| 1 |
Vol. 5. Þórðar saga hreðu 1 (Þórðr hreða, Lausavísur, 1) — Þórðr — Þórðh Lv 1V (Þórð 1) |
Ek segi víg þau, er vágu
virðendr þrimu girðis,
Klyppr rauð brand í blóði
burs, Hildar, Gunnildar;
þá fell, hjálms, í hǫllu,
hlaut, Klyppr, bana af Gauti,
þar vá ek þolla fjóra
þremja lax með saxi. |
| Skj: [Anonyme digte og vers XIV]: A. 4. Vers af sagaer: Af isl. slægtsagaer: Af Þórðar saga hreðu 1 (A; BII, 483); (dróttkvætt); ed. KJM; group: D; mss: 139x, 152, 157ax, 163bx, 165kx, 471, 551d β, 554h βx, 586; texts: Þórð 1 |
| |
| 2 |
Vol. 5. Þórðar saga hreðu 2 (Þórðr hreða, Lausavísur, 2) — Þórðr — Þórðh Lv 2V (Þórð 2) |
Tvá lét ek Fáfnis fitjar
falla þar til jarðar
ýta, Leifnis lautar
lind fagrvita, kindar;
áðr vildu þeir ǫldu
eitrþvengs bana veita
brands með benja vǫndum
brúðr mærar við kærust. |
| Skj: [Anonyme digte og vers XIV]: A. 4. Vers af sagaer: Af isl. slægtsagaer: Af Þórðar saga hreðu 2 (A; BII, 483); (dróttkvætt); ed. KJM; group: D; mss: 139x, 152, 157ax, 163bx, 165kx, 471, 554h βx, 586, 8 4°; texts: Þórð 2 |
| |
| 3 |
Vol. 5. Þórðar saga hreðu 3 (Þórðr hreða, Lausavísur, 3) — Þórðr — Þórðh Lv 3V (Þórð 3) |
Fátt kann ek fleygi hrotta,
fegring um vá ek, segja;
áðr vildi sá ǫldu
ósæma Gná ljósa;
því varð ek bráðr, at brúði
blakkrennir nam spenna
vágs, en vildi eigi
Vár unna bliks dáraz. |
| Skj: [Anonyme digte og vers XIV]: A. 4. Vers af sagaer: Af isl. slægtsagaer: Af Þórðar saga hreðu 3 (A; BII, 483-4); (dróttkvætt); ed. KJM; group: D; mss: 139x, 152, 157ax, 163bx, 165kx, 471, 554h βx, 8 4°; texts: Þórð 3 |
| |
| 4 |
Vol. 5. Þórðar saga hreðu 4 (Þórðr hreða, Lausavísur, 4) — Þórðr — Þórðh Lv 4V (Þórð 4) |
Veit ek at eptir ýti
ormreits munu leita
frændr ok vilja vendi
vápndǫggvar mik hǫggva;
eigi veit, þó at ítra
egg reiði framm Skeggi
ríkr, hvárt ek renn frá leiki
reinar elds fyr einum. |
| Skj: [Anonyme digte og vers XIV]: A. 4. Vers af sagaer: Af isl. slægtsagaer: Af Þórðar saga hreðu 4 (A; BII, 484); (dróttkvætt); ed. KJM; group: D; mss: 139x, 152, 157ax, 163bx, 165kx, 471, 554h βx, 8 4°; texts: Þórð 4 |
| |
| 5 |
Vol. 5. Þórðar saga hreðu 5 (Þórðr hreða, Lausavísur, 5) — Þórðr — Þórðh Lv 5V (Þórð 5) |
Eigi skal ek fyr ýtum flýja
unda logs á þessum fundi,
gegnum, skal þat Freyja fregna
flæðar báls, á þessum hálsi;
heldr ætla ek hjálmi faldinn
hrotta sǫng at fremja lǫngum,
eikikjóls þó at mér sæki
ýtar sex at vápna messu. |
| Skj: [Anonyme digte og vers XIV]: A. 4. Vers af sagaer: Af isl. slægtsagaer: Af Þórðar saga hreðu 5 (A; BII, 484); (dróttkvætt); ed. KJM; group: D; mss: 139x, 152, 157ax, 165kx, 471, 554h βx, 8 4°; texts: Þórð 5 |
| |
| 6 |
Vol. 5. Þórðar saga hreðu 6 (Þórðr hreða, Lausavísur, 6) — Þórðr — Þórðh Lv 6V (Þórð 6) |
Háða ek víst í víðu
Vatsskarði sókn harða,
þar lét ek fjóra fjǫrvi
fleins sýnanda týna,
en Indriði unninn
ítr varð í byr rítar;
þeim gaf ek líf er Leifa
láðdýri kann stýra. |
| Skj: [Anonyme digte og vers XIV]: A. 4. Vers af sagaer: Af isl. slægtsagaer: Af Þórðar saga hreðu 6 (A; BII, 484); (dróttkvætt); ed. KJM; group: D; mss: 139x, 152, 157ax, 163bx, 165kx, 471, 554h βx, 8 4°; texts: Þórð 6 |
| |
| 7 |
Vol. 5. Þórðar saga hreðu 7 (Þórðr hreða, Lausavísur, 7) — Þórðr — Þórðh Lv 7V (Þórð 7) |
Fellu í fleina skǫllu
fimtán viðir mána,
lundar, Leifnis grundar
lungs báru en sjau sárir;
þar vá ek sex, en ek særða
sigrhnuggna þar duggu,
(Ǫzurr hét sá), ýta
elds brands þrumu landa. |
| Skj: [Anonyme digte og vers XIV]: A. 4. Vers af sagaer: Af isl. slægtsagaer: Af Þórðar saga hreðu 7 (A; BII, 485); (dróttkvætt); ed. KJM; group: D; mss: 139x, 152, 157ax, 163bx, 165kx, 471, 554h βx, 8 4°; texts: Þórð 7 |
| |
| 8 |
Vol. 5. Þórðar saga hreðu 8 (Þórðr hreða, Lausavísur, 8) — Þórðr — Þórðh Lv 8V (Þórð 8) |
Tólf vildu mér moldar
meiðendr bana seiða
veita vafðra brauta;
vann ek þeim skaða sannan;
senda ek sjau með skunda
sækjendr vápna lækjar
ells til ítrar hallar
Óðins með brynglóðu. |
| Skj: [Anonyme digte og vers XIV]: A. 4. Vers af sagaer: Af isl. slægtsagaer: Af Þórðar saga hreðu 8 (A; BII, 485); (dróttkvætt); ed. KJM; group: D; mss: 139x, 152, 157ax, 163bx, 165kx, 471, 554h βx, 8 4°; texts: Þórð 8 |
| |
| 9 |
Vol. 5. Þórðar saga hreðu 9 (Þórðr hreða, Lausavísur, 9) — Þórðr — Þórðh Lv 9V (Þórð 9) |
Enn hefi ek sex en svinna
(svellr móðr af því) þella
goldit gálga valdi
gullbaugs jǫru drauga;
grund, lét ek Ǫzur ǫndu
arms sýnar, þar týna,
lundr var hann lóns enn sjaundi
logs, pells, veginn, þella. |
| Skj: [Anonyme digte og vers XIV]: A. 4. Vers af sagaer: Af isl. slægtsagaer: Af Þórðar saga hreðu 9 (A; BII, 485); (dróttkvætt); ed. KJM; group: D; mss: 139x, 152, 157ax, 163bx, 165kx, 471, 554h βx, 8 4°; texts: Þórð 9 |
| |
| 10 |
Vol. 5. Þórðar saga hreðu 10 (Þórðr hreða, Lausavísur, 10) — Þórðr — Þórðh Lv 10V (Þórð 10) |
Kost geri ek þér á þessu
þars þú eggjar mik, Skeggi,
at ek skunda út undir
eggfránan hjǫr seggja;
ef færa mik fjarðar
festendr þangat hesta
ýgs, er Ǫzur vágum
afrendr feginshendi. |
| Skj: [Anonyme digte og vers XIV]: A. 4. Vers af sagaer: Af isl. slægtsagaer: Af Þórðar saga hreðu 10 (A; BII, 485); (dróttkvætt); ed. KJM; group: D; mss: 139x, 152, 157ax, 163bx, 165kx, 471, 554h βx, 8 4°; texts: Þórð 10 |
| |
| 11 |
Vol. 5. Þórðar saga hreðu 11 (Þórðr hreða, Lausavísur, 11) — Þórðr — Þórðh Lv 11V (Þórð 11) |
Nú er þér ráð at rjóða
ríkr egg á mér Skeggi,
ef stýrir hug, sem ek heyri,
heldr þá er tekr at kvelda,
ok minniz svá manna,
morðeggjandi, tveggja
þeira, er, Þundar særir,
þér nána vá ek, mána. |
| Skj: [Anonyme digte og vers XIV]: A. 4. Vers af sagaer: Af isl. slægtsagaer: Af Þórðar saga hreðu 11 (A; BII, 486); (dróttkvætt); ed. KJM; group: D; mss: 139x, 152, 157ax, 163bx, 165kx, 471, 554h βx, 8 4°; texts: Þórð 11 |
| |
| 12 |
Vol. 5. Þórðar saga hreðu 12 (Ásbjǫrn Þorsteinsson, Lausavísa, 1) — Ásbjörn
— ÁsbÞ Lv 1V (Þórð 12) |
Læt ek í hug mér hvíta
(hart mót er nú spjóta)
lind, þarf ek liðs þíns frændi,
leggfráns koma, Skeggi;
eigi renn ek þvíat innan
ek minnumz Gnár tvinna,
hǫrð mun vǫrn, sú er verðum
vit frændr saman litnir. |
| Skj: [Anonyme digte og vers XIV]: A. 4. Vers af sagaer: Af isl. slægtsagaer: Af Þórðar saga hreðu 12 (Ásbjörn - A; BII, 486); (dróttkvætt); ed. KJM; group: D; mss: 139x, 152, 157ax, 163bx, 165kx, 471, 554h βx, 8 4°; texts: Þórð 12 |
| |
|
