Skaldic Poetry of the Scandinavian Middle Ages

login: password: stay logged in: help

verses in Fóstbrœðra saga

0 Vol. 1. 49. Þormóðr Kolbrúnarskáld (biog. vol. 5), Lausavísur, 15 [Vol. 1, 826] — Þorm Lv 15I
Hafa þóttumk ek, hættinn
happsœkjandi, ef tœkir,
hreins, við haldi mínu,
hvert land þegit, branda;

ríkr, vilk með þér, rœkir
randar linns enn svinni
(rǫnd berum út á andra
eybaugs) lifa ok deyja.
Skj: Þórmóðr Bersason Kolbrúnarskáld: 2. Lausavísur 15 (AI, 285; BI, 263-4); (dróttkvætt); ed. RDF; group: A1; mss: 141x, 142x, 566ax, 761bx, DG8, Flat, Hb, NRA52, papp4x, Tóm; texts: Fbr 0, ÓH 0, ÓHLeg 19, ÓHÆ 5, Þorm 3
0 Vol. 1. 49. Þormóðr Kolbrúnarskáld (biog. vol. 5), Lausavísur, 16 [Vol. 1, 827] — Þorm Lv 16I
Sex hefk alls, síz óxu
óns hjalta Tý fjónir,
kendr emk við styr stundum,
stálregns boða vegna;
nú emk enn ok man manna
morð varliga orðinn,
vér létum þó þeira,
þrítøgr, skarar bíta.
Skj: Þórmóðr Bersason Kolbrúnarskáld: 2. Lausavísur 16 (AI, 285; BI, 264); (dróttkvætt); ed. RDF; group: A1; mss: 141x, 142x, 566ax, 761bx, DG8, Flat; texts: Fbr 0, ÓH 0, ÓHLeg 51, Þorm 4, ÞormR 0
1 Vol. 5. Grettis saga Ásmundarsonar 41 (Grettir Ásmundarson, Ævikviða II, 3) — Grett Ævkv II 3V (Gr 41)
Myndak sjalfr
í snǫru egnða
hølzti brátt
hǫfði stinga,
ef Þórbjǫrg
þessu skaldi,
hon's allsnotr,
eigi byrgi.
Skj: Grettir Ásmundarson: 1. Ævikviða 6 (AI, 310; BI, 288); (kviðuháttr); ed. JG; group: D; mss: 142x, 151x, 152, 1768x, 551a, AM 478 4°x, AM 558 c 4°x, DG10, M, papp6x; texts: Fbr 1, Gr 41
2 Vol. 5. Fóstbrœðra saga 2 (Þormóðr Kolbrúnarskáld, Þorgeirsdrápa, 1) — Þorm Þorgdr 1V (Fbr 2)
Starf hófsk upp, þás arfa
auðveitir lét dauðan
(hestrennir vas hlunna
hugsnjallr) Klœings falla;
efnð tóksk Hávars hefnðar,
hafstóðs þás vas Móði
(hann hlaut happ at vinna
hvettr) fimtían vetra.
Skj: Þórmóðr Bersason Kolbrúnarskáld: 1. Þórgeirsdrápa 1 (AI, 277; BI, 256); (dróttkvætt); ed. RDF; group: D; mss: 1149x, 141x, 142x, 1768x, 426x, 5317x, 566bx, 761bx, Flat, papp4x; texts: Fbr 2, Flat 481
3 Vol. 5. Fóstbrœðra saga 3 (Þormóðr Kolbrúnarskáld, Þorgeirsdrápa, 2) — Þorm Þorgdr 2V (Fbr 3)
Aldrspelli kveðk ollu
Ingolfs sonar (þingat
frétt es víg sem vættik)
vald há-Sleipnis tjalda;
fell fyr frœknum stilli,
fjǫrtjón vas þat ljóna,
(lítt vas þá til þrætu)
Þórbrandr drasils vandar.
Skj: Þórmóðr Bersason Kolbrúnarskáld: 1. Þórgeirsdrápa 2 (AI, 277-8; BI, 256); (dróttkvætt); ed. RDF; group: D; mss: 141x, 142x, 1768x, 566bx, 761bx, Flat, M; texts: Fbr 3, Flat 482
4 Vol. 5. Fóstbrœðra saga 4 (Þormóðr Kolbrúnarskáld, Þorgeirsdrápa, 3) — Þorm Þorgdr 3V (Fbr 4)
Vann, dugir verk at telja
(vápna hreggs) fyr seggjum,
(opt fló) geirr (frá gunni)
(gjóðr) Butralda hljóðan;
þótt kynni mun minni
margrjóðanda þjóðir
(né hnekkik því) þakkir
þess vígs fetils stíga.
Skj: Þórmóðr Bersason Kolbrúnarskáld: 1. Þórgeirsdrápa 3 (AI, 278; BI, 256-7); (dróttkvætt); ed. RDF; group: D; mss: 142x, 1768x, 566bx, 761bx, M; texts: Fbr 4
5 Vol. 5. Fóstbrœðra saga 5 (Þormóðr Kolbrúnarskáld, Þorgeirsdrápa, 4) — Þorm Þorgdr 4V (Fbr 5)
Frétt hefr ǫld, at ôttum
(undlinns) þás svik vinna
(rjóðanda nautk ráða)
rógsmenn saman gnóga;
enn vilk einskis minnask
(œsidýrs við stýri
raun gatk fyrða fjóna
flóðs) nema okkars góða.
Skj: Þórmóðr Bersason Kolbrúnarskáld: 1. Þórgeirsdrápa 4 (AI, 278; BI, 257); (dróttkvætt); ed. RDF; group: D; mss: 142x, 1768x, 566bx, 761bx, M; texts: Fbr 5
6 Vol. 5. Fóstbrœðra saga 6 (Þormóðr Kolbrúnarskáld, Þorgeirsdrápa, 5) — Þorm Þorgdr 5V (Fbr 6)
Kapp lét hǫldr, með hepni
hríð gerðisk þá sverða,
(hrátt gat hrafn at slíta
hold) Más syni goldit;
enn vas vágs at vígi
viggríðandi síðan
(kœnn bar greipr at gunni
gjarna) Skúfs ok Bjarna.
Skj: Þórmóðr Bersason Kolbrúnarskáld: 1. Þórgeirsdrápa 5 (AI, 278; BI, 257); (dróttkvætt); ed. RDF; group: D; mss: 142x, 151x, 152, 1768x, 551a, 556a, 566bx, AM 558 c 4°x, DG10, Holm papp 27 4°x, M, papp6x; texts: Fbr 6, Gr 25
7 Vol. 5. Fóstbrœðra saga 7 (Þormóðr Kolbrúnarskáld, Þorgeirsdrápa, 6) — Þorm Þorgdr 6V (Fbr 7)
Sex lét sævar Faxa
sviprunnr heðan Gunnar,
snjallr vas ôrr at ǫllu
undlinns, búinn sinnum;
salt-ǫttum réð særir
seims (frá ek þat) heiman
opt (vann auðar skiptir
erring) í haf knerri.
Skj: Þórmóðr Bersason Kolbrúnarskáld: 1. Þórgeirsdrápa 6 (AI, 278-9; BI, 257); (dróttkvætt); ed. RDF; group: D; mss: 142x, 1768x, 566bx, M; texts: Fbr 7
8 Vol. [error: assigned as individual verse to a vol > 4] — Þorm Lv 1V (Fbr 8)
Hrundar, bark af hendi
hjaldr (urpum þá skjaldi)
sǫng, hǫfum sár of fengit,
"siklings" flugu mikla;
nærgi's hrafns of hefna
hlunns glapvígum runni
umbnýsandi ósa
ôrr kyndils mák sára.
Skj: Þórmóðr Bersason Kolbrúnarskáld: 2. Lausavísur 1 (AI, 281-2; BI, 260); (dróttkvætt); ed. RDF; group: A1; mss: 1149x, 142x, 1768x, 5317x, 566bx, 761bx, papp4x; texts: Fbr 8
9 Vol. [error: assigned as individual verse to a vol > 4] — Þorm Lv 2V (Fbr 9)
Illa réðk því's allar
ey (Draupnis) gafk meyju
(mér bar dóm í drauma
dís) Kolbrúnar vísur;
þá tókk, þorna fægi-
Þrúðr kann mart en prúða,
(líknumk heldr við Hildi
hvítings) á mér víti.
Skj: Þórmóðr Bersason Kolbrúnarskáld: 2. Lausavísur 2 (AI, 282; BI, 260); (dróttkvætt); ed. RDF; group: A1; mss: 1149x, 141x, 142x, 1768x, 5317x, 566bx, 761bx, Flat, Hb, papp4x; texts: Fbr 9, Flat 504
10 Vol. 5. Fóstbrœðra saga 10 (Þormóðr Kolbrúnarskáld, Þorgeirsdrápa, 7) — Þorm Þorgdr 7V (Fbr 10)
Hús braut snarr til Snorra
sverðrjóðr, ok styr gerði
hinn es heiptir manna,
Hœkils sonar, rœkði;
varð, eggjaðr, þar þriggja
Þórgeirr, á hvǫt meiri,
(leygs hefk síks frá sœki
sann spurt), bani manna.
Skj: Þórmóðr Bersason Kolbrúnarskáld: 1. Þórgeirsdrápa 7 (AI, 279; BI, 258); (dróttkvætt); ed. RDF; group: D; mss: 1149x, 141x, 142x, 1768x, 5317x, 566bx, 761bx, Flat, Hb, papp4x; texts: Fbr 10, Flat 505
11 Vol. 5. Fóstbrœðra saga 11 (Þormóðr Kolbrúnarskáld, Þorgeirsdrápa, 8) — Þorm Þorgdr 8V (Fbr 11)
Ôr mank, þegn hinns Þóris
þarfs, farligra, arfa,
hlýra hrafns, með geiri
happauðigr réð dauða;
dýrr hefnði svá sára
(slíkt fór alt af ríki)
Odds ok ernir sǫddusk
jóstýrandi hlýra.
Skj: Þórmóðr Bersason Kolbrúnarskáld: 1. Þórgeirsdrápa 8 (AI, 279; BI, 258); (dróttkvætt); ed. RDF; group: D; mss: 1149x, 142x, 1768x, 5317x, 566bx, 761bx, Hb, papp4x; texts: Fbr 11
12 Vol. 5. Fóstbrœðra saga 12 (Þormóðr Kolbrúnarskáld, Þorgeirsdrápa, 9) — Þorm Þorgdr 9V (Fbr 12)
Njǫrðr gekk á skæ skorðu
skeljeggr (en þann teljum
hjaldr), es herja vildi,
hjǫrgaldrs með Rǫgnvaldi;
lítt sparði fjǫr fyrða
fremðar mildr at hildi,
drengs varð dôð in lengri;
djarfr vas Hávars arfi.
Skj: Þórmóðr Bersason Kolbrúnarskáld: 1. Þórgeirsdrápa 9 (AI, 279; BI, 258); (dróttkvætt); ed. RDF; group: D; mss: 1149x, 141x, 142x, 1768x, 5317x, 566bx, 761bx, Flat, Hb, papp4x; texts: Fbr 12, Flat 506
13 Vol. 5. Fóstbrœðra saga 13 (Þormóðr Kolbrúnarskáld, Þorgeirsdrápa, 10) — Þorm Þorgdr 10V (Fbr 13)
Gaut veitk at son Sleitu
snarfengr meðal drengja
hǫldr við harðar deilðir
hjǫrdjarfan nam fjǫrvi;
ófeigum varð eigi
(almþing) í gný malma
(opt verðr rík þeims rœkir
raun) stynfullu launat.
Skj: Þórmóðr Bersason Kolbrúnarskáld: 1. Þórgeirsdrápa 10 (AI, 279-80; BI, 258); (dróttkvætt); ed. RDF; group: D; mss: 1149x, 141x, 142x, 1768x, 5317x, 566bx, 73ax, 761bx, Flat, Hb, papp4x; texts: Fbr 13, Flat 507
14 Vol. 5. Fóstbrœðra saga 14 (Þormóðr Kolbrúnarskáld, Þorgeirsdrápa, 11) — Þorm Þorgdr 11V (Fbr 14)
Golls réð Þórgeirr þolla
því næst griða æsta,
sér es hann sáat fœri
svinngeðr með lið minna;
ǫll tók seggr enn snjalli
sǫnn, leygs, friðar mǫnnum,
fljóts þás fergir nýtan
fullmæli, réð tæla.
Skj: Þórmóðr Bersason Kolbrúnarskáld: 1. Þórgeirsdrápa 11 (AI, 280; BI, 259); (dróttkvætt); ed. RDF; group: D; mss: 1149x, 141x, 142x, 1768x, 5317x, 566bx, 761bx, Hb, papp4x; texts: Fbr 14
15 Vol. 5. Fóstbrœðra saga 15 (Þormóðr Kolbrúnarskáld, Þorgeirsdrápa, 12) — Þorm Þorgdr 12V (Fbr 15)
Stirðr réð stafn at verja
strenghreins tøgum drengja,
ítr þvít, ôrr, vas heitinn
auðstjóri þrek, fjórum;
áðr sigreynir sínum
(sôr hlutu meðr) at hvôru
út við eigi lítla
erring fell á knerri.
Skj: Þórmóðr Bersason Kolbrúnarskáld: 1. Þórgeirsdrápa 12 (AI, 280; BI, 259); (dróttkvætt); ed. RDF; group: D; mss: 1149x, 141x, 142x, 1768x, 5317x, 566bx, 761bx, Hb, papp4x; texts: Fbr 15
16 Vol. 5. Fóstbrœðra saga 16 (Þormóðr Kolbrúnarskáld, Þorgeirsdrápa, 13) — Þorm Þorgdr 13V (Fbr 16)
Kent hefr fjǫrs hvé frændum
folkhneitir skal veita
dýrr, þó at drengi væri
dylgjusamt at fylgja;
þægs, frák Þórgeir eiga,
þau eru orð komin norðan
handar grjóts frá hreyti,
hug þanns við mun brugðit.
Skj: Þórmóðr Bersason Kolbrúnarskáld: 1. Þórgeirsdrápa 13 (AI, 280-1; BI, 259); (dróttkvætt); ed. RDF; group: D; mss: 1149x, 141x, 142x, 1768x, 5317x, 566bx, 761bx, Hb, papp4x; texts: Fbr 16
17 Vol. 5. Fóstbrœðra saga 17 (Þormóðr Kolbrúnarskáld, Þorgeirsdrápa, 14) — Þorm Þorgdr 14V (Fbr 17)
Hauks frák hræva lœkjar
harðræðis þrot bræði
við sviprunna sennu
sverðs aldrigi verða;
Már hét maðr ok Þórir
málsnjallr es lét falla
(áðr frôgum) þá (þeira)
Þórgeirr (lokit eirum).
Skj: Þórmóðr Bersason Kolbrúnarskáld: 1. Þórgeirsdrápa 14 (AI, 281; BI, 259); (dróttkvætt); ed. RDF; group: D; mss: 1149x, 141x, 142x, 1768x, 5317x, 566bx, 73ax, 761bx, Flat, Hb, papp4x; texts: Fbr 17, Flat 508
18 Vol. 5. Fóstbrœðra saga 18 (Þormóðr Kolbrúnarskáld, Þorgeirsdrápa, 15) — Þorm Þorgdr 15V (Fbr 18)
Olli fjǫrr áðr felli
(flugtrauðr) hjarar dauða
(sá vas rœkjandi enn ríki
reggs) þrétían seggja;
þar lætk hjaldrs fyr hǫlðum
hins, es þrek gat vinna
(mál téa mín at deilask
mjúk) víga tal lúkask.
Skj: Þórmóðr Bersason Kolbrúnarskáld: 1. Þórgeirsdrápa 15 (AI, 281; BI, 260); (dróttkvætt); ed. RDF; group: D; mss: 1149x, 141x, 142x, 1768x, 5317x, 566bx, 761bx, Hb, papp4x; texts: Fbr 18
19 Vol. [error: assigned as individual verse to a vol > 4] — Þorm Lv 3V (Fbr 19)
Þarf sás þér skal hvarfa
þengill fyr kné lengi
(svarar hógliga hverju)
hugborð (konungr orði);
fáir erum vér, né frýju,
frændr, órum þó vændir,
(minnumk meir á annat
mitt starf) konungdjarfir.
Skj: Þórmóðr Bersason Kolbrúnarskáld: 2. Lausavísur 3 (AI, 282; BI, 260-1); (dróttkvætt); ed. RDF; group: A1; mss: 1149x, 141x, 142x, 1768x, 5317x, 566ax, 566bx, 761bx, Flat, Hb, papp4x; texts: Fbr 19, Þorm 5
20 Vol. [not skaldic: Hávamál 84] — Hávm 84
Meyjar orðum
skyli manngi trúa
né því er kveður kona,

því að á hverfanda hveli
voru þeim hjörtu sköpuð,
brigð í brjóst um lagin.
Skj: Not in Skj; (ljóðaháttr); ed. NS; group: X; mss: 1768x, R; texts: Fbr 20, Flat 518
21 Vol. [error: assigned as individual verse to a vol > 4] — Þorm Lv 4V (Fbr 21)
Betr lézk beita skutli,
Baldr hœlir því skjaldar,
(þollr hleypr hart of hellur
hlunnjós), an vér kunna;
gǫrr mank hitt, hveim harri
hugdyrstr skipar fyrstum
(veitti oss, sás átti,
orms torg) í skjaldborgu.
Skj: Þórmóðr Bersason Kolbrúnarskáld: 2. Lausavísur 4 (AI, 282; BI, 261); (dróttkvætt); ed. RDF; group: A1; mss: 141x, 142x, 1768x, 73ax, 761bx, Flat, Hb, papp4x; texts: Fbr 21, Flat 519
22 Vol. 5. Fóstbrœðra saga 1 (Anonymous Lausavísur, Lausavísa from Fóstbræðra saga, 1) — Anon (Fbr) 1V (Fbr 1)
Hræddur mjǫk var hinn er meiddi
hjǫr aldrigi, sviptir tjalda;
skulfu síðan skips í álfi
skjótlyndum meðal hárs ok fóta
bæði tennur, bein ok æðar,
brann vizkunnar hverfi þannig
firna hart sem eldr á arni;
æslamikil var þessi hræsla.
Skj: [Anonyme digte og vers XIV]: A. 5. Vers af sagaer: Af isl. slægtsagaer: Af Fóstbræðrasaga (AII, 454; BII, 486); (hrynhent); ed. RDF; group: D; mss: 141x, 761bx, Flat, papp4x; texts: Fbr 22
23 Vol. [error: assigned as individual verse to a vol > 4] — Þorm Lv 5V (Fbr 23)
Ǫrvendi trezk undir
(opt finnumk þess minni)
ǫll es fremð of fallin,
fjǫrneppr, í strá greppi,
ef hreggboða hǫggvit
hefk vart í skǫr svarta,
nadda borðs þvít Nirði,
nættings, bana vættik.
Skj: Þórmóðr Bersason Kolbrúnarskáld: 2. Lausavísur 5 (AI, 282-3; BI, 261); (dróttkvætt); ed. RDF; group: D; mss: 141x, 142x, 1768x, 566ax, 761bx, Flat, Hb, papp4x; texts: Fbr 23, Flat 521
24 Vol. [error: assigned as individual verse to a vol > 4] — Þorm Lv 6V (Fbr 24)
Undr's hví eigi kendu
élbǫrvar mik gǫrva
stáls (hefk mark) á máli
(mart) ok skopt et svarta;
burgumk, langs þvít lengra
líf vas Tý skapat drífu
þremja svells, en þolli
þeim aldrtili seima.
Skj: Þórmóðr Bersason Kolbrúnarskáld: 2. Lausavísur 6 (AI, 283; BI, 261); (dróttkvætt); ed. RDF; group: A1; mss: 141x, 142x, 1768x, 566ax, 761bx, Flat, Hb, papp4x; texts: Fbr 24, Flat 522
25 Vol. [error: assigned as individual verse to a vol > 4] — Þorm Lv 7V (Fbr 25)
Strengði þess á þingi
þarflyndr, ef mik fyndi,
hǫldr, at hǫggva skyldi,
heit, lofgerðar veiti;
nær stóðk randa rýri,
rekkr lézkat mik þekkja;
gótt's þats hulðar hetti
hefr faldit smiðr stefja.
Skj: Þórmóðr Bersason Kolbrúnarskáld: 2. Lausavísur 7 (AI, 283; BI, 261-2); (dróttkvætt); ed. RDF; group: A1; mss: 141x, 761bx, Flat, papp4x; texts: Fbr 25, Flat 523
26 Vol. [error: assigned as individual verse to a vol > 4] — Þorm Lv 8V (Fbr 26)
Matkak hefnð, en hrafni
hrings, fekk ek brôð á þingi
Baldrs (létk vígi valdit)
varga, setrs við marga;
meir hefni, þó þremja,
Þórgeirs vinir fleiri,
gnýþolli létk gjalla;
gǫrt hefk fyr mik svartan.
Skj: Þórmóðr Bersason Kolbrúnarskáld: 2. Lausavísur 8 (AI, 283; BI, 262); (dróttkvætt); ed. RDF; group: A1; mss: 141x, 142x, 1768x, 566ax, 761bx, Flat, Hb, papp4x; texts: Fbr 26, Flat 524
27 Vol. [error: assigned as individual verse to a vol > 4] — Þorm Lv 9V (Fbr 27)
Skoptak enn, þás, uppi,
(undarligt) á sundi,
hrókr dó heimskr við klæki
(hans razaklof ganði);
alla leitk á Ulli
eggveðrs hugar gleggum
(setti gaurr ok glotti)
goðfjón (við mér sjónir).
Skj: Þórmóðr Bersason Kolbrúnarskáld: 2. Lausavísur 9 (AI, 283-4; BI, 262); (dróttkvætt); ed. RDF; group: A1; mss: 141x, 142x, 1768x, 761bx, Flat, Hb, papp4x; texts: Fbr 27, Flat 525
28 Vol. [error: assigned as individual verse to a vol > 4] — Þorm Lv 12V (Fbr 28)
Ér fenguð fé færa
(flím's opt kveðit) Grími
mér ok miklu fleira,
mæringr, an þǫrf væri;
hann hefr hunds verk unnit,
hvinn gerir slíkt at vinna,
mætr en menzku bœttak
mína gramr ok þína.
Skj: Þórmóðr Bersason Kolbrúnarskáld: 2. Lausavísur 12 (AI, 284; BI, 263); (dróttkvætt); ed. RDF; group: A1; mss: 141x, 142x, 1768x, 566ax, 73ax, 761bx, Flat, Hb, papp4x; texts: Fbr 28, Flat 526
29 Vol. [error: assigned as individual verse to a vol > 4] — Þorm Lv 13V (Fbr 29)
Þollr, vák Þórgrím trolla,
þar laut harðr til jarðar,
áðr réðk, odda hríðar,
ótrauðr Loðins dauða;
þar namk Þórkel fjǫrvi,
Þórðr lét ǫnd enn fjórði,
feldr vas, frægr, til moldar
Falgeirr, skǫrungr þeira.
Skj: Þórmóðr Bersason Kolbrúnarskáld: 2. Lausavísur 13 (AI, 284-5; BI, 263); (dróttkvætt); ed. RDF; group: A1; mss: 141x, 142x, 1768x, 566ax, 73ax, 761bx, Flat, Hb, papp4x; texts: Fbr 29, Flat 527
30 Vol. [error: assigned as individual verse to a vol > 4] — Þorm Lv 14V (Fbr 30)
Éls, hefk illan díla,
Ekkils, þeims mik sekðu,
geig vank gervidraugum,
Grœnlendingum brendan;
sá munat sœkitívum
sverðéls frǫmum verða
hrings á hryggjar tanga
hóggrœddr, nema mér lógi.
Skj: Þórmóðr Bersason Kolbrúnarskáld: 2. Lausavísur 14 (AI, 285; BI, 263-4); (dróttkvætt); ed. RDF; group: A1; mss: 141x, 142x, 1768x, 566ax, 73ax, 761bx, Flat, Hb, papp4x; texts: Fbr 30, Flat 528
31 Vol. 1. 49. Þormóðr Kolbrúnarskáld (biog. vol. 5), Lausavísur, 18 [Vol. 1, 829] — Þorm Lv 18I
Brennum ǫll fyr innan
inni þaus vér finnum
(land tegask herr með hjǫrvi)
Hverbjǫrg (fyr gram verja);
ýs, hafi allra húsa
Innþrœndir kol sinna,
angr skal kveykt í klungri,
kǫld, ef ek má valda.
Skj: Þórmóðr Bersason Kolbrúnarskáld: 2. Lausavísur 18 (AI, 286; BI, 264); (dróttkvætt); ed. RDF; group: A1; mss: 141x, 142x, 1768x, 321x, 325V, 325VII, 566ax, 61, 68, 73ax, 761bx, 972x, Bb, DG8, Flat, Hb, Holm2, Holm4, J2x, Kx, papp4x, Tóm; texts: Fbr 31, Flat 596, ÓH 144(140), ÓHHkr 137, ÓHLeg 52
32 Vol. 3. Anonymous Poems, 1. Bjarkamál in fornu, 1 [Vol. 3, 497] — Anon Bjark 1III
Dagr's upp kominn,
dynja hana fjaðrar,
mál's vílmǫgum
at vinna erfiði;
vaki ok æ vaki
vina hǫfuð,
allir enir œztu
Aðils ofsinnar.
Skj: Anonyme digte og vers [X]: II. A. Bjarkamál en fornu 1 (AI, 180; BI, 170); (málaháttr); ed. MCR; group: B; mss: 141x, 321x, 325V, 325VII, 61, 68, 73ax, 761bx, 972x, Bb, Bæb, Flat, Holm2, Holm4, J2x, Kx, Tóm; texts: Fbr 32, Flat 602, ÓH 148(144), ÓHHkr 141
33 Vol. 3. Anonymous Poems, 1. Bjarkamál in fornu, 2 [Vol. 3, 498] — Anon Bjark 2III
Hár enn harðgreipi,
Hrólfr skjótandi,
ættum góðir menn,
þeirs ekki flœja;
vekka yðr at víni
né at vífs rúnum,
heldr vekk yðr at hǫrðum
Hildar leiki.
Skj: Anonyme digte og vers [X]: II. A. Bjarkamál en fornu 2 (AI, 180; BI, 170); (málaháttr); ed. MCR; group: B; mss: 141x, 321x, 325V, 325VII, 61, 68, 73ax, 761bx, 972x, Bb, Bæb, Flat, Holm2, Holm4, J2x, Kx, Tóm; texts: Fbr 33, Flat 603, ÓH 149(145), ÓHHkr 142
34 Vol. 1. 49. Þormóðr Kolbrúnarskáld (biog. vol. 5), Lausavísur, 19 [Vol. 1, 831] — Þorm Lv 19I
Ála þryngr at éli,
ǫrstiklandi, miklu,
skyldut skelknir hǫlðar
(skalmǫld vex nú) falma;við sókn, en slœkni
seggr skyli orð of forðask,
es at geirþingi gǫngum,
gunnreifr, með Áleifi.
Skj: Þórmóðr Bersason Kolbrúnarskáld: 2. Lausavísur 19 (AI, 286; BI, 265); (dróttkvætt); ed. RDF; group: A1; mss: 141x, 142x, 1768x, 321x, 325V, 325VII, 566ax, 61, 68, 73ax, 761bx, 972x, Bb, Bæb, DG8, Flat, Hb, Holm2, Holm4, J2x, Kx, papp4x, Tóm; texts: Fbr 34, Flat 599, ÓH 147(143), ÓHHkr 140, ÓHLeg 56
35 Vol. 1. 49. Þormóðr Kolbrúnarskáld (biog. vol. 5), Lausavísur, 20 [Vol. 1, 833] — Þorm Lv 20I
Þér munk eðr unz ǫðrum,
allvaldr, náir skǫldum
(nær vættir þú þeira)
þingdjarfr, fyr kné hvarfa;
braut komumk vér, þó at veitim
valtafn frekum hrafni,
(víksk eigi þat) vága
viggruðr eða hér liggja.
Skj: Þórmóðr Bersason Kolbrúnarskáld: 2. Lausavísur 20 (AI, 286-7; BI, 265); (dróttkvætt); ed. RDF; group: A1; mss: 141x, 142x, 1768x, 321x, 325V, 325VII, 566ax, 61, 68, 73ax, 75e 4, 761bx, 972x, Bb, Bæb, DG8, Flat, Hb, Holm2, Holm4, J2x, Kx, papp4x, Tóm; texts: Fbr 35, Flat 604, ÓH 150(146), ÓHHkr 143, ÓHLeg 57
36 Vol. 1. 49. Þormóðr Kolbrúnarskáld (biog. vol. 5), Lausavísur, 21 [Vol. 1, 834] — Þorm Lv 21I
Á sér, at vér vôrum,
vígreifr, með Áleifi,
sár fekk ek, Hildr, at hvôru,
hvítings, ok frið lítinn;
skínn á skildi mínum,
skald fekk hríð til kalda,
nær hafa eski-askar
ǫrvendan mik gǫrvan.
Skj: Þórmóðr Bersason Kolbrúnarskáld: 2. Lausavísur 21 (AI, 287; BI, 265); (dróttkvætt); ed. RDF; group: A1; mss: 141x, 142x, 1768x, 566ax, 761bx, DG8, Flat, Hb, papp4x; texts: Fbr 36, ÓHLeg 58
37 Vol. 1. 49. Þormóðr Kolbrúnarskáld (biog. vol. 5), Lausavísur, 22 [Vol. 1, 837] — Þorm Lv 22I
Haraldr vas bitr at berjask
bǫðreifr með Áleifi,
þar gekk harðra hjǫrva
Hringr ok Dagr at þingi;
réðu þeir und rauðar
randir prútt at standa,
fekk benþiðurr blakkan
bjór, dǫglingar fjórir.
Skj: Þórmóðr Bersason Kolbrúnarskáld: 2. Lausavísur 22 (AI, 287; BI, 265); (dróttkvætt); ed. RDF; group: A1; mss: 141x, 142x, 1768x, 566ax, 744x, 761ax, 761bx, A, B, DG8, Flat, Hb, W; texts: Fbr 37, ÓHLeg 59, TGT 2
38 Vol. 1. 49. Þormóðr Kolbrúnarskáld (biog. vol. 5), Lausavísur, 23 [Vol. 1, 838] — Þorm Lv 23I
Ǫrt vas Áleifs hjarta,
óð framm konungr (blóði
rekin bitu stôl) á Stiklar
stǫðum; kvaddi lið bǫðvar;
élþolla sák alla
Jǫlfuðs nema gram sjalfan
(reyndr vas flestr) í fastri
fleindrífu sér hlífa.
Skj: Þórmóðr Bersason Kolbrúnarskáld: 2. Lausavísur 23 (AI, 287-8; BI, 266); (dróttkvætt); ed. RDF; group: A1; mss: 141x, 142x, 1768x, 321x, 325V, 325VII, 566ax, 61, 73ax, 761bx, 972x, Bb, DG8, Flat, Hb, Holm2, Holm4, J2x, Kx, papp4x, Tóm; texts: Fbr 38, ÓH 170(166), ÓHHkr 159, ÓHLeg 60
39 Vol. 1. 49. Þormóðr Kolbrúnarskáld (biog. vol. 5), Lausavísur, 25 [Vol. 1, 843] — Þorm Lv 25I
Undrask ǫglis landa
eik, hví vér róm bleikir;
fár verðr fagr af sárum,
fank ǫrvadrif, svanni;
mik fló malmr enn døkkvi
magni keyrðr í gǫgnum,
hvast beit hjarta et næsta
hættligt járn es vættik.
Skj: Þórmóðr Bersason Kolbrúnarskáld: 2. Lausavísur 25 (AI, 288; BI, 266); (dróttkvætt); ed. RDF; group: A1; mss: 141x, 142x, 1768x, 321x, 325V, 325VII, 566ax, 61, 73ax, 761bx, 972x, Bb, DG8, Flat, Holm2, Holm4, J2x, Kx, papp4x, Tóm; texts: Fbr 39, ÓH 172(168), ÓHHkr 161, ÓHLeg 61
40 Vol. 1. 49. Þormóðr Kolbrúnarskáld (biog. vol. 5), Lausavísur, 24 [Vol. 1, 840] — Þorm Lv 24I
Emka rjóðr, né rauðum
ræðr grǫnn Skǫgul manni
hauka setrs en hvíta;
hyggr fár of mik sáran;
hitt veldr, mér at, meldrar
morðvenjanda Fenju,
djúp ok danskra vápna
Dags hríðar spor svíða.
Skj: Þórmóðr Bersason Kolbrúnarskáld: 2. Lausavísur 24 (AI, 288; BI, 266); (dróttkvætt); ed. RDF; group: A1; mss: 141x, 142x, 1768x, 321x, 325V, 325VII, 566ax, 61, 73ax, 761bx, 972x, Bb, DG8, Flat, Hb, Holm2, Holm4, J2x, Kx, papp4x, Tóm; texts: Fbr 40, ÓH 171(167), ÓHHkr 160, ÓHLeg 62
© Skaldic Project Academic Body, unless otherwise noted. Database structure and interface developed by Tarrin Wills. All users of material on this database are reminded that its content may be either subject to copyright restrictions or is the property of the custodians of linked databases that have given permission for members of the skaldic project to use their material for research purposes. Those users who have been given access to as yet unpublished material are further reminded that they may not use, publish or otherwise manipulate such material except with the express permission of the individual editor of the material in question and the General Editor of the volume in which the material is to be published. Applications for permission to use such material should be made in the first instance to the General Editor of the volume in question. All information that appears in the published volumes has been thoroughly reviewed. If you believe some information here is incorrect please contact Tarrin Wills with full details.