menota

Menota data services

Menu Search
41v AM 243 b α fol (AM 243 b α fol)  - 42r 42v 

On this page...

  • No text linked to this page in database

Images

i domi sannændi oc rettꝩisiEn þær annan
ꝩægh at domi friðsæmi oc miskunnNu skalu
iamnan þær sattar ꝩæra oc samþyckar
a hværium domiEn iðulegha bæʀr sꝩa
til at friðsæmi oc miskunn skytr allum domi
under sannænnde oc rettꝩisi oc samþyckiaz
þo domi æigi at siðrStundum
er oc þat at hvæʀ þæiʀa systra hafa fullan rett
i domi æpter tali rettoEn stunndum kann
sꝩa til at bæra at mæiri lutr doms ꝩikr
unnder friðsæmi oc miskunnoc samþyckiaz
þo allaʀ systr i domi æigi at siðrÞat hæfir
oc stundum hænnt at skipaðum domi oc
staðfæstum þa hæfir friðsæmi oc miskunn
ꝩæitta licn firi bœnar orð oc iðran þæss er
þurft hæfir licnarSᴠɴʀ
nu ꝩirðiz mer sꝩa sæm þætta se ænn meira
ꝩandænnda mal en ec hugði fyʀr
þꝩi at þar man mykit ꝩit oc skynsæmð ꝩiðr
þurꝩa at blannda sꝩa geði þæssaʀra systra at
þær skulu iamnan samsattar ꝩæra oc ꝩælltr
þo domr stunndum mæiʀr i annan stað en annan
þꝩi at þer gator þæss i yðaʀri rœðu at
stundum ꝩælltr allr domr under sannænde
oc rettꝩisi firi utan allar ꝩægðerEn stundum
ꝩælltr mæiri luti doms unnder friðsæmi oc
miskunnÞæss gator þer oc at stundum hafi
brigð a ꝩærit gor skipaðum domi oc staðfæstom
Nu æf her ꝩæri dœmi til þæssaʀra luta mæðr
þꝩi at þer sagðut til flæstra luta dœmi mæga
finna æf at ꝩæri leitat þa ꝩillda ec nu
giarna hœyra þæssi dœmi er at mer ꝩæri þætta
liosare firi aughum oc sꝩa aðrum þeim er hœyrði
allra skylldazt man konongom ꝩæra at ꝩita
her goð skil á sæm allum adrum þꝩiat þeir
munu optazt slicra luta ꝩið þurfa
Faðᴇʀ Sꝩa er nu mykel fyrnd
at heiminum at ꝩarla munu nu þæir
luter kunna til at ꝩærða er æigi munu
dœmi til finnaz at fyʀri haꝩa orðit oc
munu þꝩi ꝩarla þeir luter kunna til hannda
bæra er æigi man froðr maðr dœmi til
finnaEn til þæssa lutar eru þau dœmi
er sꝩa arla urðu at ec ꝩæit ængi fyʀri hafa
ꝩæritat allr domr ꝩallt unndir sannænndi
oc rettꝩisi firi utan allar ꝩæghðerÐa er
Lucifer ængill i himnum ꝩar drottenssꝩiki
oc gerði niðings ꝩærc mot sinum hæʀra
þa dœmði sannænnde hann oc rettꝩisi mæðr
skynndiligho niðrfalli on allraʀ licknlegar
ꝩanirI þæssom domi fello mæð hanum
allir hans felaghar oc raðunautarÐæsse
ꝩaro þau logbrot er guð ræfsti mæðr
ꝩæghðar lausum domeSunʀ
þærs ꝩillda ec nu biðia yðr at þer
letir æighi leiðazt yðr þo at yðr þœtti
spurning min bærnsleg ꝩærða oc ufroðleg
suer mec fysir at spyria yðr oc
mæðr þꝩi at ec skil æigi til fullz þa luti
er ec ætla nu æpter at spyriaþa kann þat
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close