menota

Menota data services

Menu Search
38v AM 243 b α fol (AM 243 b α fol)  - 39r 39v 

On this page...

  • No text linked to this page in database

Images

hæꝩir sꝩa mykit ꝩalld af Guðe fengit at
þau ero oll synda laus manndrap er æpter
hans boðe eru gorþa hugða ec þat at hann munnde
æiga allꝩitr at ꝩæra oc forsiall oc retlatr
i allu sinu athæꝩi oc þarf ec firi þꝩi at þer
skyrit inniliga firi mer þæssa luti sæm
nu hæꝩi ec spurðaæf yðr synizt sꝩa at þat
se æigi til heimskliga spurt eða mer se
æigi of mykil dirfð í at forꝩitnaz um
athæꝩi sꝩa storra mannaFaðer
Ecki er þæssaʀra luta sꝩa heimskliga
spurtat æigi ma iamꝩæl um þat rœða
hvat iðrott konongrinn á at hafa i sinum konongdomi
eða mæðfærðum sæm aðrir mænnEn þat er
hans ꝩist skylldar æmbætti at næma
manꝩit oc froðleicoc a hann ꝩist at ꝩæra
marghfroðr um oll dœmi þau er ꝩærit haꝩa
at hann mægi þaðan skilning af taca til allrar
stiornarþæiʀar er hann þarf at haꝩa i sinum konongdomi
En þat er þu gazt þæss at hann er tighnaðr
oc miclaðr a iorðuoc aller luta til hans
sæm til guðs þa ero þau þar til gong at
konongrinn mærkir guðligha tign þꝩi at hann bæʀr
nafn sialfs guðs oc sitr hann i hinu hæsta
domsæti á iorðu oc er þat sꝩa at ꝩirða sæm
maðr tigni guð sialꝩan þa er hann tignnar
konong firi nafns þæss sacar er hann hæꝩir af guðe
Oc synði Guðs son þæssi dœmi þa er hann ꝩar sealfr
a iorðu at allir æighu konong at tighna oc alla
lyðni at ꝩæita þꝩi at hann bauð sꝩa Petri postola
sinum at hann skylldi dragha fiska af unnder
diupum ꝩatna oc opna þærs fisks munn er
fyrstan tœki hann oc kꝩað hann þar munndu
pænning unnder liggia oc bað hann þann
pænning keisara i skatt giallda firi þa baða
Nu skal i þæsso mærkia at hvæʀr maðr
a iorðu er til þærs skylldr at sœma oc
tighna kononglect nafn at þat sæm iarðlegr
maðr hælldr af guðeþꝩi at sialfr Guðs
son let ser sama at tighna sꝩa mioc kononglect
nafn at hann gerðe sialꝩan sec skatgilldan
konongdominum til sœmdar oc þann lærisꝩæin
sinn er hann skipaðe at ꝩæra hofðingia yfir
allum postolum sinum oc allre kennimannlighri tighn
Sunʀ her er noccor
salutr er ec þarf nu sæm fyʀr yðaʀrar
orlausnar ꝩiðr þꝩi at mer ꝩærðr þætta
æigi liost firi aughumÞer gator þærs er
mer þycki liclict at konongrenn hæfir hælldr
holeitt nafn at tign oc sœmð af guði
sialfum en þat ma mer æigi liost firi augum ꝩærða
hvi Guð sialfr gerðe sic skatgilldan
iarðligum konongi þar sæm ec hygg at hann munnde
ꝩæra yfir allum aðrum konongum þꝩi at hann ræðr bæðe
himnæsko riki oc iarðligo
Faðeʀ IÐꝩi skalltþu þat marca at Guð
tighnaðe sialfr iarðligan konongdom at þa
er hann steig af hinni hæsto hæð himins oc til
iarðrikis þa ꝩirði hann sec her sꝩa kominn ꝩæra
mæð mannum sæm gest oc ꝩilldi hann æcki af
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close