Skaldic Poetry of the Scandinavian Middle Ages

login: password: stay logged in: help

verses in Knýtlinga saga

0 Vol. 1. Anonymous Poems, 2. Liðsmannaflokkr, 8 [Vol. 1, 1025] — Anon Liðs 8I
Út mun ekkja líta,
opt glóa jǫrn á lopti
of hjalmtǫmum hilmi,
hrein sús býr í steini;

hvé sigrfíkinn sœkir
snarla borgar karla,
dynr á brezkum brynjum
blóðíss, Dana vísi.
Skj: Anonyme digte om historiske personer og begivenheder [XI]: [2]. Liðsmannaflokkr 5 (AI, 422-3; BI, 392); (dróttkvætt); ed. RGP; group: A1; mss: 20dx, 41x, 873x, DG8, Flat, ; texts: Flat 954, Knýtl 0, ÓHLeg 9
1 Vol. 1. 38. Óttarr svarti, 1. Hǫfuðlausn, 13 [Vol. 1, 757] — Ótt Hfl 13I
Komt í land ok lendir,
láðvǫrðr, Aðalráði
(þín naut rekka rúni)
ríki eflðr (at slíku);
harðr vas fundr, sás fœrðuð
friðlands á vit niðja
(réð áttstuðill áðan)
Játmundar (þar grundu).
Skj: Óttarr svarti: 2. Hǫfuðlausn 8 (AI, 292; BI, 269); (dróttkvætt); ed. MT; group: A1; mss: 20dx, 301x, 325V, 325VI, 325VII, 41x, 51x, 61, 68, 73ax, 75c, 761bx, 78ax, 873x, 972x, Bb, Flat, FskAx, FskBx, Holm2, J1x, J2x, , Kx, R686x, Tóm; texts: Flat 428, Fsk 132, Knýtl 1, ÓH 15(13), ÓHHkr 11
2 Vol. 1. 38. Óttarr svarti, 2. Knútsdrápa, 1 [Vol. 1, 769] — Ótt Knútdr 1I
Hratt lítt gamall, lýtir
lǫgreiðar, framm skeiðum;
fórat fylkir œri
folksveimuðr þér heiman;
hilmir bjótt ok hættir
harðbrynjuð skip kynjum;
reiðr hafðir þú rauðar
randir Knútr fyr landi.
Skj: Óttarr svarti: 3. Knútsdrápa 1 (AI, 296; BI, 272-3); (dróttkvætt); ed. MT; group: A2; mss: 20dx, 41x, 873x, ; texts: Knýtl 2
3 Vol. 1. 38. Óttarr svarti, 2. Knútsdrápa, 2 [Vol. 1, 770] — Ótt Knútdr 2I
Út fylgðu þér Jótar,
auðmildr, flugar trauðir,
skauthreina bjótt skreytir
Skônunga lið Vánar;
vôð blés of þér vísi,
vestr settir þú flesta
(kunt gerðir þú þannig
þitt nafn) í haf stafna.
Skj: Óttarr svarti: 3. Knútsdrápa 2 (AI, 296; BI, 273); (dróttkvætt); ed. MT; group: A2; mss: 20dx, 41x, 873x, ; texts: Knýtl 3
4 Vol. 3. Hallvarðr háreksblesi, Knútsdrápa, 3 [Vol. 3, 233] — Hallv Knútdr 3III
Knútr lézt framm til Fljóta,
(frægr leið vǫrðr of ægi)
heiptsnarr (hildar leiptra)
harðbrynjuð skip dynja;
Ullar lézt við Ellu
ættleifð ok mô reifðir
sverðmans snyrtiherðir
sundviggs flota bundit.
Skj: Hallvarðr háreksblesi: Knútsdrápa 3 (AI, 317; BI, 293); (dróttkvætt); ed. MT; group: B; mss: 20dx, 41x, 873x, ; texts: Knýtl 4
5 Vol. 1. 38. Óttarr svarti, 2. Knútsdrápa, 3 [Vol. 1, 771] — Ótt Knútdr 3I
Herskjǫld bart ok helduð
hilmir ríkr af slíku;
hykkat þengill þekðusk
þik kyrrsetu mikla;
ætt drapt, Jóta dróttinn,
Játgeirs í fǫr þeiri;
þveit rakt (þrár est heitinn)
þeim stillis konr illan.
Skj: Óttarr svarti: 3. Knútsdrápa 3 (AI, 297; BI, 273); (dróttkvætt); ed. MT; group: A2; mss: 20dx, 41x, 873x, ; texts: Knýtl 5
6 Vol. 1. 38. Óttarr svarti, 2. Knútsdrápa, 4 [Vol. 1, 772] — Ótt Knútdr 4I
Brunnu byggðir manna
buðlungr fyr þér ungum,
opt lézt, hús ok, heiptar
herkall búendr gerva.
Skj: Óttarr svarti: 3. Knútsdrápa 4 (AI, 297; BI, 273); (dróttkvætt); ed. MT; group: A2; mss: 20dx, 41x, 873x, ; texts: Knýtl 6
7 Vol. 1. 35. Þórðr Kolbeinsson, Eiríksdrápa, 16 [Vol. 1, 511] — ÞKolb Eirdr 16I
Gengu upp, þeirs Englum,
ár hrafn gefendr, vôru
langa stund, á landi,
leiðir, upp frá skeiðum,
en í gǫgn, þeirs gôðu,
glaum skers, bœi verja,
galt hilmis lið hjalta,
herferð búendr gerðu.
Skj: Þórðr Kolbeinsson: 3. Eiríksdrápa 13 (AI, 217; BI, 206); (dróttkvætt); ed. JC; group: A1; mss: 20dx, 20i 23x, 41x, 873x, ; texts: Knýtl 7, Knýtl 20
8 Vol. 1. 38. Óttarr svarti, 2. Knútsdrápa, 5 [Vol. 1, 772] — Ótt Knútdr 5I
Gunni lézt í grœnni
gramr Lindisey framða,
beldu viðr þeir's vildu
víkingar því ríki;
bíða lézt í breiðri
borg Helminga sorgir
œstr fyr Úsu vestan
engst folk, Svía þrengvir.
Skj: Óttarr svarti: 3. Knútsdrápa 5 (AI, 297; BI, 273); (dróttkvætt); ed. MT; group: A2; mss: 20dx, 41x, 873x, ; texts: Knýtl 8
9 Vol. 1. 38. Óttarr svarti, 2. Knútsdrápa, 6 [Vol. 1, 774] — Ótt Knútdr 6I
Ungr fylkir lézt Engla
allnær Tesu falla,
flóði djúpt of, dauða,
dík Norðimbra líkum;
svefn brauzt svǫrtum hrafni
sunnarr, hvǫtuðr Gunnar,
ollir sókn enn snjalli
Sveins mǫgr at Skorsteini.
Skj: Óttarr svarti: 3. Knútsdrápa 6 (AI, 297; BI, 273-274); (dróttkvætt); ed. MT; group: A2; mss: 20dx, 41x, 873x, ; texts: Knýtl 9
10 Vol. 1. 38. Óttarr svarti, 2. Knútsdrápa, 7 [Vol. 1, 775] — Ótt Knútdr 7I
Fjǫrlausa hykk Frísi
friðskerðir þar gerðu,
brauzt með byggðu setri
Brandfurðu, þik randa;
Játmundar hlaut undir
ættniðr gǫfugr hættar,
danskr herr skaut þá dǫrrum
drótt, en þú rakt flótta.
Skj: Óttarr svarti: 3. Knútsdrápa 7 (AI, 297; BI, 274); (dróttkvætt); ed. MT; group: A2; mss: 20dx, 41x, 873x, ; texts: Knýtl 10
11 Vol. 1. 38. Óttarr svarti, 2. Knútsdrápa, 8 [Vol. 1, 777] — Ótt Knútdr 8I
Framm gekt enn þars unnuð
(almr gall hátt) við malma,
[knôttut] slæ [þars sóttuð]
sverð [kastala verja];
unnuð eigi minni
(ulfs gómr veit þat) rómu,
hnekkir hleypiblakka
hlunns, á Tempsar grunni.
Skj: Óttarr svarti: 3. Knútsdrápa 10 (AI, 298; BI, 274-5); (dróttkvætt); ed. MT; group: A2; mss: 20dx, 41x, 873x, ; texts: Knýtl 11
12 Vol. 1. 38. Óttarr svarti, 2. Knútsdrápa, 9 [Vol. 1, 778] — Ótt Knútdr 9I
Bjóðr, vant brynjur rauðar,
blíðr stórgjafa, síðan
(lætr ǫnd áðr þrek þrjóti
þinn) fyr Norðvík innan.
Skj: Óttarr svarti: 3. Knútsdrápa 9 (AI, 298; BI, 274); (dróttkvætt); ed. MT; group: A2; mss: 20dx, 41x, 873x, ; texts: Knýtl 12
13 Vol. 1. 35. Þórðr Kolbeinsson, Eiríksdrápa, 12 [Vol. 1, 506] — ÞKolb Eirdr 12I
Ítr þrifusk jǫfra hleyti
eggveðrs í fǫr seggja
(skeið helt mǫrg í móðu
mislǫng) sem ek vissa;
bládýrum helt bôru
brands svá náar landi
Ullr, at enska vǫllu,
áttstórr, séa knátti.
Skj: Þórðr Kolbeinsson: 3. Eiríksdrápa 9 (AI, 216; BI, 205); (dróttkvætt); ed. JC; group: A1; mss: 20dx, 41x, 873x, ; texts: Knýtl 13
14 Vol. 1. 35. Þórðr Kolbeinsson, Eiríksdrápa, 13 [Vol. 1, 507] — ÞKolb Eirdr 13I
Enn at eyrar grunni
endr, skjǫldungr, of rendi
sás kjǫlslóðir kníði,
Knútr langskipum útan;
varð, þars vildu dýrum
varrláðs koma báðir,
hjalmaðs jarls ok hilmis
hœgr fundr á því dœgri.
Skj: Þórðr Kolbeinsson: 3. Eiríksdrápa 10 (AI, 216; BI, 205); (dróttkvætt); ed. JC; group: A1; mss: 20dx, 41x, 873x, ; texts: Knýtl 14
15 Vol. 1. 38. Óttarr svarti, 2. Knútsdrápa, 10 [Vol. 1, 779] — Ótt Knútdr 10I
Skjǫldungr, vant und skildi
skœru verk, enn sterki,
(fekk blóðtrani bráðir
brúnar) Assatúnum;
vátt, en valfall þótti
verðung, jǫfurr sverði
nær fyr norðan stóru
nafn gnógt Danaskóga.
Skj: Óttarr svarti: 3. Knútsdrápa 8 (AI, 297-8; BI, 274); (dróttkvætt); ed. MT; group: A2; mss: 20dx, 41x, 873x, ; texts: Knýtl 15
16 Vol. 1. Anonymous Poems, 2. Liðsmannaflokkr, 9 [Vol. 1, 1027] — Anon Liðs 9I
Hvern morgin sér horna
Hlǫkk á Tempsar bakka
(skalat hanga má hungra)
hjalmskóð roðin blóði.
Skj: Anonyme digte om historiske personer og begivenheder [XI]: [2]. Liðsmannaflokkr 6 (AI, 423 (ll. 1-4), 221 (ll. 5-8); BI, 392 (ll. 1-4), 211 (ll. 5-8)); (dróttkvætt); ed. RGP; group: A1; mss: 20dx, 41x, 873x, DG8, Flat, ; texts: Flat 955, Knýtl 16, ÓHLeg 10
17 Vol. 1. Anonymous Poems, 2. Liðsmannaflokkr, 2 [Vol. 1, 1018] — Anon Liðs 2I
Margr ferr Ullr í illan
oddsennu dag þenna
frár, þars fœddir órum,
fornan serk, ok bornir,
(enn á enskra manna
ǫlum gjóð Hnikars blóði)
ǫrt mun skáld í skyrtu
skreiðask hamri samða.
Skj: Anonyme digte om historiske personer og begivenheder [XI]: [2]. Liðsmannaflokkr 2 (AI, 422; BI, 391); (dróttkvætt); ed. RGP; group: A1; mss: 20dx, 41x, 873x, DG8, Flat, ; texts: Flat 948, Knýtl 17, ÓHLeg 3
18 Vol. 1. 35. Þórðr Kolbeinsson, Eiríksdrápa, 14 [Vol. 1, 508] — ÞKolb Eirdr 14I
Gollkennir lét gunni
(grœðis hests) fyr vestan
(Þundr vá leyfðr til landa)
Lundún saman bundit;
fekk regnþorinn Rǫkkva
rann, of þingamǫnnum,
ýglig hǫgg, þars eggjar
Ulfkell, báar skulfu.
Skj: Þórðr Kolbeinsson: 3. Eiríksdrápa 11 (AI, 216; BI, 206); (dróttkvætt); ed. JC; group: A1; mss: 20dx, 20i 23x, 325V, 41x, 53, 54, 61, 68, 73ax, 75c, 78ax, 873x, 972x, Bb, Flat, Holm2, J1x, J2x, , Kx, R686x, Tóm; texts: Flat 394, Knýtl 18, ÓH 31(29), ÓHHkr 28, ÓT 213
19 Vol. 1. 35. Þórðr Kolbeinsson, Eiríksdrápa, 15 [Vol. 1, 510] — ÞKolb Eirdr 15I
Hvatr vann Freyr á flotna
folkstafns, sás gaf hrafni
sollit hold né sjaldan,
sverðs eggja spor leggja;
snjallr lét opt ok olli
Eiríkr bana þeira
(rauð Hringmaraheiði
herr) Engla lið þverra.
Skj: Þórðr Kolbeinsson: 3. Eiríksdrápa 12 (AI, 216; BI, 206); (dróttkvætt); ed. JC; group: A1; mss: 20dx, 20i 23x, 41x, 873x, ; texts: Knýtl 19
20 Vol. 1. 35. Þórðr Kolbeinsson, Eiríksdrápa, 16 [Vol. 1, 511] — ÞKolb Eirdr 16I
Gengu upp, þeirs Englum,
ár hrafn gefendr, vôru
langa stund, á landi,
leiðir, upp frá skeiðum,
en í gǫgn, þeirs gôðu,
glaum skers, bœi verja,
galt hilmis lið hjalta,
herferð búendr gerðu.
Skj: Þórðr Kolbeinsson: 3. Eiríksdrápa 13 (AI, 217; BI, 206); (dróttkvætt); ed. JC; group: A1; mss: 20dx, 20i 23x, 41x, 873x, ; texts: Knýtl 7, Knýtl 20
21 Vol. 1. 37. Sigvatr Þórðarson, 10. Knútsdrápa, 2 [Vol. 1, 652] — Sigv Knútdr 2I
Ok senn sonu
sló, hvern ok þó,
Aðalráðs, eða
út flæmði, Knútr.
Skj: Sigvatr Þórðarson: 10. Knútsdrápa 2 (AI, 248; BI, 232); (tøglag or variants); ed. MT; group: A1; mss: 20dx, 20i 23x, 325V, 41x, 61, 68, 73ax, 75c, 761bx, 78ax, 873x, 972x, Bb, Flat, Holm2, J1x, J2x, , Kx, R686x, Tóm; texts: Flat 443, Knýtl 21, ÓH 32(30), ÓHHkr 29
22 Vol. 1. 37. Sigvatr Þórðarson, 10. Knútsdrápa, 11 [Vol. 1, 663] — Sigv Knútdr 11I
Svá mun fár feril
fetum suðr metinn
hringdrífr hafa.
hǫfuðfremstr jǫfurr.
Skj: Sigvatr Þórðarson: 10. Knútsdrápa 11 (AI, 251; BI, 234); (tøglag or variants); ed. MT; group: A1; mss: 20dx, 301x, 41x, 873x, FskAx, ; texts: Fsk 166, Knýtl 22
23 Vol. 1. 51. Þórarinn loftunga, 2. Tøgdrápa, 7 [Vol. 1, 861] — Þloft Tøgdr 7I
Gjǫld hefk marka
malmdyns fyr hlyn
framm fimm tøgu
forvist borit;
þeira's veitti
víghagr fyr brag
mér morðstœrir,
mann-Baldr es ek fann.
Skj: Þórarinn loftunga: 2. Tøgdrápa 1 (AI, 322; BI, 298); (tøglag or variants); ed. MT; group: B; mss: 20dx, 41x, 873x, ; texts: Knýtl 23
24 Vol. 1. 37. Sigvatr Þórðarson, 5. Vestrfararvísur, 5 [Vol. 1, 622] — Sigv Vestv 5I
Knútr hefr okr enn ítri
alldáðgǫfugr bôðum
hendr, es hilmi fundum,
Húnn, skrautliga búnar;
þér gaf hann mǫrk eða meira
margvitr ok hjǫr bitran
golls (ræðr gǫrva ǫllu
goð sjalfr), en mér halfa.
Skj: Sigvatr Þórðarson: 5. Vestrfararvísur 5 (AI, 242; BI, 227); (dróttkvætt); ed. JJ; group: A1; mss: 20dx, 20i 23x, 321x, 325V, 325VI, 325VII, 325XI 2 g, 41x, 61, 68, 73ax, 75a, 761bx, 873x, 972x, Bb, Flat, Holm2, Holm4, J2x, , Kx, Tóm; texts: Flat 530, Knýtl 24, ÓH 92(89), ÓHHkr 86
25 Vol. 2. Þorleikr fagri, Flokkr about Sveinn Úlfsson, 1 [Vol. 2, 313] — Þfagr Sveinn 1II
Fúrsendir vann fjǫndum
fjǫrspell í gný hjǫrva
(brôð fekk hrafn) fyr Heiða
haukstorðar bœ norðan;
rôkusk Vinðr, en vákar
vals ginu þar of halsa,
(dauðr lá herr á heiði
hundmargr) fáir undan.
Skj: Þórleikr fagri: En flokk om Sven Ulfssön 1 (AI, 396; BI, 365); (dróttkvætt); ed. KEG; group: B; mss: 1005x, 19x, 20dx, 873x, ; texts: Knýtl 25
26 Vol. 2. Arnórr jarlaskáld Þórðarson, 2. Hrynhenda, Magnússdrápa, 14 [Vol. 2, 200-1] — Arn Hryn 14II
Hefnir, fenguð yrkisefni,
Áleifs; gervik slíkt at môlum;
hlakkar lætr þú hrælǫg drekka
hauka; nú mun kvæði aukask;

fjórar hefr þú, randa rýrir
reyrar setrs, á einum vetri
(allvaldr, est þú ofvægr kallaðr)
ǫrva hríðir frœkn of gǫrvar.
Skj: Arnórr Þórðarson jarlaskáld: 2. Hrynhenda, Magnúsdrápa 14 (AI, 336; BI, 309); (hrynhent); ed. DW; group: A2; mss: 1005x, 19x, 20dx, 39, 873x, E, F, H, Hr, J2x, Kx; texts: H-Hr 74, Knýtl 26, MGóð 74
27 Vol. 2. Arnórr jarlaskáld Þórðarson, 2. Hrynhenda, Magnússdrápa, 15 [Vol. 2, 201-2] — Arn Hryn 15II
Keppinn vant, þat's æ mun uppi,
Yggjar veðr, meðan heimrinn byggvisk,
(valgammr skók í vápna rimmu)
viðr Helganes (blóðugt fiðri);
yngvi, fekt þú ǫll með hringum
(jarl vissi sik foldar missa)
þjóðum kuðr, en þú tókt síðan,
þeira flaust, við sigri meira.
Skj: Arnórr Þórðarson jarlaskáld: 2. Hrynhenda, Magnúsdrápa 15 (AI, 336-7; BI, 309-10); (hrynhent); ed. DW; group: A2; mss: 20dx, 873x, Flat, H, Hr; texts: Flat 1006, H-Hr 60, Knýtl 27, MH 37
28 Vol. 2. Þorleikr fagri, Flokkr about Sveinn Úlfsson, 10 [Vol. 2, 322] — Þfagr Sveinn 10II
Hætt hafa sér þeirs sóttu
Sveins fundar til stundum;
lítt hefr þeim at þreyta
þrimr bragningum hagnat;
þó hefr hǫlða vinr haldit
(hann's snjallr konungr) allri
Jóta-grund með endum
ógnstarkr ok Danmǫrku.
Skj: Þórleikr fagri: En flokk om Sven Ulfssön 10 (AI, 399; BI, 367-8); (dróttkvætt); ed. KEG; group: B; mss: 20dx, 873x, ; texts: Knýtl 28
29 Vol. 2. Steinn Herdísarson, 1. Nizarvísur, 6 [Vol. 2, 364-5] — Steinn Nizv 6II
Oss dugir hrafns ens hvassa
hungrdeyfi svá leyfa,
linns at lastim annan
látrs sveigjanda eigi;
aldri kvǫddusk oddum
(annat hverjum manni
tál's of tyggja at mæla)
tveir fullhugar meiri.
Skj: Steinn Herdísarson: 1. Nizarvísur 6 (AI, 408-9; BI, 378); (dróttkvætt); ed. KEG; group: A2; mss: 1005x, 180b, 20b I, 20dx, 873x, ; texts: Knýtl 29
30 Vol. 2. Steinn Herdísarson, 1. Nizarvísur, 7 [Vol. 2, 365-6] — Steinn Nizv 7II
Eigi myndi undan
allvaldr Dana halda
(oss dugir satt of snotran
sælinga kon mæla),
ef menn fyr sæ sunnan
(sverð reiddusk at ferðir)
þeir's herskildi heldu
hrafnfœði vel tœði.
Skj: Steinn Herdísarson: 1. Nizarvísur 7 (AI, 409; BI, 378); (dróttkvætt); ed. KEG; group: A2; mss: 1005x, 180b, 20b I, 20dx, 873x, ; texts: Knýtl 30
31 Vol. 2. Anonymous Lausavísur, 4. Lausavísa from Knýtlinga saga, 1 [Vol. 2, 826-7] — Anon (Knýtl) 1II
Stundum vér til stikka,
styrr vex í Danmǫrku,
esat Sveins synir sáttir
at sinn fǫður dauðan;
Haraldr skal vígi verja,
(þá's vel tamiðr stikki)
jǫrð af œrnu magni
fyr ellifu brœðrum.
Skj: Anonyme digte om historiske personer og begivenheder [XI]: [7]. Lausavísur 12 (AI, 427; BI, 397); (eddic or germanic); ed. KEG; group: A2; mss: 1005x, 180b, 20b I, 20dx, 873x, ; texts: Knýtl 31
32 Vol. 2. Markús Skeggjason, Eiríksdrápa, 3 [Vol. 2, 435-6] — Mark Eirdr 3II
Fœðir sótti fremðar-ráða
foldar vǫrðu austr í Garða;
auði gœddu allvald prúðan
ítrir menn, þeirs hnøggvi slíta;
stillir varð of austrveg allan
einkar tíðr enn mærðar-blíði;
hinn varð engr, es hans nafn kunnit
heiðar-manns í lofi reiða.
Skj: Markús Skeggjason: 1. Eiríksdrápa 4 (AI, 445; BI, 414); (hrynhent); ed. JC; group: B; mss: 1005x, 180b, 20b I, 873x, ; texts: Knýtl 32
33 Vol. 2. Markús Skeggjason, Eiríksdrápa, 4 [Vol. 2, 436-7] — Mark Eirdr 4II
Vár ǫndurt bjó Vinða rýrir
veglig flaust ór Gǫrðum austan;
hlýrum skaut á hola bôru
helmings oddr í sumars broddi;
hlýðu studdi borðvið breiðan
bróðir Knúts í veðri óðu;
síðan knátti svikfolks eyðir
snilli kendr við Danmǫrk lenda.
Skj: Markús Skeggjason: 1. Eiríksdrápa 5 (AI, 445; BI, 414-15); (hrynhent); ed. JC; group: B; mss: 1005x, 180b, 20b I, 873x, ; texts: Knýtl 33
34 Vol. 2. Markús Skeggjason, Eiríksdrápa, 5 [Vol. 2, 437-8] — Mark Eirdr 5II
Drengir þôgu auð at Yngva,
ǫrr fylkir gaf sverð ok knǫrru;
Eiríkr veitti opt ok stórum
armleggjar rǫf dýrðar-seggjum;
hringum eyddi hodda sløngvir
hildar-ramr, en stillir framði
firða kyn, svát flestir urðu,
Fróða stóls, af hônum góðir.
Skj: Markús Skeggjason: 1. Eiríksdrápa 7 (AI, 445-6; BI, 415); (hrynhent); ed. JC; group: B; mss: 1005x, 180b, 20b I, 873x, ; texts: Knýtl 34
35 Vol. 2. Markús Skeggjason, Eiríksdrápa, 6 [Vol. 2, 438-9] — Mark Eirdr 6II
Vǫrgum eyddi Vinða fergir,
víking hepti konungr fíkjum,
þjófa hendr lét þengill stýfa,
þegnum kunni ósið hegna;
aldri frásk, at Eiríkr vildi
allréttligum dómi halla;
hála kunni sér til sælu
sigrs valdari goðs lǫg halda.
Skj: Markús Skeggjason: 1. Eiríksdrápa 8 (AI, 446; BI, 415); (hrynhent); ed. JC; group: B; mss: 1005x, 180b, 20b I, 873x, ; texts: Knýtl 35
36 Vol. 2. Markús Skeggjason, Eiríksdrápa, 7 [Vol. 2, 439] — Mark Eirdr 7II
Hróðigr átti brynþings beiðir
bjartan auð ok frœknligt hjarta,
minni gnógt ok manvit annat
mest, fylgðu því hvergi lestir;
alla hafði ǫðlingr snilli,
ungr nam hann á margar tungur,
Eiríkr vas, sás mátti meira,
mestr ofrhugi, jǫfri flestum.
Skj: Markús Skeggjason: 1. Eiríksdrápa 9 (AI, 446; BI, 415); (hrynhent); ed. JC; group: B; mss: 1005x, 180b, 20b I, 873x, ; texts: Knýtl 36
37 Vol. 2. Markús Skeggjason, Eiríksdrápa, 8 [Vol. 2, 439-41] — Mark Eirdr 8II
Lýst skal hitt, es lofðungr fýstisk
langan veg til Róms at ganga
(fylkir sá þar friðland balkat
Fenneyjar) lið dýrð at venja.
Skj: Markús Skeggjason: 1. Eiríksdrápa 10 (AI, 446; BI, 415-16); (hrynhent); ed. JC; group: B; mss: 1005x, 180b, 20b I, 873x, ; texts: Knýtl 37
38 Vol. 2. Markús Skeggjason, Eiríksdrápa, 9 [Vol. 2, 441] — Mark Eirdr 9II
Bróðir gekk í Bôr út síðan,
bragningr vildi goðdóm magna,
(hylli goðs mun hlífa stilli)
hǫfuðskjǫldunga fimm (at gjǫldum).
Skj: Markús Skeggjason: 1. Eiríksdrápa 11 (AI, 446; BI, 416); (hrynhent); ed. JC; group: B; mss: 1005x, 180b, 20b I, 873x, ; texts: Knýtl 38
39 Vol. 2. Markús Skeggjason, Eiríksdrápa, 10 [Vol. 2, 442] — Mark Eirdr 10II
Stóra sótti Haralds hlýri
helga dóma út frá Rómi,
hringum varði áttkonr Yngva
auðig skrín ok golli rauðu;
mildingr fór of munka veldi
móðum fœti sôl at bœta;
sveitir kníði allvaldr útan;
Eiríkr vas til Róms í þeiri.
Skj: Markús Skeggjason: 1. Eiríksdrápa 12 (AI, 446-7; BI, 416); (hrynhent); ed. JC; group: B; mss: 1005x, 180b, 20b I, 873x, ; texts: Knýtl 39
40 Vol. 2. Markús Skeggjason, Eiríksdrápa, 11 [Vol. 2, 442-3] — Mark Eirdr 11II
Eiríkr náði útan fœra
erkistól of Saxa merki;
hljótum vér þat's hag várn bœtir
hingat norðr af skjǫldungs orðum.
Skj: Markús Skeggjason: 1. Eiríksdrápa 13 (AI, 447; BI, 416); (hrynhent); ed. JC; group: B; mss: 1005x, 180b, 20b I, 873x, ; texts: Knýtl 40
41 Vol. 2. Markús Skeggjason, Eiríksdrápa, 12 [Vol. 2, 443-4] — Mark Eirdr 12II
Eyðisk hitt, at jafnstórt ráði
annarr gramr til þurftar mǫnnum;
leyfði alt, sem konungr krafði,
Krists unnanda, pávi sunnan.
Skj: Markús Skeggjason: 1. Eiríksdrápa 14 (AI, 447; BI, 416); (hrynhent); ed. JC; group: B; mss: 1005x, 180b, 20b I, 873x, ; texts: Knýtl 41
42 Vol. 2. Markús Skeggjason, Eiríksdrápa, 13 [Vol. 2, 444] — Mark Eirdr 13II
Veldi þorðu Vinðr at halda
(villa gerðisk þeim at illu,
sunnan kom þá svikdóms manna
sátta-rof) þats buðlungr átti.
Skj: Markús Skeggjason: 1. Eiríksdrápa 15 (AI, 447; BI, 416); (hrynhent); ed. JC; group: B; mss: 1005x, 180b, 20b I, 873x, ; texts: Knýtl 42
43 Vol. 2. Markús Skeggjason, Eiríksdrápa, 14 [Vol. 2, 445] — Mark Eirdr 14II
Yngvi helt í óðastrǫngum
ǫldu-gangi skipum þangat;
hlýða skalf, es hristi grœðir
hélug bǫrð fyr Vinða gǫrðum.
Skj: Markús Skeggjason: 1. Eiríksdrápa 16 (AI, 447; BI, 416); (hrynhent); ed. JC; group: B; mss: 1005x, 180b, 873x, ; texts: Knýtl 43
44 Vol. 2. Markús Skeggjason, Eiríksdrápa, 15 [Vol. 2, 445-6] — Mark Eirdr 15II
Rǫndu lauk of rekka kindir
risnumaðr, svát hver tók aðra,
hamalt (knôttu þá hlífar glymja)
hildingr fylkði liði gildu.
Skj: Markús Skeggjason: 1. Eiríksdrápa 17 (AI, 447-8; BI, 417); (hrynhent); ed. JC; group: B; mss: 1005x, 180b, 873x, ; texts: Knýtl 44
45 Vol. 2. Markús Skeggjason, Eiríksdrápa, 16 [Vol. 2, 446] — Mark Eirdr 16II
Styrjǫld óx of stilli ǫrvan,
stengr bôru framm vísa drengir,
mildingr gekk at miklum hjaldri,
malmi skrýddr ok faldinn hjalmi.
Skj: Markús Skeggjason: 1. Eiríksdrápa 18 (AI, 448; BI, 417); (hrynhent); ed. JC; group: B; mss: 1005x, 180b, 20b I, 873x, ; texts: Knýtl 45
46 Vol. 2. Markús Skeggjason, Eiríksdrápa, 17 [Vol. 2, 447] — Mark Eirdr 17II
Hǫrga varðisk herr í borgum,
hjaldrganga vas snǫrut þangat,
harðir kníðusk menn at morði,
merki blés of hilmi sterkan;
Eiríkr vakði odda skúrir,
eggjar týndu lífi seggja,
sungu jǫrn, en sœfðusk drengir,
sveiti fell á valkǫst heitan.
Skj: Markús Skeggjason: 1. Eiríksdrápa 19 (AI, 448; BI, 417); (hrynhent); ed. JC; group: B; mss: 1005x, 180b, 873x, ; texts: Knýtl 46
47 Vol. 2. Markús Skeggjason, Eiríksdrápa, 18 [Vol. 2, 447-8] — Mark Eirdr 18II
Blóði dreif á randgarð rauðan,
rógs hegnir drap ótal þegna;
framði sik, þars folkvôpn glumðu,
fylkir ungr, en brynjur sprungu.
Skj: Markús Skeggjason: 1. Eiríksdrápa 20 (AI, 448; BI, 417); (hrynhent); ed. JC; group: B; mss: 1005x, 180b, 20b I, 873x, ; texts: Knýtl 47
48 Vol. 2. Markús Skeggjason, Eiríksdrápa, 19 [Vol. 2, 448-9] — Mark Eirdr 19II
Heiðinn vildi herr of síðir,
hǫmlu vígs, ór porti gǫmlu,
urðu þeir, es virki vǫrðu
vangi, næst á hǫnd at ganga.
Skj: Markús Skeggjason: 1. Eiríksdrápa 21 (AI, 448; BI, 417); (hrynhent); ed. JC; group: B; mss: 1005x, 180b, 20b I, 873x, ; texts: Knýtl 48
49 Vol. 2. Markús Skeggjason, Eiríksdrápa, 20 [Vol. 2, 449] — Mark Eirdr 20II
Heiðin vôru hjǫrtu lýða
hryggðar-full í Vinða byggðum;
eldi sveif af ótal hǫlða,
Eiríkr brendi sali þeira;
eisur kyndusk hôtt í húsum,
hallir nôðu vítt at falla;
óttu leið, en uppi þótti
elris grand í himni standa.
Skj: Markús Skeggjason: 1. Eiríksdrápa 22 (AI, 448-9; BI, 417-18); (hrynhent); ed. JC; group: B; mss: 1005x, 180b, 873x, ; texts: Knýtl 49
50 Vol. 2. Markús Skeggjason, Eiríksdrápa, 21 [Vol. 2, 450] — Mark Eirdr 21II
Eiríkr vas með uppreist hôri,
undan flýðu Vinðr af stundu,
gjǫld festu þá grimmir hǫlðar,
gumnar vôru sigri numnir;
yngvi talði erfðir þangat,
alþýða varð stilli hlýða,
veldi réð því ástvinr aldar
einart, lá þat fyrr und Sveini.
Skj: Markús Skeggjason: 1. Eiríksdrápa 23 (AI, 449; BI, 417-18); (hrynhent); ed. JC; group: B; mss: 1005x, 180b, 873x, ; texts: Knýtl 50
51 Vol. 2. Markús Skeggjason, Eiríksdrápa, 22 [Vol. 2, 450-1] — Mark Eirdr 22II
Flaustum lukði folka treystir
foldar síðu brimi kníða;
ǫrr vísi bað oddum læsa
úrga strǫnd ok svalri rǫndu;
hlífum keyrði hersa reifir
harða nýtr of land et ýtra;
hilmir lauk við hernað olman
hauðr Eydana skjaldborg rauðri.
Skj: Markús Skeggjason: 1. Eiríksdrápa 24 (AI, 449; BI, 418); (hrynhent); ed. JC; group: B; mss: 1005x, 180b, 873x, ; texts: Knýtl 51
52 Vol. 2. Markús Skeggjason, Eiríksdrápa, 23 [Vol. 2, 452-3] — Mark Eirdr 23II
Víða setti vísdóms grœðir
virki skrýddar hǫfuðkirkjur,
gerva lét þar hollvinr herjar
hrein musteri fimm af steini;
vôru þau með tryggðar tíri
tíða flaust, es gramr lét smíða
bǫðvar snjallr, ok bǫzt at ǫllu
borði merkð, fyr Saxland norðan.
Skj: Markús Skeggjason: 1. Eiríksdrápa 25 (AI, 449; BI, 418); (hrynhent); ed. JC; group: B; mss: 180b, 20b I, 873x, ; texts: Knýtl 52
53 Vol. 2. Markús Skeggjason, Eiríksdrápa, 24 [Vol. 2, 453-4] — Mark Eirdr 24II
Blíðan gœddi bjǫrtum auði
Bjarnar hlýra Fraklands stýrir;
stórar lét sér randgarðs rýrir
ríks keisara gjafar líka;
hônum lét til hervígs búna
harra spjalli láðmenn snjalla
alla leið, áðr ǫðlingr næði
Jóta grundar Césars fundi.
Skj: Markús Skeggjason: 1. Eiríksdrápa 26 (AI, 450; BI, 418-19); (hrynhent); ed. JC; group: B; mss: 1005x, 180b, 20b I, 20b II, 873x, ; texts: Knýtl 53
54 Vol. 2. Markús Skeggjason, Eiríksdrápa, 25 [Vol. 2, 454-5] — Mark Eirdr 25II
Dróttum lét í Danmǫrk settaan
dǫglingr grundar skamt frá Lundi
erkistól, þann's ǫll þjóð dýrkar,
eljunþungr, á danska tungu;
hildingr framði heilagt veldi,
hvargegnan má Ǫzur fregna
(hônum vísar hǫlða reynir
himna stíg) til byskups vígðan.
Skj: Markús Skeggjason: 1. Eiríksdrápa 27 (AI, 450; BI, 418-19); (hrynhent); ed. JC; group: B; mss: 1005x, 180b, 20b II, 873x, ; texts: Knýtl 54
55 Vol. 2. Markús Skeggjason, Eiríksdrápa, 26 [Vol. 2, 455-6] — Mark Eirdr 26II
Lýst skal hitt, es læknask fýstisk
liðhraustr konungr sôr en iðri;
norðan fór með helming harðan
hersa mœðir sôl at grœða;
harri bjósk til heims ens dýrra;
hann gerði fǫr út at kanna
(buðlungr vildi bjart líf ǫðlask)
byggð Jórsala friði tryggða.
Skj: Markús Skeggjason: 1. Eiríksdrápa 28 (AI, 450; BI, 419); (hrynhent); ed. JC; group: B; mss: 1005x, 180b, 20b II, 873x, ; texts: Knýtl 55
56 Vol. 2. Markús Skeggjason, Eiríksdrápa, 27 [Vol. 2, 456-7] — Mark Eirdr 27II
Bôru menn ór borgum stórum
bleyði-skjarrs at móti harra
(sungit vas, þás herr tók hringja)
hnossum gǫfguð skrín ok krossa;
aldri fær í annars veldi
jǫfra ríkir metnuð slíkan;
eitt vas sét þat's jafnask mátti
engi maðr við Dana þengil.
Skj: Markús Skeggjason: 1. Eiríksdrápa 29 (AI, 450-1; BI, 419); (hrynhent); ed. JC; group: B; mss: 1005x, 180b, 20b II, 873x, ; texts: Knýtl 56
57 Vol. 2. Markús Skeggjason, Eiríksdrápa, 28 [Vol. 2, 457-8] — Mark Eirdr 28II
Hildingr þá við hæst lof aldar
hǫfgan auð í golli rauðu,
halfa lest, af harra sjǫlfum
harða ríkr í Miklagarði;
áðan tók við allvalds skrúði,
(Eiríki þó vas gefit fleira),
reynir veitti herskip hônum
hersa máttar sex ok átta.
Skj: Markús Skeggjason: 1. Eiríksdrápa 30 (AI, 451; BI, 419); (hrynhent); ed. JC; group: B; mss: 1005x, 180b, 20b II, 873x, ; texts: Knýtl 57
58 Vol. 2. Markús Skeggjason, Eiríksdrápa, 29 [Vol. 2, 458-9] — Mark Eirdr 29II
Andar krafði út í lǫndum
alls stýrandi konung snjallan;
elli beiðat ofvægr stillir,
aldar stríð es fregit víða;
síðan harma siklings dauða
snjallir menn of heims-byggð alla;
drúpir herr at dolga steypi
dyggvan; þat tér verǫld hryggva.
Skj: Markús Skeggjason: 1. Eiríksdrápa 31 (AI, 451; BI, 419-20); (hrynhent); ed. JC; group: B; mss: 1005x, 180b, 20b II, 873x, ; texts: Knýtl 58
59 Vol. 2. Markús Skeggjason, Eiríksdrápa, 30 [Vol. 2, 459] — Mark Eirdr 30II
Hvergi stóðusk hjǫrva borgar
hristimeiðar konungs reiði;
raunar varðat rǫnd við hônum
reist, gerðut þess jǫfrar freista;
ógnir stóðu af jarla hegni,
engi þorði kapp at strengja
(flestir uggðu foldvǫrð hraustan)
fylkir snarr við Dana harra.
Skj: Markús Skeggjason: 1. Eiríksdrápa 32 (AI, 451-2; BI, 420); (hrynhent); ed. JC; group: B; mss: 1005x, 180b, 20b II, 873x, ; texts: Knýtl 59
60 Vol. 2. Einarr Skúlason, 11. Lausavísur, 3 [Vol. 2, 570-1] — ESk Lv 3II
Ekki hlaut af ítrum
Einarr gjafa Sveini
(ǫld lofar ǫðlings mildi
æðru styggs) fyr kvæði;
danskr harri metr dýrra
(dugir miðlung þat) fiðlur,
ræðr fyr ræsis auði
Rípa-Ulfr, ok pípur.
Skj: Einarr Skúlason: 11. Lausavísur 3 (AI, 483; BI, 455); (dróttkvætt); ed. KEG; group: A2; mss: 1005x, 1006x, 18x, 41x, 873x, ; texts: Knýtl 60
© Skaldic Project Academic Body, unless otherwise noted. Database structure and interface developed by Tarrin Wills. All users of material on this database are reminded that its content may be either subject to copyright restrictions or is the property of the custodians of linked databases that have given permission for members of the skaldic project to use their material for research purposes. Those users who have been given access to as yet unpublished material are further reminded that they may not use, publish or otherwise manipulate such material except with the express permission of the individual editor of the material in question and the General Editor of the volume in which the material is to be published. Applications for permission to use such material should be made in the first instance to the General Editor of the volume in question. All information that appears in the published volumes has been thoroughly reviewed. If you believe some information here is incorrect please contact Tarrin Wills with full details.