Egipta lannd sꝩa sæm ut lænzkr þræll en
tryggleikr hans oc litillæti likaðe sꝩa ꝩæl
guði at hann ꝩar næst kononginum iꝩir maðr allra
þæiʀa er þa ꝩaro bornir i þꝩi lannde oc þar atto
fe oc frændr hvart sæm ꝩaro rikir eða ourikir
Marghum hundraðum ꝩætra ꝩar Ioseph sialfr
dauðr oc er þo ænn liꝩande sœmð hans oc hværn
dagh getit millim allra ꝩitra mannaum
allan heim Uastes drotning ꝩar longu dauð
firi burð guðs eða Aman hofðingi oc er ænn
su skom liꝩande er þau fengo firi heimsku sína
oc ofmætnaðI dagh bæʀr ænn Ester
drotning liꝩannde sœmð þa er hon fecc
firi sitt litillætiþar sæm hon ꝩar hærtækin
ambott til Inndialanz oc ꝩar þo siðan drotning
ifir marghum rikium oc storum oc sat
sætt i þat sæti er Vastes drotning ꝩar or rækin
En þo at þæsse dœmi er siðaʀr gatum
ꝩer um Constantinum keisara oc Eleno drotning
moður hans ꝩæri æpter burð Guðs
þa ꝩar þat þo sꝩa langu at ængi maðr ma þat firi
ællisacar muna oc bæra þæir ænn í dagh skinannde
sœmðCraton oc Zenophilus þo at
þeir se sialꝩir dauðerþa er þeir fengo firi retlæti
sitt oc monꝩit þar sæm þeir ꝩaro
baðer hæiðnir mænn oc ꝩaro þeir þo kosnir
til domaranaligha millim allra þæiʀa manna
er i ꝩaro heiminum oc ꝩar þeim truat af allra
manna hænnde bæðe kristinna manna oc Gyðinga
at dœma um þau log er hvarge