heilogh þrænningHœyr ðu uskodd æining
uskiptilegr æinn guð allz ꝩalldannde þu
er sitr iꝩir hinni hæsto hæð himins oc
litr lœyniligar lægðerþꝩi at ꝩælldi
þitt ma ængi skepna forðaz þo at ꝩili
flyia þina reiðeOc þo at ec mætti stiga
til himna þa ert þu þar firi oc þo at ec
krypa i næzto smogor hælꝩitis fylsna
þa er þar ifir andlict ꝩælldi þittOc þo
at ec mætti fliuga um fram ꝩinndligar
fiaðraroc lœynaz utan yztu ændimærki
hafligrar auðnar þa gripi mic þar hœgri
hond þin oc leiddi mic aptr under þitt
rett dœmi þꝩi at hiarta þitt tælr dræifðan
sannd mæðr ꝩindum oc hafs afli um
alla heims kringlu oc augha þitt kannar
alla dropa rægnligrar doggarFirir þꝩi
bið ec þec drottinn minn at æigi ganger þu
i domsæti mæð mer þræli þinum til þærs
at rannzaca rettꝩisi mina oc æigi tælir
þu fiolða synda minna hælldr snu þu andliti
þinu fra illzkum minum oc reinsa mec
af lœynndum glœpum minumoc þꝩa mec af
allum lostum minumþꝩi at synder minar ero
storar oc þungar ifir hofði míno oc sꝩa
marghar at mer ero sialfum utalligar firi
fiolda sacar þær er ec hæfi gorꝩar i rangum
hugrænningom i heimskligom orðum
í urœct boðorða þinna oc i allzkyns firi glœyming
heilax loghmals þins i skamsynilegom