stanndaz fair steinꝩæggirEn mæðr
þꝩi at steinꝩæggr ꝩil æigi ꝩið þæssa
ꝩel sunndr skialfa eða oꝩan brotna þa ma
grafsꝩin til þæssar ꝩelar leiða æf ꝩil
Kastale sa er a hiolum er gorʀ hann er goðr at
ꝩinna annan kastala mæðr oc er hann mæðr
þeim hætti gorr at hann se hæri goʀr en hinn
er hann a ꝩiðr þo at æigi se meiri mun en
siau alna en hann er æ þeim mun bætri at
ꝩinna annan kastala mæðr sæm hann er
hæri sialfr gorrStægar þeir sæm a hvelum
stannda oc bæðe ma dragha fra oc til oc
þilðir næðan ꝩæl oc goð hannd rif tꝩæim
ꝩæhginn þeir eru oc goðer til þæssaʀrar
ꝩelarEn þat er þo skiotazt at sægia af þæssarʀi
list at oll kyn ꝩapna ma til þærs ꝩæl
nyta at ꝩinna kastalaEn þat er ꝩitannde hværium
er i þæsso ꝩil lut æigaat hann kunni ꝩæl
at ꝩita neʀ er hann þarf hvært ꝩapn oc i hværn
tima at hafaEn þeir er kastala skolo
ꝩæria þa mæghu þeir oc flæst oll þau ꝩapn
nyta er nu ero talð oc morg annur bæðe
ꝩalslongur smar oc storarhanndslongur oc
stafslongurLasbogar ero þeim oc æinkum
goð ꝩapn oc aller aðrir handboghar oc oll
annur kyn skotꝩapnaspiot oc palstaꝩir
hvartꝩæggia þung oc lettEn amoti
ꝩalslongumeða grafsꝩini eða þæiʀi ꝩel er
mænn kalla ꝩæðr þa er gott at styrkia
allt steinꝩirki innan mæð storum æiki