Skaldic Poetry of the Scandinavian Middle Ages

login: password: stay logged in: help

verses in Háttatal

1 Vol. 3. Snorri Sturluson, Háttatal, 1 [Vol. 3, 1104] — SnSt Ht 1III
Lætr, sás Hákun heitir,
(hann rekkir lið) bannat,
[jǫrð kann frelsa] fyrðum
friðrofs [konungr] ofsa;
sjalfr ræðr alt ok Elfar,
ungr stillir sá, milli
(gramr á gipt at fremri)
Gandvíkr, jǫfurr, landi.
Skj: Snorri Sturluson: 2. Háttatal 1 (AII, 52; BII, 61); (dróttkvætt); ed. KEG; group: B; mss: Acc18x, R, Tx, U; texts: Ht 1
2 Vol. 3. Snorri Sturluson, Háttatal, 2 [Vol. 3, 1106] — SnSt Ht 2III
Fellr of fúra stilli
fleinbraks, limu axla,
Hamðis fang, þars hringum
hylr ættstuðill skylja;
holt felr Hildigelti
heila bœs, ok deilir
gulls í gelmis stalli
gunnseið, skǫrungr, reiðir.
Skj: Snorri Sturluson: 2. Háttatal 2 (kent - AII, 52; BII, 61); (dróttkvætt); ed. KEG; group: B; mss: Acc18x, R, Tx, U, W; texts: Ht 2, LaufE 62(354), SnEW 14
3 Vol. 3. Snorri Sturluson, Háttatal, 3 [Vol. 3, 1107] — SnSt Ht 3III
Ulfs bága verr ægis
ítr báls hati môlu;
sett eru bǫrð fyr bratta
brún Míms vinar rúnu;
orms váða kann eiðu
allvaldr gǫfugr halda;
menstríðir, njót móður
mellu dolgs til elli.
Skj: Snorri Sturluson: 2. Háttatal 3 (AII, 53; BII, 61); (dróttkvætt); ed. KEG; group: B; mss: Acc18x, R, Tx, U; texts: Ht 3
4 Vol. 3. Snorri Sturluson, Háttatal, 4 [Vol. 3, 1108] — SnSt Ht 4III
Stinn sôr þróask stórum
sterk egg frǫmum seggjum
hvast skerr hlífar traustar,
hár gramr lifir framla;
hrein sverð litar harða
hverr drengr, gǫfugr þengill,
ítr rǫnd furask undrum,
unir bjartr snǫru hjarta.
Skj: Snorri Sturluson: 2. Háttatal 4 (AII, 53; BII, 61-2); (dróttkvætt); ed. KEG; group: B; mss: Acc18x, R, Tx, U; texts: Ht 4
5 Vol. 3. Snorri Sturluson, Háttatal, 5 [Vol. 3, 1109] — SnSt Ht 5III
Óðharða spyrk eyða
egg fullhvǫtum seggjum;
dáðrǫkkum veldr dauða
dreng ofrhugaðr þengill;
hamdǫkkum fær Hlakkar
hauk munnroða aukinn,
veghrœsinn spyrk vísa,
valdr ógnþorinn skjaldar.
Skj: Snorri Sturluson: 2. Háttatal 5 (AII, 53; BII, 62); (dróttkvætt); ed. KEG; group: B; mss: A, Acc18x, R, Tx, U; texts: Ht 5, TGT 100
6 Vol. 3. Snorri Sturluson, Háttatal, 6 [Vol. 3, 1110] — SnSt Ht 6III
Sviðr lætr sóknar naðra
slíðrbraut jǫfurr skríða,
ótt ferr rógs ór réttum
ramsnákr fetilhamsi;
linnr kná sverða sennu
sveita bekks at leita,
ormr þyrr vals at varmri
víggjǫll sefa stígu.
Skj: Snorri Sturluson: 2. Háttatal 6 (AII, 53-4; BII, 62); (dróttkvætt); ed. KEG; group: B; mss: Acc18x, R, Tx, U; texts: Ht 6
9 Vol. 5. Eyrbyggja saga 3 (Þórarinn svarti máhlíðingr Þórólfsson, Máhlíðingavísur, 1) — Þmáhl Máv 1V (Eb 3)
Varðak mik, þars myrðir
morðfárs vega þorði,t ǫrn af ná neyta
nýjum) kvinna frýju;
barka vægð at vígi,
valnaðrs, í styr þaðra,
mælik hól fyr hœli,
hjaldrs goðs, of þat sjaldan.
Skj: Þórarinn svarti Þórólfsson máhlíðingr: Máhlíðingavísur 1 (AI, 111; BI, 105); (dróttkvætt); ed. KSH; group: D; mss: 126x, 129x, 309, 442x, 445ax, 446x, 447x, 448x, ÍB180x, Mb, R, Tx; texts: Eb 3, Ht 9
10 Vol. 3. Hofgarða-Refr Gestsson, 5. Fragments, 5 [Vol. 3, 264] — Refr Frag 5III
Sæll es hinn, es, hranna
hádýra, vel, stýrir
(tíð erumk vitnis váða
víngǫrð) unir sínu.
Skj: Hofgarða-Refr Gestsson: 3. Af et digt om en Þórsteinn 4 (AI, 320; BI, 296); (dróttkvætt); ed. EM; group: B; mss: 761bx, R, Tx, U, W; texts: Ht 10
11 Vol. 3. Snorri Sturluson, Háttatal, 9 [Vol. 3, 1114] — SnSt Ht 9III
Vex íðn, vellir roðna,
verpr lind, þrimu snerpir,
fæsk gagn, fylkir eignask,
falr hitnar, sezk vitnir;
skekr rǫnd, skildir bendask,
skelfr askr, griðum raskar,
brandr gellr, brynjur sundrask,
braka spjǫr, litask ǫrvar.
Skj: Snorri Sturluson: 2. Háttatal 9 (AII, 54-5; BII, 63); (dróttkvætt); ed. KEG; group: B; mss: Acc18x, R, Tx, U, W; texts: Ht 11
12 Vol. 3. Snorri Sturluson, Háttatal, 10 [Vol. 3, 1115] — SnSt Ht 10III
Jǫrð verr siklingur sverðum,
sundr rjúfa spjǫr undir,
lind skerr í styr steinða,
støkkr hauss af bol lausum,
falla folk á velli,
fremr mildr jǫfurr hildi,
egg bítr á lim lýti,
liggr skǫr sniðin hjǫrvi.
Skj: Snorri Sturluson: 2. Háttatal 10 (AII, 55; BII, 63); (dróttkvætt); ed. KEG; group: B; mss: Acc18x, R, Tx, U, W; texts: Ht 12
13 Vol. 3. Snorri Sturluson, Háttatal, 11 [Vol. 3, 1116] — SnSt Ht 11III
Ýskelfir kann ulfum
auðmildr búa gildi;
lætr gylðis kyn gáti
gunnsnarr una harri;
fær gotna vinr vitni
valbjór afar stóran;
vargr tér ór ben bergja
blóðdrykk ok grǫn rjóða.
Skj: Snorri Sturluson: 2. Háttatal 11 (AII, 55; BII, 63-4); (dróttkvætt); ed. KEG; group: B; mss: Acc18x, R, Tx, U, W; texts: Ht 13
14 Vol. 3. Snorri Sturluson, Háttatal, 12 [Vol. 3, 1116] — SnSt Ht 12III
Hákun veldr ok hǫlðum,
harðrôðum guð jarðar
tyggja lér með tíri,
teitr þjóðkonungs heiti;
vald á víðrar foldar,
vindræfrs jǫfurr gæfu
ǫðlingi skóp ungum,
ǫrlyndr skati gǫrla.
Skj: Snorri Sturluson: 2. Háttatal 12 (AII, 55; BII, 64); (dróttkvætt); ed. KEG; group: B; mss: Acc18x, R, Tx, U, W; texts: FoGT 36, Ht 14
15 Vol. 3. Snorri Sturluson, Háttatal, 13 [Vol. 3, 1117] — SnSt Ht 13III
Manndýrðir fá mærðar,
mæt ǫld, fira gæti,
lýtr auðgjafa ítrum
ǫll. Stóð sær of fjǫllum.
Rjóðvendils gatk randa
rœki-Njǫrð at sœkja,
hœf ferð var sú harða,
heim. Skaut jǫrð ór geima.
Skj: Snorri Sturluson: 2. Háttatal 13 (AII, 55-6; BII, 64); (dróttkvætt); ed. KEG; group: B; mss: Acc18x, R, Tx, U, W; texts: Ht 15
16 Vol. 3. Snorri Sturluson, Háttatal, 14 [Vol. 3, 1118] — SnSt Ht 14III
Hákun ræðr með heiðan,
hefr drengja vinr fengit
(lǫnd verr buðlungr brandi
breiðfeld) mikit veldi;
rógleiks náir ríki
remmi-Týr at stýra
(ǫld fagnar því) eignu,
orðróm konungdómi.
Skj: Snorri Sturluson: 2. Háttatal 14 (AII, 56; BII, 64); (dróttkvætt); ed. KEG; group: B; mss: Acc18x, R, Tx, U, W; texts: FoGT 35, Ht 16
17 Vol. 3. Snorri Sturluson, Háttatal, 15 [Vol. 3, 1119] — SnSt Ht 15III
Þeim es grundar grímu
gjaldseiðs ok vas faldinn
(drótt man enn þat) átti
áðr hans faðir ráða;
gunnhættir kná grýttu
(gramr býr of þrek) stýra,
stórt ræðr hann en hjarta
hvetr, buðlunga setri.
Skj: Snorri Sturluson: 2. Háttatal 15 (AII, 56; BII, 65); (dróttkvætt); ed. KEG; group: B; mss: A, Acc18x, R, Tx, U, W; texts: Ht 17, TGT 70a
18 Vol. 3. Snorri Sturluson, Háttatal, 16 [Vol. 3, 1120] — SnSt Ht 16III
Setr of vísa vitran
vígdrótt, en þar hníga,
(ýr dregsk) við skotskúrum
skjaldborg, í gras aldir;
vápnrjóðr stikar víða,
vellbrjótr á lǫg, spjótum,
þryngr at sverða sǫngvi,
sóknharðr þrǫmu jarðar.
Skj: Snorri Sturluson: 2. Háttatal 16 (AII, 56; BII, 65); (dróttkvætt); ed. KEG; group: B; mss: A, Acc18x, R, Tx, U, W; texts: Ht 18, TGT 70b
19 Vol. 3. Snorri Sturluson, Háttatal, 17 [Vol. 3, 1121] — SnSt Ht 17III
Síks glóðar verr sœkir
slétt skarð hafi jarðar,
hlífgranda rekr hendir
heit kǫld loga ǫldu;
fljótt válkat skilr fylkir
friðlæ, rǫðuls sævar
ránsið ræsir stǫðvar
reiðr, glaðr, frǫmum meiðum.
Skj: Snorri Sturluson: 2. Háttatal 17 (AII, 57; BII, 65); (dróttkvætt); ed. KEG; group: B; mss: Acc18x, R, Tx, U, W; texts: Ht 19
20 Vol. 3. Snorri Sturluson, Háttatal, 18 [Vol. 3, 1123] — SnSt Ht 18III
Blóð fremr, hlǫkk at háðisk
heldr slitnar dul, vitni;
skjǫldr, en skatnar foldir,
skelfr harðr, taka varða;
fal lætr of her hvítan
hollr gramr rekinn framðan;
en tyggja sonr, seggjum,
svalr brandr, dugir, grandar.
Skj: Snorri Sturluson: 2. Háttatal 18 (AII, 57; BII, 65); (dróttkvætt); ed. KEG; group: B; mss: Acc18x, R, Tx, U, W; texts: Ht 20
21 Vol. 3. Snorri Sturluson, Háttatal, 19 [Vol. 3, 1124] — SnSt Ht 19III
Segl skekr of hlyn, Huglar,
(hvast drífa skip) rasta,
en fǫll, of gram, gylli
grunn (djúp) hata unna;
né Rôn viðr hafhreinum
hôraust, skapar flaustum,
hrǫnn fyr húfi þunnum
heil klofnar, frið, deilu.
Skj: Snorri Sturluson: 2. Háttatal 19 (AII, 57; BII, 66); (dróttkvætt); ed. KEG; group: B; mss: Acc18x, R, Tx, U, W; texts: Ht 21
22 Vol. 3. Snorri Sturluson, Háttatal, 20 [Vol. 3, 1125] — SnSt Ht 20III
Hélir hlýr at stáli,
hafit fellr, en svífr þelli
(ferð dvǫl firrisk) harða
framm mót lagar glammi;
vindr réttr váðir bendir,
vefr rekr á haf snekkjur,
veðr þyrr, vísa iðjur,
varar fýsir skip, lýsa.
Skj: Snorri Sturluson: 2. Háttatal 20 (AII, 57; BII, 66); (dróttkvætt); ed. KEG; group: B; mss: Acc18x, R, Tx, U, W; texts: Ht 22
23 Vol. 3. Snorri Sturluson, Háttatal, 21 [Vol. 3, 1127] — SnSt Ht 21III
Lung frák lýða þengils,
lô reis of skut, geisa,
en svǫrð of her herða;
hljóp stóð und gram Róða;
þjóð fær þungra skeiða
þrǫng rúm skipat lǫngum,
stôl lætr styrjar deilir
stinn kløkk í mar søkkva.
Skj: Snorri Sturluson: 2. Háttatal 21 (AII, 58; BII, 66); (dróttkvætt); ed. KEG; group: B; mss: Acc18x, R, Tx, U, W; texts: Ht 23
24 Vol. 3. Snorri Sturluson, Háttatal, 22 [Vol. 3, 1128] — SnSt Ht 22III
Himinglæva strýkr hôvar,
hrǫnn skilja sog, þiljur;
lǫgstíga vill lœgir
ljótr fagrdrasil brjóta;
lýsheims náir ljóma
(líðr ár) of gram blíðum,
uðr rekkir kjǫl kløkkvan
kǫld, eisa, far geisar.
Skj: Snorri Sturluson: 2. Háttatal 22 (AII, 58; BII, 67); (dróttkvætt); ed. KEG; group: B; mss: Acc18x, R, Tx, U, W; texts: Ht 24
25 Vol. 3. Snorri Sturluson, Háttatal, 23 [Vol. 3, 1129] — SnSt Ht 23III
Firrisk hǫnd með harra
hlumr, líðr vetr af sumri,
en flaust við lǫg Lista
lǫng taka hvílð at gǫngu;
ǫl mœðir lið lýða,
létt skipask hǫll, et rétta,
en skôl at gjǫf góla
gulls svífr, tóm, en fulla.
Skj: Snorri Sturluson: 2. Háttatal 23 (AII, 58; BII, 67); (dróttkvætt); ed. KEG; group: B; mss: Acc18x, R, Tx, U, W; texts: Ht 25
26 Vol. 3. Snorri Sturluson, Háttatal, 24 [Vol. 3, 1130] — SnSt Ht 24III
Hreintjǫrnum gleðr horna,
horn náir lítt at þorna,
mjǫðr hegnir bǫl bragna,
bragningr skipa sagnir;
folkhǫmlu gefr framla
framlyndr viðum gamlar,
hinn es heldr fyr skot skjǫldum,
skjǫldungr hunangs-ǫldur.
Skj: Snorri Sturluson: 2. Háttatal 24 (AII, 58-9; BII, 67); (dróttkvætt); ed. KEG; group: B; mss: Acc18x, R, Tx, U, W; texts: Ht 26
27 Vol. 3. Snorri Sturluson, Háttatal, 25 [Vol. 3, 1131] — SnSt Ht 25III
Rǫst gefr ǫðlingr jastar,
ǫl virðik svá, firðum;
þǫgn fellir brim bragna,
bjór forn es þat, horna;
máls kann mildingr heilsu,
mjǫðr heitir svá, veita;
strúgs kømr í val veiga,
vín kallak þat, galli.
Skj: Snorri Sturluson: 2. Háttatal 25 (AII, 59; BII, 67); (dróttkvætt); ed. KEG; group: B; mss: Acc18x, R, Tx, U, W; texts: Ht 27
28 Vol. 3. Snorri Sturluson, Háttatal, 26 [Vol. 3, 1132] — SnSt Ht 26III
Fúss brýtr fylkir eisu
fens; bregðr hǫnd á venju;
ránhegnir gefr Rínar
rǫf; spyrr ætt at jǫfrum;
mjǫk trúir ræsir rekka
raun; sér gjǫf til launa;
ráð á lofðungr lýða
lengr; vex hverr af gengi.
Skj: Snorri Sturluson: 2. Háttatal 26 (AII, 59; BII, 68); (dróttkvætt); ed. KEG; group: B; mss: Acc18x, R, Tx, U, W; texts: Ht 28
29 Vol. 3. Snorri Sturluson, Háttatal, 27 [Vol. 3, 1133] — SnSt Ht 27III
Ískalda skark ǫldu
eik, vas súð en bleika
reynd, til ræsis fundar
ríks; emk kuðr at slíku;
brjótr þá hersis heiti
hátt, dugir sœmð at vátta,
auðs af jarla prýði
ítrs; vasa siglt til lítils.
Skj: Snorri Sturluson: 2. Háttatal 27 (AII, 59; BII, 68); (dróttkvætt); ed. KEG; group: B; mss: Acc18x, R, Tx, U, W; texts: Ht 29
30 Vol. 3. Snorri Sturluson, Háttatal, 28 [Vol. 3, 1134] — SnSt Ht 28III
Vandbaugs veitti sendir
vígrakkr, en gjǫf þakkak
skjaldbraks Skylja mildum,
skipreiðu mér, heiða;
fann næst fylkir unna
fǫl dýr at gjǫf stýri
stálhreins; styrjar deilis
stórlæti sák mæta.
Skj: Snorri Sturluson: 2. Háttatal 28 (AII, 59-60; BII, 68); (dróttkvætt); ed. KEG; group: B; mss: A, Acc18x, R, Tx, U, W; texts: Ht 30, TGT 35
31 Vol. 3. Snorri Sturluson, Háttatal, 29 [Vol. 3, 1135] — SnSt Ht 29III
Tvær mank hilmi hýrum
heims vistir ótvistar,
hlautk á-samt at sitja
seimgildi fémildum;
fúss gaf fylkir hnossir
fleinstýri margdýrar;
hollr vas hersa stilli
hoddspennir fjǫlmennum.
Skj: Snorri Sturluson: 2. Háttatal 29 (AII, 60; BII, 69); (dróttkvætt); ed. KEG; group: B; mss: Acc18x, R, Tx, U, W; texts: Ht 31
32 Vol. 3. Snorri Sturluson, Háttatal, 30 [Vol. 3, 1136] — SnSt Ht 30III
Þoll biðk hilmis hylli
halda grœnna skjalda;
askr beið af því þroska
þilju Hrungnis ilja;
vígfoldar njót valdi
vandar margra landa,
(nýtr vast oss) til ítrar
elli (dolga fellir).
Skj: Snorri Sturluson: 2. Háttatal 30 (AII, 60; BII, 69); (dróttkvætt); ed. KEG; group: B; mss: Acc18x, R, Tx, U, W; texts: Ht 32
33 Vol. 3. Snorri Sturluson, Háttatal, 31 [Vol. 3, 1137] — SnSt Ht 31III
Stáls dynblakka støkkvi
stinngeðs samir minnask,
álms bifsœki aukum
Yggs feng, á lof þengils;
odds bláferla jarli
ǫrbrjót né skal þrjóta,
Hárs saltunnu hrannir
hrœrum, óð at stœra.
Skj: Snorri Sturluson: 2. Háttatal 31 (AII, 60-1; BII, 69); (dróttkvætt); ed. KEG; group: B; mss: Acc18x, R, Tx, U, W; texts: Ht 33
34 Vol. 3. Snorri Sturluson, Háttatal, 32 [Vol. 3, 1138] — SnSt Ht 32III
Él þreifsk skarpt of Skúla
skýs snarvinda lindar,
egg varð hvǫss í hǫggum
hræs dynbrunnum runnin;
seimþreytir bjó sveita
snjallr ilstafna hrafni,
Páll varð und fit falla
framm þrábarni arnar.
Skj: Snorri Sturluson: 2. Háttatal 32 (AII, 61; BII, 69); (dróttkvætt); ed. KEG; group: B; mss: Acc18x, R, Tx, U, W; texts: Ht 34
42 Vol. 3. Snorri Sturluson, Háttatal, 40 [Vol. 3, 1149] — SnSt Ht 40III
Hverr fremr hildi barra?
hverr es mælingum ferri?
hverr gerir hǫpp at stœrri?
hverr kann auð at þverra?
veldr hertogi hjaldri;
hann es first blikurmanni;
hann á hǫpp at sýnni;
hann vélir blik spannar.
Skj: Snorri Sturluson: 2. Háttatal 40 (AII, 63; BII, 72); (dróttkvætt); ed. KEG; group: B; mss: A, Acc18x, R, Tx, U, W; texts: Ht 42, SnEW 9, TGT 71
43 Vol. 3. Snorri Sturluson, Háttatal, 41 [Vol. 3, 1150] — SnSt Ht 41III
Velr ítrhugaðr ýtum
otrgjǫld jǫfurr snotrum;
opt hefr þings fyr þrøngvi
þungfarmr Grana sprungit;
hjǫrs vill rjóðr at ríði
reiðmalmr Gnitaheiðar;
vígs es hreytt at hættis
hvatt Niflunga skatti.
Skj: Snorri Sturluson: 2. Háttatal 41 (AII, 63; BII, 72); (dróttkvætt); ed. KEG; group: B; mss: Acc18x, R, Tx, U, W; texts: Ht 43
47 Vol. 3. Klœingr Þorsteinsson, Lausavísa, 1 [Vol. 3, 268] — Klœ Lv 1III
Baðk sveit á glað Geitis,
gǫr's íð at fǫr, tíðum
drǫgum hest á lǫg lesta,
lið flýtr, en skrið nýtum.
Skj: Klœingr Þórsteinsson: Lausavísa (AI, 534; BI, 515); (dróttkvætt); ed. KEG; group: B; mss: 761bx, R, Tx, U, W; texts: Ht 47
52 Vol. 3. Snorri Sturluson, Háttatal, 49 [Vol. 3, 1158] — SnSt Ht 49III
Hjaldrremmir tekr Hildi,
hringr brestr at gjǫf, festa,
hnígr und Hǫgna meyjar
hers valdandi tjald;
Heðins mála býr hvílu
hjálmlestanda flestum,
morðaukinn þiggr mæki
mund Hjaðninga sprund.
Skj: Snorri Sturluson: 2. Háttatal 49 (AII, 65; BII, 74); (stýft); ed. KEG; group: B; mss: Acc18x, R, Tx, U, W; texts: Ht 52
53 Vol. 3. Snorri Sturluson, Háttatal, 50 [Vol. 3, 1159] — SnSt Ht 50III
Yggs drósar rýfr eisa
ǫld móðsefa tjǫld,
glóð støkkr í hof Hlakkar
hugtúns firum brún;
geðveggjar svífr glugga
glæs dynbrími hræs,
hvattr es hyrr at slétta
hjaldrs gnapturna aldrs.
Skj: Snorri Sturluson: 2. Háttatal 50 (AII, 65-6; BII, 75); (stýft); ed. KEG; group: B; mss: Acc18x, R, Tx, U, W; texts: Ht 53
54 Vol. 3. Snorri Sturluson, Háttatal, 51 [Vol. 3, 1160] — SnSt Ht 51III
Herstefnir lætr hrafn
hungrs fullseðjask ungr,
ilspornat getr ǫrn
aldrlausastan haus,
vilja borg en vargr
vígsára klífr grár,
opt solgit fær ylgr
(jǫfurr góðr vill svá) blóð.
Skj: Snorri Sturluson: 2. Háttatal 51 (AII, 66; BII, 75); (stýft); ed. KEG; group: B; mss: Acc18x, R, Tx, U, W; texts: Ht 54
65 Vol. 3. Snorri Sturluson, Háttatal, 62 [Vol. 3, 1173] — SnSt Ht 62III
Tyggi snýr á ógnar ôru
(undgagl veit þat) sóknar hagli,
yngvi drífr (at hreggi hlífa
hjǫrr vélir fjǫr) brynju éli;
(vísi) heldr of fjǫrnis foldir,
folk (skiptir svá boga driptum)
skúrum lýstr of hilmi hraustan,
(hans fregnum styr) Mistar regni.
Skj: Snorri Sturluson: 2. Háttatal 62 (AII, 68; BII, 78); (hrynhent); ed. KEG; group: B; mss: R, W; texts: Ht 65
66 Vol. 3. Snorri Sturluson, Háttatal, 63 [Vol. 3, 1175] — SnSt Ht 63III
Stála kendi støkkvilundum
styrjar valdi rauðu falda,
rekkar stýrðu rétt til jarðar
roðnu barði, austan fjarðar;
oddum rendi eljunstrandir
ýta ferðar hringa skerðir,
hilmir stœrði hvǫssu sverði
heila grundar meginundir.
Skj: Snorri Sturluson: 2. Háttatal 63 (AII, 69; BII, 78); (hrynhent); ed. KEG; group: B; mss: 42x, 761bx, 8, 81a, E, F, Flat, R, W; texts: Flat 837, Hák 13, Ht 66
67 Vol. 3. Snorri Sturluson, Háttatal, 64 [Vol. 3, 1176] — SnSt Ht 64III
Vafði lítt, es virðum mœtti,
vígrœkjandi framm at sœkja;
skerðir gekk í skúrum Hlakkar
Skǫglar serks fyr roðnum merkjum;
ruddisk land, en ræsir Þrœnda
Ribbungum skóp bana þungan,
Gunnarr skaut und gera fótar
grimmsetta il hjarna kletti.
Skj: Snorri Sturluson: 2. Háttatal 64 (AII, 69; BII, 79); (hrynhent); ed. KEG; group: B; mss: 42x, 761bx, 8, 81a, E, F, Flat, R, W; texts: Flat 838, Hák 14, Ht 67
68 Vol. 3. Snorri Sturluson, Háttatal, 65 [Vol. 3, 1177] — SnSt Ht 65III
Vápna hríð velta náði
vægðarlaus feigum hausi;
hilmir lét hǫggum mœta
herða klett bana verðan;
fleina lands fylkir rendi
fjǫrnis hlíð meginskíði,
ǫflugt sverð eyddi fyrðum
jǫfri kent, holdi fenta.
Skj: Snorri Sturluson: 2. Háttatal 65 (AII, 69; BII, 79); (draughent); ed. KEG; group: B; mss: R, W; texts: Ht 68
71 Vol. 3. Snorri Sturluson, Háttatal, 68 [Vol. 3, 1180] — SnSt Ht 68III
Fremstr vas Skúli.
Skala lof dvala;
semk mildum gram
mœrð fjǫlsnœrða;
meirr skalk stœri
styrs hróðr fyrir
(kærr vask harra)
hers gnótt bera.
Skj: Snorri Sturluson: 2. Háttatal 68 (AII, 70; BII, 80); (tøglag or variants); ed. KEG; group: B; mss: R, W; texts: Ht 71
72 Vol. 3. Snorri Sturluson, Háttatal, 69 [Vol. 3, 1181] — SnSt Ht 69III
Kunn bjók kvæði
konungs bróður þjóð
(þann veitk þengil)
þrenn (fjǫlmennan);
framm skal en fjórða
folkglaðs vaða
ljóss elds lagar
lofun friðrofa.
Skj: Snorri Sturluson: 2. Háttatal 69 (AII, 70; BII, 80); (tøglag or variants); ed. KEG; group: B; mss: R, W; texts: Ht 72
73 Vol. 3. Snorri Sturluson, Háttatal, 70 [Vol. 3, 1181] — SnSt Ht 70III
Mitt's of mœti
mart lag bragar
áðr ókveðit
oddbraks spakan;
hlýtr grams geta
greppr óhneppra
skýrr skrautfara.
Skjǫldunga ungr.
Skj: Snorri Sturluson: 2. Háttatal 70 (AII, 70; BII, 80); (tøglag or variants); ed. KEG; group: B; mss: R, W; texts: Ht 73
74 Vol. 3. Snorri Sturluson, Háttatal, 71grœnlenzku háttr [Vol. 3, 1182] — SnSt Ht 71III
Slóð kann sneiðir
seima geima
hnigfák Haka
hleypa greypa,
hinn's af hlunni
hesta festa
lætr leyfðr skati
langa ganga.
Skj: Snorri Sturluson: 2. Háttatal 71 (AII, 71; BII, 81); (tøglag or variants); ed. KEG; group: B; mss: R, W; texts: Ht 74
75 Vol. 3. Snorri Sturluson, Háttatal, 72grœnlenzku háttr [Vol. 3, 1183] — SnSt Ht 72III
Gull kná, greppar,
glóa, róa,
váss eru seggir
samir framir;
eik má und jǫfri
una bruna,
þá nýtr vísi
viðar skriðar.
Skj: Snorri Sturluson: 2. Háttatal 72 (AII, 71; BII, 81); (tøglag or variants); ed. KEG; group: B; mss: R, W; texts: Ht 75
76 Vol. 3. Snorri Sturluson, Háttatal, 73nýi háttr [Vol. 3, 1184] — SnSt Ht 73III
Ræsir glæsir
Rǫkkva dǫkkva
hvítum rítum
hreina reina;
skreytir hreytir
skafna stafna
hringa stinga
hjǫrtum svǫrtum.
Skj: Snorri Sturluson: 2. Háttatal 73 (AII, 71; BII, 81); (tøglag or variants); ed. KEG; group: B; mss: A, R, W; texts: Ht 76, TGT 79
77 Vol. 3. Snorri Sturluson, Háttatal, 74 [Vol. 3, 1185] — SnSt Ht 74III
Hafrǫst hristir
hlunnvigg tiggja,
borðgrund bendir
brimdýrs stýri;
blô veit brjóta
byrskíð víði
bǫðharðr bǫrðum
buðlungr þungan.
Skj: Snorri Sturluson: 2. Háttatal 74 (AII, 71; BII, 81); (tøglag or variants); ed. KEG; group: B; mss: R, W; texts: Ht 77
78 Vol. 3. Snorri Sturluson, Háttatal, 75 [Vol. 3, 1186] — SnSt Ht 75III
Hrinda lætr hniggrund
hafbekks snekkjur,
þás falla, fleinþollr
frár, môl, stôlum;
hlummi lítr hergramr
hirðmenn spenna,
en rœði raungóð
rógalfs skjalfa.
Skj: Snorri Sturluson: 2. Háttatal 75 (AII, 72; BII, 82); (tøglag or variants); ed. KEG; group: B; mss: R, W; texts: Ht 78
81 Vol. 3. Snorri Sturluson, Háttatal, 78 [Vol. 3, 1189] — SnSt Ht 78III
Hrǫnn skerr, hvatt ferr,
húfr kaldr, allvaldr,
lô brýtr, lǫg skýtr,
limgarmr, rangbarmr;
brátt skekr, byrr rekr,
blán vegg, ráskegg,
jarl lætr almætr
ósvipt húnskript.
Skj: Snorri Sturluson: 2. Háttatal 78 (AII, 72; BII, 82); (tøglag or variants); ed. KEG; group: B; mss: R, W; texts: Ht 81
83 Vol. 3. Snorri Sturluson, Háttatal, 80 [Vol. 3, 1191] — SnSt Ht 80III
Lof's flutt fjǫrum
fyr gunnǫrum
(né spurð spǫrum
spjǫll) gram snǫrum;
hefk hans fǫrum
til hróðrs gǫrum
ypt óvǫrum
fyr auðs bǫrum.
Skj: Snorri Sturluson: 2. Háttatal 80 (AII, 73; BII, 83); (runhent); ed. KEG; group: B; mss: R, W; texts: Ht 83
84 Vol. 3. Snorri Sturluson, Háttatal, 81 [Vol. 3, 1192] — SnSt Ht 81III
Fluttak frœði
of frama grœði,
tunga tœði,
með tǫlu rœði;
stef skal stœra
stilli Mœra,
hróðr dugir hrœra,
ok honum fœra.
Skj: Snorri Sturluson: 2. Háttatal 81 (AII, 73; BII, 83); (runhent); ed. KEG; group: B; mss: R, W; texts: Ht 84
85 Vol. 3. Snorri Sturluson, Háttatal, 82 [Vol. 3, 1193] — SnSt Ht 82III
Slíkt es svá,
siklingr á
(ǫld þess ann)
orðróm þann;
jarla er
austan ver
skatna skýrstr
Skúli dýrstr.
Skj: Snorri Sturluson: 2. Háttatal 82 (AII, 73; BII, 83); (runhent); ed. KEG; group: B; mss: R, W; texts: Ht 85
86 Vol. 3. Snorri Sturluson, Háttatal, 83 [Vol. 3, 1194] — SnSt Ht 83III
Naðrs gnapa ógn alla
eyðis baugvalla
hlunns of hástalla
hestar svanfjalla;
orms es glatt galla
með gumna spjalla,
jarl fremr sveit snjalla;
slíkt má skǫrung kalla.
Skj: Snorri Sturluson: 2. Háttatal 83 (AII, 73; BII, 84); (runhent); ed. KEG; group: B; mss: 744x, B, R, W; texts: Ht 86, TGT 1
87 Vol. 3. Snorri Sturluson, Háttatal, 84 [Vol. 3, 1195] — SnSt Ht 84III
Orð fékk gótt gramr,
hann es gunntamr,
mjǫk es fullframr
fylkir rausnsamr;
hinn es môl metr,
milding sízt getr
þann es svá setr
seggi hvern vetr.
Skj: Snorri Sturluson: 2. Háttatal 84 (AII, 73-4; BII, 84); (runhent); ed. KEG; group: B; mss: R, W; texts: Ht 87
88 Vol. 3. Snorri Sturluson, Háttatal, 85 [Vol. 3, 1196] — SnSt Ht 85III
Mærð vilk auka
Mistar lauka
góma sverði
grundar skerði;
dýrð skal segja
(drótt má þegja)
styrjar glóða
støkkvi-Móða.
Skj: Snorri Sturluson: 2. Háttatal 85 (AII, 74; BII, 84); (runhent); ed. KEG; group: B; mss: R, W; texts: Ht 88
89 Vol. 3. Snorri Sturluson, Háttatal, 86 [Vol. 3, 1196] — SnSt Ht 86III
Veitk hrings hraða
í hǫll laða,
gótt's hús Hlaða,
hirð ǫlsaða;
drekkr gramr glaða,
en at gjǫf vaða
vitar valstaða,
vandbaugskaða.
Skj: Snorri Sturluson: 2. Háttatal 86 (AII, 74; BII, 84); (runhent); ed. KEG; group: B; mss: R, W; texts: Ht 89
90 Vol. 3. Snorri Sturluson, Háttatal, 87 [Vol. 3, 1197] — SnSt Ht 87III
Drífr handar hlekkr,
þars hilmir drekkr;
mjǫk's brǫgnum bekkr
blíðskálar þekkr;
leikr hilmis her
hreingullit ker,
segik alt sem er,
við orða sker.
Skj: Snorri Sturluson: 2. Háttatal 87 (AII, 74; BII, 85); (runhent); ed. KEG; group: B; mss: R; texts: Ht 90
91 Vol. 3. Snorri Sturluson, Háttatal, 88 [Vol. 3, 1198] — SnSt Ht 88III
En þás hirð til hallar
hers oddviti kallar,
opt tekr jarl at fagna
við ótali bragna,
búin es gjǫf til greizlu
at gullbrota veizlu,
þrøngt sitr þjóðar sinni,
þar es mestr frami inni.
Skj: Snorri Sturluson: 2. Háttatal 88 (AII, 74; BII, 85); (runhent); ed. KEG; group: B; mss: R; texts: Ht 91
92 Vol. 3. Snorri Sturluson, Háttatal, 89 [Vol. 3, 1199] — SnSt Ht 89III
Hirð gerir hilmis kátt,
hǫll skipask þrǫngt at gôtt,
auð gefr þengill þrátt,
þat spyrr framm í ôtt;
slíkt telk hilmis hôtt,
hans es rausn of môtt,
jarl brýtr sundr í smátt
slungit gull við þôtt.
Skj: Snorri Sturluson: 2. Háttatal 89 (AII, 74-5; BII, 85); (runhent); ed. KEG; group: B; mss: R; texts: Ht 92
93 Vol. 3. Snorri Sturluson, Háttatal, 90 [Vol. 3, 1200] — SnSt Ht 90III
Mǫrg þjóð ferr til siklings sala,
sœmð es þar til allra dvala,
tyggi veitir seima svala,
satt es bezt of hann at tala;
bresta spyrjum bauga flata,
bragna vinr kann gulli hata,
œðri veitk at gjǫflund gata
grundar vǫrðr, fyr hringa skata.
Skj: Snorri Sturluson: 2. Háttatal 90 (AII, 75; BII, 85); (runhent); ed. KEG; group: B; mss: R; texts: Ht 93
94 Vol. 3. Snorri Sturluson, Háttatal, 91 [Vol. 3, 1201] — SnSt Ht 91III
Þiggja kná með gulli glǫð
gotna ferð at ræsi mjǫð;
drekka lætr hann sveit at sín
silfri skenkt et fagra vín;
greipum mœtir gullin skôl,
gumnum sendir Rínar bál,
eigi hittir œðra mann,
jarla beztr, en skjǫldung þann.
Skj: Snorri Sturluson: 2. Háttatal 91 (AII, 75; BII, 86); (runhent); ed. KEG; group: B; mss: R; texts: Ht 94
95 Vol. 3. Snorri Sturluson, Háttatal, 92 [Vol. 3, 1201] — SnSt Ht 92III
Getit vas grams fara,
gǫrt hefk mærð snara,
þengil mun þess vara,
þat namk lítt spara;
finnrat frœknara
fœði gunnstara
mann né mildara
merkir blóðsvara.
Skj: Snorri Sturluson: 2. Háttatal 92 (AII, 75; BII, 86); (runhent); ed. KEG; group: B; mss: R; texts: Ht 95
96 Vol. 3. Snorri Sturluson, Háttatal, 93 [Vol. 3, 1202] — SnSt Ht 93III
Þengill lætr hǫpp hrest,
honum fylgir dôð mest,
vísi gefr vel flest
verbôl ok ólest;
húfar brutu haf ljótt,
heim létk jǫfur sótt,
Yngva lofar ǫll drótt,
jarls sák frama gnótt.
Skj: Snorri Sturluson: 2. Háttatal 93 (AII, 75; BII, 86); (runhent); ed. KEG; group: B; mss: R; texts: Ht 96
97 Vol. 3. Snorri Sturluson, Háttatal, 94 [Vol. 3, 1203] — SnSt Ht 94III
- - - - - - - - Gramr
gulli søri Kraki framr,
efla frôgum Haka hjaldr,
- - - - - - - - aldr;
ormi veitti Sigurðr sár
(slíkt vas alt fyr liðit ár)
Ragnarr þótti skatna skýrstr,
Skúli jarl es miklu dýrstr.
Skj: Snorri Sturluson: 2. Háttatal 94 (AII, 75-6; BII, 86); (runhent); ed. KEG; group: B; mss: R; texts: Ht 97
98 Vol. 3. Snorri Sturluson, Háttatal, 95 [Vol. 3, 1204] — SnSt Ht 95III
Munðak mildingi,
þás Mœra hilmi
fluttak fjogur kvæði,
fimtán stórgjafar;
hvar viti áðr orta
með œðra hætti
mærð of menglǫtuð
maðr und himins skautum.
Skj: Snorri Sturluson: 2. Háttatal 95 (AII, 76; BII, 86); (málaháttr); ed. KEG; group: B; mss: R; texts: Ht 98
99 Vol. 3. Snorri Sturluson, Háttatal, 96 [Vol. 3, 1205] — SnSt Ht 96III
Ort's of ræsi,
þanns rýðr granar
vargs ok ylgjar
ok vôpn litar;
þat mun æ lifa,
nema ǫld farisk,
bragninga lof,
eða bili heimar.
Skj: Snorri Sturluson: 2. Háttatal 96 (AII, 76; BII, 87); (fornyrðislag); ed. KEG; group: B; mss: R; texts: Ht 99
100 Vol. 3. Snorri Sturluson, Háttatal, 97 [Vol. 3, 1206] — SnSt Ht 97III
Lyptak ljósu
lofi þjóðkonungs;
upp's fyr ýta
jarls mærð borin;
hver myni heyra
hróðr gjǫflata
seggr svá kveðinn
seims ok hnossa.
Skj: Snorri Sturluson: 2. Háttatal 97 (AII, 76; BII, 87); (fornyrðislag); ed. KEG; group: B; mss: R; texts: Ht 100
101 Vol. 3. Snorri Sturluson, Háttatal, 98 [Vol. 3, 1206] — SnSt Ht 98III
Veitk verðari
þás vell gefa,
brǫndum beita
ok búa snekkjur,
hæra hróðrar
en heimdrega,
unga jǫfra,
en auðspǫruð.
Skj: Snorri Sturluson: 2. Háttatal 98 (AII, 76; BII, 87); (fornyrðislag); ed. KEG; group: B; mss: R; texts: Ht 101
102 Vol. 3. Snorri Sturluson, Háttatal, 99 [Vol. 3, 1207] — SnSt Ht 99III
Þeir ró jǫfrar
alvitrastir,
hringum hæstir,
hugrakkastir,
vellum verstir,
vígdjarfastir,
hirð hollastir,
happi næstir.
Skj: Snorri Sturluson: 2. Háttatal 99 (AII, 76-7; BII, 87); (fornyrðislag); ed. KEG; group: B; mss: R; texts: Ht 102
103 Vol. 3. Snorri Sturluson, Háttatal, 100 [Vol. 3, 1208] — SnSt Ht 100III
Gløggva grein
hefk gǫrt til bragar;
svá's tírœtt hundrað talit;
hróðrs ørverðr
skala maðr heitinn vesa,
ef svá fær alla hôttu ort.
Skj: Snorri Sturluson: 2. Háttatal 100 (AII, 77; BII, 88); (ljóðaháttr); ed. KEG; group: B; mss: R; texts: Ht 103
104 Vol. 3. Snorri Sturluson, Háttatal, 101 [Vol. 3, 1209] — SnSt Ht 101III
Sóttak fremð,
sóttak fund konungs,
sóttak ítran jarl,
þás ek reist,
þás ek renna gat
kaldan straum kili,
kaldan sjá kili.
Skj: Snorri Sturluson: 2. Háttatal 101 (AII, 77; BII, 88); (fornyrðislag); ed. KEG; group: B; mss: R; texts: Ht 104
105 Vol. 3. Snorri Sturluson, Háttatal, 102 [Vol. 3, 1209] — SnSt Ht 102III
Njóti aldrs
ok auðsala
konungr ok jarl,
þat's kvæðis lok;
falli fyrr
fold í ægi,
steini studd,
en stillis lof.
Skj: Snorri Sturluson: 2. Háttatal 102 (AII, 77; BII, 88); (kviðuháttr); ed. KEG; group: B; mss: R; texts: Ht 105
© Skaldic Project Academic Body, unless otherwise noted. Database structure and interface developed by Tarrin Wills. All users of material on this database are reminded that its content may be either subject to copyright restrictions or is the property of the custodians of linked databases that have given permission for members of the skaldic project to use their material for research purposes. Those users who have been given access to as yet unpublished material are further reminded that they may not use, publish or otherwise manipulate such material except with the express permission of the individual editor of the material in question and the General Editor of the volume in which the material is to be published. Applications for permission to use such material should be made in the first instance to the General Editor of the volume in question. All information that appears in the published volumes has been thoroughly reviewed. If you believe some information here is incorrect please contact Tarrin Wills with full details.