menota

Menota data services

Menu Search
38r AM 243 b α fol (AM 243 b α fol)  - 38v 39r 

On this page...

  • No text linked to this page in database

Images

Sunʀ Guð launi yðr hæʀra minn
at þer ꝩilit geꝩa yðr til þærs stunnd
oc tom mæðr mykilli þolinmœðe at sꝩara
sꝩa nytsamlegha allum spurningum minumþꝩi
at þæssar rœður manu mec leiða til meiri
nær kœmi um minn athuga en fyʀ hafða ec
Ðat kann oc at ꝩæra at þeir ꝩærðe ænn noccorer
fram a leið at skynia þæssa froðleics rœðo
er heðan af mæghi ænn hvartꝩæggia næma
manꝩit oc goðar skilningar eða aðra dugannde
siðu En ec girnumz ænn fram a leið at spyria
fleiri luta þæiʀa er ec hæfi mer ihug
til minnar forꝩitnioc ꝩil ec þærs biðia yðr
at þer latir yðr ænn æigi leiðazt mec at læra
fram a leiðfiri þꝩi at yðart lœyfi dirꝩir mec
ænn til þæiʀra dælleica ꝩið yðr at lata ækki
þat æpter liggia er hugr minn forꝩitnar
En ec þyckiumzt þat sia at sꝩa horꝩir þæsse rœða
til at ænn munu þeir margher luter æptir
ꝩæraeʀ þeim manni man nauðsyn at
ꝩita oc værða ꝩæl askynia er sœmðar maðr
ꝩill mæðr kongom ꝩæraeða aðrum storhofðingiom
oc stunnda ec ænn til þæiʀaʀ rœðo fram a leið
En ec ꝩil þo nu ænn at sinnsakum forꝩitnazt
um stœʀri mænn hælldr en þa er þiona skolu
under þeim er rikir eroþꝩi at mer skilst þat
at þeir ero skyllder til eʀ þionostu mænn ero
at geta hvarstꝩæggia hinna bæzto siða eða
froðleics eða manꝩitz oc allrar raðꝩændi
þa man all mykel skyllda aþyckia um hina er
hofðingiarnir skulu iꝩir ꝩæra oc allir
aðrir skulu til þiona at þeir se bæðe froðer
oc ꝩitrir oc allskyllt man þeim at ælska aðra
raðꝩændi þar sæm þeir æigo cost a allum
aðrum til ræfsingar þeim sæm æigi ero raðꝩander
Firi þꝩi ꝩil ec nu þæss spyria mæð
yðru lœyfi hværia siðu konongrinn sialfr skal
haꝩa þa er hanum bæri ꝩæl i sinum konongdomi
Sægit mer sꝩa skilꝩisliga at ec mæghi skilia
hvat hans er skylldar æmbætti eða
athæꝩi snimma um morna eða hværir
luter siðan æigu at fylgia hans
athæfi a allum dæginum þꝩi at hann er sꝩa
mioc miclaðr oc tighnaðr a iorðu at aller
skulu sꝩa luta oc niga til hans sæm til Guðs
hann hæꝩir oc sꝩa mykit ꝩælldi at hann ræðr hværs
lifdagum þærs er i hans riki er sꝩa sæm hann
ꝩillLætr þann dræpa er hann ꝩill en þann liꝩa
er hann ꝩillEn þat hæfi ec seet æf maðr ꝩærðr
mannz bani at allir raðꝩander mænn hafa
hann siðan í styggleik sꝩa sæm heiðinn mann oc
er þat kallat mykel synd at dræpa mann oc tæcr
sa er þat gœrir storar skriptir oc mykit meinlæti
aðr en cristnir mænn ꝩili hann aptr taca
i sina samnœyzloEn þer gator fyʀr iyðri
rœðu at ec skyllda skirraz oll manndrap
oc leto þer þat fylgia at oll þau mandrap er
mæð konongs boðe ꝩæri eða í orrostum þa skylldaz
ec þau ækki meiʀr skirrazc en æitt hvært
þat annat ꝩærk er gott ꝩæri Nu æf konongrin
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close