menota

Menota data services

Menu Search
40v AM 243 b α fol (AM 243 b α fol)  - 41r 41v 

On this page...

  • No text linked to this page in database

Images

ycr hallkœm oc hælldr til fulltins en uliðs
Sannænde gecc fram oc mællti ꝩið AdamHygg þu
at þꝩi æf rœða þarf mal þitt at þu liugh
æckiþa em ec i ꝩitnis burð mæð þerSegh
sꝩa fra allum lutum sæm ꝩærit haꝩa þꝩi
at þægar er þu lygr noccot þa em ec iꝩitnis
burð moti þerRettꝩisi gecc fram oc mællti
Þat er mitt skylldar æmbætti at skygna
um þat at þu ꝩærðer æigi dœmðr mæð rangum
domeEn þꝩi gagnstaðligri ꝩærðec
þer sæm þu ꝩærðr mæiʀr ꝩið lyghi kenndr
oc ranglætiMiskunn gecc fram oc mællti ꝩið
AdamLicn oc hialp man ec ꝩæita þino
mali æf þu hælldr ꝩæl alla þæssa luti er
systr minar haꝩa lærðan þicEn er Adamr
ꝩar ræddr orðinn þa for hann at fæla sec millim
tria at hann skyllde æigi nockꝩiðr seenn ꝩærða
En at miðs dags tima gecc guð at sea iꝩir
fægrd paradisar oc gezlo AdamsEn mæðr
þꝩi at hann sa æigi Adam staddan a slettre ꝩiðatto
þa kallaðe hann til oc spurðe hvar hann ꝩar
Adamr sꝩaraðeÞꝩi fal ec mic drottinn at
ec skamðumz at ꝩæra nockꝩiðr i þino augliti
Guð sꝩaraðe hanumHꝩaðan af kunnir
þu nu hælldr at skammaz þæss at þu ꝩart
nocqviðr en fyʀr mæiʀr í occaʀri rœðu nema
þu hæfir brotit logh oc ætit af froðleiks æplum
þeim sæm ec hafða þer bannat
at nœytaAdamr sꝩaraðe sꝩa sæm ꝩærianndi
sina socKona þæssi er þu gaft mer
hon æggiaðe mec þærs uraðsHæfða ec æinn
saman ꝩellt um mitt rað oc hæfðer þu
æigi þæssa kono mer gefna til raða gerðar
mæð merþa munda ec halldit haꝩa skipat
loghmal oc æighi brotit þin boðorðÞa
mællti Guð ꝩið EꝩꝩoFiri hvi kender þu bonnda
þinum þætta urað at hann skylldi loghbrot
geraEꝩꝩa sꝩaraðe sæm ꝩærianndi sina sok
Ormr þæsse hinn orðslœgi reð mer þætta urað
hæfði hann æigi ꝩærit skapaðr eða til mins
funndar komit þa munnda ec æigi þætta urað
tækit haꝩaÐa mællti GuðMæðr þꝩi at
loghbrot ero nu gorþa ꝩil ec nu at þær
mœyiar er ec sætti til gezlo um ockat sattmal
se i domi mæðr ossÞa sꝩaraðe sannænnde
Ðat er mitt skylldar æmbætti
at syna soc Adams mæðr þꝩi at hann lœyndi
mæð lyghi þꝩi er mæst ꝩar soc til oc loghbrot
af hans hænndiEn þæssi ꝩar soc mæst
til af yckaʀri hænndi at æplin ꝩaro foghr
oc girniligh oc sœt at bærghiaen þit girntuz
mioc at ꝩæra froðari en yccr ꝩar loꝩat
oc dryghþu þit i þæsso stulð er þit hugðuz
lœyniligha takaEn agiarnlect ran þar
sæm þit tokut firi lœyfiEn mætnaðar samlect
dramb þar sæm þit ꝩilldut Guði lik ꝩæra
í froðleic yckrum um þat fram sæm yccr ꝩar
loꝩatÐa mællti Guð ꝩiðr friðsæmi at hon
skylldi mæð noccorum orðum dœma um þætta
malEn friðsæmi sꝩaraðe a þæssa leið
Mæðr þꝩi at þu sætter mec til þærs at ꝩarð
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close