menota

Menota data services

Menu Search
37r AM 243 b α fol (AM 243 b α fol)  - 37v 38r 

On this page...

  • No text linked to this page in database

Images

truarþa syndez þeim baðum at þat ꝩæri æigi
fallit at leiða þau i þa freistni at þau ꝩæri
domarar yfir þæssaʀri þræto oc leto þau
firi þꝩi rannzaka mæðr allri æpter leitan
millim allra spækinga æf noccorir mætti
þeir finnazk i þæiʀa fiolða er sꝩa uruggeʀ
ꝩæri at manꝩiti eða at retlæti eða sannsyni
at aller þæir sæm þar ꝩaro komner
mætte trua þeim til rettdœmis um
þæssa þrætoEn þa er allr fiolði ꝩar rannzakaðr
þa funnuz æigi flæiri þeir mænn
en tꝩæir er mænn þorðo ser til domara at kiosa
iꝩir þæssom stormælumen þeir mænn ꝩaro
baðer heiðnir oc ꝩaro hvarki bunnir ikristinna
manna logh ne i Gyðinga truAnnaʀr
þæiʀa het Craton hann ꝩar spækingr mikill oc
ꝩæl lærðr til allz manꝩitzUin ꝩar hann rikia
mannaoc fal sic ꝩæl þeim ahænnde en alldri
ælskaðe hann mæiʀr iarðlig auðœfi en hann þurfti
til klæða oc sinnar fœzloEn þo at rikis
mænn gefi hanum meira er hann þurfti þa gaf
hann þat allt fram a leiðþeim sæm þurftighir
ꝩaro oc af gecc hans nœyzluþat ꝩar oc hans natura
at hann ꝩar falatr oc sann mælltr oc æigi ꝩissu
mænn at i hans munni ꝩæri lygi funnin oc
synndez sꝩa allum at macligleikr munꝩitz
oc goðrar natturu er hann hafðe mætti ꝩæl kiosa
hann til at ꝩæra domari iꝩir sliku stormæli
En annaʀr sa er til domara ꝩar kosinn ꝩaʀ kalllaðr
Zenophilus at nafni hann ꝩar æinn rikr
hærtogi oc agetr en þar sæm hann hafðe
rikis gezloþa ꝩissi ængi maðr dœmi til
at hann hæfðe hallat rettum domi hann ꝩar mykill
snilldar maðr at mælsko oc ꝩæl lærðr
til allz munꝩitzBliðr maðr i ꝩiðrœðu
oc litillatr þo at hann ꝩæri rikr oc æigi mattu
mænn muna at lygi ꝩæri i hans munni funnin
En at kosnum þæssom domarum af allra manna
hænnde þa sættiz þing kristinna manna
oc Gyðinga oc dœmðu þeir um allar þæiʀa
þrætor sꝩa sæm þeir ꝩaro til kosnir oc
ꝩaro þar sꝩa fundnir sæm fyʀr at þeir
hallaðu hværgi rettom domiEn ec sagða
þer firi þꝩi þæssor dœmi at þu skilðer hvartꝩæggia
litillæti keisarans oc retlæti oc sꝩa
drotningarinnar þar sæm þau ꝩaro hofðingiar
yfir allum heiminum ennda leto
ser þo sama at sitia unnder lyðni kosinna domara
þæiʀa er myklu ꝩaro mínní firi ser
bæði at ꝩallde oc at riki oc at allum aðrum
lutum en þau ꝩaro siolfSꝩa skalltu oc þat
skilia hværsu mykla sœmð þæsser mænn
lutu af munꝩiti sino oc retlæti þar sæm
þeir ꝩaro baðer hæiðnir oc ꝩaro þo iꝩir
allum heímí um skilning heilagrar truar
oc nauðsyniar oc matt þu nu þat þækkia sæm
fyʀr sagða ec þer í occaʀri rœðu at þat skiptir
myclu mali hvat hvæʀr maðr leiꝩir til dœma
æptir secIoseph ꝩar firi burð h vars hæʀra
ih̅c kristz oc kœyptr mæð ꝩærðaurum a
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close