menota

Menota data services

Menu Search
39r AM 243 b α fol (AM 243 b α fol)  - 39v 40r 

On this page...

  • No text linked to this page in database

Images

iarðligum konongdomi taka þo at hann ætti kosti
oc fylldi hann þau orð er Dauid hafði mælt
Drottenn ræðr himna rikien hann hæꝩit r at
sonnu geꝩit sonum manna iarðlict riki
Nu ꝩilldi Guð hælldr sœma iarðligan konong oc
konongdom mæðan hann ꝩar aiarðriki en mæðr
noccorum fradrætti haꝩa þꝩi at Guð ꝩilldi æcki
þat fra iarðligo riki taca er hann hafðe aðr
iarðligum hofðingium gefit at stiorna oc
synnde guð sec i fullri lyðni ꝩiðr keisaʀann
Sꝩa skalltu oc þat marca at þar sæm Guð bauð
Petri postola sinum at ranzaka þann fyrsta
fisk er hann up drœgi oc taka þar pænning
or munni hans oc æigi ꝩilldi guð at hann rannzakaðe
annan fisk eða hinn þriðia nema hælldr
hinn fysta at hꝩæʀr maðr skal i allum lutum fyst
sœma konong oc konongliga tighn þꝩi at guð sialfr
kallar konong ꝩæra krist sinn oc hꝩæʀr konongr er fulla
konongs tighn bæʀr þa heitir hann mæð retto cristr
drottinsSꝩa mællti oc postoli guðs i læringom
sinum þa er hann lærði folk til rettrar
truarRæðez þer guð oc tighnit konong yðarn
naliga sæm hann qvæði sꝩa at orði at sa ræðezt
æigi guð er æigi ꝩæiter konongi fulla tighn
Nu a þꝩi konongr hvæʀr sæm þu gatzt ꝩist at
ꝩæra ꝩitr oc marghfroðr oc þo goðꝩiliaðr
at hanum hœꝩir sialfum at kunna a þꝩi goða
skilningat hann er þo sialfr þionn guðs
þo at hann se sꝩa mioc miklaðr oc tighnaðr í
haleitri Guðs þionosto at allir niga til hans
sꝩa sæm til guðs þꝩi at allir þiona guði
i þꝩi oc hælgu nafni eʀ hann bæʀr en æigi sialfum
hanumFirir þꝩi er þat upphaf i konongs naturu
at allir bæra af hanum ogn micla oc ræzlo
sꝩa at ængi er firi utan agha er hann hœꝩrir
næfndanen hann a sialfr sic at syna letlatan
oc bliðan allum goðum mannum at ængi
hafi sꝩa mykla oghn af hanum at hann blœyðiz
at bæra oll nauðsynia mal sin fram firi konong
firi hans grimleiks sacar Ðætta á um nætr
at ꝩæra hans skylldar reiða eða sysla þægar
hann er saddr af sꝩæfni at bæra ahyggiu firi
allu riki sinu hværso hann skal þærs skipa
eða siða er guði mæghi hællzt lica su hans
ahyggia er hann bæʀr þar firi oc sꝩa oc hværsu
hanum sialfum mæghi rikit ꝩærða nytsamligazt
til allraʀ lyðni ꝩið secHænnda
gloggþæckliga þat hof hværsu striðligha
hann skal hinum rika aptr halldaat hann ꝩærði
æigi of agiarn ꝩið hinn fatœkaSꝩa oc
mæðr munndangs hofi fram at dragha hinn
fatœkia at hann gœrizt æigi of diarfr ꝩið
hinn rika oc þarf hann þat sannynda samlega
at skipaoc skyghna at hvæʀr se munndangs maðr i þæiʀi tighund sæm hann er i skipaðr
Þat þarf hann oc ꝩandliga at hughleiða ꝩiðr
sialꝩan sec æf hann þarf ræfsingar ꝩiðr þa
er æigi ꝩilia þꝩi una er Guð hæꝩir þa til
skipaðaat hann se i sinni ræfsing hværgi sꝩa
blauðr at firi of mykillar blœyði hans sacar
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close