Skaldic Poetry of the Scandinavian Middle Ages

login: password: stay logged in: help

verses in Ketils saga hœngs

1 Vol. 8. Ketils saga hœngs 1 (Brúni, Lausavísa, 1) — Brúni [Vol. 8, 551] — Brúni Lv 1VIII (Ket 1)
Heill kom þú Hængr,
hér skalt þiggja
ok í allan vetr
með oss vera;
þér munk fastna,
nema fyrir-látir,
dóttur mína,
áðr dagr komi.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga I 1 (AII, 279; BII, 300); (fornyrðislag); ed. BLF; group: H; mss: 109a Ix, 173x, 340x, 342x, 343a, 471, 552qx; texts: Ket 1
2 Vol. 8. Ketils saga hœngs 2 (Ketill hœngr, Lausavísur, 1) — Ketill [Vol. 8, 552] — Keth Lv 1VIII (Ket 2)
Hér munk þiggja;
hygg at valdi
finns fjǫlkynngi
feiknaveðri;
í allan dag
einn jósk við þrjá;
hvalr kyrði sæ -
hér munk þiggja.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga I 2 (AII, 279; BII, 301); (fornyrðislag); ed. BLF; group: H; mss: 109a Ix, 173x, 340x, 343a, 471; texts: Ket 2
3a Vol. 8. Ketils saga hœngs 3 (Ketill hœngr, Lausavísur, 2) — Ketill [Vol. 8, 553] — Keth Lv 2VIII (Ket 3 [a])
Skríð af kjálka,
kyrr þú hreina,
seggr síðfǫrull,
seg hvat heitir
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga II 1/1-4 (AII, 279; BII, 301); (fornyrðislag); ed. BLF; group: H; mss: 109a Ix, 109a IIx, 173x, 340x, 342x, 343a, 471, 552qx; texts: Ket 3a
3b Vol. 8. Ketils saga hœngs 3 (Gusi finnakonungr, Lausavísur, 1) — Gusi [Vol. 8, 554] — Gusi Lv 1VIII (Ket 3 [b])
Gusa kalla mik
gǫfgir Finnar,
emk oddviti
allrar þjóðar.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga II 1/5-8 (AII, 279; BII, 301); (fornyrðislag); ed. BLF; group: H; mss: 343a, 471; texts: Ket 3b
4 Vol. 8. Ketils saga hœngs 4 (Gusi finnakonungr, Lausavísur, 2) — Gusi [Vol. 8, 555] — Gusi Lv 2VIII (Ket 4)
Hvat er þat manna,
er mér í móti ferr,
ok skríðr sem vargr af viði,
æðru skalt mæla,
ef undan kømsk,
þrisvar í firði Þrumu.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga II 2 (AII, 279-80; BII, 301); (ljóðaháttr); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 4
5 Vol. 8. Ketils saga hœngs 5 (Ketill hœngr, Lausavísur, 3) — Ketill [Vol. 8, 556] — Keth Lv 3VIII (Ket 5)
Hængr ek heiti,
kominn ór Hrafnistu,
hefnir Hallbjarnar;
hví skríðr þú enn armi?
friðmálum mæla
munkat við finn ragan,
heldr munk boga benda,
þanns mér Brúni gaf.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga II 3 (AII, 280; BII, 301); (málaháttr); ed. BLF; group: H; mss: 109a Ix, 109a IIx, 173x, 340x, 342x, 343a, 471, 552qx; texts: Ket 5
6 Vol. 8. Ketils saga hœngs 6 (Gusi finnakonungr, Lausavísur, 3) — Gusi [Vol. 8, 557] — Gusi Lv 3VIII (Ket 6)
Hverr er á ǫndrum
ǫndurðan dag,
gjarn til gunnar
í grimmum hug;
vit skulum freista
flein at rjóða
hvárr at ǫðrum,
nema hugr bili.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga II 2 b (AII, 280; BII, 301); (fornyrðislag); ed. BLF; group: H; mss: 109a IIx, 173x, 340x, 342x, 343a, 552qx; texts: Ket 6
7 Vol. 8. Ketils saga hœngs 7 (Ketill hœngr, Lausavísur, 4) — Ketill [Vol. 8, 558] — Keth Lv 4VIII (Ket 7)
Hæng kalla mik
hálfu nafni,
munk veita þér
viðnám heðan;
skalt víst vita,
áðr vit skiljum,
at búkǫrlum
bíta ǫrvar.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga II 3 b (AII, 280; BII, 302); (fornyrðislag); ed. BLF; group: H; mss: 109a IIx, 173x, 340x, 342x, 343a, 552qx; texts: Ket 7
8 Vol. 8. Ketils saga hœngs 8 (Gusi finnakonungr, Lausavísur, 4) — Gusi [Vol. 8, 559] — Gusi Lv 4VIII (Ket 8)
Búsk þú nú við
bitri eggþrumu,
haf hlíf fyr þér,
hart munk skjóta;
þér munk bráðla
at bana verða,
nema þú af auði
ǫllum látir.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga II 4 (AII, 280; BII, 302); (fornyrðislag); ed. BLF; group: H; mss: 109a Ix, 109a IIx, 173x, 340x, 342x, 343a, 471, 552qx; texts: Ket 8
9 Vol. 8. Ketils saga hœngs 9 (Ketill hœngr, Lausavísur, 5) — Ketill [Vol. 8, 560] — Keth Lv 5VIII (Ket 9)
Munk af auði
eigi láta
ok fyr einum þér
aldri renna;
fyr skal þér hǫggvin
hlíf fyr brjósti
ok fyr sjónum
svart at ganga.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga II 5 (AII, 281; BII, 302); (fornyrðislag); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 9
10 Vol. 8. Ketils saga hœngs 10 (Gusi finnakonungr, Lausavísur, 5) — Gusi [Vol. 8, 560] — Gusi Lv 5VIII (Ket 10)
Skalta gulli
né gørsimum
með heilum hag
heima ráða;
kømr þér bani
brátt at hǫndum,
ef skulum úti
oddum leika.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga II 6 (AII, 281; BII, 302); (fornyrðislag); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 10
11 Vol. 8. Ketils saga hœngs 11 (Ketill hœngr, Lausavísur, 6) — Ketill [Vol. 8, 561] — Keth Lv 6VIII (Ket 11)
Munkat gulli
við Gusi skipta
né heldr fyrri
til friðar mæla;
mér er bráðr bani
betri miklu
en hugleysi
ok heðankváma.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga II 7 (AII, 281; BII, 302); (fornyrðislag); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 11
12 Vol. 8. Ketils saga hœngs 12 (Ketill hœngr, Lausavísur, 7) — Ketill [Vol. 8, 562] — Keth Lv 7VIII (Ket 12)
Feigr ert þú nú,
finnr enn ragi,
er þú fóttrøðr
flein þinn rangan.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga II 8 (AII, 281; BII, 303); (fornyrðislag); ed. BLF; group: H; mss: 109a Ix, 109a IIx, 173x, 340x, 342x, 343a, 471, 552qx; texts: Ket 12
13 Vol. 8. Ketils saga hœngs 13 (Ketill hœngr, Lausavísur, 8) — Ketill [Vol. 8, 563] — Keth Lv 8VIII (Ket 13)
Hvat er þat býsna,
er við berg stendr,
ok gapir eldi yfir?
búsifjar okrar
hykkat batna munu;
lít þú á ljósvega.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga III (AII, 281; BII, 303); (málaháttr); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 13
14 Vol. 8. Ketils saga hœngs 14 (Ketill hœngr, Lausavísur, 9) — Ketill [Vol. 8, 564] — Keth Lv 9VIII (Ket 14)
Hjálmr ok Stafnglámr,
hlífið ykr báðir,
gefið rúm gǫmlum
at ganga framar hóti.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga IV 1 (AII, 282; BII, 303); (málaháttr); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 14
15 Vol. 8. Ketils saga hœngs 15 (Ketill hœngr, Lausavísur, 10) — Ketill [Vol. 8, 565] — Keth Lv 10VIII (Ket 15)
Fljúga folknǫðrur,
frækn er Dala-kappi,
ljótr er leikr eggja,
lítit er skegg á karli;
skrapa skinnkyrtlar,
skjálfa járnserkir,
hristask hringskyrtur,
hræðisk biðill meyjar.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga IV 2 (AII, 282; BII, 303); (málaháttr); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 15
16 Vol. 8. Ketils saga hœngs 16 (Ketill hœngr, Lausavísur, 11) — Ketill [Vol. 8, 566] — Keth Lv 11VIII (Ket 16)
Hvat er þat flagða,
er sék á fornu nesi
ok glottir við guma,
at uppverandi sólu,
er hefk enga fyrr
leiðiligri litit.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga V 1 (AII, 282; BII, 303); (málaháttr); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 16
17 Vol. 8. Ketils saga hœngs 17 (Forað, Lausavísur, 1) — Forað [Vol. 8, 567] — Forað Lv 1VIII (Ket 17)
Forað ek heiti,
fædd vark norðarla
hraust í Hrafnseyju;
hveimleið búmǫnnum,
hvǫt til áræðis
hvatki er ilt skal inna.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga V 2 (AII, 282; BII, 303-4); (málaháttr); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 17
18 Vol. 8. Ketils saga hœngs 18 (Forað, Lausavísur, 2) — Forað [Vol. 8, 568] — Forað Lv 2VIII (Ket 18)
Mǫrgum manni
hefk til moldar snúit
þeims til fiskjar fór;
hverr er enn kǫpurmáli,
er kominn er í sker?
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga V 3 (AII, 282; BII, 304); (ljóðaháttr); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 18
19 Vol. 8. Ketils saga hœngs 19 (Ketill hœngr, Lausavísur, 12) — Ketill [Vol. 8, 569] — Keth Lv 12VIII (Ket 19)
Einhlítr þóttumk,
áðr hér kómum,
of flestar allar farar,
hvats ferlig
flǫgð of gleipa;
lastak dreng dæsinn,
drífk á vit fanga.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga V 4 (AII, 282-3; BII, 304); (fornyrðislag); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 19
20 Vol. 8. Ketils saga hœngs 20 (Ketill hœngr, Lausavísur, 13) — Ketill [Vol. 8, 570] — Keth Lv 13VIII (Ket 20)
Hykkat fyrir vinnask,
hvats Forað mælir;
nauðir mik hvǫttu,
nánum áttak bjarga;
hættak eigi
á hólm til sela,
ef í eyju
ærnir væri.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga V 5 (AII, 283; BII, 304); (fornyrðislag); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 20
21 Vol. 8. Ketils saga hœngs 21 (Forað, Lausavísur, 3) — Forað [Vol. 8, 571] — Forað Lv 3VIII (Ket 21)
Synjak þess eigi,
seggr enn víðfǫrli,
at þú líf hafir
langt of menn aðra,
ef fund okkarn
fyrðum óblauðum
segir sveinn lítill,
sék þinn hug skjálfa.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga V 6 (AII, 283; BII, 304); (málaháttr); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 21
22 Vol. 8. Ketils saga hœngs 22 (Ketill hœngr, Lausavísur, 14) — Ketill [Vol. 8, 572] — Keth Lv 14VIII (Ket 22)
Ungr var ek heima,
fórk einn saman
opt í útveri;
marga myrkriðu
fank á minni gǫtu;
hræddumk aldri flagða fnǫsun.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga V 7 (AII, 283; BII, 304-5); (ljóðaháttr); ed. BLF; group: H; mss: 1006x, 109a IIx, 173x, 340x, 342x, 343a, 471, 552qx; texts: Ket 22
23 Vol. 8. Ketils saga hœngs 23 (Ketill hœngr, Lausavísur, 15) — Ketill [Vol. 8, 573] — Keth Lv 15VIII (Ket 23)
Langleit ert, fóstra,
lætr róa nefit;
hefka flagð
ferligra litit -
eða hvert hefr þú fǫr gǫrva?
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga V 8 (AII, 283-4; BII, 305); (fornyrðislag); ed. BLF; group: H; mss: 109a IIx, 173x, 340x, 342x, 343a, 471; texts: Ket 23
24 Vol. 8. Ketils saga hœngs 24 (Forað, Lausavísur, 4) — Forað [Vol. 8, 574] — Forað Lv 4VIII (Ket 24)
Gang hófk upp í Angri,
eigraðak þá til Steigar,
skálm glamrandi skrapti,
skarmtak þá til Karmtar,
elda munk á Jaðri
ok at Útsteini blása,
þá munk austr við Elfi,
áðr dagr á mik skíni
[ok með brúðkonum beigla
ok brátt gefin jarli].
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga V 9 (AII, 284; BII, 305); (fornyrðislag); ed. BLF; group: H; mss: 340x, 343a, 471; texts: Ket 24
25 Vol. 8. Ketils saga hœngs 25 (Forað, Lausavísur, 5) — Forað [Vol. 8, 577] — Forað Lv 5VIII (Ket 25)
Seyði þínum munk snúa
ok sjálfum þér gnúa,
unz þik gríðr of grípr
[ok mun hon koma með sínu gjálfri].
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga V 10 (AII, 284; BII, 305); (málaháttr); ed. BLF; group: H; mss: 340x, 343a, 471; texts: Ket 25
26 Vol. 8. Ketils saga hœngs 26 (Ketill hœngr, Lausavísur, 16) — Ketill [Vol. 8, 578] — Keth Lv 16VIII (Ket 26)
Ǫrum trúik mínum,
en þú afrendi þinni,
fleinn mun þér mæta,
nema þú fyrir hrøkkvir.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga V 11 (AII, 284; BII, 305); (málaháttr); ed. BLF; group: H; mss: 340x, 343a, 471; texts: Ket 26
27 Vol. 8. Ketils saga hœngs 27 (Forað, Lausavísur, 6) — Forað [Vol. 8, 579] — Forað Lv 6VIII (Ket 27)
Flaug ok Fífu
hugðak fjarri vera,
hræðumkat Hremsu bit.
 
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga V 12 (AII, 284; BII, 305); (ljóðaháttr); ed. BLF; group: H; mss: 340x, 343a, 471; texts: Ket 27
28 Vol. 8. Ketils saga hœngs 28 (Bǫðmóðr Framarsson, Lausavísur, 1) — Bǫðmóðr [Vol. 8, 580] — Bǫðmóðr Lv 1VIII (Ket 28)
Hverr er enn hávi,
er á haugi sitr
ok horfir veðri viðr?;
frostharðan mann
hykk þik feiknum vera,
er þér hvatki hlýr.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga VI 1 (AII, 284-5; BII, 306); (ljóðaháttr); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 28
29 Vol. 8. Ketils saga hœngs 29 (Ketill hœngr, Lausavísur, 17) — Ketill [Vol. 8, 581] — Keth Lv 17VIII (Ket 29)
Ketill ek heiti,
kominn ór Hrafnistu,
þar vark upp of alinn;
hugfult hjarta
veitk hlífa mér;
þó vildak gisting geta.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga VI 2 (AII, 285; BII, 306); (ljóðaháttr); ed. BLF; group: H; mss: 340x, 343a, 471; texts: Ket 29
30 Vol. 8. Ketils saga hœngs 30 (Bǫðmóðr Framarsson, Lausavísur, 2) — Bǫðmóðr [Vol. 8, 582] — Bǫðmóðr Lv 2VIII (Ket 30)
Upp skalt rísa
ok eigra haugi af
ok sækja mína sali;
máls-efnis
annk þér margan dag,
ef vilt þiggja þar.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga VI 3 (AII, 285; BII, 306); (ljóðaháttr); ed. BLF; group: H; mss: 109a IIx, 173x, 340x, 342x, 343a, 471; texts: Ket 30
31 Vol. 8. Ketils saga hœngs 31 (Ketill hœngr, Lausavísur, 18) — Ketill [Vol. 8, 583] — Keth Lv 18VIII (Ket 31)
Upp munk rísa
ok eigra haugi af,
alls mér Bǫðmóðr býðr;
bróðir minn,
þótt sæti brautu nær,
myndit betr hafa boðit.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga VI 4 (AII, 285; BII, 306); (ljóðaháttr); ed. BLF; group: H; mss: 340x, 343a, 471; texts: Ket 31
32 Vol. 8. Ketils saga hœngs 32 (Bǫðmóðr Framarsson, Lausavísur, 3) — Bǫðmóðr [Vol. 8, 584] — Bǫðmóðr Lv 3VIII (Ket 32)
Gamall ert fóstri,
at ganga hervígis til
ok berjast við Framar til fjár,
á léttum aldri
gaf honum Óðinn sigr;
mjǫk kveðk hann vígum vanan.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga VI 5 (AII, 285; BII, 306); (ljóðaháttr); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 32
33 Vol. 8. Ketils saga hœngs 33 (Ketill hœngr, Lausavísur, 19) — Ketill [Vol. 8, 585] — Keth Lv 19VIII (Ket 33)
Óðin blóta
gerðak aldrigi;
hefk þó lengi lifat;
Framarr veitk
at falla mun
fyrr en þetta háva hǫfuð.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga VI 6 (AII, 285; BII, 306-7); (ljóðaháttr); ed. BLF; group: H; mss: 340x, 343a, 471; texts: Ket 33
34 Vol. 8. Ketils saga hœngs 34 (Framarr víkingakonungr, Lausavísur, 1) — Framarr [Vol. 8, 587] — Framarr Lv 1VIII (Ket 34)
Illr er ǫrn í sinni,
emkak sárr at kvíðak;
grefr hann sínar greipar
gular í æðar mínar;
hlakkar nú hreggskornir,
hvers er hann forkunnigr?,
opt hefk ara gladdan,
áðr vark góðr valgǫglum.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga VII 1 (AII, 285-6; BII, 307); (málaháttr); ed. BLF; group: H; mss: 1006x, 109a IIx, 173x, 340x, 342x, 343a, 471; texts: Ket 34
35 Vol. 8. Ketils saga hœngs 35 (Framarr víkingakonungr, Lausavísur, 2) — Framarr [Vol. 8, 589] — Framarr Lv 2VIII (Ket 35)
Veifir þú vængjum,
vápnum munk þik beita;
vafrar víðflogull,
sem vitir mik feigan;
villr ert vígstari,
vit munum sigr hafa,
hverf þú at Hængi,
hann skal nú deyja.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga VII 2 (AII, 286; BII, 307); (málaháttr); ed. BLF; group: H; mss: 109a IIx, 173x, 340x, 342x, 343a, 471, 552qx, papp32x; texts: Ket 35
36 Vol. 8. Ketils saga hœngs 36 (Ketill hœngr, Lausavísur, 20) — Ketill [Vol. 8, 590] — Keth Lv 20VIII (Ket 36)
Dregsk nú Dragvendill,
deila krás arnar;
mættir meingǫldrum,
máttira bíta;
hins mik eigi varði,
at hrøkkva myndi
eggjar eitrherðar,
þótt Óðinn deyfði.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga VII 3 (AII, 286; BII, 307); (málaháttr); ed. BLF; group: H; mss: 340x, 343a, 471; texts: Ket 36
37 Vol. 8. Ketils saga hœngs 37 (Ketill hœngr, Lausavísur, 21) — Ketill [Vol. 8, 592] — Keth Lv 21VIII (Ket 37)
Hvat er þér Dragvendill,
hví ert slær orðinn,
til hefk nú hǫggvit,
tregt er þér at bíta;
hliðar at hjǫrþingi,
hefra þér fyrr orðit
bilt í braki málma,
þars bragnar hjoggusk.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga VII 4 (AII, 287; BII, 307); (málaháttr); ed. BLF; group: H; mss: 340x, 343a, 471; texts: Ket 37
38 Vol. 8. Ketils saga hœngs 38 (Framarr víkingakonungr, Lausavísur, 3) — Framarr [Vol. 8, 593] — Framarr Lv 3VIII (Ket 38)
Skelfr skegg á karli,
skeika vápn gǫmlum,
frýr hann hjǫr hvǫssum,
hræðisk faðir meyjar,
brýndusk benteinar,
svát bíta máttu
hǫlda hugprúða,
ef þér hugr dygði.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga VII 5 (AII, 286-7; BII, 307-8); (málaháttr); ed. BLF; group: H; mss: 109a IIx, 173x, 340x, 342x, 343a, 471, 552qx; texts: Ket 38
39 Vol. 8. Ketils saga hœngs 39 (Ketill hœngr, Lausavísur, 22) — Ketill [Vol. 8, 594] — Keth Lv 22VIII (Ket 39)
Þarfatt oss eggja,
eiga mér sjaldan
fyrðar flugtrauðum
frýja stórhǫggva;
bít nú Dragvendill
eða brotna ella;
horfin er heill báðum,
ef hrøkkr sinn þriðja.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga VII 6 (AII, 287; BII, 308); (málaháttr); ed. BLF; group: H; mss: 1006x, 109a IIx, 173x, 340x, 342x, 343a, 471; texts: Ket 39
40 Vol. 8. Ketils saga hœngs 40 (Ketill hœngr, Lausavísur, 23) — Ketill [Vol. 8, 595] — Keth Lv 23VIII (Ket 40)
Hræðiskat faðir meyjar
meðan heill er Dragvendill;
vita víst þykkjumk,
verðrat bilt þrysvar.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga VII 7 (AII, 287; BII, 308); (málaháttr); ed. BLF; group: H; mss: 340x, 343a, 471; texts: Ket 40
41 Vol. 8. Ketils saga hœngs 41 (Framarr víkingakonungr, Lausavísur, 4) — Framarr [Vol. 8, 595] — Framarr Lv 4VIII (Ket 41)
Hugr er í Hængi,
hvass er Dragvendill,
beit hann orð Óðins
sem ekki væri;
brásk nú Baldrs faðir,
brigt er trúa hánum;
njót þú heill handa,
hér munum skiljask.
Skj: Anonyme digte og vers [XIII]: E. 8. Vers af Fornaldarsagaer: Af Ketill hœngs saga VII 8 (AII, 287; BII, 308); (málaháttr); ed. BLF; group: H; mss: 1006x, 109a Ix, 109a IIx, 173x, 340x, 342x, 343a, 471, 552qx; texts: Ket 41
© Skaldic Project Academic Body, unless otherwise noted. Database structure and interface developed by Tarrin Wills. All users of material on this database are reminded that its content may be either subject to copyright restrictions or is the property of the custodians of linked databases that have given permission for members of the skaldic project to use their material for research purposes. Those users who have been given access to as yet unpublished material are further reminded that they may not use, publish or otherwise manipulate such material except with the express permission of the individual editor of the material in question and the General Editor of the volume in which the material is to be published. Applications for permission to use such material should be made in the first instance to the General Editor of the volume in question. All information that appears in the published volumes has been thoroughly reviewed. If you believe some information here is incorrect please contact Tarrin Wills with full details.