menota

Menota data services

Menu Search
30r AM 243 b α fol (AM 243 b α fol)  - 30v 31r 

On this page...

  • No text linked to this page in database
þꝩi at þat er sœmð at æiga iamnan goð ꝩapn
oc goð fehirðzla í nauðsynium æf til þarf at
tacaEn þann umbunað parf a skipi at hafa
til ꝩarnaʀUig gyrðla ꝩæl oc ꝩighæsa ramlega
læggia hatt ꝩiður oc gera unnder ꝩiðu
fiugur gagnskœytilegh lið sꝩa mikel at æinn
maðr eða baðer tꝩæir mæge rumliga laupa
mæð allum ꝩapnum sinum gognumEn gera mæð
bryggium utan tꝩa ꝩæga slett stræti til astigs
hia ꝩiðumÞænna umbunað þarf at ræmma
ꝩæl oc fastliga at æigi skiopliz þo at skiotliga
se a laupitBræiðer skillder ero a skipi
goðer til lifðar oc allz kyns bryniurEn þo
ero pannzarar hofuð ꝩapn til lifðar a skipum
gorꝩir af blautum lereptum oc ꝩæl sꝩartaðum
Goðer hialmar oc hanganða stalhufur
Morgh ꝩapn eru þau enn annuʀ er nyta ma
a skipi oc þycki mer æigi nauðsyn af fleirum
at tælia en nu hæfi ec up næfnt
Sunr Mæðr þꝩi at ꝩer hofum þa rœðu
í munni er hællzt lærir þat hværsu maðr
skal ꝩiðr socn eða ꝩorn buaz moti uꝩinum sinum
þa syniz mer sꝩa sæm ænn þurfi noccot at
rœða um þat hværsu a lannde skal bæriaz annat tꝩæggia
a hæstum eða borger at ꝩæria
eða til at sœkia oc æf yðr synizt þar noccot
um at rœða þa ꝩil ec giarna til lyða
Faðeʀ Sa maðr er a hæsti skal bæriazk
þa ꝩærðr hann þærs ꝩæl geta er fyʀr hafum
ꝩer sagt at ꝩæra ꝩæl lærðr til allrar
ꝩigkœni a hæstiEn þænna umbunað þarf
hann um hæst sinn at bua hann þarf at ꝩæra ꝩæl
skaðr oc ramlighaSꝩa þarf hann oc um soðul
sinn at bua ramlegha at hann se stærcr oc hobogaðr
oc buinn mæðr stærkum giordum
oc allu aðru saðulreiðe oc uruggr suzingull
iꝩir miðian saðul oc sꝩa briost giorð
firi framanHæst þarf sꝩa at bua bæðe firi framan
soðul oc aptan at æcki se hann hætr
firi ꝩapnum hvarki firi spiotum eða hoggum eða
aðrum ꝩapna burðÞarf hann oc koꝩærtur gott
at hafa gort sæm pannzara af blotum leræptum
oc ꝩæl sꝩartaðum þvi at þat er gott ꝩið
allum ꝩapnum til ꝩarnar mæð hværium
hætte sæm þat er utan skrytt oc siðan þar
yfir goða hæst bryniuMæðr þæssum umbunaðe
þarf ꝩæl hæst at hylia bæðe um
hofuð oc um lænd oc briost oc um qvið oc allan
hæst sꝩa at æigi mægi maðr mæð falsamlegum
ꝩapnum at hæstinum komazt po at
maðrenn se a fœtiMæðr stærku beizli
þarf hæstr buinn at ꝩæra pat sæm urugt
se til halldz bæðe upp at hallda mæðr æf
þarf oc sꝩa um at kasta æf þærs þarf hann
ꝩiðr en utan yfir bæizli oc um alt hofuð
hæstzens oc um hals framan til soðuls þa
skal ꝩæra grima gor apannzara lunnd af
stirðu lerepte sꝩa at ængi maðr mæge at
komazt at taka beizl hans eða hæst hans
mæð ængaʀri listEn þænna umbunað
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close