Skaldic Poetry of the Scandinavian Middle Ages

login: password: stay logged in: help

verses in Óláfs saga helga (Legendary)

1 Vol. 1. 37. Sigvatr Þórðarson, 1. Víkingarvísur, 6 [Vol. 1, 541] — Sigv Víkv 6I
Rétt's, at sókn vas en sétta
(snarr þengill bauð Englum
at) þars Áleifr sótti
(Yggs) Lundúna bryggjur;
sverð bitu vǫlsk, en vǫrðu
víkingar þar díki,
átti sumt í sléttu
Súðvirki lið búðir.
Skj: Sigvatr Þórðarson: 1. Víkingarvísur 6 (AI, 224-5; BI, 214); (dróttkvætt); ed. JJ; group: A1; mss: 301x, 325V, 325VI, 325VII, 51x, 61, 68, 73ax, 75c, 78ax, 972x, Bb, DG8, Flat, FskAx, FskBx, Holm2, J1x, J2x, Kx, R686x, Tóm; texts: Flat 429, Fsk 131, ÓH 16(14), ÓHHkr 12, ÓHLeg 1
2 Vol. 1. Anonymous Poems, 2. Liðsmannaflokkr, 1 [Vol. 1, 1016] — Anon Liðs 1I
Gǫngum upp, áðr Engla
ættlǫnd farin rǫndu
morðs ok miklar ferðir
malmregns stafar fregni;
verum hugrakkir Hlakkar,
hristum spjót ok skjótum,
leggr fyr órum eggjum
Engla gnótt á flótta.
Skj: Anonyme digte om historiske personer og begivenheder [XI]: [2]. Liðsmannaflokkr 1 (AI, 422; BI, 391); (dróttkvætt); ed. RGP; group: A1; mss: DG8, Flat; texts: Flat 947, ÓHLeg 2
3 Vol. 1. Anonymous Poems, 2. Liðsmannaflokkr, 2 [Vol. 1, 1018] — Anon Liðs 2I
Margr ferr Ullr í illan
oddsennu dag þenna
frár, þars fœddir órum,
fornan serk, ok bornir,
(enn á enskra manna
ǫlum gjóð Hnikars blóði)
ǫrt mun skáld í skyrtu
skreiðask hamri samða.
Skj: Anonyme digte om historiske personer og begivenheder [XI]: [2]. Liðsmannaflokkr 2 (AI, 422; BI, 391); (dróttkvætt); ed. RGP; group: A1; mss: 20dx, 41x, 873x, DG8, Flat, ; texts: Flat 948, Knýtl 17, ÓHLeg 3
4 Vol. 1. Anonymous Poems, 2. Liðsmannaflokkr, 3 [Vol. 1, 1019] — Anon Liðs 3I
Þollr mun glaums of grímu
gjarn síðarla arna
randar skóð at rjóða
rœðinn, sás mey fœðir;
berr eigi sá sveigir
sára lauk í ári,
hinns Grjótvarar gætir,
gunnborðs, fyr Stað norðan.
Skj: Óláfr Haraldsson enn helgi: Lausavísur 5 (AI, 221; BI, 211); (dróttkvætt); ed. RGP; group: A1; mss: DG8, Flat; texts: Flat 949, ÓHLeg 4
5 Vol. 1. Anonymous Poems, 2. Liðsmannaflokkr, 4 [Vol. 1, 1020] — Anon Liðs 4I
Þóttut mér, es þáttak,
Þorkels liðar dvelja
(sôusk eigi þeir sverða
sǫng) í folk at ganga,
áðr an hjǫrs á heiði
hríð víkingar kníðu,
vér hlutum vápna skúrir,
(varð fylkt liði) harða.
Skj: Óláfr Haraldsson enn helgi: Lausavísur 2 (AI, 220; BI, 210); (dróttkvætt); ed. RGP; group: A1; mss: DG8, Flat; texts: Flat 950, ÓHLeg 5
6 Vol. 1. Anonymous Poems, 2. Liðsmannaflokkr, 5 [Vol. 1, 1022] — Anon Liðs 5I
Hár þykki mér, hlýra,
hinn jarl, es brá snarla
(mær spyrr víðr at væri
valkǫstr), ara fǫstu,
en þekkjǫndum þykkir
Þunns blás meginásar
hǫrð, sú's hilmir gerði,
hríð, á Tempsar síðu.
Skj: Anonyme digte om historiske personer og begivenheder [XI]: [2]. Liðsmannaflokkr 3 (AI, 422; BI, 392); (dróttkvætt); ed. RGP; group: A1; mss: DG8, Flat; texts: Flat 951, ÓHLeg 6
7 Vol. 1. Anonymous Poems, 2. Liðsmannaflokkr, 6 [Vol. 1, 1023] — Anon Liðs 6I
Einráðit lét áðan
Ulfkell, þars spjǫr skulfu,
hǫrð óx hildar garða
hríð, víkinga at bíða,
ok slíðrhugaðr síðan
sátt (á oss) hvé mátti
byggs við bitran skeggja
brunns (tveir hugir runnu).
Skj: Óláfr Haraldsson enn helgi: Lausavísur 3 (AI, 220; BI, 210); (dróttkvætt); ed. RGP; group: A1; mss: DG8, Flat; texts: Flat 952, ÓHLeg 7
8 Vol. 1. Anonymous Poems, 2. Liðsmannaflokkr, 7 [Vol. 1, 1024] — Anon Liðs 7I
Knútr réð ok bað bíða,
baugstalls, Dani alla,
lundr gekk rǫskr und randir,
ríkr, vá herr við díki;
nær vas, sveit þars sóttum,
syn, með hjalm ok brynju,
elds, sem olmum heldi
elg Rennandi kennir.
Skj: Anonyme digte om historiske personer og begivenheder [XI]: [2]. Liðsmannaflokkr 4 (AI, 422; BI, 392); (dróttkvætt); ed. RGP; group: A1; mss: DG8, Flat; texts: Flat 953, ÓHLeg 8
9 Vol. 1. Anonymous Poems, 2. Liðsmannaflokkr, 8 [Vol. 1, 1025] — Anon Liðs 8I
Út mun ekkja líta,
opt glóa jǫrn á lopti
of hjalmtǫmum hilmi,
hrein sús býr í steini;
hvé sigrfíkinn sœkir
snarla borgar karla,
dynr á brezkum brynjum
blóðíss, Dana vísi.
Skj: Anonyme digte om historiske personer og begivenheder [XI]: [2]. Liðsmannaflokkr 5 (AI, 422-3; BI, 392); (dróttkvætt); ed. RGP; group: A1; mss: 20dx, 41x, 873x, DG8, Flat, ; texts: Flat 954, Knýtl 0, ÓHLeg 9
10 Vol. 1. Anonymous Poems, 2. Liðsmannaflokkr, 9 [Vol. 1, 1027] — Anon Liðs 9I
Hvern morgin sér horna
Hlǫkk á Tempsar bakka
(skalat hanga má hungra)
hjalmskóð roðin blóði.
Skj: Anonyme digte om historiske personer og begivenheder [XI]: [2]. Liðsmannaflokkr 6 (AI, 423 (ll. 1-4), 221 (ll. 5-8); BI, 392 (ll. 1-4), 211 (ll. 5-8)); (dróttkvætt); ed. RGP; group: A1; mss: 20dx, 41x, 873x, DG8, Flat, ; texts: Flat 955, Knýtl 16, ÓHLeg 10
11 Vol. 1. Anonymous Poems, 2. Liðsmannaflokkr, 10 [Vol. 1, 1028] — Anon Liðs 10I
Dag vas hvern þats Hǫgna
hurð rjóðask nam blóði,
ár, þars úti vôrum
Ilmr, í fǫr með hilmi;
kneigum vér, síz vígum
varð nýlokit hǫrðum,
fyllar dags, í fǫgrum,
fit, Lundúnum sitja.
Skj: Anonyme digte om historiske personer og begivenheder [XI]: [2]. Liðsmannaflokkr 7 (AI, 423; BI, 393); (dróttkvætt); ed. RGP; group: A1; mss: DG8, Flat; texts: Flat 956, ÓHLeg 11
12 Vol. 1. 37. Sigvatr Þórðarson, 1. Víkingarvísur, 8 [Vol. 1, 545] — Sigv Víkv 8I
Veitk, at víga mœtir
Vinðum háttr enn átta
(styrkr gekk vǫrðr) at virki
(verðungar) styr gerði;ttut bœ banna
borg Kantara (sorgar
mart feksk) prúðum (Pǫrtum)
portgreifar Áleifi.
Skj: Sigvatr Þórðarson: 1. Víkingarvísur 8 (AI, 225; BI, 214-15); (dróttkvætt); ed. JJ; group: A1; mss: 301x, 325V, 325VI, 325VII, 51x, 61, 68, 73ax, 75c, 78ax, 972x, Bb, DG8, Flat, FskAx, FskBx, Holm2, J1x, J2x, Kx, R686x, Tóm; texts: Flat 433, Fsk 133, ÓH 20(18), ÓHHkr 16, ÓHLeg 12
13 Vol. 1. 37. Sigvatr Þórðarson, 1. Víkingarvísur, 9 [Vol. 1, 547] — Sigv Víkv 9I
Vann ungr konungr Englum
ótrauðr skarar rauðar,
endr kom brúnt á branda
blóð í Nýjamóðu;

nú hefk orrostur, austan,
ógnvaldr, níu talðar,
herr fell danskr, þars dǫrrum
dreif mest at Áleifi.
Skj: Sigvatr Þórðarson: 1. Víkingarvísur 9 (AI, 225-6; BI, 215); (dróttkvætt); ed. JJ; group: A1; mss: 301x, 321x, 325V, 325VI, 325VII, 51x, 61, 68, 73ax, 75c, 78ax, 972x, Bb, DG8, Flat, FskAx, FskBx, Holm2, J1x, J2x, Kx, R686x, Tóm; texts: Flat 434, Fsk 134, ÓH 21(19), ÓHHkr 17, ÓHLeg 13
14 Vol. 1. 37. Sigvatr Þórðarson, 2. Nesjavísur, 6 [Vol. 1, 565] — Sigv Nesv 6I
Fekk meira lið miklu
mildr an gløggr til hildar,
hirð þás hugði forðask
heið þjóðkonungs reiði,
en vinlausum vísa
varð, þeim es fé sparði,
(háðisk víg fyr víðum
vangi) þunt of stangir.
Skj: Sigvatr Þórðarson: 2. Nesjavísur 2 (AI, 228; BI, 217); (dróttkvætt); ed. RGP; group: A1; mss: DG8; texts: ÓHLeg 14
15 Vol. 1. 37. Sigvatr Þórðarson, 2. Nesjavísur, 3 [Vol. 1, 561] — Sigv Nesv 3I
Þat erum kunt, hvé kennir
Karlhǫfða lét jarli
odda frosts fyr austan
Agðir nær of lagðan.
Skj: Sigvatr Þórðarson: 2. Nesjavísur 4 (AI, 229; BI, 217); (dróttkvætt); ed. RGP; group: A1; mss: 301x, 302x, 321x, 325V, 325VI, 325VII, 51x, 61, 68, 73ax, 761bx, 78ax, 972x, Bb, DG8, Flat, FskAx, FskBx, Holm2, Holm4, J1x, J2x, Kx, papp18x, R686x, Tóm; texts: Flat 453, Fsk 136, ÓH 44(42), ÓHHkr 39, ÓHLeg 15
16 Vol. 1. 38. Óttarr svarti, 1. Hǫfuðlausn, 20 [Vol. 1, 766] — Ótt Hfl 20I
Gegn, eru þér at þegnum,
þjóðskjǫldunga góðra
haldið hœft á veldi,
Hjaltlendingar kendir;
engi varð á jǫrðu
ógnbráðr, áðr þér nôðum,
austr, sás eyjum vestan,
ynglingr, und sik þryngvi.
Skj: Óttarr svarti: 2. Hǫfuðlausn 19 (AI, 295-6; BI, 272); (dróttkvætt); ed. MT; group: A1; mss: 301x, 321x, 325V, 325VI, 325VII, 332x, 51x, 73ax, 744x, 75a, 75c, 761bx, 972x, A, B, Bb, C, DG8, Flat, FskAx, FskBx, Holm2, Holm4, Kx, R, Tx, Tóm, U; texts: Flat 509, Fsk 145, Orkn 7, ÓH 87(85), ÓHHkr 82, ÓHLeg 16, Skm 413
17 Vol. 1. 49. Þormóðr Kolbrúnarskáld (biog. vol. 5), Lausavísur, 10 [Vol. 1, 823] — Þorm Lv 10I
Loftungu gaft lengi
látr þats Fáfnir átti,
þú lézk mér enn mœrar
merkr fránǫluns vánir;
verðr emk, varga myrðir
víðlendr, frá þér síðan,
eða heldr of sæ sjaldan,
slíks réttar, skalk vétta.
Skj: Þórmóðr Bersason Kolbrúnarskáld: 2. Lausavísur 10 (AI, 284; BI, 262); (dróttkvætt); ed. RDF; group: A1; mss: 141x, 761bx, DG8, Flat, NRA52, Tóm; texts: ÓH 0, ÓHLeg 17, ÓHÆ 3, Þorm 1
18 Vol. 1. 49. Þormóðr Kolbrúnarskáld (biog. vol. 5), Lausavísur, 11 [Vol. 1, 825] — Þorm Lv 11I
Flestr of sér, hvé fasta
fagrbúnar hefk túna
báðar hendr ór breiðum
barðs þjóðkonungs garði;
eld ák jǫfri gjalda
ungr, þeim es bregðr hungri,
djúps (berk goll á greipum)
grôðugs ara (bôðum).
Skj: Þórmóðr Bersason Kolbrúnarskáld: 2. Lausavísur 11 (AI, 284; BI, 262-3); (dróttkvætt); ed. RDF; group: A1; mss: 141x, 761bx, DG8, Flat, NRA52, Tóm; texts: ÓH 0, ÓHLeg 18, ÓHÆ 4, Þorm 2
19 Vol. 1. 49. Þormóðr Kolbrúnarskáld (biog. vol. 5), Lausavísur, 15 [Vol. 1, 826] — Þorm Lv 15I
Hafa þóttumk ek, hættinn
happsœkjandi, ef tœkir,
hreins, við haldi mínu,
hvert land þegit, branda;
ríkr, vilk með þér, rœkir
randar linns enn svinni
(rǫnd berum út á andra
eybaugs) lifa ok deyja.
Skj: Þórmóðr Bersason Kolbrúnarskáld: 2. Lausavísur 15 (AI, 285; BI, 263-4); (dróttkvætt); ed. RDF; group: A1; mss: 141x, 142x, 566ax, 761bx, DG8, Flat, Hb, NRA52, papp4x, Tóm; texts: Fbr 0, ÓH 0, ÓHLeg 19, ÓHÆ 5, Þorm 3
20 Vol. 1. 38. Óttarr svarti, 3. Lausavísur, 2 [Vol. 1, 786] — Ótt Lv 2I
Svá skal kveðja
konung Dana,
Íra ok Engla
ok Eybúa,
at hans fari
með himinskautum
lǫndum ǫllum
lof víðara.
Skj: Óttarr svarti: Lausavísur 2 (AI, 299; BI, 275); (fornyrðislag); ed. MT; group: A1; mss: DG8; texts: ÓHLeg 20
21 Vol. 1. 38. Óttarr svarti, 1. Hǫfuðlausn, 1 [Vol. 1, 741] — Ótt Hfl 1I
Hlýð manngǫfugr minni - - - - - - -
finnum yðr ok annan,
allvaldr, konung fallinn;
þat telk gífrs, síz Gauta,
glaðnistanda, mistak
dǫglings, verk at dýrka,
dýr þengill, mitt lengi.
Skj: Óttarr svarti: 2. Hǫfuðlausn 1 (AI, 290; BI, 268); (dróttkvætt); ed. MT; group: A1; mss: 761bx, DG8, NRA52, Tóm; texts: ÓHLeg 21, ÓHÆ 6
22 Vol. 1. 39. Bersi Skáld-Torfuson, 2. Lausavísa, 1 [Vol. 1, 796] — Bersi Lv 1I
Sverð standa þar, sunda
sárs leyfum vér árar,
(herstillis verðr hylli
holl) rauð-búin golli;
við tœka ek (víka,
vask endr með þér, sendir
elds) ef eitt hvert vildir,
allvaldr, gefa skaldi.
Skj: Bersi Skáldtorfuson: 2. Lausavísa (AI, 277; BI, 256); (dróttkvætt); ed. DW; group: A1; mss: 321x, 325V, 61, 68, 73ax, 75c, 761bx, 972x, DG8, Flat, Holm2, Holm4, J2x, Kx, NRA52, Tóm; texts: Flat 553, Flat 966, ÓH 116(112), ÓHHkr 109, ÓHLeg 22, ÓHÆ 7
23 Vol. 1. 37. Sigvatr Þórðarson, 12. Lausavísur, 19 [Vol. 1, 724] — Sigv Lv 19I
Dróttinn, hjalp þeims dóttur
(dýrr's þínn vili) mína
heim ór heiðnum dómi
hóf ok nafn gaf Tófu;
helt und vatn enn vitri
(varðk þeim feginn harða
morni) mínu barni
móðrakkr Haralds bróðir.
Skj: Sigvatr Þórðarson: 13. Lausavísur 11 (AI, 268-9; BI, 248-9); (dróttkvætt); ed. RDF; group: A1; mss: 71x, 73ax, 761bx, 76ax, DG8, Flat, Tóm; texts: Flat 484, Flat 959, ÓH 0, ÓHLeg 23
24 Vol. 1. 36. Óláfr inn helgi Haraldsson, Lausavísur, 5 [Vol. 1, 523] — Ólhelg Lv 5I
Nær's sem upp ór eisu,
innar lítk til kvinna,
snót hver svá mjǫk láti
seg mér, loga bregði;
mik hefr máli sykvinn
mest á skǫmmu fresti
(gekk ek of golf at drekka)
Gramr ok brattir hamrar.
Skj: Óláfr Haraldsson enn helgi: Lausavísur 8 (AI, 221; BI, 211); (dróttkvætt); ed. RGP; group: A1; mss: 761bx, DG8, Flat, Tóm; texts: Flat 962, ÓH 0, ÓHLeg 24
25 Vol. 1. 38. Óttarr svarti, 3. Lausavísur, 3 [Vol. 1, 788] — Ótt Lv 3I
Heðan sék reyk þanns rjúka
rǫnn of fiskimǫnnum
(stór eru skalds of skærur
skellibrǫgð) ór helli;
nú frýrat mér nýrar
nenningar dag þenna;
hlíti ek fyr hvítan
hornstraums dǫgurð Naumu.
Skj: Sigvatr Þórðarson: 13. Lausavísur 12 (AI, 269; BI, 249); (dróttkvætt); ed. RDF; group: A1; mss: 71x, 73ax, 761bx, 76ax, DG8, Flat, Tóm; texts: Flat 960, ÓH 0, ÓHLeg 25
26 Vol. 1. 36. Óláfr inn helgi Haraldsson, Lausavísur, 3 [Vol. 1, 520] — Ólhelg Lv 3I
Segið þat Karla
es komið þangat,
nýtum þegni
fyr norðan haf,
at fleira skal
í fǫrum vinna
an hylda hval
hvǫssum knífi.
Skj: Óláfr Haraldsson enn helgi: Lausavísur 6 (AI, 221; BI, 211); (fornyrðislag); ed. RGP; group: A1; mss: 71x, 73ax, 761bx, 76ax, DG8, Flat, Tóm; texts: Flat 961, ÓH 0, ÓHLeg 26
27 Vol. 1. 37. Sigvatr Þórðarson, 12. Lausavísur, 9 [Vol. 1, 710] — Sigv Lv 9I
Sendi mér enn mæri
- man þengill sá drengi -
(síð munk heldr at hróðri)
hnetr þjóðkonungr (letjask);
opt, en okr bað skipta
Óttarr í tvau dróttinn,
endask môl, sem myndim
manndjarfr fǫður-arfi.
Skj: Sigvatr Þórðarson: 13. Lausavísur 10 (AI, 268; BI, 248); (dróttkvætt); ed. RDF; group: A1; mss: 71x, 73ax, 761bx, 76ax, DG8, Flat, Tóm; texts: Flat 963, ÓH 0, ÓHLeg 27
28 Vol. 1. 38. Óttarr svarti, 3. Lausavísur, 1 [Vol. 1, 784] — Ótt Lv 1I
Hnøtr sendi mér handan,
hrǫnduðr ǫlunbranda,
(ár vas þats mank meiri
mín þing) konungr, hingat;
mær es, markar stjóri,
meir sék þar til fleira,
niðrat oss í ǫðru,
íslands, mikils vísir.
Skj: Óttarr svarti: Lausavísur 1 (AI, 299; BI, 275); (dróttkvætt); ed. MT; group: A1; mss: 71x, 73ax, 761bx, 76ax, DG8, Flat, NRA52, Tóm; texts: Flat 964, ÓH 0, ÓHLeg 28, ÓHÆ 1
29 Vol. 1. 50. Þorfinnr munnr, Lausavísur, 1 [Vol. 1, 845] — Þorf Lv 1I
Geisli stendr til grundar
gunnar, jarðir, munna
ofan fellr blóða á báðar
baugs, seiðs, en gramr reiðisk;
hristisk hjǫrr í brjósti
hringi grœnna lyngva,
en folkþorinn fylkir
ferr við steik at leika.
Skj: Þórfinnr munnr: Lausavísur 1 (AI, 315; BI, 292); (dróttkvætt); ed. DW; group: A1; mss: DG8, Flat, NRA52; texts: Flat 967, ÓHLeg 29, ÓHÆ 2
30 Vol. 1. 37. Sigvatr Þórðarson, 10. Knútsdrápa, 7 [Vol. 1, 658] — Sigv Knútdr 7I
Knútr vas und himnum.
Her austan frá
fríðr fylkis niðr
fráneygr Dana;
skreið vestan -viðr
varr- glæstr, sás bar
út andskota
Aðalráðs þaðan.
Skj: Sigvatr Þórðarson: 10. Knútsdrápa 7 (AI, 250; BI, 233); (tøglag or variants); ed. MT; group: A1; mss: 321x, 325V, 325XI 1, 51x, 61, 68, 73ax, 761bx, 972x, Bb, DG8, Flat, FskBx, Holm2, Holm4, J2x, Kx, Tóm; texts: Flat 540, Fsk 0, ÓH 102(99), ÓHHkr 96, ÓHLeg 30
31 Vol. 1. 37. Sigvatr Þórðarson, 10. Knútsdrápa, 8 [Vol. 1, 659] — Sigv Knútdr 8I
Ok bôru í byr
blô segl við rô
(dýr vas dǫglings fǫr)
drekar landreka;
en, þeirs kómu,
kilir, vestan, til
of -leið liðu
Limafjarðar brim-.
Skj: Sigvatr Þórðarson: 10. Knútsdrápa 8 (AI, 250; BI, 233-4); (tøglag or variants); ed. MT; group: A1; mss: 321x, 325V, 325XI 1, 51x, 61, 68, 73ax, 761bx, 972x, Bb, DG8, Flat, FskBx, Holm2, Holm4, J2x, Kx, Tóm; texts: Flat 541, Fsk 0, ÓH 103(100), ÓHHkr 97, ÓHLeg 31
32 Vol. 1. 37. Sigvatr Þórðarson, 10. Knútsdrápa, 3 [Vol. 1, 653] — Sigv Knútdr 3I
Knútr vas und himnum.
Hykk ætt at frétt
Haralds í her
hug vel duga;
lét lýs gǫtu
lið suðr ór Nið
Áleifr, jǫfurr
ársæll, fara.
Skj: Sigvatr Þórðarson: 10. Knútsdrápa 3 (AI, 249; BI, 232-3); (tøglag or variants); ed. MT; group: A1; mss: 321x, 325V, 325VII, 51x, 61, 68, 73ax, 761bx, 972x, Bb, DG8, Flat, FskBx, Holm2, Holm4, J2x, Kx, Tóm; texts: Flat 534, Fsk 0, ÓH 96(93), ÓHHkr 90, ÓHLeg 32
33 Vol. 1. 37. Sigvatr Þórðarson, 10. Knútsdrápa, 4 [Vol. 1, 655] — Sigv Knútdr 4I
Þurðu norðan
(namsk þat) með gram
til slétts svalir
silunds kilir,
en með annan
Ǫnundr Dǫnum
á hendr at há
her sœnskan ferr.
Skj: Sigvatr Þórðarson: 10. Knútsdrápa 4 (AI, 249; BI, 233); (tøglag or variants); ed. MT; group: A1; mss: 321x, 325V, 325VII, 51x, 61, 68, 73ax, 761bx, 972x, Bb, DG8, Flat, FskBx, Holm2, Holm4, J2x, Kx, Tóm; texts: Flat 535, Fsk 0, ÓH 97(94), ÓHHkr 91, ÓHLeg 33
34 Vol. 1. 37. Sigvatr Þórðarson, 10. Knútsdrápa, 5 [Vol. 1, 656] — Sigv Knútdr 5I
Lét lǫnd lokit
liðs gramr saman
marbeðjum með
mǫrg nefbjǫrgum,
þars garðr fyr gnóð
grô hjǫlmunlô,
þreifsk brims þruma
Þundar umb ǫndur.
Skj: Sigvatr Þórðarson: 10. Knútsdrápa 5 (AI, 249; BI, 233); (tøglag or variants); ed. MT; group: A1; mss: 51x, 972x, DG8, FskBx; texts: Fsk 0, ÓH 0, ÓHLeg 34
35 Vol. 1. 37. Sigvatr Þórðarson, 10. Knútsdrápa, 6 [Vol. 1, 657] — Sigv Knútdr 6I
Gôtut drótnar
Danmǫrk spanit
und sik sǫkum
snarir herfarar;
þá lét skarpla
Skáney Dana
hlǫðr herjaða.
hǫfuðfremstr jǫfurr.
Skj: Sigvatr Þórðarson: 10. Knútsdrápa 6 (AI, 249-50; BI, 233); (tøglag or variants); ed. MT; group: A1; mss: 321x, 325V, 325XI 1, 51x, 61, 68, 73ax, 75c, 761bx, 972x, Bb, DG8, Flat, FskBx, Holm2, Holm4, J2x, Kx, Tóm; texts: Flat 542, Fsk 0, ÓH 104(101), ÓHHkr 98, ÓHLeg 35
36 Vol. 1. 37. Sigvatr Þórðarson, 10. Knútsdrápa, 9 [Vol. 1, 660] — Sigv Knútdr 9I
Létat af jǫfurr
(ætt manna fansk)
Jótlands etask
ílendr (at því);
vildi foldar
fæst rôn Dana
hlífskjǫldr hafa.
hǫfuðfremstr jǫfurr.
Skj: Sigvatr Þórðarson: 10. Knútsdrápa 9 (AI, 250-1; BI, 234); (tøglag or variants); ed. MT; group: A1; mss: 321x, 325V, 325XI 1, 51x, 61, 68, 73ax, 75c, 761bx, 972x, Bb, DG8, Flat, FskBx, Holm2, Holm4, J2x, Kx, Tóm; texts: Flat 543, Fsk 0, ÓH 105(102), ÓHHkr 99, ÓHLeg 36
37 Vol. 1. 38. Óttarr svarti, 2. Knútsdrápa, 11 [Vol. 1, 781] — Ótt Knútdr 11I
Svíum hnekðir þú, sóknar
siklingr ǫrr, en mikla
ylgr, þars ô en helga,
ulfs beitu fekk, heitir;
helt, þars hrafn né svaltat,
(hvatráðr est þú) láði,
ógnar stafr, fyr jǫfrum,
ýgr, tveimr (við kyn beima).
Skj: Óttarr svarti: 3. Knútsdrápa 11 (AI, 298; BI, 275); (dróttkvætt); ed. MT; group: A2; mss: 301x, 321x, 325IX 2, 325V, 325VII, 325XI 1, 61, 68, 73ax, 75c, 761bx, 972x, A, Bb, C, DG8, Flat, FskAx, Holm2, Holm4, J2x, K, Kx, R, Tx, Tóm, U, W; texts: Flat 544, Fsk 146, LaufE 113(374), ÓH 106(103), ÓHHkr 100, ÓHLeg 37, Skm 219, Skm 317
38 Vol. 1. 14. Þórðr Særeksson (Sjáreksson), 3. Róðudrápa, 1 [Vol. 1, 243] — ÞSjár Róðdr 1I
Átti Egða dróttinn
Áleifr þrimu stála
við ágætan Jóta
ǫðling, þanns klauf hringa;

skaut nær skarpt at móti
Skônunga gramr hônum;
Sveins vasa sonr at reyna
slær; þaut ulfr of hrævi.
Skj: Þórðr Særeksson: 3. Róðudrápa (AI, 329; BI, 303); (dróttkvætt); ed. KEG; group: A1; mss: 301x, 321x, 325IX 2, 325V, 325VII, 325XI 1, 61, 68, 73ax, 75c, 761bx, 972x, Bb, DG8, Flat, FskAx, Holm2, Holm4, J2x, K, Kx, Tóm; texts: Flat 545, Fsk 147, ÓH 107(104), ÓHHkr 101, ÓHLeg 38
39 Vol. 1. 46. Hárekr í Þjóttu, Lausavísur, 1 [Vol. 1, 808] — Hár Lv 1I
Ráðit hefk at ríða,
Rínleygs, heðan mínum
láðs dynmari, leiðir,
lǫngum heldr an ganga,
þótt leggfjǫtrs liggi
lundr í Eyrarsundi,
(kannk þjóð kerski minni)
Knútr herskipum úti.
Skj: Hárekr Eyvindarson í Þjóttu: Lausavísur 1 (AI, 308; BI, 286); (dróttkvætt); ed. DW; group: A1; mss: 301x, 321x, 325V, 325VII, 61, 68, 73ax, 744x, 75a, 75c, 761bx, 972x, A, B, Bb, DG8, Flat, FskAx, Holm2, Holm4, J2x, Kx, Tóm, W; texts: Flat 546, Fsk 148, ÓH 108(105), ÓHHkr 102, ÓHLeg 39, TGT 4
40 Vol. 1. 46. Hárekr í Þjóttu, Lausavísur, 2 [Vol. 1, 810] — Hár Lv 2I
Lækkak Lundar ekkjur,
læbaugs, at því hlæja,
skjótum eik fyr útan
ey, né danskar meyjar,
Jǫrð, at eigi þørðak
ifla flausts í hausti
á flatslóðir Fróða
fara aptr Vali krapta.
Skj: Hárekr Eyvindarson í Þjóttu: Lausavísur 2 (AI, 309; BI, 286); (dróttkvætt); ed. DW; group: A1; mss: 301x, 321x, 325V, 51x, 61, 68, 73ax, 75a, 75c, 761bx, 972x, Bb, DG8, Flat, FskAx, FskBx, Holm2, Holm4, J2x, Kx, Tóm; texts: Flat 547, Fsk 149, ÓH 109(106), ÓHHkr 103, ÓHLeg 40, ÓHÆ 8
41 Vol. 1. 37. Sigvatr Þórðarson, 7. Flokkr about Erlingr Skjálgsson, 3 [Vol. 1, 633] — Sigv Erlfl 3I
Ǫll vas Erlings fallin,
ungr fyr norðan Tungur
skeið vann skjǫldungr auða,
skipsókn við þrǫm Bóknar;
einn stóð sonr á sínu
snarr Skjalgs, vinum fjarri,
í lyptingu lengi
lætrauðr skipi auðu.
Skj: Sigvatr Þórðarson: 7. Flokkr om Erlingr Skjalgsson 3 (AI, 244; BI, 229); (dróttkvætt); ed. JJ; group: A1; mss: 301x, 321x, 325V, 325VII, 51x, 61, 68, 73ax, 761bx, 972x, Bb, DG8, Flat, FskAx, FskBx, Holm2, Holm4, J2x, Kx, Tóm; texts: Flat 566, Fsk 155, ÓH 129(125), ÓHHkr 122, ÓHLeg 41
42 Vol. 1. 37. Sigvatr Þórðarson, 6. Poem about Erlingr Skjálgsson, 1 [Vol. 1, 628] — Sigv Erl 1I
Einn vissak þér annan
Jalks bríktǫpuð glíkan
(vítt réð gumna gætir)
Goðbrandr hér sá (lǫndum);
ykr kveðk jafna þykkja,
ormláðs hati, báða,
lýgr hinn at sér, lægir
linnsetrs, es telsk betri.
Skj: Sigvatr Þórðarson: 6. Et kvad om Erlingr Skjalgsson (AI, 243; BI, 228); (dróttkvætt); ed. JJ; group: A1; mss: 321x, 325V, 325VI, 325VII, 61, 68, 73ax, 761bx, 972x, Bb, DG8, Flat, Holm2, Holm4, J2x, Kx, papp18x, Tóm; texts: Flat 511, ÓH 89(87), ÓHHkr 84, ÓHLeg 42
43 Vol. 1. 37. Sigvatr Þórðarson, 7. Flokkr about Erlingr Skjálgsson, 8 [Vol. 1, 640] — Sigv Erlfl 8I
Drakk eigi ek drekku
dag þann, es mér sǫgðu
Erlings tál, at jólum
allglaðr, þess es réð Jaðri;
þess mun dráp of drúpa
dýrmennis mér kenna,
hǫfuð bôrum vér hæra
(hart morð vas þat) forðum.
Skj: Sigvatr Þórðarson: 7. Flokkr om Erlingr Skjalgsson 8 (AI, 246; BI, 230); (dróttkvætt); ed. JJ; group: A1; mss: DG8, Flat; texts: Flat 969, ÓHLeg 43
44 Vol. 1. 36. Óláfr inn helgi Haraldsson, Lausavísur, 7 [Vol. 1, 526] — Ólhelg Lv 7I
Lítt mun halr enn hvíti,
hrafn etr af ná getnum
(vér unnum gný Gunnar)
glaðr í nótt á Jaðri;
svá hefr ǫllungis illa,
ek gekk reiðr of skeiðar
(jǫrð veldr manna morði)
mitt rán getit hônum.

[umstilli hefr illa
(ættgóðr) ok rof sætta
(Erlingr beið til árla
andrán) getit hônum.]
Skj: Óláfr Haraldsson enn helgi: Lausavísur 9 (AI, 222; BI, 212); (dróttkvætt); ed. RGP; group: A1; mss: 301x, 321x, 325V, 325VII, 325XI 2 b, 51x, 61, 68, 73ax, 75c, 761bx, 972x, Bb, DG8, Flat, FskAx, FskBx, Holm2, Holm4, J2x, Kx, Tóm; texts: Flat 571, Flat 968, Fsk 158, ÓH 134(130), ÓHHkr 127, ÓHLeg 44
45 Vol. 1. 51. Þórarinn loftunga, 2. Tøgdrápa, 1 [Vol. 1, 852] — Þloft Tøgdr 1I
Knútr es und sólar -
Siðnæmr með lið
fór mjǫk mikit
minn vinr þinig,
fœrði ór firði
fimr gramr Lima
út ólítinn
otrheims flota.
Skj: Þórarinn loftunga: 2. Tøgdrápa 2 (AI, 322; BI, 298); (tøglag or variants); ed. MT; group: B; mss: 301x, 325V, 325VII, 325XI 2 g, 61, 68, 73ax, 75c, 972x, Bæb, DG8, Flat, FskAx, Holm2, Holm4, J2x, Kx, Tóm; texts: Flat 557, Fsk 151, ÓH 120(116), ÓHHkr 113, ÓHLeg 45
46 Vol. 1. 51. Þórarinn loftunga, 2. Tøgdrápa, 2 [Vol. 1, 854] — Þloft Tøgdr 2I
Uggðu Egðir
ǫrbeiðis fǫr
svans siglana
sǫkrammir mjǫk;
alt vas golli
grams skip framit;
vôrum sjón sǫgu
slíks ríkari.
Skj: Þórarinn loftunga: 2. Tøgdrápa 3 (AI, 322-3; BI, 298); (tøglag or variants); ed. MT; group: B; mss: 301x, 325V, 325VII, 325XI 2 g, 61, 68, 73ax, 75c, 972x, Bæb, DG8, Flat, FskAx, Holm2, Holm4, Kx, Tóm; texts: Flat 558, Fsk 152, ÓH 121(117), ÓHHkr 114, ÓHLeg 46
47 Vol. 1. 51. Þórarinn loftunga, 2. Tøgdrápa, 3 [Vol. 1, 855] — Þloft Tøgdr 3I
Ok fyr Lista
liðu framm viðir
hafgjalfrs of haf
hart kolsvartir,
byggt vas innan
alt brimgaltar
suðr sæ skíðum
sund Eikunda.
Skj: Þórarinn loftunga: 2. Tøgdrápa 4 (AI, 323; BI, 299); (tøglag or variants); ed. MT; group: B; mss: 301x, 325V, 325VII, 325XI 2 g, 61, 68, 73ax, 75c, 972x, Bæb, DG8, Flat, FskAx, Holm2, Holm4, J2x, Kx, Tóm; texts: Flat 559, Fsk 153, ÓH 122(118), ÓHHkr 115, ÓHLeg 47
48 Vol. 1. 51. Þórarinn loftunga, 2. Tøgdrápa, 4 [Vol. 1, 857] — Þloft Tøgdr 4I
Ok fyr fornan
friðmenn liðu
haug Hjǫrnagla
hvast griðfastir,
þars stóð fyr Stað
stafnklifs drifu,
vasa eyðilig
ǫrbeiðis fǫr.
Skj: Þórarinn loftunga: 2. Tøgdrápa 5 (AI, 323; BI, 299); (tøglag or variants); ed. MT; group: B; mss: 301x, 325V, 325VII, 325XI 2 g, 61, 68, 73ax, 972x, Bæb, DG8, Flat, FskAx, Holm2, Holm4, Kx, Tóm; texts: Flat 560, Fsk 154, ÓH 123(119), ÓHHkr 116, ÓHLeg 48
49 Vol. 1. 51. Þórarinn loftunga, 2. Tøgdrápa, 5 [Vol. 1, 858] — Þloft Tøgdr 5I
Knôttu súðir
svǫng mjǫk langar
byrrǫmm bera
brimdýr fyr Stim;
svá liðu sunnan
svalheims Valar,
at kom norðr í Nið
nýtr herflýtir.
Skj: Þórarinn loftunga: 2. Tøgdrápa 6 (AI, 323-4; BI, 299); (tøglag or variants); ed. MT; group: B; mss: 301x, 325V, 325VII, 325XI 2 g, 61, 68, 73ax, 972x, Bæb, DG8, Flat, Holm2, Holm4, Kx, Tóm; texts: Flat 561, Fsk 0, ÓH 124(120), ÓHHkr 117, ÓHLeg 49
50 Vol. 1. 51. Þórarinn loftunga, 2. Tøgdrápa, 6 [Vol. 1, 860] — Þloft Tøgdr 6I
Þá gaf sínum
snjallr gǫrvallan
Nóreg nefa
njótr veg Jóta,
ok gaf sínum
(segik þat) megi
dals dagvélir
Danmǫrk svana.
Skj: Þórarinn loftunga: 2. Tøgdrápa 7 (AI, 324; BI, 299); (tøglag or variants); ed. MT; group: B; mss: 325V, 325VII, 325XI 2 g, 61, 68, 73ax, 972x, Bæb, DG8, Flat, Holm2, Holm4, J2x, Kx, Tóm; texts: Flat 562, ÓH 125(121), ÓHHkr 118, ÓHLeg 50
51 Vol. 1. 49. Þormóðr Kolbrúnarskáld (biog. vol. 5), Lausavísur, 16 [Vol. 1, 827] — Þorm Lv 16I
Sex hefk alls, síz óxu
óns hjalta Tý fjónir,
kendr emk við styr stundum,
stálregns boða vegna;
nú emk enn ok man manna
morð varliga orðinn,
vér létum þó þeira,
þrítøgr, skarar bíta.
Skj: Þórmóðr Bersason Kolbrúnarskáld: 2. Lausavísur 16 (AI, 285; BI, 264); (dróttkvætt); ed. RDF; group: A1; mss: 141x, 142x, 566ax, 761bx, DG8, Flat; texts: Fbr 0, ÓH 0, ÓHLeg 51, Þorm 4, ÞormR 0
52 Vol. 1. 49. Þormóðr Kolbrúnarskáld (biog. vol. 5), Lausavísur, 18 [Vol. 1, 829] — Þorm Lv 18I
Brennum ǫll fyr innan
inni þaus vér finnum
(land tegask herr með hjǫrvi)
Hverbjǫrg (fyr gram verja);
ýs, hafi allra húsa
Innþrœndir kol sinna,
angr skal kveykt í klungri,
kǫld, ef ek má valda.
Skj: Þórmóðr Bersason Kolbrúnarskáld: 2. Lausavísur 18 (AI, 286; BI, 264); (dróttkvætt); ed. RDF; group: A1; mss: 141x, 142x, 1768x, 321x, 325V, 325VII, 566ax, 61, 68, 73ax, 761bx, 972x, Bb, DG8, Flat, Hb, Holm2, Holm4, J2x, Kx, papp4x, Tóm; texts: Fbr 31, Flat 596, ÓH 144(140), ÓHHkr 137, ÓHLeg 52
53 Vol. 1. 50. Þorfinnr munnr, Lausavísur, 2 [Vol. 1, 847] — Þorf Lv 2I
Røkkr at regni miklu
randar garðs ens harða;
vill við vísa snjallan
Verdœla lið berjask;
verjum allvald ǫrvan,
ǫlum teitan mô sveita,
fellum Þrœndr í Þundar
(þess eggjumk vér) hreggi.
Skj: Þórfinnr munnr: Lausavísur 2 (AI, 315; BI, 292); (dróttkvætt); ed. DW; group: A1; mss: 141x, 321x, 325V, 325VII, 61, 68, 73ax, 761bx, 972x, Bb, Bæb, DG8, Flat, Holm2, Holm4, J2x, Kx, Tóm; texts: Flat 598, ÓH 146(142), ÓHHkr 139, ÓHLeg 53
54 Vol. 2. Haraldr harðráði Sigurðarson, 2. Lausavísur, 1 [Vol. 2, 42-3] — Hharð Lv 1II
Þora munk þann arm verja,
þat's ekkju munr nøkkvat
(rjóðum vér af reiði
rǫnd), es í hlýtk standa;
gengra greppr enn ungi
gunnblíðr, þars slǫg ríða
(herða menn) at morði,
(mót) á hæl fyr spjótum.
Skj: Haraldr Sigurðarson harðráði: Lausavísur 1 (AI, 356; BI, 328); (dróttkvætt); ed. KEG; group: A2; mss: 301x, 321x, 325V, 325VII, 51x, 61, 68, 73ax, 75e 4, 761bx, 972x, Bb, DG8, Flat, FskAx, FskBx, H, Holm2, Holm4, Hr, J2x, Kx, Tóm; texts: Flat 605, Fsk 163, H-Hr 76, ÓH 151(147), ÓHHkr 144, ÓHLeg 54
55 Vol. 1. 48. Gizurr svarti (gullbrárskáld), Lausavísa, 1 [Vol. 1, 818] — Gizsv Lv 1I
Skala óglaðan æva,
(orð fengum þat) borða
búumk við þrǫng á þingi,
þegns dóttir mik fregna,
þótt sigrunnar svinnir
segi vôn Heðins kvánar;
verum í Ála éli
austr bragningi at trausti.
Skj: Gizurr gullbrárskáld: 2. Lausavísa (AI, 316; BI, 293); (dróttkvætt); ed. DW; group: A1; mss: 141x, 321x, 325V, 325VII, 61, 68, 73ax, 761bx, 972x, Bb, Bæb, DG8, Flat, Holm2, Holm4, J2x, Kx, Tóm; texts: Flat 597, ÓH 145(141), ÓHHkr 138, ÓHLeg 55
56 Vol. 1. 49. Þormóðr Kolbrúnarskáld (biog. vol. 5), Lausavísur, 19 [Vol. 1, 831] — Þorm Lv 19I
Ála þryngr at éli,
ǫrstiklandi, miklu,
skyldut skelknir hǫlðar
(skalmǫld vex nú) falma;
búumk við sókn, en slœkni
seggr skyli orð of forðask,
es at geirþingi gǫngum,
gunnreifr, með Áleifi.
Skj: Þórmóðr Bersason Kolbrúnarskáld: 2. Lausavísur 19 (AI, 286; BI, 265); (dróttkvætt); ed. RDF; group: A1; mss: 141x, 142x, 1768x, 321x, 325V, 325VII, 566ax, 61, 68, 73ax, 761bx, 972x, Bb, Bæb, DG8, Flat, Hb, Holm2, Holm4, J2x, Kx, papp4x, Tóm; texts: Fbr 34, Flat 599, ÓH 147(143), ÓHHkr 140, ÓHLeg 56
57 Vol. 1. 49. Þormóðr Kolbrúnarskáld (biog. vol. 5), Lausavísur, 20 [Vol. 1, 833] — Þorm Lv 20I
Þér munk eðr unz ǫðrum,
allvaldr, náir skǫldum
(nær vættir þú þeira)
þingdjarfr, fyr kné hvarfa;
braut komumk vér, þó at veitim
valtafn frekum hrafni,
(víksk eigi þat) vága
viggruðr eða hér liggja.
Skj: Þórmóðr Bersason Kolbrúnarskáld: 2. Lausavísur 20 (AI, 286-7; BI, 265); (dróttkvætt); ed. RDF; group: A1; mss: 141x, 142x, 1768x, 321x, 325V, 325VII, 566ax, 61, 68, 73ax, 75e 4, 761bx, 972x, Bb, Bæb, DG8, Flat, Hb, Holm2, Holm4, J2x, Kx, papp4x, Tóm; texts: Fbr 35, Flat 604, ÓH 150(146), ÓHHkr 143, ÓHLeg 57
58 Vol. 1. 49. Þormóðr Kolbrúnarskáld (biog. vol. 5), Lausavísur, 21 [Vol. 1, 834] — Þorm Lv 21I
Á sér, at vér vôrum,
vígreifr, með Áleifi,
sár fekk ek, Hildr, at hvôru,
hvítings, ok frið lítinn;
skínn á skildi mínum,
skald fekk hríð til kalda,
nær hafa eski-askar
ǫrvendan mik gǫrvan.
Skj: Þórmóðr Bersason Kolbrúnarskáld: 2. Lausavísur 21 (AI, 287; BI, 265); (dróttkvætt); ed. RDF; group: A1; mss: 141x, 142x, 1768x, 566ax, 761bx, DG8, Flat, Hb, papp4x; texts: Fbr 36, ÓHLeg 58
59 Vol. 1. 49. Þormóðr Kolbrúnarskáld (biog. vol. 5), Lausavísur, 22 [Vol. 1, 837] — Þorm Lv 22I
Haraldr vas bitr at berjask
bǫðreifr með Áleifi,
þar gekk harðra hjǫrva
Hringr ok Dagr at þingi;
réðu þeir und rauðar
randir prútt at standa,
fekk benþiðurr blakkan
bjór, dǫglingar fjórir.
Skj: Þórmóðr Bersason Kolbrúnarskáld: 2. Lausavísur 22 (AI, 287; BI, 265); (dróttkvætt); ed. RDF; group: A1; mss: 141x, 142x, 1768x, 566ax, 744x, 761ax, 761bx, A, B, DG8, Flat, Hb, W; texts: Fbr 37, ÓHLeg 59, TGT 2
60 Vol. 1. 49. Þormóðr Kolbrúnarskáld (biog. vol. 5), Lausavísur, 23 [Vol. 1, 838] — Þorm Lv 23I
Ǫrt vas Áleifs hjarta,
óð framm konungr (blóði
rekin bitu stôl) á Stiklar
stǫðum; kvaddi lið bǫðvar;
élþolla sák alla
Jǫlfuðs nema gram sjalfan
(reyndr vas flestr) í fastri
fleindrífu sér hlífa.
Skj: Þórmóðr Bersason Kolbrúnarskáld: 2. Lausavísur 23 (AI, 287-8; BI, 266); (dróttkvætt); ed. RDF; group: A1; mss: 141x, 142x, 1768x, 321x, 325V, 325VII, 566ax, 61, 73ax, 761bx, 972x, Bb, DG8, Flat, Hb, Holm2, Holm4, J2x, Kx, papp4x, Tóm; texts: Fbr 38, ÓH 170(166), ÓHHkr 159, ÓHLeg 60
61 Vol. 1. 49. Þormóðr Kolbrúnarskáld (biog. vol. 5), Lausavísur, 25 [Vol. 1, 843] — Þorm Lv 25I
Undrask ǫglis landa
eik, hví vér róm bleikir;
fár verðr fagr af sárum,
fank ǫrvadrif, svanni;
mik fló malmr enn døkkvi
magni keyrðr í gǫgnum,
hvast beit hjarta et næsta
hættligt járn es vættik.
Skj: Þórmóðr Bersason Kolbrúnarskáld: 2. Lausavísur 25 (AI, 288; BI, 266); (dróttkvætt); ed. RDF; group: A1; mss: 141x, 142x, 1768x, 321x, 325V, 325VII, 566ax, 61, 73ax, 761bx, 972x, Bb, DG8, Flat, Holm2, Holm4, J2x, Kx, papp4x, Tóm; texts: Fbr 39, ÓH 172(168), ÓHHkr 161, ÓHLeg 61
62 Vol. 1. 49. Þormóðr Kolbrúnarskáld (biog. vol. 5), Lausavísur, 24 [Vol. 1, 840] — Þorm Lv 24I
Emka rjóðr, né rauðum
ræðr grǫnn Skǫgul manni
hauka setrs en hvíta;
hyggr fár of mik sáran;
hitt veldr, mér at, meldrar
morðvenjanda Fenju,
djúp ok danskra vápna
Dags hríðar spor svíða.
Skj: Þórmóðr Bersason Kolbrúnarskáld: 2. Lausavísur 24 (AI, 288; BI, 266); (dróttkvætt); ed. RDF; group: A1; mss: 141x, 142x, 1768x, 321x, 325V, 325VII, 566ax, 61, 73ax, 761bx, 972x, Bb, DG8, Flat, Hb, Holm2, Holm4, J2x, Kx, papp4x, Tóm; texts: Fbr 40, ÓH 171(167), ÓHHkr 160, ÓHLeg 62
63 Vol. 1. 37. Sigvatr Þórðarson, 12. Lausavísur, 26 [Vol. 1, 732] — Sigv Lv 26I
Alfívu mun ævi
ungr drengr muna lengi,
es oxamat ôtum
inni skaf sem hafrar;
annat vas, þás Áleifr,
ógnbandaðr, réð landi;
hverr átti þá hrósa
hjalmþornuðu korni.
Skj: Sigvatr Þórðarson: 13. Lausavísur 28 (AI, 274; BI, 253); (dróttkvætt); ed. RDF; group: A1; mss: 761bx, Ágr, Bb, DG8, Flat, Tóm; texts: Ágr 3, Flat 650, ÓHLeg 63
© Skaldic Project Academic Body, unless otherwise noted. Database structure and interface developed by Tarrin Wills. All users of material on this database are reminded that its content may be either subject to copyright restrictions or is the property of the custodians of linked databases that have given permission for members of the skaldic project to use their material for research purposes. Those users who have been given access to as yet unpublished material are further reminded that they may not use, publish or otherwise manipulate such material except with the express permission of the individual editor of the material in question and the General Editor of the volume in which the material is to be published. Applications for permission to use such material should be made in the first instance to the General Editor of the volume in question. All information that appears in the published volumes has been thoroughly reviewed. If you believe some information here is incorrect please contact Tarrin Wills with full details.