oc bygþiſc af Iſlande Eirikr eɴ ʀauþi het maþr
Breiþfirdſcr es for vt heþan þängat oc nam þar land
er ſiþan es kallaþur Eiriks fiórþur Haɴ gaf nafn land
ino
oc kallaþi Grænland oc qvaþ meɴ þat myndv
fyſa þangat farar at landiþ ætti nafn gott þeir
fundo þar maɴaviſter bęþi auſtr oc veſtr a Landi
oc kęiplabrot oc steinſmiþi þat eſ af þvi ma ſcilia
at þar hafþi þeſſ conar þiöþ fariþ eſ Vinland hefer
bygt oc Grænleɴdingar calla Screlinga En þat
vas es hann toc byɢva landiþ vetrom eþa
fyrr en Criſtni qvæmi her a Jſland at þvi er sa
talþi fyrer þorkeli Gelliſſyni a Grænlandi er sialfur
fylgþi Eirike enom ʀauþa vt
Olafur rex Tryɢvaſonr Olafs ſonar Harallz ſonar
eɴſ Harfagra com Criſtni i Noreg oc a
Jſland hann sendi hingat til laɴz prest þann er het
Þangbrandur oc her kendi monnom Cristni oc ſkirþi
þa alla es viþ Tru toco En Hallur a Siþu þorst
eins ſonr
let ſciraſc ſnimhendis oc Hiallti Sceggia
sonur
yr þiorsardali oc Gizor eɴ Hviti Teitz
ſonr
Ketilbiarnarſonar fra moſfelli oc marger hofþing
iar
aþrer Enn þeir voro þo flęiri es i gegn męlto oc
neitto Enn þa er hann hafþi her veriþ einn vetr
eþa þa for hann a braut oc hafdi vegit her menn
eþa þa er hann hofþo nidt En hann ſagþi conunginom