r̅ baþ aꞇ þ̅r ſcꝩlꝺo ꝼara aɴaꞇ ſıɴ ꝼóꝛ h̅ ſıalꝼr. ɴ er þ̅r komo vp a ꝼıall ⁊ ſa á ſvava lanꝺ. lanz bͮna ⁊ ıoꝛeꝩkı ſto
ra. Reıþ k̅r ꝼıallıno ꝼra̅ ılanꝺıꞇ ⁊ ꞇoc naꞇ ból vıþ a eına. ꞇlı helꞇ voꝛþ ⁊ ꝼoꝛ ꝩꝼ͛ ana h̅ ꝼaɴ eıꞇ hvs. Ꝼvgl mıcıll ſaꞇ a hvſıno. ⁊ gęꞇꞇı ⁊ vͬ ſoꝼnaþ̅. ꞇlı ſcꞇ ſpıoꞇı ꝼvglıɴ ꞇ bana eɴ ıhvſıno ꝼaɴ h̅ ſıgrlıɴ k̅ſ ꝺ. ⁊ aloꝼo ıarlſ. ꝺ. ⁊ haꝼðı þęr baþar brꞇ mꝫ s͛. Ꝼŕa̅maʀ ıarl haꝼı hamaz ı arnar lícı ⁊ varıꞇ þęr ꝼͮ h͛no̅ mꝫ ꝼıolkꝩ
ngı. roþmaʀ h. k̅r bıþıll ſıgrlıɴar h̅ ꝺrap ſvava kg̅ ⁊ haꝼþı ręnꞇ ⁊ brénꞇ la̅dıꞇ. hıoꝛvarþ̅ k̅. ꝼeċ ſıgrl̅. en aꞇlı áloꝼar.
Konvngr baþ at þeir ſcꝩldo fara aɴat ſiɴ fór haɴ ſialfr. Eɴ er þeir komo vp a fiall oc ſa á ſvava land. lanz brvna oc ioreꝩki ſtora. Reiþ konvngr af fiallino fram ilandit oc toc nat ból viþ a eina. Atli helt vorþ oc for ꝩfir ana haɴ faɴ eit hvs. Fvgl micill ſat a hvſino. oc gętti oc var ſofnaþr. Atli ſct ſpioti fvgliɴ til bana eɴ ihvſino faɴ haɴ ſigrliɴ konvngſ dottvr oc alofo iarlſ. dottvr oc hafði þęr baþar brt meþ ser. Fránmaʀ iarl hafþi hamaz i arnar líci oc varit þęr fꝩr hernom meþ fiolkꝩngi. Hroþmaʀ het konvngr biþill ſigrliɴar haɴ drap ſvava konvng oc hafþi ręnt oc brént landit. hiorvarþr konvngr. fecc ſigrliɴar. en atli álofar.
Konungr bað að þeir skyldu fara annað sinn; fór hann sjálfr. En er þeir kómu upp á fjall ok sá á Svávaland landsbruna ok jóreyki stóra. Reið konungr af fjallinu fram ílandið ok tók náttból við á eina. Atli helt vörð ok fór yfir ána. Hann fann eitt hús. Fugl mikill sat á húsinu ok gætti ok var sofnaðr. Atli skaut spjóti fuglinn til bana en íhúsinu fann hann Sigrlinn konungs dóttur ok Álöfu jarls dóttur ok hafði þær báðar braut með sér. Fránmarr jarl hafði hamaz í arnar líki ok varið þær fyr hernum með fjölkynngi. Hróðmarr hét konungr, biðill Sigrlinnar. Hann drap Svávakonung ok hafði rænt ok brennt landið. Hjörvarðr konungr fekk Sigrlinnar en Atli Álöfar.
