ꝩiðr hana mæðsæm maðr oc æggiaðe hana at gœra
logbrot oc ꝩil ec nu þærs spyriahvart ormrinn
ꝩar sꝩa skapaðr at hann mællti hælldr en
annur kyckꝩænndi eða mællto fleiri kykꝩænndi
i þann tima þo at nu se oll dumba
eða hvær soc til ꝩar at ormrinn ꝩilldi konona
leiða til loghbrotaFaþeʀ
Uit hofum mioc langa rœðu í munni
hafða oc æf ꝩit skolum hana glosa alla
þa ꝩærðr þat auki mykill langrar rœðu þꝩi
at þat er allꝩist at fa orð munu þau ꝩæra
í occaʀri rœðo er æigi man þurfa at glosa æf
allfroðr maðr kœmr til sa er gerla kann at
skilia allar þæssar rœður oc þycki mer þat
sannligri at ꝩer takim rettan framgangs
ꝩæg upp hafðrar rœðuen ꝩer hirðim aðrum
þat starf at glosa occrar rœður þeir er siðaʀr
hœyra oc þat starf ꝩilia æiga mæð margsmogalli
at hygliEn mæðr þꝩi at hvær
spurning litr til nocorrar orlausnar oc
anndsꝩaraþa er þat rett at ec luki up noccot
þæssaʀri rœðu firi þer at þer ꝩærði liosari
firi aughumeða þeim aðrum er æigi skilia hælldr
en þu oc man ec þo fara um þat fáám orðum
firi þꝩi at ec ꝩil æigi ꝩæra mioc krafðr at glosa
minaEn þar er þu spurðir þæss hꝩart
ormr eða annur kykꝩænndi ꝩaro skapað
til mals i þann tima er Adamr ꝩar skipaðr
gezlo maðr í paradiso þa skallt þu þat ꝩita
ꝩist at ængi likamleg skepna ꝩar su er mal
ꝩar gefit nema manninumEn þar er þu
leitar æpter þꝩihꝩi ormrenn fecc mal
eða hꝩi ormrenn leiddi konona til loghbrota
þa er nu skyrannde þatEn þat er upphaf þæiʀar
skyringar at Guð hafði fyʀri skapað ængla
en mænnþeir ꝩaro allir skapaðer mæð
mykilli fægrd udauðlighir anndar on allan
likamleghan brœyskleikþo ꝩaro þeir skapaðer
mæð mykilli fægrd under þæssaʀri
lagha gezlo at þeir skylldu hallda lyðni
oc ast sæmð ꝩiðr skapara sinn mæðr litillæti
ón alla flærðUar þeim þꝩi heitit at
þeir skylldu hallda allri fægrd oc allri
annaʀri sœmd þeiʀri er hann hafði gefit þeim
æ mæðan þeir getti þæssaʀra laghaÞo
gaf hann þeim frialslict sialfræði at þeir
skylldu mæga gœra loghbrot æf þeir
ꝩilldi oc mællti sꝩa guð ꝩið þa Mæðr þꝩi
at þer ꝩarut allir isænn skapader oc ængi
af aðrum getinn þa skal hvæʀr yðaʀr firi sealfum
ser gera en ængi firi aðrumhvart sæm hælldr
ꝩærðr gett þæiʀa lagha sæm nu hæfi ec
sætt eða ꝩærða þau brotinEn æf noccorer
ero þeir er þau briota þa skulu þæir
ꝩæra ræcnir or þæsso sælldar lifiEn þeir
er geta þa hafa þeir iamnan oþrotligha
sælo oc ænda laust lif i sœmilegre þionosto
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close