Skaldic Poetry of the Scandinavian Middle Ages

login: password: stay logged in: help

verses in Orkneyinga saga

0 Vol. 2. Þorbjǫrn svarti, Lausavísa, 1 [Vol. 2, 624-5] — Þsvart Lv 1II
Vask í hirð með herði
hjǫrþeys í Orkneyjum,
réð folkstara fœðir
fyrr of vetr til styrjar;
nú berum rǫnd með reyndum
rausnarliga jarli
ǫrt á úrga vǫrtu
Akrsborgar frjámorgin.
Skj: Þórbjǫrn svarti: Lausavísa (AI, 531; BI, 512); (dróttkvætt); ed. KEG; group: A2; mss: Flat, R702x; texts: Flat 716, Orkn 0, Orkn 72
1 Vol. 1. Anonymous Lausavísur, 2. Lausavísa from Haralds saga hárfagra in Heimskringla, 1about Torf-Einar jarl [Vol. 1, 1070] — Anon (Hhárf) 1I
Þá gaf hann Tréskegg trollum,
Torf-Einarr drap Skurfu.
Skj: Anonyme digte og vers [X]: I. B. 2. Om Torf-Einar jarl (AI, 177; BI, 167); (dróttkvætt); ed. KEG; group: A2; mss: 332x, 761bx, F, Flat, J1x, J2x, Kx; texts: Flat 234, HHárf 20, Orkn 1
3 Vol. 1. 6. Torf-Einarr Rǫgnvaldsson, Lausavísur, 2 [Vol. 1, 133] — TorfE Lv 2I
Margr verðr sekr of sauði
seggr með fǫgru skeggi,
en ek at ungs í Eyjum
allvalds sonar falli;
hætt segja mér hǫlðar
við hugfullan stilli;
Haralds hefk skarð í skildi
(skalat ugga þat) hǫggvit.
Skj: Torf-Einarr jarl: Lausavísur 5 (AI, 32; BI, 28); (dróttkvætt); ed. RGP; group: A2; mss: 332x, 53, 54, 61, 761bx, 762x, Bb, F, Flat, J1x, J2x, Kx, R702x; texts: Flat 236, HHárf 24, Orkn 3, ÓT 104
4 Vol. 1. 6. Torf-Einarr Rǫgnvaldsson, Lausavísur, 3 [Vol. 1, 134] — TorfE Lv 3I
Ey munk glaðr, síz geirar
(gótt's vinna þrek manni)
bǫðfíkinna bragna
bitu þengils sun ungan;
þeygi dylk, nema þykki,
(þar fló ár at sôrum
hræva nagr) of holma
holunda val sem gœlak.
Skj: Torf-Einarr jarl: Lausavísur 3 (AI, 32; BI, 28); (dróttkvætt); ed. RGP; group: A2; mss: 301x, 332x, 761bx, FskAx, R702x; texts: Fsk 246, Hkr 0, Orkn 4
5 Vol. 1. 6. Torf-Einarr Rǫgnvaldsson, Lausavísur, 4 [Vol. 1, 136] — TorfE Lv 4I
Rekit hefk Rǫgnvalds dauða,
rétt skiptu því nornir,
(nú's folkstuðill fallinn)
at fjórðungi mínum;
verpið snarpir sveinar,
þvít sigri vér rôðum,
(skatt velk hônum harðan)
at Háfœtu grjóti.
Skj: Torf-Einarr jarl: Lausavísur 2 (AI, 32; BI, 28); (dróttkvætt); ed. RGP; group: A2; mss: 301x, 332x, 761bx, 762x, F, Flat, FskAx, J1x, J2x, Kx, R702x; texts: Flat 237, Fsk 245, HHárf 22, Orkn 5
6 Vol. 1. 6. Torf-Einarr Rǫgnvaldsson, Lausavísur, 5 [Vol. 1, 137] — TorfE Lv 5I
Eru til míns fjǫrs margir
menn of sannar deilðir
ór ýmissum ôttum
ósmábornir gjarnir;
en þat vitu þeygi
þeir, áðr mik hafi feldan,
hverr ilþorna arnar
undir hlýtr at standa.
Skj: Torf-Einarr jarl: Lausavísur 4 (AI, 32; BI, 28); (dróttkvætt); ed. RGP; group: A2; mss: 332x, 761bx, 762x, F, Flat, J1x, J2x, Kx, R702x; texts: Flat 238, HHárf 23, Orkn 6
7 Vol. 1. 38. Óttarr svarti, 1. Hǫfuðlausn, 20 [Vol. 1, 766] — Ótt Hfl 20I
Gegn, eru þér at þegnum,
þjóðskjǫldunga góðra
haldið hœft á veldi,
Hjaltlendingar kendir;
engi varð á jǫrðu
ógnbráðr, áðr þér nôðum,
austr, sás eyjum vestan,
ynglingr, und sik þryngvi.
Skj: Óttarr svarti: 2. Hǫfuðlausn 19 (AI, 295-6; BI, 272); (dróttkvætt); ed. MT; group: A1; mss: 301x, 321x, 325V, 325VI, 325VII, 332x, 51x, 73ax, 744x, 75a, 75c, 761bx, 972x, A, B, Bb, C, DG8, Flat, FskAx, FskBx, Holm2, Holm4, Kx, R, Tx, Tóm, U; texts: Flat 509, Fsk 145, Orkn 7, ÓH 87(85), ÓHHkr 82, ÓHLeg 16, Skm 413
8 Vol. 2. Arnórr jarlaskáld Þórðarson, 4. Þorfinnsdrápa, 5 [Vol. 2, 235-6] — Arn Þorfdr 5II
Hilmir rauð í hjalma
hreggi skelkvings eggjar,
fór áðr fimtán væri
fetrjóðr hugins vetra;
gǫrr lézk grund at verja
geðfrœkn ok til sœkja,
œri Einars hlýra,
engr mannr und skýranni.
Skj: Arnórr Þórðarson jarlaskáld: 5. Þórfinnsdrápa 5 (AI, 344; BI, 316-17); (dróttkvætt); ed. DW; group: A2; mss: 321x, 325V, 325XI 2 e, 332x, 48x, 61, 68, 73ax, 744x, 75a, 762x, 972x, B, Bb, Flat, Holm2, Holm4, Kx, R702x, Tóm; texts: Flat 654, Orkn 8, ÓH 86(84), ÓHHkr 81, SnE 0
9 Vol. 2. Arnórr jarlaskáld Þórðarson, 4. Þorfinnsdrápa, 6 [Vol. 2, 236-7] — Arn Þorfdr 6II
Endr hykk Karli kendu
kyndóm jǫfur brynju
(land vasa lofðungs kundar
laust) fyr Dýrnes austan;
fimm snekkjum réð frammi
flugstyggr við hug dyggvan
rausnarmaðr at ræsis
reiðr ellifu skeiðum.
Skj: Arnórr Þórðarson jarlaskáld: 5. Þórfinnsdrápa 6 (AI, 344-5; BI, 317); (dróttkvætt); ed. DW; group: A2; mss: 332x, 48x, Flat; texts: Flat 655, Orkn 9
10 Vol. 2. Arnórr jarlaskáld Þórðarson, 4. Þorfinnsdrápa, 7 [Vol. 2, 237-8] — Arn Þorfdr 7II
At lǫgðu skip skatnar
skilit, fell herr á þiljur;
svômu jǫrn í ômu
óðhǫrð Skota blóði;
stall drapa, strengir gullu,
stál beit, en rann sveiti,
broddr fló, bifðusk oddar
bjartir, þengils hjarta.
Skj: Arnórr Þórðarson jarlaskáld: 5. Þórfinnsdrápa 7 (AI, 345; BI, 317); (dróttkvætt); ed. DW; group: A2; mss: 332x, 48x, Flat, R702x; texts: Flat 656, Orkn 10
11 Vol. 2. Arnórr jarlaskáld Þórðarson, 4. Þorfinnsdrápa, 8 [Vol. 2, 238-40] — Arn Þorfdr 8II
Þrima vas þvígit skemri
(þat vas skjótt) með spjótum;
mætr við minna neyti
minn dróttinn rak flótta;
gall, áðr, grams menn, felli,
gunnmôr of her sôrum
(hann vá sigr fyr sunnan
Sandvík), ruðu branda.
Skj: Arnórr Þórðarson jarlaskáld: 5. Þórfinnsdrápa 8 (AI, 345; BI, 317); (dróttkvætt); ed. DW; group: A2; mss: 332x, 48x, Flat; texts: Flat 657, Orkn 11
12 Vol. 2. Arnórr jarlaskáld Þórðarson, 4. Þorfinnsdrápa, 9 [Vol. 2, 240-1] — Arn Þorfdr 9II
Ulfs tuggu rauð eggjar,
eitt þars Torfnes heitir,
ungr olli því þengill,
(þat vas mánadag), fránar;
sungu þar, til þinga,
þunn, fyr Ekkjal sunnan,
sverð, es siklingr barðisk
snarr við Skotlands harra.
Skj: Arnórr Þórðarson jarlaskáld: 5. Þórfinnsdrápa 9 (AI, 345; BI, 317-18); (dróttkvætt); ed. DW; group: A2; mss: 332x, Flat, R702x; texts: Flat 658, Orkn 12
13 Vol. 2. Arnórr jarlaskáld Þórðarson, 4. Þorfinnsdrápa, 10 [Vol. 2, 241-2] — Arn Þorfdr 10II
Hátt bar Hjalta dróttinn
hjalm at geira jalmi,
ógnstœrir rauð Írum
odd, í ferðar broddi;
minn dróttinn naut máttar
mildr und brezkum skildi,
hendi Hlǫðvis frændi
hermenn, en tóksk senna.
Skj: Arnórr Þórðarson jarlaskáld: 5. Þórfinnsdrápa 10 (AI, 345; BI, 318); (dróttkvætt); ed. DW; group: A2; mss: 332x, 48x, Flat, R702x; texts: Flat 659, Orkn 13
14 Vol. 2. Arnórr jarlaskáld Þórðarson, 4. Þorfinnsdrápa, 11 [Vol. 2, 242-3] — Arn Þorfdr 11II
Týndusk ból, þás brendu
(bráskat þat dœgr háski)
stǫkk í reyr en roknu
rauðr eldr, skota veldi;
morðkennir galt mǫnnum
mein; á sumri einu
fengu þeir við þengil
þrimr sinnum hlut minna.
Skj: Arnórr Þórðarson jarlaskáld: 5. Þórfinnsdrápa 11 (AI, 345-6; BI, 318); (dróttkvætt); ed. DW; group: A2; mss: 325III β, 332x, 48x, Flat, R702x, SLR; texts: Flat 660, Orkn 14
15 Vol. 2. Arnórr jarlaskáld Þórðarson, 4. Þorfinnsdrápa, 2 [Vol. 2, 232] — Arn Þorfdr 2II
Orms felli drakk allan
(alkostigr) fen hrosta
(rausn drýgði þá ræsir)
Rǫgnvalds niðr í gǫgnum.
Skj: Arnórr Þórðarson jarlaskáld: 5. Þórfinnsdrápa 2 (AI, 334; BI, 316); (dróttkvætt); ed. DW; group: A2; mss: 325III β, 332x, 48x, 743x, R702x; texts: LaufE 191(403), Orkn 15
16 Vol. 2. Haraldr harðráði Sigurðarson, 2. Lausavísur, 2b [Vol. 2, 44-5] — Hharð Lv 2bII
Nú lætk skóg af skógi
skreiðask lítils heiðar;
hverr veit nema ek verða
víða frægr of síðir.
Skj: Haraldr Sigurðarson harðráði: Lausavísur 2/5-8 (AI, 356; BI, 328); (dróttkvætt); ed. KEG; group: A2; mss: 321x, 325III β, 325V, 325VII, 332x, 39, 61, 73ax, 761bx, 972x, Bb, E, F, Flat, H, Holm2, Holm4, Hr, J2x, Kx, Tóm; texts: Flat 620, Flat 661, Flat 1014, H-Hr 78, HSig 2, MH 45, Orkn 16, ÓH 166(162)
17 Vol. 2. Arnórr jarlaskáld Þórðarson, 1. Rǫgnvaldsdrápa, 1 [Vol. 2, 178-80] — Arn Rǫgndr 1II
Deilðisk af svát aldri
él grafninga þélar
gǫndlar Njǫrðr í Gǫrðum
gunnbráðr tíu háði.
Skj: Arnórr Þórðarson jarlaskáld: 1. Rǫgnvaldsdrápa 1 (AI, 332; BI, 305); (dróttkvætt); ed. DW; group: A2; mss: 321x, 325III β, 325V, 325VII, 332x, 61, 73ax, 972x, Bb, Flat, Holm2, Holm4, R702x, Tóm; texts: Flat 662, Orkn 17, ÓH 169(165)
18 Vol. 2. Arnórr jarlaskáld Þórðarson, 4. Þorfinnsdrápa, 13 [Vol. 2, 243-4] — Arn Þorfdr 13II
Veitk þars Vatsfjǫrðr heitir
(vask í miklum haska)
míns (við mannkyns reyni)
merki dróttins verka;
þjóð bar skjótt af skeiðum
skjaldborg fría morgin;
gǫrla sák at gíndi
grár ulfr of ná sôrum.
Skj: Arnórr Þórðarson jarlaskáld: 5. Þórfinnsdrápa 12 (AI, 346; BI, 318); (dróttkvætt); ed. DW; group: A2; mss: Flat, R702x, SLR; texts: Flat 663, Orkn 18
19 Vol. 2. Arnórr jarlaskáld Þórðarson, 4. Þorfinnsdrápa, 14 [Vol. 2, 244-6] — Arn Þorfdr 14II
Ýmist vann sá unnar,
írsk fell drótt, þás sótti,
Baldr, eða brezkar aldir,
brann eldr, Skota veldi.
Skj: Arnórr Þórðarson jarlaskáld: 5. Þórfinnsdrápa 14 (AI, 346; BI, 318-19); (dróttkvætt); ed. DW; group: A2; mss: 21 6 7 IIx, Flat; texts: Flat 664, LaufE 0, Orkn 19
20 Vol. 2. Arnórr jarlaskáld Þórðarson, 4. Þorfinnsdrápa, 16 [Vol. 2, 247-8] — Arn Þorfdr 16II
Ein vas sús Engla minnir
egghríð né mun síðan,
hefr við helming, meiri,
hringdrífr komit þingat;
bitu sverð, en þar þurðu,
þunngǫr fyr Mǫn sunnan
Rǫgnvalds kind, und randir
ramlig folk, ens gamla.
Skj: Arnórr Þórðarson jarlaskáld: 5. Þórfinnsdrápa 15 (AI, 346; BI, 319); (dróttkvætt); ed. DW; group: A2; mss: Flat, R, R702x, Tx, U, W; texts: Flat 665, Orkn 20, Skm 299
21 Vol. 2. Arnórr jarlaskáld Þórðarson, 4. Þorfinnsdrápa, 17 [Vol. 2, 249] — Arn Þorfdr 17II
Stǫng bar jarl á Engla
ættgrund, en rauð stundum
(vé bað vísi knýja)
verðung ara tungu;
hyrr óx, hallir þurru,
herdrótt rak þar flótta,
eim hratt, en laust ljóma
limdolgr, náar himni.
Skj: Arnórr Þórðarson jarlaskáld: 5. Þórfinnsdrápa 16 (AI, 346-7; BI, 319); (dróttkvætt); ed. DW; group: A2; mss: Flat, R702x, SLR; texts: Flat 666, Orkn 21
22 Vol. 2. Arnórr jarlaskáld Þórðarson, 4. Þorfinnsdrápa, 18 [Vol. 2, 250] — Arn Þorfdr 18II
Margr vas millum borga,
mildingr þrǫng at hildi,
horna-blôstr, þars hristisk
hugsterks jǫfurs merki;
vætr brá, 's vígljóss þótti,
vargsteypis her greypum,
skulfu jǫrn en ulfar,
uggs, morginn, hræ tuggu.
Skj: Arnórr Þórðarson jarlaskáld: 5. Þórfinnsdrápa 17 (AI, 347; BI, 319-20); (dróttkvætt); ed. DW; group: A2; mss: R702x; texts: Orkn 22
23 Vol. 2. Arnórr jarlaskáld Þórðarson, 6. Lausavísa, 1 [Vol. 2, 280-1] — Arn Lv 1II
Drengr's í gǫgn at ganga
(gótt's fylgja vel drótni)
ǫld leynik því aldri,
ófúss syni Brúsa;
oss es, ef jarlar þessir
ógnbráðir til ráðask,
(hǫrð mun vinraun verða)
vandligr kostr fyr hǫndum.
Skj: Arnórr Þórðarson jarlaskáld: 7. Vers af ubestemmelige digte, samt én lausavísa 5 (AI, 354; BI, 326-7); (dróttkvætt); ed. DW; group: A2; mss: Flat, R702x; texts: Flat 667, Orkn 23
24 Vol. 1. 52. Bjarni gullbrárskáld Hallbjarnarson, Kálfsflokkr, 8 [Vol. 1, 889] — BjHall Kálffl 8I
Frôgum Finns hvé mági
fylgðuð, Kalfr, of dylgjur,
ok lézt á sæ snekkjur
snarla lagt at jarli;
áræði vant eyða
óðfúss sonar Brúsa,
(hléði hugr) en téðuð
heiptminnigr Þórfinni.
Skj: Bjarni Hallbjarnarson gullbrárskáld: Kalfsflokkr 8 (AI, 396; BI, 365); (dróttkvætt); ed. AF; group: A1; mss: 61, Bb, Flat, Holm2, R702x, Tóm; texts: Flat 671, Flat 677, Orkn 24, ÓH 215(210)
25 Vol. 2. Arnórr jarlaskáld Þórðarson, 4. Þorfinnsdrápa, 21 [Vol. 2, 254-5] — Arn Þorfdr 21II
Hvárn tveggja sák hǫggva
hirð á Péttlandsfirði
(ór þrifusk mein at meiri)
mínn auðgjafa sína;
sær blezk, en dreif dreyri
døkkr á saumfǫr kløkkva,
skaut á skjaldrim sveita,
skokkr vas blóði stokkinn.
Skj: Arnórr Þórðarson jarlaskáld: 5. Þórfinnsdrápa 21 (AI, 347-8; BI, 320-1); (dróttkvætt); ed. DW; group: A2; mss: Flat, R702x; texts: Flat 668, Orkn 25
26 Vol. 2. Arnórr jarlaskáld Þórðarson, 4. Þorfinnsdrápa, 22 [Vol. 2, 255-6] — Arn Þorfdr 22II
Gramr mundi sá gǫmlu
gunnbráðr und sik láði
(hann fekk miklu minni
mannspjǫll) koma ǫllu,
ef ílendra Endils
ættstafr hafa knætti
(vélti herr of Hjalta)
hjalm-Þrótta lið (dróttin).
Skj: Arnórr Þórðarson jarlaskáld: 5. Þórfinnsdrápa 22 (AI, 348; BI, 321); (dróttkvætt); ed. DW; group: A2; mss: Flat; texts: Flat 669, Orkn 26
27 Vol. 2. Arnórr jarlaskáld Þórðarson, 4. Þorfinnsdrápa, 23 [Vol. 2, 257-8] — Arn Þorfdr 23II
Hringstríði varð hlýða
herr frá Þursaskerjum,
rétt segik þjóð hverr þótti
Þórfinnr, til Dyflinnar.
Skj: Arnórr Þórðarson jarlaskáld: 5. Þórfinnsdrápa 23 (AI, 348; BI, 321); (dróttkvætt); ed. DW; group: A2; mss: 321x, 325V, 325VI, 325VII, 73ax, 75a, Bb, Flat, Holm2, Holm4, Kx, Tóm; texts: Flat 510, Flat 670, Orkn 27, ÓH 88(86), ÓHHkr 83
28 Vol. 2. Arnórr jarlaskáld Þórðarson, 4. Þorfinnsdrápa, 20 [Vol. 2, 253-4] — Arn Þorfdr 20II
Óskepna varð uppi
endr, þás mǫrgum kendi
háligt róg at hníga,
hǫrð, þars jarlar bǫrðusk;
nær réðusk ástmenn órir,
oddhríð es varð (síðan
ǫld fekk mein en milda
mǫrg) fyr Rauðabjǫrgum.
Skj: Arnórr Þórðarson jarlaskáld: 5. Þórfinnsdrápa 20 (AI, 347; BI, 320); (dróttkvætt); ed. DW; group: A2; mss: Flat; texts: Flat 672, Flat 678, Orkn 28
29 Vol. 2. Arnórr jarlaskáld Þórðarson, 4. Þorfinnsdrápa, 24 [Vol. 2, 258-9] — Arn Þorfdr 24II
Bjǫrt verðr sól at svartri,
søkkr fold í mar døkkvan,
brestr erfiði Austra,
allr glymr sær á fjǫllum,
áðr at Eyjum fríðri
(inndróttar) Þórfinni
(þeim hjalpi goð geymi)
gœðingr myni fœðask.
Skj: Arnórr Þórðarson jarlaskáld: 5. Þórfinnsdrápa 24 (AI, 348; BI, 321); (dróttkvætt); ed. DW; group: A2; mss: 2368x, 743x, B, Flat, R, Tx, U, W; texts: Flat 673, Flat 679, LaufE 45(350), Orkn 29, Skm 107
30 Vol. 2. Þorkell hamarskáld, 1. Magnússdrápa, 3 [Vol. 2, 411-12] — Þham Magndr 3II
Dunði broddr á brynjur,
bragningr skaut af magni,
sveigði allvaldr Egða
alm, stǫkk blóð á hjalma;
strengs fló hagl í hringa,
(hné ferð) en lét verða
Hǫrða gramr í harðri,
hjarl, sókn banat jarli.
Skj: Þórkell hamarskáld: 1. Magnúsdrápa 3 (AI, 438; BI, 408); (dróttkvætt); ed. KEG; group: A2; mss: 301x, 325III α, 39, 42x, 51x, E, F, FskAx, FskBx, H, Hr, J2x, Kx, Mork, R702x; texts: Fsk 257, H-Hr 271, Mberf 17, Mork 141, Orkn 30
31 Vol. 2. Kali Sæbjarnarson, Lausavísa, 1 [Vol. 2, 393-4] — Kali Lv 1II
Hvé launa þér þínir
þingríkir hǫfðingjar,
vestr bifask rǫng í rǫstum
(reyn oss jǫfurr) hnossir?
Skj: Kali Sæbjarnarson: Lausavísa (AI, 434; BI, 404); (dróttkvætt); ed. KEG; group: A2; mss: 325III α, 761bx, Bb, Flat, H, Hr, Mork, R702x; texts: Flat 674, H-Hr 273, Mork 165, Orkn 31
32 Vol. 2. Magnús berfœttr Óláfsson, Lausavísur, 1 [Vol. 2, 385-6] — Mberf Lv 1II
Auð hefk minn, þanns mǫnnum
margteitum réðk veita,
(húf lætk kløkkvan klífa
kolgur) illa folginn.
Skj: Magnús berfœttr: Lausavísur 1 (AI, 432; BI, 402); (dróttkvætt); ed. KEG; group: A2; mss: 325III α, 761bx, Flat, H, Hr, Mork, R702x; texts: Flat 675, H-Hr 274, Mork 166, Orkn 32
33 Vol. 2. Arnórr jarlaskáld Þórðarson, 4. Þorfinnsdrápa, 19 [Vol. 2, 251-2] — Arn Þorfdr 19II
Ek em, síz ýtar hnekðu,
jarla, sætt, es vættik,
(jǫfn fengusk hræ hrǫfnum)
hegju trauðr at segja;
sleit fyr eyjar útan
allvaldr blôu tjaldi;
hafði hreggsvǫl dúfa
hrími fast um líma.
Skj: Arnórr Þórðarson jarlaskáld: 5. Þórfinnsdrápa 19 (AI, 347; BI, 320); (dróttkvætt); ed. DW; group: A2; mss: Flat; texts: Flat 676, Orkn 33
34 Vol. 2. Rǫgnvaldr jarl Kali Kolsson, Lausavísur, 1 [Vol. 2, 576-7] — Rv Lv 1II
Tafl emk ǫrr at efla,
íþróttir kank níu,
týnik trauðla rúnum,
tíð er bók ok smíðir,
skríða kank á skíðum,
skýtk ok rœk, svát nýtir;
hvártveggja kank hyggja :
harpslôtt ok bragþôttu.
Skj: Rǫgnvaldr jarl kali Kolsson: Lausavísur 1 (AI, 505; BI, 478); (dróttkvætt); ed. JJ; group: A2; mss: 325I, 761bx, Flat, R702x; texts: Flat 680, Orkn 34
35 Vol. 2. Rǫgnvaldr jarl Kali Kolsson, Lausavísur, 2 [Vol. 2, 577-8] — Rv Lv 2II
Vér hǫfum vaðnar leirur
vikur fimm megingrimmar;
saurs vara vant, er vôrum,
viðr, í Grímsbœ miðjum;
nú'r þats môs of mýrar
meginkátliga lôtum
branda elg á bylgjur
Bjǫrgynjar til dynja.
Skj: Rǫgnvaldr jarl kali Kolsson: Lausavísur 2 (AI, 505; BI, 479); (dróttkvætt); ed. JJ; group: A2; mss: 325I, 761bx, Flat; texts: Flat 681, Orkn 35
36 Vol. 2. Rǫgnvaldr jarl Kali Kolsson, Lausavísur, 3 [Vol. 2, 578-9] — Rv Lv 3II
Hér hefk hávan reistan
harðgeðjuðum varða
Dolls í døkkum helli
draugs; leitak svá bauga;
eigi veitk, hverr ýtir
unnskíða ferr síðan
langa braut ok ljóta
leið of vatn et breiða.
Skj: Rǫgnvaldr jarl kali Kolsson: Lausavísur 3 (AI, 505; BI, 479); (dróttkvætt); ed. JJ; group: A2; mss: 325I, 761bx, Flat, R702x; texts: Flat 682, Orkn 36
37 Vol. 2. Ingimarr af Aski Sveinsson, Lausavísa, 1 [Vol. 2, 497-8] — Ingimarr Lv 1II
Flǫgð hvǫttu mik
til Fyrileifar;
æ vask ófúss
til orrostu;
mik bitu ǫrvar
af almboga;
munk aldrigi
á Ask koma.
Skj: Ingimarr af Aski: Lausavísa (AI, 494; BI, 466); (fornyrðislag); ed. KEG; group: A2; mss: 325I, 761bx, F, Flat; texts: Flat 683, Orkn 37
38 Vol. 2. Rǫgnvaldr jarl Kali Kolsson, Lausavísur, 4 [Vol. 2, 579-80] — Rv Lv 4II
Sextán hefik sénar
senn með topp í enni
jarðir, elli firðar,
ormvangs saman ganga;
þat bôrum vér vitni,
vestr at hér sé flestar
(sjá liggr út við élum
ey) kollóttar meyjar.
Skj: Rǫgnvaldr jarl kali Kolsson: Lausavísur 4 (AI, 506; BI, 479); (dróttkvætt); ed. JJ; group: A2; mss: 761bx, Flat, R702x; texts: Flat 684, Orkn 38
39 Vol. 2. Rǫgnvaldr jarl Kali Kolsson, Lausavísur, 5 [Vol. 2, 580-1] — Rv Lv 5II
Liggja sék á leggjum
(láss bannar þér rásir)
kveldfǫrlustum karli
(Kúgi) járn en bjúgu;
eigið aldri Kúgi
(aptr munt settr af prettum)
nauðr er at nýta eiða,
náttþing ok halt sáttir.
Skj: Rǫgnvaldr jarl kali Kolsson: Lausavísur 5 (AI, 506; BI, 479-80); (dróttkvætt); ed. JJ; group: A2; mss: 761bx, Flat, R702x; texts: Flat 685, Orkn 39
40 Vol. 2. Anonymous Lausavísur, 6. Lausavísa from Orkneyinga saga, 1unnamed poet [Vol. 2, 838-9] — Anon (Orkn) 1II
Heyrik hitt, en órir
hafa dolgar skap folgit,
þengill ríkr, af þingi
þann kvitt búandmanna,
at "valdandar" vildi,
vargseðjandi, margir
at vigg á brim byggir
brands, en Pál at landi.
Skj: Anonyme digte og vers [XII]: B. Vers om bestemte personer og begivenheder 16 (AI, 594; BI, 595); (dróttkvætt); ed. JJ; group: A2; mss: 761bx, 762x, Flat, R702x; texts: Flat 686, Orkn 40
41 Vol. 2. Eiríkr, Lausavísa, 1 [Vol. 2, 612-13] — Eir Lv 1II
Bœir ro brendir,
en búendr ræntir,
(svá hefr Sveinn hagat)
sex í morgin;
gerði hann eim
œrinn þeira;
leigir þar kol
leigumanni.
Skj: Eirekr: Lausavísa (AI, 528-9; BI, 509); (fornyrðislag); ed. JJ; group: A2; mss: Flat; texts: Flat 687, Orkn 41
42 Vol. 2. Hallr Þórarinsson breiðmaga, Lausavísa, 1 [Vol. 2, 610-11] — Hbreiðm Lv 1II
Sendak son þinn Ragna,
sǫnn koma môl fyr bragna,
hans vas haglig iðja,
hirðvistar mér biðja;
hafa kvezk hodda rýrir,
hinns mestum veg stýrir,
(nítti hann gildum granna)
gnótt vígligri manna.
Skj: Hallr Þórarinsson breiðmaga: Lausavísa (AI, 528; BI, 508-9); (dróttkvætt runhent); ed. JJ; group: A2; mss: Flat, R702x; texts: Flat 688, Orkn 42
43 Vol. 2. Rǫgnvaldr jarl Kali Kolsson, Lausavísur, 6 [Vol. 2, 581-2] — Rv Lv 6II
Aldr hefk frétt þats feldu
faldstall konur allar
(verðrat menja myrðir
mjúkorðr) hǫfuðdúkum,
nú tér Hlǫkk of hnakka
haukstrindar sér binda
(skrýðisk brúðr við bræði
bengagls) merar tagli.
Skj: Rǫgnvaldr jarl kali Kolsson: Lausavísur 6 (AI, 506; BI, 480); (dróttkvætt); ed. JJ; group: A2; mss: 761bx, Flat, R702x; texts: Flat 689, Orkn 43
44 Vol. 2. Rǫgnvaldr jarl Kali Kolsson, Lausavísur, 7 [Vol. 2, 583-4] — Rv Lv 7II
Hengik hamri kringðan
hanga (réttum) tangar
(Grímnis sylg) á galga
ginnungs brúar linna;
svá hefr glóraddar gladdan,
gaglfellis, mik þella,
lóns at leikk við mínar
lautir, hellis Gauta.
Skj: Rǫgnvaldr jarl kali Kolsson: Lausavísur 7 (AI, 506; BI, 480); (dróttkvætt); ed. JJ; group: A2; mss: 164x, 2368x, 743x, 761bx, Flat, papp10x, R702x; texts: Flat 690, LaufE 72(279), LaufE 69(357), Orkn 44
45 Vol. 2. Rǫgnvaldr jarl Kali Kolsson, Lausavísur, 8 [Vol. 2, 585] — Rv Lv 8II
Brast, þás bæði lesti
(bauð hrǫnn skaða mǫnnum),
sút fekk veðr et váta
vífum, Hjôlp ok Fífu;
sék, at sjá mun þykkja
snarlyndra fǫr jarla
(sveit gat vás at vísu
vinna) hǫfð at minnum.
Skj: Rǫgnvaldr jarl kali Kolsson: Lausavísur 8 (AI, 506-7; BI, 480); (dróttkvætt); ed. JJ; group: A2; mss: 761bx, Flat, R702x; texts: Flat 691, Orkn 45
46 Vol. 2. Rǫgnvaldr jarl Kali Kolsson, Lausavísur, 9 [Vol. 2, 586-7] — Rv Lv 9II
Skikkik skinnfeld hrokkinn
(skraut'r mítt afarlítit),
stórr'r sás stendr of órum
stafnvǫllr yfirhǫfnum,
nærgis enn af úrgum
álvangs mari gǫngum,
brim rak hest við hamra
húns, skrautligar búnir.
Skj: Rǫgnvaldr jarl kali Kolsson: Lausavísur 9 (AI, 507; BI, 480-1); (dróttkvætt); ed. JJ; group: A2; mss: 761bx, Flat, R702x; texts: Flat 692, Orkn 46
47 Vol. 2. Rǫgnvaldr jarl Kali Kolsson, Lausavísur, 10 [Vol. 2, 587] — Rv Lv 10II
Dúsið ér, en Ása
- atatata - liggr í vatni,
hutututu - hvar skalk sitja?
(heldr er mér kalt) við eldinn.
Skj: Rǫgnvaldr jarl kali Kolsson: Lausavísur 10 (AI, 507; BI, 481); (dróttkvætt); ed. JJ; group: A2; mss: 761bx, Flat, R702x; texts: Flat 693, Orkn 47
48 Vol. 2. Rǫgnvaldr jarl Kali Kolsson, Lausavísur, 11 [Vol. 2, 588-9] — Rv Lv 11II
Ala kvezk Einarr vilja
engan Rǫgnvalds drengja
(mér fellr Gauts á góma
gjalfr) nema jarlinn sjalfan;
veitk at vazk í heitum,
var hann þekkr firum ekki,
inn gekk ek þars brunnu
eldar síð á kveldi.
Skj: Rǫgnvaldr jarl kali Kolsson: Lausavísur 11 (AI, 507; BI, 481); (dróttkvætt); ed. JJ; group: A2; mss: 761bx, Flat, R702x; texts: Flat 694, Orkn 48
49 Vol. 2. Rǫgnvaldr jarl Kali Kolsson, Lausavísur, 12 [Vol. 2, 589-90] — Rv Lv 12II
Skelk aflar Sif silkis
svinn at umbúð minni;
hlær stórum mun meira
mær an fallit væri;
fár kann jarl, en árla
ǫrlyndr, séa gǫrla,
hlunns drók eik af unnum
áðr, í fiskivôðum.
Skj: Rǫgnvaldr jarl kali Kolsson: Lausavísur 12 (AI, 507; BI, 481); (dróttkvætt); ed. JJ; group: A2; mss: R702x; texts: Orkn 49
50 Vol. 2. Ármóðr, Lausavísur, 1 [Vol. 2, 620-1] — Árm Lv 1II
Eigi metr enn ítri
allvaldr gjafar skaldi
Yggs við aðra seggi
élstœrir at fœra;
snjallr bar, glæst með golli,
grundar vǫrðr at mundum
buðlungr nýztr et bezta
blóðkerti Ármóði.
Skj: Ármóðr: Lausavísur 1 (AI, 530; BI, 511); (dróttkvætt); ed. JJ; group: A2; mss: 762x, Flat, R702x; texts: Flat 695, Orkn 50
51 Vol. 2. Rǫgnvaldr jarl Kali Kolsson, Lausavísur, 13 [Vol. 2, 590-1] — Rv Lv 13II
Lætr of ǫxl, sás útar,
aldrœnn, stendr á tjaldi,
sig-Freyr, Svǫlnis, vôru,
slíðrvǫnd ofan ríða;
eigi mun, þótt, ægis,
ǫrbeiðanda reiðisk,
blikruðr, bǫðvar jǫkla,
beinrangr framar ganga.
Skj: Rǫgnvaldr jarl kali Kolsson: Lausavísur 13 (AI, 508; BI, 481-2); (dróttkvætt); ed. JJ; group: A2; mss: 761bx, Flat, R702x; texts: Flat 696, Orkn 51
52 Vol. 2. Oddi inn litli Glúmsson, Lausavísur, 1 [Vol. 2, 614-16] — Oddi Lv 1II
Stendr ok hyggr at hǫggva
herðilútr með sverði
brandalfr bǫðvar Rindar
Baldr við dyrr á tjaldi;
firum mun hann með hjǫrvi
hættr; nú's mál at sættisk
hlœðendr hleypiskíða
hlunns, áðr geigr sé unninn.
Skj: Oddi lítli Glúmsson: Lausavísur 1 (AI, 529; BI, 509); (dróttkvætt); ed. JJ; group: A2; mss: 325I, Flat, R702x; texts: Flat 697, Orkn 52
53 Vol. 2. Rǫgnvaldr jarl Kali Kolsson, Lausavísur, 14 [Vol. 2, 591-2] — Rv Lv 14II
Fekk í fylkis skikkju
fangramliga slangi;
rekkr réð hart at hnykkja
hildingi fémildum;
sterkr var stála-Bjarki,
staka kvôðu gram nakkvat
(afl hefr) eggja skýfli
(orðvandr fyr hyggjandi).
Skj: Rǫgnvaldr jarl kali Kolsson: Lausavísur 14 (AI, 508; BI, 482); (dróttkvætt); ed. JJ; group: A2; mss: R702x; texts: Orkn 53
54 Vol. 2. Ármóðr, Lausavísur, 2 [Vol. 2, 621-2] — Árm Lv 2II
Hrǫnn vas fyr Humrumynni
háleit, þars vér beittum,
sveigir lauk, en lægjask
lǫnd fyr Veslu-sǫndum;
eigi drífr í augu
alda lauðri faldin
(drengr ríðr þurr af (at?) þingi)
þeim es nú sitr heima.
Skj: Ármóðr: Lausavísur 2 (AI, 530-1; BI, 511); (dróttkvætt); ed. JJ; group: A2; mss: 325I, 762x, Flat, R702x; texts: Flat 698, Orkn 54
55 Vol. 2. Rǫgnvaldr jarl Kali Kolsson, Lausavísur, 15 [Vol. 2, 592-3] — Rv Lv 15II
Víst'r at frá berr flestum,
Fróða meldrs, at góðu
velskúfaðra vífa
vǫxtr þinn, Bil en svinna;
skorð lætr hár á herðar
haukvallar sér falla
(átgjǫrnum rauðk erni
ilka) gult sem silki.
Skj: Rǫgnvaldr jarl kali Kolsson: Lausavísur 15 (AI, 508; BI, 482); (dróttkvætt); ed. JJ; group: A2; mss: 325I, 761bx, Flat, R702x; texts: Flat 699, Orkn 55
56 Vol. 2. Rǫgnvaldr jarl Kali Kolsson, Lausavísur, 16 [Vol. 2, 594] — Rv Lv 16II
Orða skal Ermengerðar
ítr drengr muna lengi;
brúðr vill rǫkk, at ríðim
ránheim til Jórðánar;
en er aptr fara runnar
unnviggs of haf sunnan,
rístum heim, at hausti,
hvalfrón til Nerbónar.
Skj: Rǫgnvaldr jarl kali Kolsson: Lausavísur 16 (AI, 508; BI, 482); (dróttkvætt); ed. JJ; group: A2; mss: 325I, 761bx, Flat, R702x; texts: Flat 700, Orkn 56
57 Vol. 2. Ármóðr, Lausavísur, 3 [Vol. 2, 622] — Árm Lv 3II
Ek mun Ermengerði,
nema annars skǫp verði,
margr elr sút of svinna,
síðan aldri finna;
værak sæll, ef ek svæfa
(sýn væri þat gæfa),
brúðr hefr allfagrt enni,
eina nôtt hjá henni.
Skj: Ármóðr: Lausavísur 3 (AI, 531; BI, 511); (dróttkvætt runhent); ed. JJ; group: A2; mss: 325I, 762x, Flat, R702x; texts: Flat 701, Orkn 57
58 Vol. 2. Oddi inn litli Glúmsson, Lausavísur, 2 [Vol. 2, 616] — Oddi Lv 2II
Trautt erum vér, sem vættik,
verðir Ermengerðar;
veitk at horsk má heita
hlaðgrund konungr sprunda;
þvít sómir Bil bríma
bauga-stalls (at ǫllu
hon lifi sæl und sólar
setri) miklu betra.
Skj: Oddi lítli Glúmsson: Lausavísur 2 (AI, 529; BI, 510); (dróttkvætt); ed. JJ; group: A2; mss: 325I, Flat, R702x; texts: Flat 702, Orkn 58
59 Vol. 2. Rǫgnvaldr jarl Kali Kolsson, Lausavísur, 17 [Vol. 2, 595-6] — Rv Lv 17II
Vín bar hvít en hreina
hlaðnipt alindriptar,
sýndisk fegrð, er fundumk,
ferðum Ermengerðar;
nú tegask ǫld með eldi
eljunfrœkn at sœkja
(ríða snǫrp ór slíðrum
sverð) kastala ferðir.
Skj: Rǫgnvaldr jarl kali Kolsson: Lausavísur 17 (AI, 509; BI, 482-3); (dróttkvætt); ed. JJ; group: A2; mss: 761bx, Flat, R702x; texts: Flat 703, Orkn 59
60 Vol. 2. Rǫgnvaldr jarl Kali Kolsson, Lausavísur, 18 [Vol. 2, 596-7] — Rv Lv 18II
Muna munk jól, þaus ólum
austr, gjaldkera hraustum,
Ullr, at Egða fjǫllum,
undleygs, með Sǫlmundi;
nú gerik enn of ǫnnur
jafnglaðr sem vark þaðra
sverð at sunnanverðum
svarm kastala barmi.
Skj: Rǫgnvaldr jarl kali Kolsson: Lausavísur 18 (AI, 509; BI, 483); (dróttkvætt); ed. JJ; group: A2; mss: 761bx, Flat, R702x; texts: Flat 704, Orkn 60
61 Vol. 2. Rǫgnvaldr jarl Kali Kolsson, Lausavísur, 19 [Vol. 2, 597-8] — Rv Lv 19II
Unðak vel, þás vanðisk
víneik tali mínu,
gæfr vark vǫlsku vífi
vánarlaust, á hausti;
nú gerik enn, þvít unnum
ættgóðu vel fljóði,
grjót verðr laust at láta
límsett, ara mettan.
Skj: Rǫgnvaldr jarl kali Kolsson: Lausavísur 19 (AI, 509; BI, 483); (dróttkvætt); ed. JJ; group: A2; mss: 761bx, Flat, R702x; texts: Flat 705, Orkn 61
62 Vol. 2. Sigmundr ǫngull, Lausavísur, 1 [Vol. 2, 626-7] — Sigm Lv 1II
Þau berið aptr, en órar,
orð þolls Skǫgul-borða
fjallrifs fægiþellu
fleyvang til Orkneyja,
at engr, þars slǫg sungu,
seggr und kastals veggi,
ár, þótt ellri væri,
ítr drengr framar gengi.
Skj: Sigmundr ǫngull: Lausavísur 1 (AI, 532; BI, 512-13); (dróttkvætt); ed. JJ; group: A2; mss: 762x, Flat, R702x; texts: Flat 706, Orkn 62
63 Vol. 2. Rǫgnvaldr jarl Kali Kolsson, Lausavísur, 20 [Vol. 2, 598] — Rv Lv 20II
Vôn ák út á Spáni,
var skjótt rekinn flótti,
flýði margr af mœði
menlundr, konu fundar;
því erum vér, at vôru
vápnhljóð kveðin þjóðum,
(valr tók vǫll at hylja)
verðir Ermengerðar.
Skj: Rǫgnvaldr jarl kali Kolsson: Lausavísur 20 (AI, 509; BI, 483-4); (dróttkvætt); ed. JJ; group: A2; mss: Flat; texts: Flat 707, Orkn 63
64 Vol. 2. Rǫgnvaldr jarl Kali Kolsson, Lausavísur, 21 [Vol. 2, 599-600] — Rv Lv 21II
Skalkak hryggr í hreggi,
(hvínn) meðan strengr ok lína,
(svǫrðr) fyr snekkju barði
svalteigar, brestr eigi;
því réðk hvítri heita
hǫrskorð, er fórk norðan,
vindr berr snart at sundi
síðmar, konu prúðri.
Skj: Rǫgnvaldr jarl kali Kolsson: Lausavísur 21 (AI, 509-10; BI, 483-4); (dróttkvætt); ed. JJ; group: A2; mss: 761bx, 762x, Flat, R702x; texts: Flat 708, Orkn 64
65 Vol. 2. Oddi inn litli Glúmsson, Lausavísur, 3 [Vol. 2, 616-17] — Oddi Lv 3II
Hafði hollvinr jǫfra,
hinn es mjǫð drekkr inni,
sunda leygs með sveigi
sex dœgr muni hœgri;
en ríklundaðr rendi
Rǫgnvaldr með lið skjaldat
hesti, halli glæstum,
hlunns at Nǫrvasundum.
Skj: Oddi lítli Glúmsson: Lausavísur 3 (AI, 529; BI, 510); (dróttkvætt); ed. JJ; group: A2; mss: Flat, R702x; texts: Flat 709, Orkn 65
66 Vol. 2. Rǫgnvaldr jarl Kali Kolsson, Lausavísur, 22 [Vol. 2, 600] — Rv Lv 22II
Vindr hefr vǫlsku sprundi
vetrar-stund frá mundum
(út berum ás at beita)
austrœnn skotit flaustum;
verðum vér at gyrða,
Vánar hjǫrt fyr Spáni
vindr rekr snart at sundi,
sviðvís við rô miðja.
Skj: Rǫgnvaldr jarl kali Kolsson: Lausavísur 22 (AI, 510; BI, 484); (dróttkvætt); ed. JJ; group: A2; mss: 761bx, Flat; texts: Flat 710, Orkn 66
67 Vol. 2. Rǫgnvaldr jarl Kali Kolsson, Lausavísur, 23 [Vol. 2, 600-2] — Rv Lv 23II
Landi víkr, en leika
lǫgr tér á við fǫgrum,
síð mun seggr at hróðri
seina, norðr at einu;
þenna rístk með þunnu
(þýtr jarðar men) barði
einum út frá Spáni
ǫfundkrók í dag hróki.
Skj: Rǫgnvaldr jarl kali Kolsson: Lausavísur 23 (AI, 510; BI, 484); (dróttkvætt); ed. JJ; group: A2; mss: 761bx, Flat, R702x; texts: Flat 711, Orkn 67
68 Vol. 2. Rǫgnvaldr jarl Kali Kolsson, Lausavísur, 24 [Vol. 2, 602] — Rv Lv 24II
Erlingr gekk, þars okkur,
ógnsterkr, ruðusk merki,
frægr með fremð ok sigri
fleinlundr at drómundi;
hlóðum vér, en víða
varð blóð numit þjóðum,
sverð ruðu snjallir fyrðar
snǫrp, blámanna gǫrpum.
Skj: Rǫgnvaldr jarl kali Kolsson: Lausavísur 24 (AI, 510; BI, 484-5); (dróttkvætt); ed. JJ; group: A2; mss: 761bx, Flat, R702x; texts: Flat 712, Orkn 68
69 Vol. 2. Rǫgnvaldr jarl Kali Kolsson, Lausavísur, 25 [Vol. 2, 603] — Rv Lv 25II
Nennum vér at vinna
(valfall má nú kalla),
ár hefr drengr í dreyra,
drómund, roðit skjóma;
þat mun norðr ok norðan
naddregn kona fregna
(þjóð beið ljótt) af lýðum
(líftjón) til Nerbónar.
Skj: Rǫgnvaldr jarl kali Kolsson: Lausavísur 25 (AI, 510; BI, 485); (dróttkvætt); ed. JJ; group: A2; mss: 761bx, Flat, R702x; texts: Flat 713, Orkn 69
70 Vol. 2. Rǫgnvaldr jarl Kali Kolsson, Lausavísur, 26 [Vol. 2, 603-4] — Rv Lv 26II
Gekk á drómund døkkvan
(drengr réð snarr til fengjar)
upp með ærnu kappi
Auðun fyrstr enn rauði;
þar nôðum vér þjóðar
(því hefr aldar goð valdit),
bolr fellr blár á þiljur,
blóði vôpn at rjóða.
Skj: Rǫgnvaldr jarl kali Kolsson: Lausavísur 26 (AI, 510-11; BI, 485); (dróttkvætt); ed. JJ; group: A2; mss: Flat, R702x; texts: Flat 714, Orkn 70
71 Vol. 2. Ármóðr, Lausavísur, 4 [Vol. 2, 623] — Árm Lv 4II
Eigum vér, þars vági
verpr inn of þrǫm stinnan
(þann hǫfum vér at vinna)
varðhald á skæ barða,
meðan í nôtt hjá nýtri
námdúks hǫrundmjúkri
lókr sefr lind enn veiki -
lítk of ǫxl til Krítar.
Skj: Ármóðr: Lausavísur 4 (AI, 531; BI, 512); (dróttkvætt); ed. JJ; group: A2; mss: 762x, Flat, R702x; texts: Flat 715, Orkn 71
72 Vol. 2. Þorbjǫrn svarti, Lausavísa, 1 [Vol. 2, 624-5] — Þsvart Lv 1II
Vask í hirð með herði
hjǫrþeys í Orkneyjum,
réð folkstara fœðir
fyrr of vetr til styrjar;
nú berum rǫnd með reyndum
rausnarliga jarli
ǫrt á úrga vǫrtu
Akrsborgar frjámorgin.
Skj: Þórbjǫrn svarti: Lausavísa (AI, 531; BI, 512); (dróttkvætt); ed. KEG; group: A2; mss: Flat, R702x; texts: Flat 716, Orkn 0, Orkn 72
73 Vol. 2. Oddi inn litli Glúmsson, Lausavísur, 4 [Vol. 2, 618] — Oddi Lv 4II
Bôru lung
lendra manna
fyr Þrasnes
Þórbjǫrn svarta;
trað hlunnbjǫrn
und hǫfuðskaldi
Áta jǫrð
Akrsborgar til.
Skj: Oddi lítli Glúmsson: Lausavísur 4 (AI, 530; BI, 510); (kviðuháttr); ed. JJ; group: A2; mss: Flat, R702x; texts: Flat 717, Orkn 73
74 Vol. 2. Oddi inn litli Glúmsson, Lausavísur, 5 [Vol. 2, 618-19] — Oddi Lv 5II
Þar sák hann
at hǫfuðkirkju
siklings vin
sandi ausinn;
nú þrumir grund
grýtt of hônum
sólu birt
á suðrvegum.
Skj: Oddi lítli Glúmsson: Lausavísur 5 (AI, 530; BI, 510); (kviðuháttr); ed. JJ; group: A2; mss: Flat, R702x; texts: Flat 718, Orkn 74
75 Vol. 2. Rǫgnvaldr jarl Kali Kolsson, Lausavísur, 27 [Vol. 2, 604-5] — Rv Lv 27II
Ek hef lagða lykkju
(leiðar þvengs) of heiði
(snotr minnisk þess svanni
sút), fyr Jórðôn útan;
en hykk at þó þykki
þangat langt at ganga
(blóð fell varmt á víðan
vǫll) heimdrǫgum ǫllum.
Skj: Rǫgnvaldr jarl kali Kolsson: Lausavísur 27 (AI, 511; BI, 485); (dróttkvætt); ed. JJ; group: A2; mss: 761bx, Flat, R702x; texts: Flat 719, Orkn 75
76 Vol. 2. Sigmundr ǫngull, Lausavísur, 2 [Vol. 2, 627-8] — Sigm Lv 2II
Knút munk þembiþrjóti,
þeim er nú sitr heima,
satt'r at heldr hǫfum hætta
hers kind, í dag binda.
Skj: Sigmundr ǫngull: Lausavísur 2 (AI, 532; BI, 513); (dróttkvætt); ed. JJ; group: A2; mss: 762x, Flat, R702x; texts: Flat 720, Orkn 76
77 Vol. 2. Rǫgnvaldr jarl Kali Kolsson, Lausavísur, 28 [Vol. 2, 605] — Rv Lv 28II
Knút ríðum vér kauða
(komk móðr í stað góðan)
þann í þykkum runni
þessa Láfranz-messu.
Skj: Rǫgnvaldr jarl kali Kolsson: Lausavísur 28 (AI, 511; BI, 485-6); (dróttkvætt); ed. JJ; group: A2; mss: 761bx, Flat, R702x; texts: Flat 721, Orkn 77
78 Vol. 2. Rǫgnvaldr jarl Kali Kolsson, Lausavísur, 29 [Vol. 2, 605-6] — Rv Lv 29II
Kross hangir þul þessum
(þjóst skyli lægt) fyr brjósti,
flykkisk framm á brekkur
ferð, en palmr meðal herða.
Skj: Rǫgnvaldr jarl kali Kolsson: Lausavísur 29 (AI, 511; BI, 486); (dróttkvætt); ed. JJ; group: A2; mss: 761bx, Flat, R702x; texts: Flat 722, Orkn 78
79 Vol. 2. Rǫgnvaldr jarl Kali Kolsson, Lausavísur, 30 [Vol. 2, 606-7] — Rv Lv 30II
Villat vinr minn kalla,
varð allr í drit falla,
nær er í því œrin
ógæfa, miðhæfi;
lítt hykk at þá þœtti
þengils mágr, er rengðisk,
(saurr fell grár af gauri)
góligr, í Imbólum.
Skj: Rǫgnvaldr jarl kali Kolsson: Lausavísur 30 (AI, 511; BI, 486); (dróttkvætt); ed. JJ; group: A2; mss: 761bx, Flat, R702x; texts: Flat 723, Orkn 79
80 Vol. 2. Rǫgnvaldr jarl Kali Kolsson, Lausavísur, 31 [Vol. 2, 607-8] — Rv Lv 31II
Ríðum Ræfils Vakri,
rekuma plóg af akri,
erjum úrgu barði,
út at Miklagarði,
þiggjum þengils mála,
þokum framm í gný stála,
rjóðum gylðis góma,
gerum ríks konungs sóma.
Skj: Rǫgnvaldr jarl kali Kolsson: Lausavísur 31 (AI, 511; BI, 486); (dróttkvætt runhent); ed. JJ; group: A2; mss: 325I, 761bx, Flat, R702x; texts: Flat 724, Orkn 80
81 Vol. 2. Rǫgnvaldr jarl Kali Kolsson, Lausavísur, 32 [Vol. 2, 608-9] — Rv Lv 32II
Nú hafa gœðingar gengit
(goðfjón er þat ljónum),
upp grafask ill rôð greppa,
œrit mǫrg á sœri;
þat mun þeygi sjatna
þeim, er svik viðr heima;
stígum létt á lágan
legg, meðan upp heldk skeggi.
Skj: Rǫgnvaldr jarl kali Kolsson: Lausavísur 32 (AI, 512; BI, 486-7); (dróttkvætt); ed. JJ; group: A2; mss: 325I, 761bx, Flat, R702x; texts: Flat 725, Orkn 81
82 Vol. 2. Bótólfr begla, Lausavísa, 1 [Vol. 2, 629-30] — Bót Lv 1II
Ferr at foglum harri,
firar neyta vel skeyta,
vôn á heiðar hœna
hnakka-dytts, und bakka;
þar verðr almr, es olmir
undlinns stafar finna
(land verr lofðungr brandi)
lynghœsn, dreginn kyngjum.
Skj: Bótolfr begla: Lausavísa (AI, 532; BI, 513); (dróttkvætt); ed. JJ; group: A2; mss: 325I, Flat; texts: Flat 726, Orkn 82
© Skaldic Project Academic Body, unless otherwise noted. Database structure and interface developed by Tarrin Wills. All users of material on this database are reminded that its content may be either subject to copyright restrictions or is the property of the custodians of linked databases that have given permission for members of the skaldic project to use their material for research purposes. Those users who have been given access to as yet unpublished material are further reminded that they may not use, publish or otherwise manipulate such material except with the express permission of the individual editor of the material in question and the General Editor of the volume in which the material is to be published. Applications for permission to use such material should be made in the first instance to the General Editor of the volume in question. All information that appears in the published volumes has been thoroughly reviewed. If you believe some information here is incorrect please contact Tarrin Wills with full details.