Skaldic Poetry of the Scandinavian Middle Ages

login: password: stay logged in: help

verses in Haralds saga Sigurðssonar

1
(III 76)
Vol. 2. Þjóðólfr Arnórsson, 4. Sexstefja, 1 [Vol. 2, 112-13] — ÞjóðA Sex 1II
Hvast frák Haugi et næsta
hlífél á gram drífa,
en Bolgara brennir
brœðr sínum vel tœði;
skilðisk hann, ok hulði
hjalmsetr gamall vetra
tyggi tolf ok þriggja,
trauðr við Áleif dauðan.
Skj: Þjóðolfr Arnórsson: 3. Sexstefja 1 (AI, 369; BI, 339); (dróttkvætt); ed. DW; group: B; mss: 301x, 321x, 325V, 325VII, 39, 61, 73ax, 972x, Bb, E, F, FskAx, H, Holm2, Holm4, Hr, J2x, Kx, Tóm; texts: Fsk 162, H-Hr 77, HSig 1, ÓH 167(163)
2
(III 77)
Vol. 2. Haraldr harðráði Sigurðarson, 2. Lausavísur, 2b [Vol. 2, 44-5] — Hharð Lv 2bII
Nú lætk skóg af skógi
skreiðask lítils heiðar;
hverr veit nema ek verða
víða frægr of síðir.
Skj: Haraldr Sigurðarson harðráði: Lausavísur 2/5-8 (AI, 356; BI, 328); (dróttkvætt); ed. KEG; group: A2; mss: 321x, 325III β, 325V, 325VII, 332x, 39, 61, 73ax, 761bx, 972x, Bb, E, F, Flat, H, Holm2, Holm4, Hr, J2x, Kx, Tóm; texts: Flat 620, Flat 661, Flat 1014, H-Hr 78, HSig 2, MH 45, Orkn 16, ÓH 166(162)
3
(III 78)
Vol. 2. Bǫlverkr Arnórsson, Drápa about Haraldr harðráði, 1 [Vol. 2, 286-8] — Bǫlv Hardr 1II
Mildingr straukt of mækis
munn, es lézt af gunni;
holds vant hrafn of fyldan
hrás; þaut vargr í ási;
en gramr (né frák fremra
friðskerði þér verða)
austr vast ár et næsta
ǫrðiglyndr í Gǫrðum.
Skj: Bǫlverkr Arnórsson: Drape om Harald hårdråde 1 (AI, 385; BI, 355); (dróttkvætt); ed. KEG; group: A2; mss: 301x, 321x, 325V, 325VII, 39, 51x, 61, 73ax, 972x, Bb, E, F, Flat, FskAx, FskBx, H, Holm2, Holm4, Hr, J2x, Kx, Tóm; texts: Flat 1015, Fsk 181, H-Hr 79, HSig 3, MH 46, ÓH 168(164)
4
(III 79)
Vol. 2. Þjóðólfr Arnórsson, 3. Runhent poem about Haraldr, 1 [Vol. 2, 103-5] — ÞjóðA Run 1II
Eitt hǫfðusk at
Eilífr þars sat,
hǫfðingjar tveir,
hamalt fylkðu þeir;
Austr-Vinðum ók
í ǫngvan krók;
vasa Læsum léttr,
liðsmanna réttr.
Skj: Þjóðolfr Arnórsson: 2. Runhent digt om Harald hårdråde 1 (AI, 368; BI, 338); (runhent); ed. DW; group: A2; mss: 301x, 39, 51x, E, F, Flat, FskAx, FskBx, H, Hr, Kx; texts: Flat 1016, Fsk 182, H-Hr 80, HSig 4, MH 47
5
(III 80)
Vol. 2. Bǫlverkr Arnórsson, Drápa about Haraldr harðráði, 2 [Vol. 2, 288-9] — Bǫlv Hardr 2II
Hart kníði svǫl svartan
snekkju brand, fyr landi,
skúr, en skrautla bôru
skeiðr brynjaðar reiði;
mætr hilmir sá malma
Miklagarðs fyr barði;
mǫrg skriðu beit at borgar
barmfǫgr hôum armi.
Skj: Bǫlverkr Arnórsson: Drape om Harald hårdråde 2 (AI, 385; BI, 355); (dróttkvætt); ed. KEG; group: A2; mss: 39, E, F, Flat, H, Hr, J2x, Kx; texts: Flat 1018, H-Hr 83, HSig 5, MH 49
6
(III 81)
Vol. 2. Þjóðólfr Arnórsson, 4. Sexstefja, 2 [Vol. 2, 113-14] — ÞjóðA Sex 2II
Tøgu má tekna segja
(tandrauðs) á Serklandi
(ungr hætti sér) átta
(ormtorgs hǫtuðr) borga,
áðr herskǫrðuðr harðan
Hildar leik und skildi,
Serkjum hættr, í sléttri
Sikileyju gekk heyja.
Skj: Þjóðolfr Arnórsson: 3. Sexstefja 2 (AI, 369; BI, 339); (dróttkvætt); ed. DW; group: B; mss: 301x, 39, 51x, E, F, Flat, FskAx, FskBx, H, Hr, J2x, Kx, papp18x; texts: Flat 1020, Fsk 183, H-Hr 85, HSig 6, MH 51
7
(III 82)
Vol. 2. Illugi bryndœlaskáld, Poem about Haraldr harðráði, 4 [Vol. 2, 285] — Ill Har 4II
Brauzt und Mikjál mæztan
[môgum heim sem frôgum
sonr Buðla bauð sínum]
sunnlǫnd, Haraldr, rǫndu.
Skj: Illugi Bryndœlaskáld: 1. Et digt om Harald hårdråde 4 (AI, 384; BI, 354); (dróttkvætt); ed. KEG; group: A2; mss: 301x, 39, 51x, 761bx, E, F, FskAx, FskBx, H, Hr, J2x, Kx; texts: Fsk 184, H-Hr 86, HSig 7
8
(III 83)
Vol. 2. Þjóðólfr Arnórsson, 4. Sexstefja, 6 [Vol. 2, 117-18] — ÞjóðA Sex 6II
Þjóð veit að hefr háðar
hvargrimmligar rimmur
(rofizk hafa opt fyr jǫfri)
átján Haraldr (sáttir);
hǫss arnar rautt hvassar,
hróðigr konungr, blóði
(ímr gat krôs hvars kómuð)
klœr, áðr hingat fœrir.
Skj: Þjóðolfr Arnórsson: 3. Sexstefja 7 (AI, 370; BI, 340-1); (dróttkvætt); ed. DW; group: B; mss: 39, E, F, H, Hr, J2x, Kx; texts: H-Hr 92, HSig 8
9
(III 84)
Vol. 2. Stúfr inn blindi Þórðarson kattar, Stúfsdrápa, 2 [Vol. 2, 352-3] — Stúfr Stúfdr 2II
Fór ofrhugi enn øfri
eggdjarfr und sik leggja
(fold vas víga valdi
virk) Jórsali (ok Girkjum);
ok með œrnu ríki
óbrunnin kom gunnar
heimil jǫrð und herði.
Hafi ríks þars vel líkar.
Skj: Stúfr enn blindi Þórðarson kattar: Stúfsdrápa, Stúfa 2 (AI, 404; BI, 373); (dróttkvætt); ed. KEG; group: A2; mss: 301x, 39, 51x, 761bx, E, F, Flat, FskAx, FskBx, H, Hr, J2x, Kx, Mork; texts: Flat 1022, Fsk 186, H-Hr 93, HSig 9, MH 53, Mork 2
10
(III 85)
Vol. 2. Stúfr inn blindi Þórðarson kattar, Stúfsdrápa, 3 [Vol. 2, 353-4] — Stúfr Stúfdr 3II
Stóðusk rôð ok reiði
(rann þat svikum manna)
Egða grams á ýmsum
orð Jórðánar borðum;
enn fyr afgørð sanna
(illa gat frá stilli)
þjóð fekk vísan váða.
Víst of aldr með Kristi.
Skj: Stúfr enn blindi Þórðarson kattar: Stúfsdrápa, Stúfa 3 (AI, 404; BI, 373-4); (dróttkvætt); ed. KEG; group: A2; mss: 301x, 39, 51x, 761bx, E, F, FskAx, FskBx, Hr, J2x, Kx, Mork; texts: Fsk 187, H-Hr 94, HSig 10, Mork 3
11
(III 86)
Vol. 2. Þórarinn Skeggjason, Haraldsdrápa, 1 [Vol. 2, 294-5] — ÞSkegg Hardr 1II
Náði gǫrr en glóðum,
Gríklands, jǫfurr handa,
stólþengill gekk strǫngu
steinblindr aðalmeini.
Skj: Þórarinn Skeggjason: En drape om Harald hårdråde (AI, 400; BI, 368); (dróttkvætt); ed. KEG; group: A2; mss: 301x, 39, 51x, 761bx, E, F, FskAx, FskBx, H, Hr, J2x, Kx, Mork; texts: Fsk 188, H-Hr 95, HSig 11, Mork 4
12
(III 87)
Vol. 2. Þjóðólfr Arnórsson, 4. Sexstefja, 7 [Vol. 2, 118-19] — ÞjóðA Sex 7II
Stólþengils lét stinga
(styrjǫld vas þá byrjuð)
eyðir augu bæði
út heiðingja sútar;
lagði allvaldr Egða
austr á bragning hraustan
gráligt mark, en Girkja
gǫtu illa fór stillir.
Skj: Þjóðolfr Arnórsson: 3. Sexstefja 6 (AI, 370; BI, 340); (dróttkvætt); ed. DW; group: B; mss: 301x, 39, E, F, FskAx, H, Hr, J2x, Kx, Mork; texts: Fsk 189, H-Hr 96, HSig 12, Mork 5
13
(III 88)
Vol. 2. Haraldr harðráði Sigurðarson, 1. Gamanvísur, 2 [Vol. 2, 36-7] — Hharð Gamv 2II
Sneið fyr Sikiley víða
súð; vôrum þá prúðir,
brýnt skreið, vel til vánar,
vengis hjǫrtr und drengjum;
vættik miðr at motti
myni enn þinig nenna;
þó lætr Gerðr í Gǫrðum
gollhrings við mér skolla.
Skj: Haraldr Sigurðarson harðráði: Lausavísur 4 (AI, 357; BI, 329); (dróttkvætt); ed. KEG; group: A2; mss: 2368x, 301x, 39, 51x, 743x, 761bx, A, E, F, FskAx, FskBx, H, Hr, J2x, Kx, Mork, R, Tx, U, W; texts: Fsk 191, H-Hr 97, HSig 13, LaufE 168(394), Mork 6, Skm 263
14
(III 89)
Vol. 2. Stúfr inn blindi Þórðarson kattar, Stúfsdrápa, 4 [Vol. 2, 354] — Stúfr Stúfdr 4II
Mægð gat allvaldr Egða
ógnar mildr þás vildi;
golls tók gumna spjalli
gnótt ok bragnings dóttur.
Skj: Stúfr enn blindi Þórðarson kattar: Stúfsdrápa, Stúfa 4 (AI, 405; BI, 374); (dróttkvætt); ed. KEG; group: A2; mss: 301x, 39, 51x, 761bx, E, F, Flat, FskAx, FskBx, H, Hr, J2x, Kx, Mork; texts: Flat 1023, Fsk 192, H-Hr 103, HSig 14, MH 54, Mork 12
15
(III 90)
Vol. 2. Valgarðr á Velli, Poem about Haraldr harðráði, 5 [Vol. 2, 304-5] — Valg Har 5II
Skauzt und farm enn frízta
(frami veitisk þér) beiti,
farðir goll ór Gǫrðum
(grunlaust) Haraldr, austan;
stýrðir hvatt í hǫrðu
hvardyggr jǫfurr glyggvi,
sátt þás sædrif létti
Sigtún, er skip hnigðu.
Skj: Valgarðr á Velli: Et digt om Harald hårdråde 5 (AI, 391; BI, 361); (dróttkvætt); ed. KEG; group: A2; mss: 301x, 39, E, F, FskAx, H, Hr, J2x, Kx, Mork; texts: Fsk 193, H-Hr 104, HSig 15, Mork 13
16
(III 91)
Vol. 2. Þjóðólfr Arnórsson, 4. Sexstefja, 9 [Vol. 2, 121-2] — ÞjóðA Sex 9II
Reist eikikjǫlr austan
ǫrðigt vatn ór Gǫrðum;
Svíar tœðu þér síðan,
snjallr landreki, allir;
gekk með golli miklu
(glygg fell ótt of tyggja)
hǫll á hléborð sollin
Haralds skeið und vef breiðum.
Skj: Þjóðolfr Arnórsson: 3. Sexstefja 8 (AI, 370-1; BI, 341); (dróttkvætt); ed. DW; group: B; mss: 39, E, F, H, Hr, J2x, Kx; texts: H-Hr 105, HSig 16
17
(III 92)
Vol. 2. Valgarðr á Velli, Poem about Haraldr harðráði, 6 [Vol. 2, 305-6] — Valg Har 6II
Eik slǫng und þér, yngvi
ógnblíðr, í haf síðan
(rétt vas yðr of ætlat
óðal) frá Svíþjóðu;
hýnd bar rif, þars renduð
rétt á stag fyr slétta,
skeið, en skelkðuð brúðir,
Skáney, Dǫnum nánar.
Skj: Valgarðr á Velli: Et digt om Harald hårdråde 6 (AI, 391-2; BI, 361); (dróttkvætt); ed. KEG; group: A2; mss: 301x, 39, 51x, E, F, Flat, FskAx, FskBx, H, Hr, J2x, Kx, Mork; texts: Flat 1024, Fsk 194, H-Hr 106, HSig 17, MH 55, Mork 14
18
(III 93)
Vol. 2. Valgarðr á Velli, Poem about Haraldr harðráði, 7 [Vol. 2, 306-7] — Valg Har 7II
Haraldr, gǫrva lézt herjat
(hnyggr andskotum tyggi)
hvatt rann vargr at vitja
valfalls, Selund alla;
gekk á Fjón, en fekkat,
fjǫlmennr konungr, hjǫlmum
(brast) ríkula (ristin
rít) erfiði lítit.
Skj: Valgarðr á Velli: Et digt om Harald hårdråde 7 (AI, 392; BI, 361); (dróttkvætt); ed. KEG; group: A2; mss: 301x, 39, 51x, E, F, FskAx, FskBx, H, Hr, J2x, Kx, Mork; texts: Fsk 195, H-Hr 107, HSig 18, Mork 15
19
(III 94)
Vol. 2. Valgarðr á Velli, Poem about Haraldr harðráði, 8 [Vol. 2, 307] — Valg Har 8II
Brann í bý fyr sunnan
bjartr eldr Hróiskeldu;
rǫnn lét ræsir nenninn
reykvell ofan fella;
lôgu landsmenn gnógir;
lô hel sumum frelsi;
drósk harmvesalt hýski
hljótt til skógs á flótta.
Skj: Valgarðr á Velli: Et digt om Harald hårdråde 8 (AI, 392; BI, 362); (dróttkvætt); ed. KEG; group: A2; mss: 301x, 39, 51x, E, F, FskAx, FskBx, H, Hr, J2x, Kx, Mork; texts: Fsk 196, H-Hr 108, HSig 19, Mork 16
20
(III 95)
Vol. 2. Valgarðr á Velli, Poem about Haraldr harðráði, 9 [Vol. 2, 307-8] — Valg Har 9II
Dvalði daprt of skilða,
drifu þeirs eptir lifðu,
ferð, en fengin urðu
fǫgr sprund, Danir undan;
láss helt líki drósar,
leið fyr yðr til skeiða
(bitu fíkula fjǫtrar)
fljóð mart (hǫrund) bjartra.
Skj: Valgarðr á Velli: Et digt om Harald hårdråde 9 (AI, 392; BI, 362); (dróttkvætt); ed. KEG; group: A2; mss: 39, 51x, E, F, FskBx, H, Hr, J2x, Kx, Mork; texts: Fsk 0, H-Hr 109, HSig 20, Mork 17
21
(III 96)
Vol. 2. Þjóðólfr Arnórsson, 6. Fragments, 1 [Vol. 2, 159] — ÞjóðA Frag 1II
Nú's valmeiðum víðis,
veit drótt mikinn ótta,
(skeiðr hefr herr fyr hauðri)
hætt góðs friðar vætta;
mildr vill Magnús halda
morðs hlunngotum norðan,
ítr en ǫnnur skreytir
unnvigg Haraldr sunnan.
Skj: Þjóðolfr Arnórsson: 4. Lausavísur 9 (AI, 379; BI, 349); (dróttkvætt); ed. DW; group: A2; mss: 39, 761bx, E, F, H, Hr, J2x, Kx; texts: H-Hr 110, HSig 21
22
(III 97)
Vol. 2. Þjóðólfr Arnórsson, 4. Sexstefja, 10 [Vol. 2, 122] — ÞjóðA Sex 10II
Vatn lézt, vísi, slitna,
víðkunnr, und skǫr þunnri
(dýr klufu flóð) þars fóruð
(flaust) í Danmǫrk austan;
bauð hǫlf við sik síðan
sonr Áleifs þér (hála
frœndr hykk at þar fyndisk
fegnir) lǫnd ok þegna.
Skj: Þjóðolfr Arnórsson: 3. Sexstefja 9 (AI, 371; BI, 341); (dróttkvætt); ed. DW; group: B; mss: 39, E, F, H, Hr, J2x, Kx; texts: H-Hr 113, HSig 22
23
(III 98)
Vol. 2. Bǫlverkr Arnórsson, Drápa about Haraldr harðráði, 7 [Vol. 2, 292] — Bǫlv Hardr 7II
Heimil varð, es heyrðak,
hoddstríðir, þér síðan,
grœn, en goll bautt hônum,
grund es Magnús funduð;
endisk ykkar frænda
allfriðliga á miðli
sætt, en síðan vætti
Sveinn rómǫldu einnar.
Skj: Bǫlverkr Arnórsson: Drape om Harald hårdråde 7 (AI, 386; BI, 356); (dróttkvætt); ed. KEG; group: A2; mss: 301x, 39, 51x, E, F, Flat, FskAx, FskBx, H, Hr, J2x, Kx, Mork; texts: Flat 1027, Fsk 199, H-Hr 114, HSig 23, MH 58, Mork 20
24
(III 99)
Vol. 2. Oddr kíkinaskáld, 1. Poem about Magnús góði, 2 [Vol. 2, 33] — Okík Magn 2II
Feldu menn, þás mildan,
mǫrg tôr, í grǫf bôru,
þung byrðr vas sú, þengil,
þeim es hann gaf seima;
deilisk hugr, svát heldu
húskarlar grams varla,
siklings þjóð en síðan
sat opt hnípin, vatni.
Skj: Oddr kíkinaskáld: 1. Et digt om Magnus d. gode 2 (AI, 355; BI, 327); (dróttkvætt); ed. KEG; group: A2; mss: 301x, 39, 761bx, E, F, Flat, FskAx, H, Hr, J2x, Kx; texts: Flat 1037, Fsk 200, H-Hr 124, HSig 24, MH 68
25
(III 100)
Vol. 2. Haraldr harðráði Sigurðarson, 2. Lausavísur, 4 [Vol. 2, 46-7] — Hharð Lv 4II
Lôtum vér, meðan lirlar
lín, eik, veri sínum
Gerðr, í Goðnarfirði,
galdr, akkeri halda.
Skj: Haraldr Sigurðarson harðráði: Lausavísur 9 (AI, 358; BI, 330); (dróttkvætt); ed. KEG; group: A2; mss: 301x, 39, 51x, 761bx, E, F, Flat, FskAx, FskBx, H, Hr, J2x, Kx, Mork; texts: Flat 1039, Fsk 201, H-Hr 126, HSig 25, MH 70, Mork 29
26
(III 101)
Vol. 2. Þjóðólfr Arnórsson, 7. Lausavísur, 2 [Vol. 2, 165-6] — ÞjóðA Lv 2II
Sumar annat skal sunnar
(segik eina spô) fleini,
vér aukum kaf króki,
kaldnefr furu halda.
Skj: Þjóðolfr Arnórsson: 4. Lausavísur 11 (AI, 379; BI, 349); (dróttkvætt); ed. DW; group: A2; mss: 301x, 39, 51x, 761bx, E, F, Flat, FskAx, FskBx, H, Hr, J2x, Kx, Mork; texts: Flat 0, Fsk 202, H-Hr 127, HSig 26, Mork 30
27
(III 102)
Vol. 2. Bǫlverkr Arnórsson, Drápa about Haraldr harðráði, 8 [Vol. 2, 293] — Bǫlv Hardr 8II
Leiðangr bjótt af láði
(lǫgr gekk of skip) fǫgru,
gjalfrstóðum reist grœði
glæstum, ár et næsta,
skokkr lá dýrr á døkkri,
Danir vôru þá, bôru,
(skeiðr sá herr fyr hauðri
hlaðnar) illa staðnir.
Skj: Bǫlverkr Arnórsson: Drape om Harald hårdråde 8 (AI, 386-7; BI, 356-7); (dróttkvætt); ed. KEG; group: A2; mss: 301x, 39, A, C, E, F, Flat, FskAx, H, Hr, J2x, Kx, Mork, R, Tx; texts: Flat 1040, Fsk 203, H-Hr 128, HSig 27, MH 71, Mork 31, Skm 357
28
(III 103)
Vol. 2. Anonymous Lausavísur, 2. Lausavísur from Haralds saga Sigurðarsonar, 1about cheese anchors [Vol. 2, 815-16] — Anon (HSig) 1II
Skôru jast ór osti
(eybaugs) Dana meyjar
(þau of ǫngruðu þengil
þing) akkeris-hringa;
nú sér mǫrg í morgin
mær (hlær at því færi)
œrnan krók ór jarni
allvalds skipum halda.
Skj: Anonyme digte om historiske personer og begivenheder [XI]: [7]. Lausavísur 6 (AI, 425-6; BI, 395); (dróttkvætt); ed. KEG; group: A2; mss: 301x, 39, 51x, 761bx, E, F, Flat, FskAx, FskBx, H, Hr, J2x, Kx, Mork; texts: Flat 1041, Fsk 204, H-Hr 129, HSig 28, MH 72, Mork 32
29
(III 104)
Vol. 2. Grani skáld, Poem about Haraldr harðráði, 1 [Vol. 2, 296-7] — Grani Har 1II
Lét aldrigi úti
ósvífr Kraka drífu
Hlǫkk í harða þjokkum
Hornskógi brô þorna;
Fila dróttinn rak flótta
fjanda grams, til strandar
auð varð út at reiða
allskjótt faðir Dóttu.
Skj: Grani skáld: Digt om Harald hårdråde 1 (AI, 387; BI, 357); (dróttkvætt); ed. KEG; group: A2; mss: 301x, 39, E, F, Flat, FskAx, H, Hr, J2x, Kx, Mork; texts: Flat 1042, Fsk 205, H-Hr 130, HSig 29, MH 73, Mork 33
30
(III 105)
Vol. 2. Stúfr inn blindi Þórðarson kattar, Stúfsdrápa, 5 [Vol. 2, 355] — Stúfr Stúfdr 5II
Autt varð Falstr, at fréttum
fekk drótt mikinn ótta,
gœddr varð hrafn, en hræddir
hvert ár Danir vôru.
Skj: Stúfr enn blindi Þórðarson kattar: Stúfsdrápa, Stúfa 5 (AI, 405; BI, 374); (dróttkvætt); ed. KEG; group: A2; mss: 301x, 39, 51x, 761bx, E, F, Flat, FskAx, FskBx, H, Hr, J2x, Kx, Mork; texts: Flat 1043, Fsk 206, H-Hr 132, HSig 30, MH 74, Mork 35
31
(III 106)
Vol. 2. Þorleikr fagri, Flokkr about Sveinn Úlfsson, 2 [Vol. 2, 314-15] — Þfagr Sveinn 2II
Vôn's at vísa kœnan
vígs á Rakna stígum
ǫrt í odda snertu
Innþrœnda lið finni;
þar má enn hvárr annan
ǫndu nemr eða lǫndum
(lítt hyggr Sveinn á sáttir
sjaldfestar) goð valda.
Skj: Þórleikr fagri: En flokk om Sven Ulfssön 2 (AI, 397; BI, 365); (dróttkvætt); ed. KEG; group: B; mss: 301x, 39, 51x, E, F, Flat, FskAx, FskBx, H, Hr, J2x, Kx, Mork; texts: Flat 1044, Fsk 207, H-Hr 133, HSig 31, MH 75, Mork 36
32
(III 107)
Vol. 2. Þorleikr fagri, Flokkr about Sveinn Úlfsson, 3 [Vol. 2, 315-16] — Þfagr Sveinn 3II
Fœrir reiðr, sás rauða
rǫnd hefr opt fyr landi,
breið á Buðla slóðir
borðraukn Haraldr norðan;
en lauks of sæ sœkja
Sveins fagrdrifin steini
glæsidýr, þess's geira,
gollmunnuð, rýðr, sunnan.
Skj: Þórleikr fagri: En flokk om Sven Ulfssön 3 (AI, 397; BI, 366); (dróttkvætt); ed. KEG; group: B; mss: 39, 51x, E, F, Flat, FskBx, H, Hr, J2x, Kx, Mork; texts: Flat 1045, Fsk 0, H-Hr 134, HSig 32, MH 76, Mork 37
33
(III 108)
Vol. 2. Stúfr inn blindi Þórðarson kattar, Stúfsdrápa, 6 [Vol. 2, 355-6] — Stúfr Stúfdr 6II
Flýðu þeir á Þjóðu
þengils fund af stundu;
stórt réð hugprútt hjarta.
Haralds ǫnd ofar lǫndum.
Skj: Stúfr enn blindi Þórðarson kattar: Stúfsdrápa, Stúfa 6 (AI, 405; BI, 374); (dróttkvætt); ed. KEG; group: A2; mss: 301x, 39, 761bx, E, F, Flat, FskAx, H, Hr, J2x, Kx, Mork; texts: Flat 1047, Fsk 212, H-Hr 137, HSig 33, MH 78, Mork 40
34
(III 109)
Vol. 2. Anonymous Lausavísur, 2. Lausavísur from Haralds saga Sigurðarsonar, 2Haraldr harðráði's men [Vol. 2, 816-17] — Anon (HSig) 2II
Brendr vas upp með endum
allr, en þat má kalla
hraustligt bragð es hugðak,
Heiðabœr af reiði;
vôn's at vinnim Sveini
(vask í nótt fyr óttu)
gaus hár logi ór húsum,
harm (á borgar armi).
Skj: Anonyme digte om historiske personer og begivenheder [XI]: [7]. Lausavísur 7 (Menn Haralds 1049 - AI, 426; BI, 396); (dróttkvætt); ed. KEG; group: A2; mss: 301x, 39, 51x, 761bx, E, F, Flat, FskAx, FskBx, H, Hr, J2x, Kx, Mork; texts: Flat 1048, Fsk 213, H-Hr 138, HSig 34, MH 79, Mork 41
35
(III 110)
Vol. 2. Þorleikr fagri, Flokkr about Sveinn Úlfsson, 6 [Vol. 2, 317-18] — Þfagr Sveinn 6II
Hvé hefr til Heiðabœjar
heiptgjarn konungr arnat,
folk-Rǫgnir, getr fregna
fylkis sveit, hinns veitat,
þás til þengils býjar
þarflaust Haraldr austan
ár, þats án of væri,
endr byrskíðum rendi.
Skj: Þórleikr fagri: En flokk om Sven Ulfssön 6 (AI, 398; BI, 366-7); (dróttkvætt); ed. KEG; group: B; mss: 301x, 39, 51x, E, F, Flat, FskAx, FskBx, H, Hr, J2x, Kx, Mork; texts: Flat 1049, Fsk 214, H-Hr 139, HSig 35, MH 80, Mork 42
36
(III 111)
Vol. 2. Þorleikr fagri, Flokkr about Sveinn Úlfsson, 7 [Vol. 2, 319] — Þfagr Sveinn 7II
Bauð, sás baztrar tíðar
borinn varð und Miðgarði,
ríkri þjóð at rjóða
randir Sveinn á landi;
þó lézk heldr, ef heldi
hvatráðr konungr láði,
á byrjar Val berjask
bilstyggr Haraldr vilja.
Skj: Þórleikr fagri: En flokk om Sven Ulfssön 7 (AI, 398; BI, 367); (dróttkvætt); ed. KEG; group: B; mss: 301x, 39, 51x, E, F, Flat, FskAx, FskBx, H, Hr, J2x, Kx, Mork; texts: Flat 1050, Fsk 215, H-Hr 140, HSig 36, MH 81, Mork 43
37
(III 112)
Vol. 2. Þorleikr fagri, Flokkr about Sveinn Úlfsson, 8 [Vol. 2, 320] — Þfagr Sveinn 8II
Alt of frák, hvé elti
austmenn á veg flausta
Sveinn, en siklingr annarr,
snarlundaðr, helt undan;
fengr varð Þrœnda þengils
(þeir létu skip fleiri)
allr á éli sollnu
Jótlands hafi fljóta.
Skj: Þórleikr fagri: En flokk om Sven Ulfssön 8 (AI, 398; BI, 367); (dróttkvætt); ed. KEG; group: B; mss: 301x, 39, 51x, E, F, Flat, FskAx, FskBx, H, Hr, J2x, Kx, Mork; texts: Flat 1051, Fsk 216, H-Hr 141, HSig 37, MH 82, Mork 44
38
(III 113)
Vol. 2. Þorleikr fagri, Flokkr about Sveinn Úlfsson, 9 [Vol. 2, 321] — Þfagr Sveinn 9II
Sætt buðu seggja drótni
siklings vinir mikla,
svǫfðu hjaldr þeirs hǫfðu
hugstinnir lið minna;
ok snarráðir síðan
sókn es orðum tókusk
(ǫnd vas ýta kindum
ófǫl) búendr dvǫlðu.
Skj: Þórleikr fagri: En flokk om Sven Ulfssön 9 (AI, 399; BI, 367); (dróttkvætt); ed. KEG; group: B; mss: 301x, 39, 51x, E, F, Flat, FskAx, FskBx, H, Hr, J2x, Kx, Mork; texts: Flat 1052, Fsk 217, H-Hr 142, HSig 38, MH 83, Mork 45
39
(III 114)
Vol. 2. Þjóðólfr Arnórsson, 4. Sexstefja, 11 [Vol. 2, 123-4] — ÞjóðA Sex 11II
Gegn skyli herr, sem hugnar,
hjaldrvitjaðar sitja,
dolgstœranda dýrum,
dróttinvandr ok standa.
Lýtr folkstara feiti,
fátt's til nema játta
þat sem þá vill gotnum,
þjóð ǫll, konungr bjóða.
Skj: Þjóðolfr Arnórsson: 3. Sexstefja 10 (AI, 371; BI, 341); (dróttkvætt); ed. DW; group: B; mss: 301x, 39, 51x, 570a, E, F, Flat, FskAx, FskBx, H, Hr, J2x, Kx, Mork; texts: Flat 1059(760b), Fsk 232, H-Hr 143, H-Hr 0, 1(7), HSig 39, MH 90, Mork 0
40
(III 115)
Vol. 2. Haraldr harðráði Sigurðarson, 2. Lausavísur, 6 [Vol. 2, 47-8] — Hharð Lv 6II
Hér sék upp enn ǫrva
Einar, þanns kann skeina
þjalfa, þambarskelfi,
þangs, fjǫlmennan ganga;
fullafli bíðr fyllar,
finnk opt at drífr minna,
hilmis stóls, á hæla
húskarla lið jarli.
Skj: Haraldr Sigurðarson harðráði: Lausavísur 11 (AI, 358-9; BI, 330); (dróttkvætt); ed. KEG; group: A2; mss: 301x, 39, 51x, 570a, 761bx, E, F, Flat, FskAx, FskBx, H, Hr, J2x, Kx, R, Tx, U, W; texts: Flat 1054, Fsk 219, H-Hr 144, 2(8), HSig 40, MH 85, Skm 286
41
(III 116)
Vol. 2. Haraldr harðráði Sigurðarson, 2. Lausavísur, 7 [Vol. 2, 48-9] — Hharð Lv 7II
Rjóðandi mun ráða
randa bliks ór landi
oss, nema Einarr kyssi
øxar munn enn þunna.
Skj: Haraldr Sigurðarson harðráði: Lausavísur 12 (AI, 359; BI, 330); (dróttkvætt); ed. KEG; group: A2; mss: 301x, 39, 51x, 570a, 761bx, E, F, Flat, FskAx, FskBx, H, Hr, J2x, Kx; texts: Flat 1053, Fsk 218, H-Hr 145, 3(9), HSig 41, MH 84
42
(III 117)
Vol. 2. Arnórr jarlaskáld Þórðarson, 5. Haraldsdrápa, 1 [Vol. 2, 261-2] — Arn Hardr 1II
Rauð, en rýrt varð síðan,
(rann eldr of sjǫt manna)
frána egg á Fjóni,
Fjónbyggva lið, tyggi.
Skj: Arnórr Þórðarson jarlaskáld: 6. Erfidrápa om kong Harald hårdråde 1 (AI, 349; BI, 322); (dróttkvætt); ed. DW; group: A2; mss: 39, E, F, H, Hr, J2x, Kx; texts: H-Hr 148, HSig 42
43
(III 118)
Vol. 2. Haraldr harðráði Sigurðarson, 2. Lausavísur, 8 [Vol. 2, 49-50] — Hharð Lv 8II
Nú emk ellifu allra
(eggjumk vígs) ok tveggja,
þau eru enn svát mank, manna,
morð, ráðbani orðinn;
ginn en gráleik inna
golls, es ferr með skolli,
lýtendr; kveða lítit
lauki gæft til auka.
Skj: Haraldr Sigurðarson harðráði: Lausavísur 13 (AI, 359; BI, 330-1); (dróttkvætt); ed. KEG; group: A2; mss: 39, 761bx, E, F, H, Hr, J2x, Kx; texts: HSig 43
44
(III 119)
Vol. 2. Anonymous Lausavísur, 2. Lausavísur from Haralds saga Sigurðarsonar, 5Haraldr harðráði's men [Vol. 2, 818-19] — Anon (HSig) 5II
Skrapp ór hǫndum
Haraldr Dǫnum.
Skj: Anonyme digte om historiske personer og begivenheder [XI]: [7]. Lausavísur 10 (AI, 426; BI, 396); (fornyrðislag); ed. KEG; group: A2; mss: E, F, H, Hr, J2x, Kx; texts: H-Hr 150, HSig 44
45
(III 120)
Vol. 2. Þjóðólfr Arnórsson, 5. Stanzas about Haraldr Sigurðarson’s leiðangr, 1 [Vol. 2, 150-1] — ÞjóðA Har 1II
Skeið sák framm at flœði,
fagrt sprund, ór ô hrundit;
kend hvar liggr fyr landi
lǫng súð dreka ens prúða;
orms glóar fax of farmi
fráns, sízt ýtt vas hônum,
bôru búnir svírar
brunnit goll, af hlunni.
Skj: Þjóðolfr Arnórsson: 4. Lausavísur 18 (AI, 381; BI, 351); (dróttkvætt); ed. DW; group: A2; mss: 570a, 761bx, E, F, H, Hr, J2x, Kx; texts: H-Hr 151, 4(24), HSig 45
46
(III 121)
Vol. 2. Þjóðólfr Arnórsson, 5. Stanzas about Haraldr Sigurðarson’s leiðangr, 2 [Vol. 2, 151-2] — ÞjóðA Har 2II
Slyngr laugardag lǫngu
lið-Baldr af sér tjaldi,
út þars ekkjur líta
orms súð ór bœ prúðar;
vestr réð ór Nið næsta
nýri skeið at stýra
ungr, en árar drengja,
allvaldr, í sæ falla.
Skj: Þjóðolfr Arnórsson: 4. Lausavísur 19 (AI, 381; BI, 351); (dróttkvætt); ed. DW; group: A2; mss: 570a, 761bx, E, F, H, Hr, J2x, Kx; texts: H-Hr 152, 5(24), HSig 46
47
(III 122)
Vol. 2. Þjóðólfr Arnórsson, 5. Stanzas about Haraldr Sigurðarson’s leiðangr, 3 [Vol. 2, 152-4] — ÞjóðA Har 3II
Rétt kann rœði slíta
ræsis herr ór verri;
ekkja stendr ok undrask
ára burð sem furðu;
ært mun, snót, áðr sortuð
sæfǫng í tvau ganga,
þǫll leggr, við frið, fyllar
fúr, kleyf, á þat leyfi.
Skj: Þjóðolfr Arnórsson: 4. Lausavísur 20 (AI, 381; BI, 351); (dróttkvætt); ed. DW; group: A2; mss: 570a, 761bx, E, F, H, Hr, J2x, Kx, W; texts: FGT 2, H-Hr 153, 6(25), HSig 47
48
(III 123)
Vol. 2. Þjóðólfr Arnórsson, 5. Stanzas about Haraldr Sigurðarson’s leiðangr, 4 [Vol. 2, 154-5] — ÞjóðA Har 4II
Sorgar veit, áðr slíti
sæfang ór mar strǫngum
herr, þars heldr, til varra,
hár sjau tøgum ára;
Norðmeðr róa naðri
neglðum straum enn heglða
út (es sem) unnar (líti
arnar-væng) með jarni.
Skj: Þjóðolfr Arnórsson: 4. Lausavísur 21 (AI, 381-2; BI, 351-2); (dróttkvætt); ed. DW; group: A2; mss: 570a, 761bx, E, F, H, Hr, J2x, Kx; texts: H-Hr 154, 7(25), HSig 48
49
(III 124)
Vol. 2. Þjóðólfr Arnórsson, 5. Stanzas about Haraldr Sigurðarson’s leiðangr, 5 [Vol. 2, 155-6] — ÞjóðA Har 5II
Eigu skjól und skógi
skafnir snekkju stafnar,
læsir leiðangr vísa
lǫnd herskipa brǫndum;
almenningr liggr innan,
eið láta sér skeiðar
hábrynjaðar hlýja,
hverja vík í skerjum.
Skj: Þjóðolfr Arnórsson: 4. Lausavísur 22 (AI, 382; BI, 352); (dróttkvætt); ed. DW; group: A2; mss: 761bx, E, F, H, Hr, J2x, Kx; texts: H-Hr 155, HSig 49
50
(III 125)
Vol. 2. Þjóðólfr Arnórsson, 5. Stanzas about Haraldr Sigurðarson’s leiðangr, 6 [Vol. 2, 156-7] — ÞjóðA Har 6II
Hléseyjar lemr hôvan
hryngarð konungr barði;
neytir þá til þrautar
þengill snekkju strengja;
eigi's jarni bjúgu
indæll skaði lindis,
gnegr af gaddi digrum
grjót ok veðr en ljótu.
Skj: Þjóðolfr Arnórsson: 4. Lausavísur 23 (AI, 382; BI, 352); (dróttkvætt); ed. DW; group: A2; mss: 761bx, E, F, H, Hr, J2x, Kx; texts: H-Hr 156, HSig 50
51
(III 126)
Vol. 2. Þjóðólfr Arnórsson, 5. Stanzas about Haraldr Sigurðarson’s leiðangr, 7 [Vol. 2, 157-8] — ÞjóðA Har 7II
Haraldr þeysti nú hraustla
helfing sinn at Elfi;
náttar Nóregs dróttinn
nær at landamæri;
gramr á þing við Þumla;
þar's eindagaðr Sveini,
hrafni skyldr, nema haldi,
hans fundr, Danir undan.
Skj: Þjóðolfr Arnórsson: 4. Lausavísur 24 (AI, 382-3; BI, 352); (dróttkvætt); ed. DW; group: A2; mss: 761bx, E, F, H, Hr, J2x, Kx; texts: H-Hr 157, HSig 51
52
(III 127)
Vol. 2. Steinn Herdísarson, 1. Nizarvísur, 1 [Vol. 2, 360-1] — Steinn Nizv 1II
Sagði hitt es hugði
hauklundr vesa mundu,
þar kvað, þengill, eirar
þrotna vôn frá hônum;
heldr kvað hvern várn skyldu
hilmir frægr an vægja
(menn brutu upp) of annan
(ǫll vôpn) þveran falla.
Skj: Steinn Herdísarson: 1. Nizarvísur 1 (AI, 407; BI, 376); (dróttkvætt); ed. KEG; group: A2; mss: 301x, 51x, 570a, 761bx, E, F, Flat, FskAx, FskBx, H, Hr, J2x, Kx, Mork; texts: Flat 1062, Fsk 221, H-Hr 158, 8(26), HSig 52, MH 93, Mork 52
53
(III 128)
Vol. 2. Þjóðólfr Arnórsson, 4. Sexstefja, 13 [Vol. 2, 125] — ÞjóðA Sex 13II
Lét vingjafa veitir
varghollr dreka skolla
lystr fyr leiðangrs brjósti
(liðs oddr vas þat) miðju.
Skj: Þjóðolfr Arnórsson: 3. Sexstefja 12 (AI, 371; BI, 342); (dróttkvætt); ed. DW; group: B; mss: 570a, F, H, Hr, J2x, Kx; texts: H-Hr 160, 9(27), HSig 53
54
(III 129)
Vol. 2. Þjóðólfr Arnórsson, 4. Sexstefja, 14 [Vol. 2, 126-7] — ÞjóðA Sex 14II
Fast bað fylking hrausta
friðvandr jǫfurr (standa
hamalt sýndusk mér) hǫmlur
(hildings vinir) skilda;
ramsyndan lauk rǫndum
ráðandi manndáða
nýtr fyr Nizi útan
naðr, svát hver tók aðra.
Skj: Þjóðolfr Arnórsson: 3. Sexstefja 13 (AI, 371-2; BI, 342); (dróttkvætt); ed. DW; group: B; mss: E, F, H, Hr, J2x, Kx, papp18x; texts: H-Hr 161, HSig 54
55
(III 130)
Vol. 2. Steinn Herdísarson, 2. Úlfsflokkr, 1 [Vol. 2, 366-7] — Steinn Úlffl 1II
Hét á oss, þás úti,
Ulfr (hákesjur skulfu)
róðr vas greiddr á grœði,
grams stallari, alla;
vel bað skip með skylja
skeleggjaðr framm leggja
sitt, en seggir jôttu,
snjalls landreka spjalli.
Skj: Steinn Herdísarson: 2. Ulfsflokkr (AI, 409; BI, 378); (dróttkvætt); ed. KEG; group: A2; mss: 301x, 51x, 570a, 761bx, E, F, Flat, FskAx, FskBx, H, Hr, J2x, Kx, Mork; texts: Flat 1064, Fsk 223, H-Hr 162, 10(27), HSig 55, MH 95, Mork 54
56
(III 131)
Vol. 2. Steinn Herdísarson, 1. Nizarvísur, 2 [Vol. 2, 361] — Steinn Nizv 2II
Hætti hersa dróttinn
hugstrangr, skipa langra
hinns með halft beið annat
hundrað Dana fundar;
næst vas þats réð rísta
reiðr atseti Hleiðrar
þangs láð mǫrum þingat
þrimr hundruðum sunda.
Skj: Steinn Herdísarson: 1. Nizarvísur 2 (AI, 407-8; BI, 376-7); (dróttkvætt); ed. KEG; group: A2; mss: 301x, 39, 51x, 761bx, E, F, Flat, FskAx, FskBx, H, Hr, J2x, Kx, Mork; texts: Flat 1063, Fsk 222, H-Hr 159, HSig 56, MH 94, Mork 53
57
(III 132)
Vol. 2. Steinn Herdísarson, 1. Nizarvísur, 3 [Vol. 2, 362] — Steinn Nizv 3II
Vann fyr móðu mynni
meinfœrt Haraldr Sveini;
varð, þvít vísi gerðit,
viðrnám, friðar biðja;
herðu hjǫrvi gyrðir
Halland jǫfurs spjallar
(heit blés und) fyr útan
atróðr (á sæ blóði).
Skj: Steinn Herdísarson: 1. Nizarvísur 3 (AI, 408; BI, 377); (dróttkvætt); ed. KEG; group: A2; mss: 39, 761bx, E, F, H, Hr, J2x, Kx; texts: H-Hr 163, HSig 57
58
(III 133)
Vol. 2. Steinn Herdísarson, 1. Nizarvísur, 4 [Vol. 2, 362-3] — Steinn Nizv 4II
Nýtr bað skjǫldungr skjóta
(skamt vas liðs á miðli)
hlífar-styggr ok hǫggva
hvárr tveggja lið seggja;
bæði fló, þás blóði
brandr hrauð af sér rauðu
(þat brá feigra flotna
fjǫrvi) grjót ok ǫrvar.
Skj: Steinn Herdísarson: 1. Nizarvísur 4 (AI, 408; BI, 377); (dróttkvætt); ed. KEG; group: A2; mss: 39, 761bx, E, F, H, Hr, J2x, Kx; texts: H-Hr 164, HSig 58
59
(III 134)
Vol. 2. Þjóðólfr Arnórsson, 4. Sexstefja, 15 [Vol. 2, 127-8] — ÞjóðA Sex 15II
Alm dró upplenzkr hilmir
alla nôtt; enn snjalli
hremsur lét á hvítar
hlífr landreki drífa;
búandmǫnnum smó benjar
blóðugr oddr, þars stóðu
(flugr óx) fylkis (vigra)
Finna gjǫld í skjǫldum.
Skj: Þjóðolfr Arnórsson: 3. Sexstefja 14 (AI, 372; BI, 342); (dróttkvætt); ed. DW; group: B; mss: 301x, 39, 51x, E, F, Flat, FskAx, FskBx, H, Hr, J2x, Kx, Mork; texts: Flat 1065, Fsk 224, H-Hr 165, HSig 59, MH 96, Mork 55
60
(III 135)
Vol. 2. Arnórr jarlaskáld Þórðarson, 5. Haraldsdrápa, 4 [Vol. 2, 264-5] — Arn Hardr 4II
Gekkat Sveinn af snekkju
saklaust enn forhrausti
(malmr kom harðr við hjalma)
hugi minn es þat, sinni;
fars-kostr hlaut at fljóta
fljótmælts vinar Jóta,
áðr an ǫðlingr flœði,
auðr, frá verðung dauðri.
Skj: Arnórr Þórðarson jarlaskáld: 6. Erfidrápa om kong Harald hårdråde 4 (AI, 349-50; BI, 322); (dróttkvætt); ed. DW; group: A2; mss: 39, E, F, Flat, H, Hr, J2x, Kx, Mork; texts: Flat 1070, H-Hr 169, HSig 60, MH 101, Mork 61
61
(III 136)
Vol. 2. Þjóðólfr Arnórsson, 4. Sexstefja, 17 [Vol. 2, 130-1] — ÞjóðA Sex 17II
Sogns kóðu gram gegnan
glæst sjau tøgu et fæsta
senn á svipstund einni
Sveins þjóðar skip hrjóða.
Skj: Þjóðolfr Arnórsson: 3. Sexstefja 16 (AI, 372; BI, 342-3); (dróttkvætt); ed. DW; group: B; mss: 301x, 39, 51x, E, F, Flat, FskAx, FskBx, H, Hr, J2x, Kx, Mork; texts: Flat 1067, Fsk 227, H-Hr 170, HSig 61, MH 98, Mork 58
62
(III 137)
Vol. 2. Þjóðólfr Arnórsson, 4. Sexstefja, 18 [Vol. 2, 131-3] — ÞjóðA Sex 18II
Sveinn át sigr at launa
sex, þeim es hvǫt vexa,
innan eina gunni,
ǫrleiks, Dana jǫrlum;
varð, sás vildit forða,
vígbjartr, snǫru hjarta,
í fylkingu fenginn
Fiðr Árna sonr miðri.
Skj: Þjóðolfr Arnórsson: 3. Sexstefja 17 (AI, 373; BI, 343); (dróttkvætt); ed. DW; group: B; mss: 302x, 39, 51x, E, F, Flat, FskAx, FskBx, H, Hr, J2x, Kx, Mork; texts: Flat 1071, Fsk 228, H-Hr 171, HSig 62, MH 102, Mork 62
63
(III 138)
Vol. 2. Halli stirði, Flokkr, 1 [Vol. 2, 338-9] — Halli XI Fl 1II
Norðr lykr gramr, sás gerðir
grund, frá Eyrarsundi
(hrafngœlir sparn hæli
hǫfn langskipa) stǫfnum;
rísta golli glæstir
gjalfr, en hlýður skjalfa,
hvast und her fyr vestan
Hallandi framm brandar.
Skj: Halli stirði: Flokkr 1 (AI, 401; BI, 370); (dróttkvætt); ed. RGP; group: A2; mss: 39, E, F, H, Hr, J2x, Kx; texts: H-Hr 172, HSig 63
64
(III 139)
Vol. 2. Halli stirði, Flokkr, 2 [Vol. 2, 339-40] — Halli XI Fl 2II
Gerðir opt fyr jǫrðu
eiðfastr Haraldr skeiðum;
Sveinn skerr ok til annars
eysund konungs fundar;
út hefra lið lítit
lofsnjallr Dana allra,
hinn es hvern vág sunnan,
hrafngrennir, lykr stǫfnum.
Skj: Halli stirði: Flokkr 2 (AI, 401; BI, 370); (dróttkvætt); ed. RGP; group: A2; mss: 39, E, F, H, Hr, J2x, Kx; texts: H-Hr 173, HSig 64
65
(III 140)
Vol. 2. Halli stirði, Flokkr, 3 [Vol. 2, 340-1] — Halli XI Fl 3II
Sýstuð suðr, þars æstu,
snjallr gramr, Danir allir,
enn (sék eigi minni
efni) mæltrar stefnu;
Sveinn tekr norðr at nenna
nær til landamæris
(varð fyr víðri jǫrðu
vinnsamt) Harald finna.
Skj: Halli stirði: Flokkr 3 (AI, 402; BI, 370); (dróttkvætt); ed. RGP; group: A2; mss: 39, E, F, H, Hr, J2x, Kx; texts: H-Hr 174, HSig 65
66
(III 141)
Vol. 2. Halli stirði, Flokkr, 4 [Vol. 2, 341-2] — Halli XI Fl 4II
Telja hátt, es hittask,
hvartveggja mjǫk, seggir,
orð, þaus angra fyrða
allmjǫk, búendr snjallir;
láta þeir, es þreyta,
þegnar, alt í gegnum
(svellr ofrhugi jǫfrum),
eigi brátt við sôttum.
Skj: Halli stirði: Flokkr 4 (AI, 402; BI, 371); (dróttkvætt); ed. RGP; group: A2; mss: 39, E, F, H, Hr, J2x, Kx; texts: H-Hr 175, HSig 66
67
(III 142)
Vol. 2. Halli stirði, Flokkr, 5 [Vol. 2, 342] — Halli XI Fl 5II
Ofreiði verðr jǫfra
allhætt, ef skal sættask;
menn, þeirs miðla kunnu,
môl ǫll vega í skôlum;
dugir siklingum segja
slíkt alt, es her líkar,
veldr, ef verr skulu hǫlðar,
vili girnðar því, skiljask.
Skj: Halli stirði: Flokkr 5 (AI, 402; BI, 371); (dróttkvætt); ed. RGP; group: A2; mss: 39, E, F, H, Hr, J2x, Kx; texts: H-Hr 176, HSig 67
68
(III 143)
Vol. 2. Halli stirði, Flokkr, 6 [Vol. 2, 342-3] — Halli XI Fl 6II
Hitt hefk heyrt, at settu
Haraldr ok Sveinn við meinum
(góð sýsl vas þat) gísla
glaðr hvárr tveggja ǫðrum;
þeir haldi svá sœrum
(sôtt lauksk þar með vôttum)
ok ǫllum frið fullum,
ferð at hvárgi skerði.
Skj: Halli stirði: Flokkr 6 (AI, 402; BI, 371); (dróttkvætt); ed. RGP; group: A2; mss: 39, E, F, H, Hr, J2x, Kx; texts: H-Hr 177, HSig 68
69
(III 144)
Vol. 2. Þjóðólfr Arnórsson, 7. Lausavísur, 9 [Vol. 2, 173-4] — ÞjóðA Lv 9II
Ǫld es, sús jarli skyldi
ógnteitum lið veita,
(sterkr olli því stillir)
Steinkels gefin helju;
en þvít illa reynðisk
afls-vôn þaðan hônum,
fyrir lét Hôkon hǫrfa
hvatt, segr hinn's þat fegrir.
Skj: Þjóðolfr Arnórsson: 4. Lausavísur 25 (AI, 383; BI, 352-3); (dróttkvætt); ed. DW; group: A2; mss: 39, 761bx, E, F, Flat, H, Hr, J2x, Kx, Mork; texts: Flat 1073, H-Hr 178, HSig 69, MH 104, Mork 64
70
(III 145)
Vol. 2. Þjóðólfr Arnórsson, 4. Sexstefja, 21 [Vol. 2, 135-6] — ÞjóðA Sex 21II
Tók Holmbúa hneykir
harðan taum við Rauma;
þar hykk fast ens frœkna
fylking Haralds gingu;
eldr vas gǫrr at gjaldi;
gramr réð, en þá téði
hár í hóf at fœra
hrótgarmr búendr arma.
Skj: Þjóðolfr Arnórsson: 3. Sexstefja 20 (AI, 373-4; BI, 343-4); (dróttkvætt); ed. DW; group: B; mss: 301x, 39, 51x, E, F, Flat, FskAx, FskBx, H, Hr, J2x, Kx, Mork; texts: Flat 1057, Fsk 230, H-Hr 181, HSig 70, MH 88, Mork 48
71
(III 146)
Vol. 2. Þjóðólfr Arnórsson, 4. Sexstefja, 22 [Vol. 2, 136-7] — ÞjóðA Sex 22II
Gagn brann greypra þegna,
glóð varð fǫst í tróði;
laust hertoga hristir
Heina illum steini;
lífs bôðu sér lýðir,
logi þingaði Hringum
nauðgan dóm, áðr næmisk
niðrfall Hôalfs galla.
Skj: Þjóðolfr Arnórsson: 3. Sexstefja 21 (AI, 374; BI, 344); (dróttkvætt); ed. DW; group: B; mss: 301x, 39, 51x, E, F, Flat, FskAx, FskBx, H, Hr, J2x, Kx, Mork; texts: Flat 1058, Fsk 231, H-Hr 182, HSig 71, MH 89, Mork 49
72
(III 147)
Vol. 2. Þjóðólfr Arnórsson, 4. Sexstefja, 23 [Vol. 2, 137-8] — ÞjóðA Sex 23II
Fœrði fylkir Hǫrða,
friðr namsk ár et þriðja
(rend bitu stôl fyr strǫndu)
starf til króks, at hvarfi.
Skj: Þjóðolfr Arnórsson: 3. Sexstefja 22 (AI, 374; BI, 344); (dróttkvætt); ed. DW; group: B; mss: 301x, 39, 51x, E, F, Flat, FskAx, FskBx, H, Hr, J2x, Kx, Mork; texts: Flat 1072, Fsk 233, H-Hr 183, HSig 72, MH 103, Mork 63
73
(III 148)
Vol. 2. Þjóðólfr Arnórsson, 4. Sexstefja, 19 [Vol. 2, 133] — ÞjóðA Sex 19II
Nú's of verk, þaus vísi,
vandmælt, svát af standisk,
auðan plóg at eiga
Upplendingum kendi;
sér hefr svá langs tírar
svinns, at æ mun vinnask,
þríu missari þessi
þengils hǫfuð fengit.
Skj: Þjóðolfr Arnórsson: 3. Sexstefja 18 (AI, 373; BI, 343); (dróttkvætt); ed. DW; group: B; mss: 39, E, F, H, Hr, J2x, Kx; texts: H-Hr 184, HSig 73
74
(III 149)
Vol. 2. Úlfr stallari Óspaksson, Lausavísa, 1 [Vol. 2, 348-9] — Úlfr Lv 1II
Esa stǫllurum stillis
stafnrúm Haralds (jafnan
ónauðigr fæk auðar)
innan þǫrf at hvarfa,
ef, hǫrbrekka, hrøkkva,
hrein, skulu tveir fyr einum
(ungr kendak mér) undan
(annat) þingamanni.
Skj: Ulfr stallari: En lausavísa (AI, 403; BI, 372); (dróttkvætt); ed. KEG; group: A2; mss: 39, 761bx, E, F, Flat, H, Hr, J2x, Kx, Mork, papp18x; texts: Flat 1080, H-Hr 199, HSig 74, MH 111, Mork 79
75
(III 150)
Vol. 2. Anonymous Lausavísur, 2. Lausavísur from Haralds saga Sigurðarsonar, 6 [Vol. 2, 819-20] — Anon (HSig) 6II
Víst's at allvaldr austan
eggjask vestr at leggja
mót við marga knútu
(minn snúðr es þat) prúða;
kná valþiðurr velja,
veit œrna sér beitu,
steik af stillis haukum
stafns; fylgik því jafnan.
Skj: Anonyme digte om historiske personer og begivenheder [XI]: [8]. Drömme- og varselsvers 8 (AI, 429-30; BI, 400); (dróttkvætt); ed. KEG; group: A2; mss: 326bx, 39, 761bx, E, F, Flat, H, Hb, Hr, J2x, Kx, Mork; texts: Flat 1082, H-Hr 200, Hem 0, HSig 75, MH 113, Mork 81
76
(III 151)
Vol. 2. Anonymous Lausavísur, 2. Lausavísur from Haralds saga Sigurðarsonar, 8 [Vol. 2, 821-2] — Anon (HSig) 8II
Skœð lætr skína rauðan
skjǫld, es dregr at hjaldri;
brúðr sér Aurnis jóða
ófǫr konungs gǫrva;
sviptir sveiflandkjapta
svanni holdi manni;
ulfs munn litar innan
óðlót kona blóði (gentages).
Skj: Anonyme digte om historiske personer og begivenheder [XI]: [8]. Drömme- og varselsvers 10 (AI, 430; BI, 400); (dróttkvætt); ed. KEG; group: A2; mss: 301x, 326bx, 39, 761bx, E, F, Flat, FskAx, H, Hb, Hr, J2x, Kx, Mork; texts: Flat 1081, Fsk 235, H-Hr 201, Hem 0, HSig 76, MH 112, Mork 80
77
(III 152)
Vol. 2. Anonymous Lausavísur, 2. Lausavísur from Haralds saga Sigurðarsonar, 9 [Vol. 2, 822-3] — Anon (HSig) 9II
Gramr vá frægr til fremðar
flestan sigr enn digri;
hlautk, þvít heima sótum,
heilagt fall til vallar;
uggik enn, at, tyggi,
yðr myni feigð of byrjuð;
trolls gefið fókum fyllar
fíks; veldra goð slíku.
Skj: Anonyme digte om historiske personer og begivenheder [XI]: [8]. Drömme- og varselsvers 11 (AI, 430-1; BI, 400-1); (dróttkvætt); ed. KEG; group: A2; mss: 301x, 326bx, 39, 61, 761bx, 972x, Bb, E, F, Flat, FskAx, H, Holm2, Hr, J2x, Kx, Mork, Tóm; texts: Flat 1083, Fsk 234, H-Hr 202, Hem 0, HSig 77, MH 114, Mork 82, ÓH 216(211)
78
(III 153)
Vol. 2. Steinn Herdísarson, 3. Óláfsdrápa, 1 [Vol. 2, 368-9] — Steinn Óldr 1II
Þjóð fórsk mǫrg í móðu,
menn druknuðu suknir;
drengr lá ár of ungan
ófár Mǫrukára;
Fila dróttinn rak flótta
framr, tók herr á ramri
rôs fyr rǫskum vísa.
Ríklundaðr veit undir.
Skj: Steinn Herdísarson: 3. Óláfsdrápa 4 (AI, 410; BI, 379); (dróttkvætt); ed. KEG; group: B; mss: 301x, 39, 761bx, E, F, Flat, FskAx, H, Hr, J2x, Kx, Mork; texts: Flat 1084, Fsk 236, H-Hr 207, HSig 78, MH 115, Mork 83
79
(III 154)
Vol. 2. Anonymous Poems, 1. Haraldsstikki, 1Haraldstikki [Vol. 2, 807-8] — Anon Harst 1II
Lôgu fallnir
í fen ofan
Valþjófs liðar
vôpnum hǫggnir,
svát gunnhvatir
ganga môttu
Norðmenn yfir
at nôum einum.
Skj: Anonyme digte om historiske personer og begivenheder [XI]: [5]. Haraldsstikki (AI, 424; BI, 394); (fornyrðislag); ed. MT; group: A2; mss: 39, 761bx, E, F, H, Hr, J2x, Kx; texts: H-Hr 208, HSig 79
80
(III 155)
Vol. 2. Haraldr harðráði Sigurðarson, 2. Lausavísur, 13 [Vol. 2, 54-5] — Hharð Lv 13II
Framm gǫngum vér
í fylkingu
brynjulausir
und bláar eggjar;
hjalmar skína,
hefkat mína;
nú liggr skrúð várt
at skipum niðri.
Skj: Haraldr Sigurðarson harðráði: Lausavísur 18 (AI, 360; BI, 332); (fornyrðislag); ed. KEG; group: A2; mss: 301x, 326bx, 761bx, E, F, Flat, FskAx, H, Hb, Hr, J2x, Kx, Mork; texts: Flat 1093, Fsk 237, H-Hr 212, Hb 0, HSig 80, MH 124, Mork 92
81
(III 156)
Vol. 2. Haraldr harðráði Sigurðarson, 2. Lausavísur, 14 [Vol. 2, 55-6] — Hharð Lv 14II
Krjúpum vér fyr vápna
(valteigs) brǫkun eigi
(svá bauð Hildr) at hjaldri
(haldorð) í bug skjaldar;
hátt bað mik, þars mœttisk,
menskorð bera forðum,
hlakkar íss ok hausar,
hjalmstall í gný malma.
Skj: Haraldr Sigurðarson harðráði: Lausavísur 19 (AI, 360-1; BI, 332); (dróttkvætt); ed. KEG; group: A2; mss: 326bx, 761bx, E, F, Flat, FskAx, H, Hb, Hr, J2x, Kx, Mork; texts: Flat 1094, Fsk 238, H-Hr 213, Hb 0, HSig 81, MH 125, Mork 93
82
(III 157)
Vol. 2. Þjóðólfr Arnórsson, 7. Lausavísur, 10 [Vol. 2, 174-5] — ÞjóðA Lv 10II
Skalka frá, þótt fylkir
falli sjalfr til vallar,
(gengr sem goð vill) ungum
grams erfingjum hverfa;
skínnat sól á sýnni,
snarráðs, an þá báða,
Haralds eru haukar gǫrvir
hefnendr, konungs-efni.
Skj: Þjóðolfr Arnórsson: 4. Lausavísur 26 (AI, 383; BI, 353); (dróttkvætt); ed. DW; group: A2; mss: 301x, 761bx, E, F, Flat, FskAx, H, Hr, J2x, Kx, Mork; texts: Flat 1092, Fsk 239, H-Hr 214, HSig 82, MH 123, Mork 91
83
(III 158)
Vol. 2. Arnórr jarlaskáld Þórðarson, 5. Haraldsdrápa, 11 [Vol. 2, 272-3] — Arn Hardr 11II
Hafðit brjóst, né bifðisk
bǫðsnart konungs hjarta,
í hjalmþrimu hilmir
hlítstyggr fyr sér lítit,
þars til þengils hersa
þat sá herr, at skatna
blóðugr hjǫrr ens barra
beit dǫglinga hneitis.
Skj: Arnórr Þórðarson jarlaskáld: 6. Erfidrápa om kong Harald hårdråde 14 (AI, 352; BI, 324-5); (dróttkvætt); ed. DW; group: A2; mss: 301x, E, F, Flat, FskAx, H, Hr, J2x, Kx, Mork; texts: Flat 1096, Fsk 241, H-Hr 216, HSig 83, MH 127, Mork 95
84
(III 159)
Vol. 2. Þjóðólfr Arnórsson, 7. Lausavísur, 11 [Vol. 2, 175-6] — ÞjóðA Lv 11II
Ǫld hefr afráð goldit
ilt, nú kveðk her stiltan,
bauð þessa fǫr þjóðum
þarflaust Haraldr austan;
svá lauk siklings ævi
snjalls, at vér rom allir
(lofðungr beið enn leyfði
lífs grand) í stað vǫndum.
Skj: Þjóðolfr Arnórsson: 4. Lausavísur 27 (AI, 383; BI, 353); (dróttkvætt); ed. DW; group: A2; mss: 301x, 326bx, 744x, 761bx, A, B, C, E, F, Flat, FskAx, H, Hb, Hr, J2x, Kx, Mork, R, Tx, U; texts: Flat 1098, Fsk 243, H-Hr 218, Hb 0, HSig 84, MH 129, Mork 97, Skm 410
85
(III 160)
Vol. 2. Arnórr jarlaskáld Þórðarson, 5. Haraldsdrápa, 13 [Vol. 2, 274-5] — Arn Hardr 13II
Eigi varð ens œgja
auðligr konungs dauði;
hlífðut hlenna svæfi
hoddum roðnir oddar;
heldr kuru meir ens milda
mildings, an grið vildi,
of folksnaran fylki
falla liðsmenn allir.
Skj: Arnórr Þórðarson jarlaskáld: 6. Erfidrápa om kong Harald hårdråde 15 (AI, 352; BI, 325); (dróttkvætt); ed. DW; group: A2; mss: 301x, E, F, Flat, FskAx, H, Hr, J2x, Kx, Mork; texts: Flat 1097, Fsk 242, H-Hr 219, HSig 85, MH 128, Mork 96
86
(III 161)
Vol. 2. Þorkell Skallason, Valþjófsflokkr, 1 [Vol. 2, 382-3] — ÞSkall Valfl 1II
Hundrað lét í heitum
hirðmenn jǫfurs brenna
sóknar Yggr, en seggjum
sviðukveld vas þat, eldi;
frétt's at fyrðar knôttu
flagðviggs und kló liggja;
ímleitum feksk áta
óls blakk við hræfrakka.
Skj: Þórkell Skallason: Valþjófsflokkr 1 (AI, 414; BI, 338); (dróttkvætt); ed. KEG; group: A2; mss: E, F, H, Hr, J2x, Kx; texts: HSig 86
87
(III 162)
Vol. 2. Þorkell Skallason, Valþjófsflokkr, 2 [Vol. 2, 383-4] — ÞSkall Valfl 2II
Víst hefr Valþjóf hraustan
Viljalmr, sás rauð malma,
hinn es haf skar sunnan
hélt í tryggð of véltan;
satt's at síð mun létta,
snarr en minn vas harri
(deyrat mildingr mærri)
manndráp á Englandi.
Skj: Þórkell Skallason: Valþjófsflokkr 2 (AI, 414; BI, 384); (dróttkvætt); ed. KEG; group: A2; mss: 301x, E, F, FskAx, H, Hr, J2x, Kx, NRA51; texts: Fsk 247, H-Hr 224, HSig 87
88
(III 163)
Vol. 2. Þjóðólfr Arnórsson, 4. Sexstefja, 24 [Vol. 2, 138] — ÞjóðA Sex 24II
Áræðis naut eyðir
aldyggr Selundbyggva;
hugr ræðr hǫlfum sigri,
Haraldr sannar þat, manna.
Skj: Þjóðolfr Arnórsson: 3. Sexstefja 23 (AI, 374; BI, 344); (dróttkvætt); ed. DW; group: B; mss: 39, E, F, H, Hr, J2x, Kx; texts: H-Hr 227, HSig 88
89
(III 164)
Vol. 2. Þjóðólfr Arnórsson, 4. Sexstefja, 25 [Vol. 2, 138-9] — ÞjóðA Sex 25II
Refsir reyndan ofsa
ráðgegn Haraldr þegnum;
hykk at hilmis rekkar
haldi upp, því's valda;
sverðs hafa slíkar byrðar
(sanns nýtr hverr við annan)
Haraldr skiptir svá heiptum,
hljótendr es sér brjóta.
Skj: Þjóðolfr Arnórsson: 3. Sexstefja 24 (AI, 375; BI, 344-5); (dróttkvætt); ed. DW; group: B; mss: 39, E, F, H, Hr, J2x, Kx, papp18x; texts: H-Hr 228, HSig 89
90
(III 165)
Vol. 2. Þjóðólfr Arnórsson, 4. Sexstefja, 26 [Vol. 2, 139-40] — ÞjóðA Sex 26II
Mǫrk lét veitt fyr verka
vekjandi mér snekkju
(hann lætr hylli sinnar)
hjaldrs (tilgørðir valda).
Skj: Þjóðolfr Arnórsson: 3. Sexstefja 26 (AI, 375; BI, 345); (dróttkvætt); ed. DW; group: B; mss: 39, E, F, H, Hr, J2x, Kx; texts: H-Hr 229, HSig 90
91
(III 166)
Vol. 2. Anonymous Lausavísur, 3. Lausavísur from Óláfs saga kyrra, 1 [Vol. 2, 824] — Anon (Ólkyrr) 1II
Varði ógnar-orðum
Áleifr ok friðmôlum
jǫrð, svát engi þorði
allvalda til kalla.
Skj: Anonyme digte om historiske personer og begivenheder [XI]: [7]. Lausavísur 11 (AI, 426-7; BI, 396); (dróttkvætt); ed. KEG; group: A2; mss: 39, 761bx, Ágr, E, F, H, Hr, J2x, Kx, Mork; texts: Ágr 5, H-Hr 234, HSig 91, Mork 112
92
(III 167)
Vol. 2. Steinn Herdísarson, 3. Óláfsdrápa, 7 [Vol. 2, 373-4] — Steinn Óldr 7II
Sín óðul mun Sveini
sóknstrangr í Kaupangi,
þars heilagr gramr hvílir,
(hann's ríkr) jǫfurr banna;
ætt sinni mun unna
Áleifr konungr hála
(Ulfs þarfat þar arfi)
alls Nóregs (til kalla).
Skj: Steinn Herdísarson: 3. Óláfsdrápa 10 (AI, 411; BI, 381); (dróttkvætt); ed. KEG; group: B; mss: 301x, 39, 42x, 51x, 761bx, E, F, FskAx, FskBx, H, Hr, J2x, Kx, Mork; texts: Fsk 248, H-Hr 232, HSig 92, Mork 104
© Skaldic Project Academic Body, unless otherwise noted. Database structure and interface developed by Tarrin Wills. All users of material on this database are reminded that its content may be either subject to copyright restrictions or is the property of the custodians of linked databases that have given permission for members of the skaldic project to use their material for research purposes. Those users who have been given access to as yet unpublished material are further reminded that they may not use, publish or otherwise manipulate such material except with the express permission of the individual editor of the material in question and the General Editor of the volume in which the material is to be published. Applications for permission to use such material should be made in the first instance to the General Editor of the volume in question. All information that appears in the published volumes has been thoroughly reviewed. If you believe some information here is incorrect please contact Tarrin Wills with full details.