ſialꝼan ꝼa s͛ beitur. þa ſn͛iz þoʀ brott þangat e͛ h̅ ſa ǫxna ꝼlokk nokkurn er ẏm͛
atti. h̅ tok en̅ meſta uxan̅ e͛ himin hriotr e͛ kall̅ ⁊ ſleit aꝼ hoꝼuðit ⁊ ꝼoꝛ með tͥ ſioꝼͬ
haꝼði þa ẏm͛ ut ſkotið nǫkkvanu̅. þoꝛr gekk a ſkipit ⁊ ſettiz i auſt ru̅ tok tvær arͬ
⁊ reri ⁊ þotti ẏmi ſkriðꝛ v͛ða aꝼ roðꝛí h̅s. ẏm͛ rerí i halſinu̅ ꝼram̅ ⁊ ſottiz ſkiott
roðꝛin̅. ſagði ẏm͛ at þa vͦ þ̅r komn͛ a þær vaſt͛ er h̅ vͬ vanr at ſitia ⁊ ꝺraga ꝼlata
ꝼiſka. en .þ. kveðz villꝺu roa mẏcklu lengra ⁊ toku þ̅r en̅ ſn͛ti roðꝛ. þa ſagði ẏm͛
at þ̅r vͦ komn͛ sᷓ langt ut at hætt vͬ at ſitia ꝼͥ miðgarðz oꝛmí. en̅ .þ. kvez munꝺu roa
en̅ um hrið ⁊ sᷓ gioꝛði h̅. en ẏm͛ vͬ þa allokatr. en þa er þo lagði upp ararnͬ gꝛeiꝺꝺi
h̅ tͥ vað hellꝺꝛ ſt͛kan ⁊ æͥ vͬ ǫngullen̅ min̅í ę oꝛamlegͥ. þar let .þ. koma a ǫngulin̅
uxa hoꝼuðit ⁊ kaſtaði ꝼͥ boꝛð ⁊ ꝼoꝛ ǫngullin̅ tͥ grun̅z ⁊ er þ̅ ſatt at ſegia at æͥ gíntí
þ. min̅r þa míðgarðz oꝛm en̅ utgarða lokí haꝼði ſpottat þoꝛ þa er h̅ hoꝼ oꝛmín̅ upp
m henꝺi s͛ Miðgarðz oꝛmr gæín um miðguxahauꝼuðit. en̅ ǫngullin̅ va i gomin̅ ormínu̅.
en̅ er oꝛmren̅ kenꝺi þ̅ bra han̅ vͥ sᷓ hart at bað͛ hneꝼar þoꝛſ ſkullu ut at boꝛðínu
þa varð þoʀ reiðꝛ ⁊ ꝼærðiz i aſmegín ſpẏrnꝺi vͥ sᷓ ꝼaſt at h̅ liop baðu̅ ꝼotu̅ í gegnu̅
ſkipit ⁊ ſpẏrnꝺi vͥ grun̅í ꝺꝛo þa oꝛmín̅ upp at boꝛði. en̅ þ̅ ma ſegía at eingi heꝼer
ſa ſieð all ogurlegar ſion͛ e͛ æͥ mattí þ̅ ſia er .þ. hveſtí augun a oꝛmín̅. en̅ oꝛmrin̅ ſtͬði
neðan i mot ⁊ bleſ æitrínu. þa e͛ ſagt at iotun̅in̅ ẏm͛ g͛ðiz litv͛pr. ꝼǫlnaði ⁊ ræꝺꝺíz
e͛ h̅ ſa .O. ⁊ þ̅ e͛ ſioꝛin̅ ꝼell ut ⁊ in̅ um nǫkkvan̅. ⁊ i þui bilí e͛ þo gꝛeip hamͬen̅ ⁊ ꝼærði
a lopt þa ꝼalmaði iǫtun̅in̅ tͥ agnſax ⁊ hio vað þoꝛſ a boꝛði. en̅ oꝛmren̅ ſektiz i ſioen̅.
en̅ .þ. kaſtaði hamrenu̅ ept͛ h̅m ⁊ ſegia m̅n at h̅ lẏſti aꝼ h̅m hoꝼuðit vͥ hronnunu̅.
en̅ ek hẏgg hiṫ v͛a þ͛ ſatt at ſegía at miðgͬðz.O. liꝼ͛ en̅ ⁊ liggr i ſia. en þo reiꝺꝺi
tͥ hneꝼan̅ ⁊ ſetr vͥ æẏra ẏmí sᷓ at h̅ ſtæẏptíz ꝼͥ boꝛð ⁊ ſier i iliar h̅m. en̅ þo oð tͥ l̅ꝺz.
a .m. ɢ. haꝼa nokkur meírí tiðinꝺí oꝛðít m aſu̅. All mik̅
trekvͥkí van̅ .Þ. i þeſſi ꝼ͛ð. þa ſ. haar. v͛a mun at ſegia ꝼᷓ þ̅m tiðinꝺu̅ e͛ meira
þotti v͛t aſunu̅. en̅ þ̅ er upphaꝼ þ̅rar ſogu at ballꝺꝛ hin̅ goða ꝺꝛæẏmði ðꝛauma ſtoꝛa ⁊
hættlega vm líꝼ ſítt. en̅ er h̅ ſagði aſunu̅ ꝺꝛaumana þa baru þ̅r ſaman rað ſín ⁊ vͬ þ̅
goꝛt at beiða griða ballꝺꝛí ꝼͥ allz konͬ hꜳſka. ⁊ ꝼͥgg tok ſuarꝺaga tͥ þeſſ at æíra ſkẏllꝺi
ballꝺꝛí ellꝺꝛ uatn iarn ⁊ allz konar malmr ſteinar ioꝛðín viðirn͛ ſott͛nar ꝺẏren ꝼuglarn͛
æitríð oꝛmarn͛. en̅ er þ̅tta var goꝛt ⁊ vítað. þa vͬ þ̅ ſkemtan ballꝺꝛſ ⁊ aſan̅a
at h̅ ſkẏllꝺí ſtanꝺa upp a þ̅gum en aꝺꝛ͛ æs͛ ſkẏllꝺv ſum͛ ſkiota a h̅ ſum͛ hoggva til
ſum͛ b͛ia griotínv. en̅ hvat ſem að var goꝛt ſakaði h̅ ekki. ⁊ þottí þ̅tta ǫllu̅ mikill
ꝼᷓmí. en e͛ þ̅ta ſa loki lauꝼæẏiar .ſ. þa likaði h̅m illa. h̅ gekk tͥ ꝼenſalar tͥ ꝼͥggiar