menota

Menota data services

Menu Search
31v AM 243 b α fol (AM 243 b α fol)  - 32r 32v 

On this page...

  • No text linked to this page in database

Images

reistir a ænda næʀ
ꝩighskorðum sꝩa at
þa mæghi þægar a mænn
fælla er nær er gengit
kastala
Brynklungr er oc
gott ꝩapn gorr af
goðu iarni mæð stal harðum
þornum oc biugum oc skal agnor
ꝩæra a hværium þorni en hann þarf sꝩa at
gera at fæstr su er hanum er næst oc mænn
mægo na a up sæm længst þa skal gorr
ꝩæra mæð tinnðaðum iarnrækenðum at
hvarki mæghe hoggit fa ne halldet áEn
upp ífra þa ma haꝩa slict reip sæm fallit
þycki þægar uruct er til styrkiarEn til
þæss er hann goðr at kasta niðr manna millim
oc ꝩita æf hann mætti noccorn mann ꝩæitt fa
hvart sæm hælldr ꝩærðr æinn eða flæirioc
dragha siðan upp til sinLœypi hvel er oc
gott ꝩapn þeim er kastala skal ꝩæria oc
skal gort ꝩæra at tꝩæim kꝩærnsteinum
en axull skal millim ꝩæra gorʀr af sæigri
æik siðan skal læggia ut iꝩir ꝩighskorð
ras holl bord oc skolo þæsse hiol þar a laupa
oc sꝩa ut a folkitSkotꝩagn er oc gott
ꝩapn hann skal gera sæm annan ꝩagn hvart
sæm hælldr ꝩil a fiorum hvelum eða tꝩæim
En hann skal sꝩa bua at lass hans mægi ꝩæra hꝩart
sæm ꝩill af heitu grioti eða kalldu sꝩa scal
oc bua hann at tꝩæʀ fæstar mæghe a honum
hafa sina mæðr hvaʀri siðu ʀamlegar oc
stærcar þær er uruct hallde hanum þægar
hann hæfir yfrit langt rum en hann skal ʀænna
arashallum borðum oc skal þo sꝩa til ætla at
hvel hans missi æigi borðzens en þægar
er fæstarnar tæcr at hæpta ras hans þa skytr
hann af ser lassi sinu oc ut a folkit þꝩi bætra er
oc lass hans er misiamnari griot er i borit
sumt stort en sumt smattþat gera oc þeir
mænn er ꝩitriʀ ero oc kastala skolo ꝩæria
at þat griot er þeir ꝩilia slongꝩa at fylkingum
eða skialldum þa gera þeir af leiri oc
lata innan i smagriot hartbæðe flættu griot
oc aðra harða steina oc brænna siðan
leirit sꝩa hart um utan at þat þoli ꝩæl flaug
mæðan þꝩi er kastaten hvar sæm þat kœmr
niðr þa springr þat allt i sunndr oc ꝩærðr þꝩi
þa æigi aptr slongtEn til þærs skal
haꝩa harða steina oc stora at briota ꝩæggi
stora niðrSꝩa oc er þu kastar or steinkastala
oc at tre kastala þeim sæm moti þer
er eða at oxultriom þeim sæm unnder hvelum
ero gor eða unnder kastala eða unnder steghum
eða grafsꝩinum eða æinni hvæʀri annaʀri
þæiʀi ꝩel er a hiolum er gorþa er þærs bætr
er þar er stœrra griot oc haʀðari til haft
Vællannde ꝩatn oc heitt glær eða heit bly
þat er oc gott ꝩapn i kastala En æf grafsꝩin
eða æin hvæʀ annur ꝩel er drægin at kastala
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close