Olafi eſ hann com auſtr allt þat es her hafþi yfir
hann gingiþ oc let orvęɴt at her muɴdi Criſtni en
tacaſc En hann varþ viþ þat reiþr mioc oc ętlaþi
at lata męiþa eþa drepa oſſa laɴda fyrer þa eſ þar voro
auſtr En þat sumar et sama qvomo vtan heþan þeir
Gizor oc Hiallti oc þogo þa vɴdan viþ conungenn
oc heto honom vmbſyſlo ſiɴi til a nyia lęic at her
yrþi enn viþ Criſtniɴi tekit oc leto ser eigi annars
von en þar mundi hlyþa En et nęſta ſumar epter
foro þeir auſtan oc prestur sa es þormoþr het oc
qvomo þa i Veſtmaɴa eyiar eſ vicur voro af sum
ri
oc hafþi allt fariſc vel at Sva qvad Teitur
þat ſegia es sialfur var þar þa vas þat męlt et
nęſta sumar aþr i Logom at meɴ scylldi sva coma
til alþingis es vikur vęri af sumri en þangat
til qvomo viku fyrr Enn þeir foro þegar inn til meginn
laɴz
oc siþan til alþingis oc goto at Hiallta
at hann vas epter i Laugardali meþ maɴ af þvi
at hann hafdi aþr secur orþit fiorbꜹgſ maþr et
nęſta sumar a alþingi of goþgo Enn þat vaſ til
þeꜱ haft at hann qvad at Logbergi qviþling þenna
Vil ec eigi goþ gøyia graj þykir mer fraja
Enn þeir Gizor foro vnz þeir qvomo i ſtaþ þann i hia Ol
foſs vatni
es kallaþr es Vellankatla oc gøorþo
orþ þaþan til þings at a mot þeim scylldi coma