This interface will soon cease to be publicly available. Use the new interface instead. Click here to switch over now.

Cookies on our website

We use cookies on this website, mainly to provide a secure browsing experience but also to collect statistics on how the website is used. You can find out more about the cookies we set, the information we store and how we use it on the cookies page.

Skaldic Poetry of the Scandinavian Middle Ages

login: password: stay logged in: help

verses in Hallfreðar saga

1 Vol. 5. Hallfreðar saga 1 (Anonymous Lausavísur, Lausavísa from Hallfreðar saga, 1) — Anon (Hallfr) 1V (Hallfr 1)
Allar vildu meyjar
með Ingolfi ganga,
þær es vaxnar vôru,
vesǫl kvazk æ til lítil.
[Ek vil ok - kvað kerling
með Ingolfi ganga,
meðan mér tvær of tolla
tennr í øfra gómi.]
Skj: Anonyme digte og vers [X]: I. B. 7. Om Ingólfr Þórsteinsson (AI, 178-9; BI, 168-9); (dróttkvætt); ed. DW; group: D; mss: 138x, 22x, 325IX 1 bx, 396 folx, 53, 557, 559x, 61, Bb, Flat, Hb, M; texts: Flat 248, Hallfr 1, HallfrÓT 2, ÓT 113, Vatn 1
2 Vol. 5. Hallfreðar saga 2 (Hallfreðr vandræðaskáld Óttarsson, Lausavísur, 1) — Hfr Lv 1V (Hallfr 2)
Svá nøkkvi verðr søkkvis
sannargs troga margra
œgilig fyr augum
alheiðins mér reiði,
sem ólítill úti
alls mest við fǫr gesta
(stœrik brag) fyr búri
búrhundr gamall stúri.
Skj: Hallfrøðr Óttarsson vandræðaskáld: 5. Lausavísur 1 (AI, 166-7; BI, 157); (dróttkvætt); ed. DW; group: D; mss: 22x, 325IX 1 bx, 557, 61, Bb, Flat, M; texts: Flat 249, Hallfr 2, HallfrÓT 1, ÓT 112
3 Vol. 5. Hallfreðar saga 3 (Hallfreðr vandræðaskáld Óttarsson, Lausavísur, 2) — Hfr Lv 2V (Hallfr 3)
Ræðkat rækimeiðum
randaliðs at biðja
(ótta) eingadóttur
Ávalda (því skaldi);
síð mun Surts of beiði-
(svá geta menn til hennar)
-kvánar byrr af kyrri
Kolfinnu mér rinna.
Skj: Hallfrøðr Óttarsson vandræðaskáld: 5. Lausavísur 2 (AI, 167; BI, 157); (dróttkvætt); ed. DW; group: D; mss: Flat, M; texts: Flat 250, Hallfr 3
4 Vol. 5. Hallfreðar saga 4 (Hallfreðr vandræðaskáld Óttarsson, Lausavísur, 3) — Hfr Lv 3V (Hallfr 4)
Fúss emk enn, þótt ossu
álfǫll drepi stáli,
mjǫk skýtr Marnar vakri,
minnask við Kolfinnu,
þvít eldgrundar Endils
áttgóðri mér tróðu
betr unnum nú nýtri
nær an heitin væri.
Skj: Hallfrøðr Óttarsson vandræðaskáld: 5. Lausavísur 3 (AI, 167; BI, 157-8); (dróttkvætt); ed. DW; group: D; mss: Flat, M; texts: Flat 251, Hallfr 4
5 Vol. 5. Hallfreðar saga 5 (Hallfreðr vandræðaskáld Óttarsson, Lausavísur, 4) — Hfr Lv 4V (Hallfr 5)
Fœrum festar órar,
ferr særoka at knerri,
svǫrð tekr heldr at herða -
hvar es Akkerisfrakki?
Skj: Hallfrøðr Óttarsson vandræðaskáld: 5. Lausavísur 4 (AI, 167; BI, 158); (dróttkvætt); ed. DW; group: D; mss: 22x, 325IX 1 bx, 53, 557, 61, 62, Bb, Flat, M; texts: Flat 252, Hallfr 5, HallfrÓT 3, ÓT 114
6 Vol. 5. Hallfreðar saga 6 (Óláfr Tryggvason, Lausavísa, 1) — ÓTr Lv 1V (Hallfr 6)
Einn í olpu grœnni
ek fekk dreng til strengjar,
þanns hnakkmiða hnykkir;
hér es Akkerisfrakki.
Skj: Óláfr Tryggvason: Lausavísur 1 (AI, 152; BI, 144); (dróttkvætt); ed. DW; group: D; mss: 22x, 325IX 1 bx, 53, 557, 61, 62, Bb, Flat, M; texts: Flat 253, Hallfr 6, HallfrÓT 4, ÓT 115
7 Vol. [error: assigned as individual verse to a vol > 4] — Hfr ErfÓl 26bV (Hallfr 7)
Hlautk þanns œztr vas einna
(ek sanna þat) manna
und niðbyrði Norðra
norðr goðfǫður orðinn.
Skj: Hallfrøðr Óttarsson vandræðaskáld: 3. Óláfsdrápa, erfidrápa 26 (AI, 165; BI, 156); (dróttkvætt); ed. KSH; group: D; mss: 22x, 325IX 1 bx, 53, 557, 61, 62, Bb, Flat, M; texts: Flat 254, Hallfr 7, HallfrÓT 0, ÓT 116
8 Vol. 5. Hallfreðar saga 8 (Hallfreðr vandræðaskáld Óttarsson, Lausavísur, 5) — Hfr Lv 5V (Hallfr 8)
Veitk at vísu skreyti
víðlendr konungr sendi
nøkðan hjǫr við nǫkkva
núflaust burar Austra;
verða hjǫlt fyr herði,
hǫfum gramr (kera) framðan,
skǫlkvings (of þák skjalga)
skrautlig konungsnauti.
Skj: Hallfrøðr Óttarsson vandræðaskáld: 5. Lausavísur 5 (AI, 167; BI, 158); (dróttkvætt); ed. DW; group: D; mss: 22x, 325IX 1 bx, 53, 557, 61, 62, Bb, Flat, M; texts: Flat 255, Hallfr 8, HallfrÓT 5, ÓT 117
9 Vol. 5. Hallfreðar saga 9 (Hallfreðr vandræðaskáld Óttarsson, Lausavísur, 6) — Hfr Lv 6V (Hallfr 9)
Fyrr vas hitt, es harra
Hliðskjalfar gatk sjalfan,
skipt es á gumna giptu,
geðskjótan vel blóta.
Skj: Hallfrøðr Óttarsson vandræðaskáld: 5. Lausavísur 6 (AI, 168; BI, 158); (dróttkvætt); ed. DW; group: D; mss: 22x, 325IX 1 bx, 53, 557, 61, 62, Bb, Flat, M; texts: Flat 256, Hallfr 9, HallfrÓT 6, ÓT 118
10 Vol. 5. Hallfreðar saga 10 (Hallfreðr vandræðaskáld Óttarsson, Lausavísur, 7) — Hallfreðr — Hfr Lv 7V (Hallfr 10)
Ǫll hefr ætt til hylli
Óðins skipat ljóðum,
algilda mank, aldar
iðju várra niðja,
en trauðr, þvít vel Viðris
vald hugnaðisk skaldi,
legg ek á frumver Friggjar
fjón, þvít Kristi þjónum.
Skj: Hallfrøðr Óttarsson vandræðaskáld: 5. Lausavísur 7 (AI, 168; BI, 158); (dróttkvætt); ed. DW; group: D; mss: 22x, 325IX 1 bx, 53, 557, 61, 62, Bb, Flat, M; texts: Flat 257, Hallfr 10, HallfrÓT 7, ÓT 119
11 Vol. 5. Hallfreðar saga 11 (Hallfreðr vandræðaskáld Óttarsson, Lausavísur, 8) — Hfr Lv 8V (Hallfr 11)
Hǫfnum, hǫlða reifir,
hrafnblóts goða nafni,
þess's ól við lof lýða
lóm, ór heiðnum dómi.
Skj: Hallfrøðr Óttarsson vandræðaskáld: 5. Lausavísur 8 (AI, 168; BI, 158); (dróttkvætt); ed. DW; group: D; mss: 22x, 325IX 1 bx, 53, 557, 61, Bb, Flat, M; texts: Flat 258, Hallfr 11, HallfrÓT 8, ÓT 120
12 Vol. 5. Hallfreðar saga 12 (Hallfreðr vandræðaskáld Óttarsson, Lausavísur, 9) — Hfr Lv 9V (Hallfr 12)
Mér skyli Freyr ok Freyja,
fjǫrð lætk ǫðul Njarðar,
líknisk grǫm við Grímni,
gramr, ok Þór enn ramma;
Krist vilk allrar ástar,
erum leið sonar reiði,
vald es á frægt und foldar
feðr, einn ok goð kveðja.
Skj: Hallfrøðr Óttarsson vandræðaskáld: 5. Lausavísur 9 (AI, 168; BI, 159); (dróttkvætt); ed. DW; group: D; mss: 22x, 325IX 1 bx, 53, 557, 61, 62, Bb, Flat, M; texts: Flat 259, Hallfr 12, HallfrÓT 9, ÓT 121
13 Vol. 5. Hallfreðar saga 13 (Hallfreðr vandræðaskáld Óttarsson, Lausavísur, 10) — Hfr Lv 10V (Hallfr 13)
Sá's með Sygna ræsi
siðr, at blót eru kviðjuð;
verðum flest at forðask
fornhaldin skǫp norna;
láta allir ýtar
Óðins ætt fyr róða;
verðk ok neyddr frá Njarðar
niðjum Krist at biðja.
Skj: Hallfrøðr Óttarsson vandræðaskáld: 5. Lausavísur 10 (AI, 169; BI, 159); (dróttkvætt); ed. DW; group: D; mss: 22x, 325IX 1 bx, 53, 557, 61, 62, Bb, Flat, M; texts: Flat 260, Hallfr 13, HallfrÓT 10, ÓT 122
14 Vol. 5. Hallfreðar saga 14 (Hallfreðr vandræðaskáld Óttarsson, Lausavísur, 11) — Hfr Lv 11V (Hallfr 14)
Eitt es sverð þats sverða
sverðauðgan mik gerði;
fyr svip-Njǫrðum sverða
sverðótt mun nú verða;
muna vansverðat verða,
(verðr emk þriggja sverða)
jarðar hljótr, at yrði
umbgerð at því sverði.
Skj: Hallfrøðr Óttarsson vandræðaskáld: 5. Lausavísur 11 (AI, 169; BI, 159); (dróttkvætt); ed. DW; group: D; mss: 22x, 325IX 1 bx, 557, 61, 62, A, Bb, F, Flat, J1x, Kx, M, W; texts: Flat 261, Hallfr 14, HallfrÓT 11, ÓT 123, ÓTC 43, TGT 80
15 Vol. 5. Hallfreðar saga 15 (Hallfreðr vandræðaskáld Óttarsson, Lausavísur, 12) — Hfr Lv 12V (Hallfr 15)
Ólk, þars aldri véla
auðgildanda vildak,
hyrjar njót á hvítu
hrafnvíns féi mínu;
vank til góðs við grenni
gunnmás, sem ek kunna,
en friðskerðir fœrði
fjǫrtál at mér hjǫrva.
Skj: Hallfrøðr Óttarsson vandræðaskáld: 5. Lausavísur 12 (AI, 169; BI, 159); (dróttkvætt); ed. DW; group: D; mss: 22x, 325IX 1 bx, 325VIII 2 e, 53, 54, 557, 61, 62, Bb, Flat, M; texts: Flat 262, Hallfr 15, HallfrÓT 12, ÓT 124
16 Vol. 5. Hallfreðar saga 16 (Hallfreðr vandræðaskáld Óttarsson, Lausavísur, 13) — Hfr Lv 13V (Hallfr 16)
Svá hefk hermila harma,
hné Baldr í gný skjalda
(baugs erum svipr at sveigi)
sárlinns, rekit minna,
at lofhnugginn liggja
létk sunnr í dyn Gunnar,
ek of hefnda svá okkar,
Auðgísls bana dauðan.
Skj: Hallfrøðr Óttarsson vandræðaskáld: 5. Lausavísur 13 (AI, 169-70; BI, 159-60); (dróttkvætt); ed. DW; group: D; mss: 53, 54, 61, 62, 761bx, Bb, Flat, M; texts: Flat 263, Hallfr 16, HallfrÓT 13, ÓT 125
17 Vol. 5. Hallfreðar saga 17 (Hallfreðr vandræðaskáld Óttarsson, Lausavísur, 14) — Hfr Lv 14V (Hallfr 17)
Ek brá elda støkkvi
ǫlna skeiðs af reiði,
lagðak hendr at hundi,
hundgeðjuðum undir;
stendr eigi sá sendir
síðan Hlakkar skíða,
bál rauðk Yggjar éla,
éls við þjóð á vélum.
Skj: Hallfrøðr Óttarsson vandræðaskáld: 5. Lausavísur 14 (AI, 170; BI, 160); (dróttkvætt); ed. DW; group: D; mss: 53, 54, 61, 62, 761bx, Bb, Flat, M; texts: Flat 264, Hallfr 17, HallfrÓT 14, ÓT 126
18 Vol. 5. Hallfreðar saga 18 (Hallfreðr vandræðaskáld Óttarsson, Lausavísur, 15) — Hfr Lv 15V (Hallfr 18)
Leggr at lýsibrekku
leggjar íss af Grísi,
kvǫl þolir hón hjá hônum,
heitr ofremðar sveiti,
en dreypilig drúpir
dýnu Rôn hjá hônum,
leyfik ljóssa vífa
lund, sem alpt á sundi.
Skj: Hallfrøðr Óttarsson vandræðaskáld: 5. Lausavísur 15 (AI, 170; BI, 160); (dróttkvætt); ed. DW; group: D; mss: Flat, M; texts: Flat 306, Hallfr 18
19 Vol. 5. Hallfreðar saga 19 (Hallfreðr vandræðaskáld Óttarsson, Lausavísur, 16) — Hfr Lv 16V (Hallfr 19)
Þrammar, svá sem svimmi
sílafullr, til hvílu
fúrskerðandi fjarðar,
fúlmár á trǫð bôru,
áðr an orfa stríðir
ófríðr þorir skríða,
hann esa hlaðs við Gunni
hvílubráðr, und váðir.
Skj: Hallfrøðr Óttarsson vandræðaskáld: 5. Lausavísur 16 (AI, 170; BI, 160); (dróttkvætt); ed. DW; group: D; mss: Flat, M; texts: Flat 307, Hallfr 19
20 Vol. 5. Hallfreðar saga 20 (Hallfreðr vandræðaskáld Óttarsson, Lausavísur, 17) — Hfr Lv 17V (Hallfr 20)
Lítt mun Hǫðr enn hvíti
hjalmgrands fyr búr skalmask,
hann mun aura Eirar
án, ok Strútr enn gráni,
þótt orfþægir eigi
ófríðr stǫðul víðan,
hirðandi nýtr hjarðar
hjǫrvangs, ok kví langa.
Skj: Hallfrøðr Óttarsson vandræðaskáld: 5. Lausavísur 17 (AI, 170; BI, 160-1); (dróttkvætt); ed. DW; group: D; mss: Flat, M; texts: Flat 308, Hallfr 20
21 Vol. 5. Hallfreðar saga 21 (Hallfreðr vandræðaskáld Óttarsson, Lausavísur, 18) — Hfr Lv 18V (Hallfr 21)
Kolfinna læzk kenna,
kveðk enn of hlut þenna,
hvat kveða vífi vitru
valda, fúlt af skaldi;
en af ungum svanna
auðhnykkjanda þykkir,
óð emk gjarn at greiða,
ganga dýrligr angi.
Skj: Hallfrøðr Óttarsson vandræðaskáld: 5. Lausavísur 18 (AI, 171; BI, 161); (dróttkvætt); ed. DW; group: D; mss: Flat, M; texts: Flat 309, Hallfr 21
22 Vol. 5. Hallfreðar saga 22 (Hallfreðr vandræðaskáld Óttarsson, Lausavísur, 19) — Hfr Lv 19V (Hallfr 22)
Lítt hirði ek, lautar
lundr hefr hætt til sprunda
viggs, þótt verðak hǫggvinn,
varr, í hǫndum svarra,
ef ek næða Sif slœðu
sofa karms meðal arma;
mákat láss við ljósa
lind ofrœkðar bindask.
Skj: Hallfrøðr Óttarsson vandræðaskáld: 5. Lausavísur 19 (AI, 171; BI, 161); (dróttkvætt); ed. DW; group: D; mss: 53, 54, 557, 61, Bb, Flat, M; texts: Flat 310, Hallfr 22, HallfrÓT 15, ÓT 136
23 Vol. 5. Hallfreðar saga 23 (Hallfreðr vandræðaskáld Óttarsson, Lausavísur, 20) — Hfr Lv 20V (Hallfr 23)
Veitkat hitt, hvat verða
verglóðar skal tróðu,
rinnumk ôst til Ilmar
unnar dags, á munni,
ef fjǫlgegnir fregna
fagnendr jǫtuns sagna,
flók af gyltar Grísi
geitbelg, hvat mik teitir.
Skj: Hallfrøðr Óttarsson vandræðaskáld: 5. Lausavísur 20 (AI, 171; BI, 161); (dróttkvætt); ed. DW; group: D; mss: 53, 54, 557, 61, Bb, Flat, M; texts: Flat 311, Hallfr 23, HallfrÓT 16, ÓT 137
24 Vol. 5. Hallfreðar saga 24 (Hallfreðr vandræðaskáld Óttarsson, Lausavísur, 21) — Hfr Lv 21V (Hallfr 24)
Heim koma hirði-Naumur,
hams es góðr á fljóðum,
sævar báls frá seljum
sléttfjallaðar allar;
nú selk af, þótt ýfisk
ǫlbekkjar Syn nekkvat,
hverr taki seggr við svarra
sínum, ábyrgð mína.
Skj: Hallfrøðr Óttarsson vandræðaskáld: 5. Lausavísur 21 (AI, 171-2; BI, 161-2); (dróttkvætt); ed. DW; group: D; mss: 53, 54, 557, 61, Bb, Flat, M; texts: Flat 312, Hallfr 24, HallfrÓT 17, ÓT 138
25 Vol. 5. Hallfreðar saga 25 (Gríss Sæmingsson, Lausavísa, 1) — Gríss Lv 1V (Hallfr 25)
Nú þykki mér nǫkkurr,
námskorð, vesa orðinn
(lítk hví sumt mun sæta)
sveimr, meðan ek vas heiman,
hér hafa gestir gǫrva
- gengr út kona þrútin -
(þerrir sjáligr svarri)
slaug þungliga (augu).
Skj: Gríss Sæmingsson: Lausavísa (AI, 174; BI, 164); (dróttkvætt); ed. DW; group: D; mss: 53, 54, 557, 61, Bb, Flat, M; texts: Flat 313, Hallfr 25, HallfrÓT 18, ÓT 139
26 Vol. 5. Hallfreðar saga 26 (Hallfreðr vandræðaskáld Óttarsson, Lausavísur, 22) — Hfr Lv 22V (Hallfr 26)
Mjǫk tegask seima søkkvir,
(snót) verðk þegns fyr hótum,
(vér munum dag hvern dýrra)
dulrœkinn mik sœkja;
heldr mun hœli-Baldri
hlautgeirs fyr því meira
(vôn erumk slíks) an sleikja
sinn blóttrygil innan.
Skj: Hallfrøðr Óttarsson vandræðaskáld: 5. Lausavísur 22 (AI, 172; BI, 162); (dróttkvætt); ed. DW; group: D; mss: Flat, M; texts: Flat 361, Hallfr 26
27 Vol. 5. Hallfreðar saga 27 (Hallfreðr vandræðaskáld Óttarsson, Lausavísur, 23) — Hfr Lv 23V (Hallfr 27)
Þá mun reyndr at ráðnu
rógherðǫndum verða
(minnumk) malma sennu
minn hugr (við Kolfinnu),
ef svát ǫrr á eyri
uppsátrs boði (at láta
vel hyggjum þat) viggjar
vísar mér at Grísi.
Skj: Hallfrøðr Óttarsson vandræðaskáld: 5. Lausavísur 23 (AI, 172; BI, 162); (dróttkvætt); ed. DW; group: D; mss: Flat, M; texts: Flat 362, Hallfr 27
28 Vol. 5. Hallfreðar saga 28 (Hallfreðr vandræðaskáld Óttarsson, Lausavísur, 24) — Hfr Lv 24V (Hallfr 28)
Þykki mér, es ek þekki
þunnísunga Gunni,
sem fleybrautir fljóti
fley meðal tveggja eyja,
en þás sék á Sôgu
saums í kvinna flaumi,
sem skrautbúin skríði
skeið með gyldum reiða.
Skj: Hallfrøðr Óttarsson vandræðaskáld: 5. Lausavísur 24 (AI, 172; BI, 162); (dróttkvætt); ed. DW; group: D; mss: Flat, M; texts: Flat 363, Hallfr 28
29 Vol. 5. Hallfreðar saga 29 (Hallfreðr vandræðaskáld Óttarsson, Lausavísur, 25) — Hfr Lv 25V (Hallfr 29)
Auðs hefk illrar tíðar
alldrengila fengit,
mik hefr gjǫllu golli
gramr ok jarl of framðan,
ef glapskuldir gjalda
gjalfrleygs ok hefk þeygi
mǫrk fyr minstan verka
matvísum skalk Grísi.
Skj: Hallfrøðr Óttarsson vandræðaskáld: 5. Lausavísur 25 (AI, 172; BI, 162-3); (dróttkvætt); ed. DW; group: D; mss: 53, 54, 557, 61, 62, Bb, Flat, M; texts: Flat 364, Hallfr 29, HallfrÓT 19, ÓT 207
30 Vol. 1. 28. Hallfreðr vandræðaskáld Óttarsson, 2. Erfidrápa Óláfs Tryggvasonar, 28 [Vol. 1, 440] — Hfr ErfÓl 28I
Norðr- eru ǫll of orðin
auð -lǫnd at gram dauðan.
Allr glepsk friðr af falli
flugstyggs sonar Tryggva.
Skj: Hallfrøðr Óttarsson vandræðaskáld: 3. Óláfsdrápa, erfidrápa 19 (AI, 163; BI, 154); (dróttkvætt); ed. KSH; group: A1; mss: 100x, 177x, 178x, Flat, Holm18, M; texts: Flat 386, Hallfr 30, ÓTOdd 18(16b), Þiðr 1
31 Vol. 5. Hallfreðar saga 31 (Hallfreðr vandræðaskáld Óttarsson, Eiríksdrápa, 1) — Hfr Eirdr 1V (Hallfr 31)
Bærr est hróðr at heyra
hjaldrǫrr of þik gǫrvan.
Skj: Hallfrøðr Óttarsson vandræðaskáld: 4. Eiríksdrápa (AI, 166; BI, 157); (dróttkvætt); ed. DW; group: D; mss: 53, 54, 557, 61, Bb, Flat, M; texts: Flat 387, Hallfr 31, HallfrÓT 23, ÓT 208
32 Vol. 5. Hallfreðar saga 32 (Hallfreðr vandræðaskáld Óttarsson, Lausavísur, 26) — Hfr Lv 26V (Hallfr 32)
Hnauð við hjartasíðu,
hreggblásin, mér ási,
mjǫk hefr uðr at ǫðru
aflat bôru skafli,
marr skotar mínum knerri,
mjǫk em ek vátr, af nǫkkvi,
munat úrþvegin eira
alda sínu skaldi.
Skj: Hallfrøðr Óttarsson vandræðaskáld: 5. Lausavísur 26 (AI, 173; BI, 163); (dróttkvætt); ed. DW; group: D; mss: 53, 54, 557, 61, 62, Bb, Flat, M; texts: Flat 388, Hallfr 32, HallfrÓT 20, ÓT 209
33 Vol. 5. Hallfreðar saga 33 (Hallfreðr vandræðaskáld Óttarsson, Lausavísur, 27) — Hfr Lv 27V (Hallfr 33)
Rindr mun hvítri hendi
hǫrdúks of brô mjúka,
fljóð gat fremðar œði,
fjǫlerrin sér þerra,
ef dauðan mik meiðar
morðveggs skulu leggja,
áðr vask ungu fljóði,
út of borð, at sútum.
Skj: Hallfrøðr Óttarsson vandræðaskáld: 5. Lausavísur 27 (AI, 173; BI, 163); (dróttkvætt); ed. DW; group: D; mss: 53, 54, 557, 61, 62, Bb, Flat, M; texts: Flat 389, Hallfr 33, HallfrÓT 21, ÓT 210
34 Vol. 5. Hallfreðar saga 34 (Hallfreðr vandræðaskáld Óttarsson, Lausavísur, 28) — Hfr Lv 28V (Hallfr 34)
Ek munda nú andask,
ungr vask harðr í tungu,
senn, ef sôlu minni,
sorglaust, vissak borgit;
veitk, at vetki of sýtik,
valdi goð hvar aldri,
(dauðr verðr hverr) nema hræðumk
helvíti, skal slíta.
Skj: Hallfrøðr Óttarsson vandræðaskáld: 5. Lausavísur 28 (AI, 173; BI, 163); (dróttkvætt); ed. DW; group: D; mss: 53, 54, 557, 61, 62, Bb, Flat; texts: Flat 390, Hallfr 34, HallfrÓT 22, ÓT 211
© Skaldic Project Academic Body, unless otherwise noted. Database structure and interface developed by Tarrin Wills. All users of material on this database are reminded that its content may be either subject to copyright restrictions or is the property of the custodians of linked databases that have given permission for members of the skaldic project to use their material for research purposes. Those users who have been given access to as yet unpublished material are further reminded that they may not use, publish or otherwise manipulate such material except with the express permission of the individual editor of the material in question and the General Editor of the volume in which the material is to be published. Applications for permission to use such material should be made in the first instance to the General Editor of the volume in question. All information that appears in the published volumes has been thoroughly reviewed. If you believe some information here is incorrect please contact Tarrin Wills with full details.