Skaldic Poetry of the Scandinavian Middle Ages

login: password: stay logged in: help

verses in Hákonar saga góða

1
(I 60)
Vol. 1. 15. Glúmr Geirason, 2. Gráfeldardrápa, 2 [Vol. 1, 249] — Glúmr Gráf 2I
Hafði fǫr til ferju
fróðr Skáneyjar góða
blakkríðandi bakka
barnungr þaðan farma;
rógeisu vann ræsir
ráðvandr á Skotlandi
sendan seggja kindar
sverðbautinn her Gauti.
Skj: Glúmr Geirason: 1. Kvad om Erik blodøkse 2 (AI, 75; BI, 65-6); (dróttkvætt); ed. DW; group: A1; mss: 61, Bb, F, Flat, J1x, J2x, Kx; texts: Flat 187(5), HákGóð 1, ÓT 4
2
(I 61)
Vol. 1. 15. Glúmr Geirason, 2. Gráfeldardrápa, 3 [Vol. 1, 251] — Glúmr Gráf 3I
Dolgeisu rak dísar,
drótt kom mǫrg á flótta,
gumna vinr at gamni
gjóðum írskar þjóðir;
foldar rauð ok feldi
Freyr í manna dreyra
sverð, vas sigr of orðinn,
seggi mækis eggjar.
Skj: Glúmr Geirason: 2. Gráfeldardrápa 2 (AI, 75-6; BI, 66); (dróttkvætt); ed. AF; group: A1; mss: 61, Bb, F, Flat, J1x, J2x, Kx; texts: Flat 188(6), HákGóð 2, ÓT 5
3
(I 62)
Vol. 1. 12. Guthormr sindri, Hákonardrápa, 1 [Vol. 1, 157] — Gsind Hákdr 1I
Bifrauknum trað bekkjar
blárǫst konungr ára;
mætr hlóð mildingr Jótum
mistar vífs í drífu;
svangœðir rak síðan,
sótti, Jalfaðs flótta,
hrókr giljaðar hylja
hrafnvíns at mun sínum.
Skj: Goþþormr sindri: Hákonardrápa 1 (AI, 61-2; BI, 55); (dróttkvætt); ed. RGP; group: A2; mss: 61, Bb, F, Flat, J1x, J2x, Kx; texts: Flat 189(7), HákGóð 3, ÓT 6
4
(I 63)
Vol. 1. 12. Guthormr sindri, Hákonardrápa, 7 [Vol. 1, 166] — Gsind Hákdr 7I
Almdrógar varð œgis
opt sinn (en ek þess minnumk)
barma ǫld fyr Baldri
bensíks vita ríkis;
bǫðsœkir helt bríkar,
brœðr, sínum, ok flœðu
undan, allar kindir
Eireks, á haf snekkjum.
Skj: Goþþormr sindri: Hákonardrápa 7 (AI, 63; BI, 56); (dróttkvætt); ed. RGP; group: A2; mss: 325IX 1 a, 39, 53, 61, Bb, F, J1x, J2x, Kx; texts: HákGóð 4, HákGóð 11, ÓT 13
5
(I 64)
Vol. 1. 12. Guthormr sindri, Hákonardrápa, 3 [Vol. 1, 161] — Gsind Hákdr 3I
Selund náði þá síðan
sóknheggr und sik leggja
vals ok Vinða frelsi
víð Skáneyjar síðu.
Skj: Goþþormr sindri: Hákonardrápa 3 (AI, 62; BI, 55); (dróttkvætt); ed. RGP; group: A2; mss: 61, Bb, F, Flat, J1x, J2x, Kx; texts: Flat 191(9), HákGóð 5, ÓT 8
6
(I 65)
Vol. 1. 12. Guthormr sindri, Hákonardrápa, 4 [Vol. 1, 162] — Gsind Hákdr 4I
Skattgilda vann skyldir
skautjalfaðar Gauta;
gollskýflir vann gjǫflastr
geirveðr í fǫr þeiri.
Skj: Goþþormr sindri: Hákonardrápa 4 (AI, 62; BI, 55); (dróttkvætt); ed. RGP; group: A2; mss: 61, Bb, F, Flat, J1x, J2x, Kx; texts: Flat 192(10), HákGóð 6, ÓT 9
7
(I 66)
Vol. 1. 12. Guthormr sindri, Hákonardrápa, 5 [Vol. 1, 163] — Gsind Hákdr 5I
Ok sóknhattar setti
svellrjóðr at því fljóði
Ónars, eiki grónu,
austr geðbœti hraustan,
þann es áðr frá Írum
íðvandr of kom skíðum
salbrigðandi Sveigðis
svanvangs liði þangat.
Skj: Goþþormr sindri: Hákonardrápa 5 (AI, 62-3; BI, 55-6); (dróttkvætt); ed. RGP; group: A2; mss: 61, Bb, F, Flat, J1x, J2x, Kx; texts: Flat 193(11), HákGóð 7, ÓT 10
8
(I 67)
Vol. 1. 15. Glúmr Geirason, 2. Gráfeldardrápa, 4 [Vol. 1, 252] — Glúmr Gráf 4I
Austrlǫndum fórsk undir
allvaldr, sás gaf skǫldum,
(hann fekk gagn at gunni)
gunnhǫrga, slǫg, mǫrgum;
slíðrtungur lét syngva
sverðleiks reginn, ferðir
sendi gramr at grundu
gollvarpaða, snarpar.
Skj: Glúmr Geirason: 2. Gráfeldardrápa 3 (AI, 76; BI, 66); (dróttkvætt); ed. AF; group: A1; mss: 61, Bb, F, Flat, J1x, J2x, Kx; texts: Flat 194(12), HákGóð 8, ÓT 11
9
(I 68)
Vol. 3. Kormákr Ǫgmundarson (biog. vol. 5), 1. Sigurðardrápa, 6 [Vol. 3, 283] — KormǪ Sigdr 6III
Hafit maðr ask né eskis
afspring með sér þingat
fésæranda at fœra
fats; véltu goð Þjatsa;
hver myni vés við valdi
vægi kind of bægjask;
því fúr-Rǫgnir fagnar
fens; vá Gramr til menja.
Skj: Kormákr Ǫgmundarson: 1. Sigurðardrápa 6 (AI, 80; BI, 69-70); (dróttkvætt); ed. EM; group: B; mss: 761bx, F, J1x, J2x, Kx; texts: HákGóð 9
10
(I 69)
Vol. 1. 12. Guthormr sindri, Hákonardrápa, 6 [Vol. 1, 164] — Gsind Hákdr 6I
Valþagnar lét vegnum
vígnestr saman bresta
handar vafs of hǫfðum
hlymmildingum gildir;
þar gekk Njǫrðr af Nirði
nadds hámána raddar
valbrands víðra landa
vápnunduðum sunda.
Skj: Goþþormr sindri: Hákonardrápa 6 (AI, 63; BI, 56); (dróttkvætt); ed. RGP; group: A2; mss: 325IX 1 a, 39, 53, 61, 761bx, Bb, F, Flat, J1x, J2x, Kx; texts: Flat 195(13), HákGóð 10, ÓT 12
11
(I 70)
Vol. 1. 12. Guthormr sindri, Hákonardrápa, 7 [Vol. 1, 166] — Gsind Hákdr 7I
Almdrógar varð œgis
opt sinn (en ek þess minnumk)
barma ǫld fyr Baldri
bensíks vita ríkis;
bǫðsœkir helt bríkar,
brœðr, sínum, ok flœðu
undan, allar kindir
Eireks, á haf snekkjum.
Skj: Goþþormr sindri: Hákonardrápa 7 (AI, 63; BI, 56); (dróttkvætt); ed. RGP; group: A2; mss: 325IX 1 a, 39, 53, 61, Bb, F, J1x, J2x, Kx; texts: HákGóð 4, HákGóð 11, ÓT 13
12
(I 71)
Vol. 1. 12. Guthormr sindri, Hákonardrápa, 8 [Vol. 1, 168] — Gsind Hákdr 8I
Hræddr fór hjǫrva raddar
herr fyr malma þverri;
rógeisu gekk ræsir
ráðsterkr framarr merkjum;
gerra garmr í snerru
geirvífa sér hlífa,
hinns yfrinn gat jǫfra
óskkvánar byr mána.
Skj: Goþþormr sindri: Hákonardrápa 8 (AI, 63; BI, 56); (dróttkvætt); ed. RGP; group: A2; mss: 325IX 1 a, 39, 53, 61, Bb, F, Flat, J1x, J2x, Kx; texts: Flat 196(14), HákGóð 12, ÓT 14
13
(I 72)
Vol. 1. 13. Eyvindr skáldaspillir Finnsson, 3. Lausavísur, 6 [Vol. 1, 223] — Eyv Lv 6I
Fyrr rauð Fenris varra
flugvarr konungr sparra
(malmhríðar svall meiðum
móðr) í Gamla blóði,
þás óstirfinn arfa
Eiríks of rak (geira
nú tregr gæti-Gauta
grams fall) á sæ alla.
Skj: Eyvindr Finnsson skáldaspillir: 3. Lausavísur 6 (961-62 - AI, 72; BI, 63); (dróttkvætt); ed. RGP; group: A2; mss: 301x, 302x, 39, 51x, 61, 761bx, Bb, F, FskAx, FskBx, J1x, J2x, Kx; texts: Fsk 58, HákGóð 13, HGráf 2, ÓT 23
14
(I 73)
Vol. 1. 13. Eyvindr skáldaspillir Finnsson, 3. Lausavísur, 1 [Vol. 1, 215] — Eyv Lv 1I
Blóðøxar téa beiða
brakþings fetilstinga
(oss gerask hnept) ens hvassa
hefnendr (setu efni);
heldr es vant, en ek vilda
veg þinn konungr, segja
(fôum til fornara vápna
fljótt) hersǫgu drótni.
Skj: Eyvindr Finnsson skáldaspillir: 3. Lausavísur 1 (961 - AI, 71; BI, 62); (dróttkvætt); ed. RGP; group: A2; mss: 301x, 302x, 325IX 1 a, 51x, 52x, 53, 61, 761bx, Bb, F, Flat, FskAx, FskBx, J1x, J2x, Kx; texts: Flat 197(15), Fsk 37, HákGóð 14, ÓT 15
15
(I 74)
Vol. 1. 13. Eyvindr skáldaspillir Finnsson, 3. Lausavísur, 2 [Vol. 1, 216] — Eyv Lv 2I
Samira, Njǫrðr, enn norðarr,
naddregns, hvǫtum þegni
(vér getum bili at bǫlva)
borðmœrar skæ fœra;
nú's þats rekr á Rakna
rymleið flota breiðan
(grípum vér í greipar
gunnborð) Haraldr sunnan.
Skj: Eyvindr Finnsson skáldaspillir: 3. Lausavísur 2 (961 - AI, 71; BI, 62-3); (dróttkvætt); ed. RGP; group: A2; mss: 301x, 302x, 325IX 1 a, 51x, 52x, 61, 761bx, Bb, F, Flat, FskAx, FskBx, J1x, J2x, Kx, Þb106x, Þb112x; texts: Flat 198(16), Fsk 38, HákGóð 15, Ldn 0, ÓT 16
16
(I 75)
Vol. 1. 13. Eyvindr skáldaspillir Finnsson, 1. Hákonarmál, 2 [Vol. 1, 176] — Eyv Hák 2I
Bróður fundu Bjarnar
í brynju fara,
konung enn kostsama,
kominn und gunnfana,
drúpðu dolgráar,
en darraðr hristisk,
upp vas þá hildr of hafin.
Skj: Eyvindr Finnsson skáldaspillir: 1. Hákonarmál 2 (AI, 64; BI, 57); (ljóðaháttr mix); ed. RDF; group: A2; mss: 301x, 302x, 51x, 52x, 761bx, F, FskAx, FskBx, J1x, J2x, Kx; texts: Fsk 40, HákGóð 16
17
(I 76)
Vol. 1. 13. Eyvindr skáldaspillir Finnsson, 1. Hákonarmál, 3 [Vol. 1, 177] — Eyv Hák 3I
Hét á Háleygi
sems á Holmrygi
jarla einbani,
fór til orrostu;
gótt hafði enn gǫfgi
gengi Norðmanna
œgir Eydana,
stóð und árhjalmi.
Skj: Eyvindr Finnsson skáldaspillir: 1. Hákonarmál 3 (AI, 64; BI, 57); (málaháttr); ed. RDF; group: A2; mss: 301x, 302x, 51x, 52x, 761bx, F, FskAx, FskBx, J1x, J2x, Kx; texts: Fsk 41, HákGóð 17
18
(I 77)
Vol. 1. 13. Eyvindr skáldaspillir Finnsson, 1. Hákonarmál, 4 [Vol. 1, 178] — Eyv Hák 4I
Hrauzk ór hervôðum,
hratt á vǫll brynju,
vísi verðungar,
áðr til vígs tœki;
lék við ljóðmǫgu,
skyldi land verja
gramr enn glaðværi,
stóð und gollhjalmi.
Skj: Eyvindr Finnsson skáldaspillir: 1. Hákonarmál 4 (AI, 65; BI, 57); (málaháttr); ed. RDF; group: A2; mss: 301x, 302x, 51x, 52x, 761bx, B, C, F, FskAx, FskBx, J1x, J2x, Kx, R, Tx, U; texts: Fsk 44, HákGóð 18, Skm 397
19
(I 78)
Vol. 1. 14. Þórðr Særeksson (Sjáreksson), 1. Þórálfs drápa Skólmssonar, 1 [Vol. 1, 237] — ÞSjár Þórdr 1I
Þars bǫðharðir bǫrðusk
bands jódraugar landa,
lystr gekk herr til hjǫrva
hnits í Storð á Fitjum,
ok gimsløngvir ganga
gífrs hlémána drífu
nausta blakks et næsta
Norðmanna gram þorði.
Skj: Þórðr Særeksson: 2. Þórolfs drápa Skolmssonar 1 (AI, 328; BI, 302); (dróttkvætt); ed. KEG; group: A1; mss: 301x, 302x, 325IX 1 a, 51x, 52x, 61, Bb, F, Flat, FskAx, FskBx, J1x, J2x, Kx; texts: Flat 199(17), Fsk 50, HákGóð 19, ÓT 17
20
(I 79)
Vol. 1. 13. Eyvindr skáldaspillir Finnsson, 1. Hákonarmál, 5 [Vol. 1, 179] — Eyv Hák 5I
Svá beit þá sverð
ór siklings hendi
váðir Váfaðar,
sem í vatn brygði;
brǫkuðu broddar,
brotnuðu skildir,
glumruðu gylfringar
í gotna hausum.
Skj: Eyvindr Finnsson skáldaspillir: 1. Hákonarmál 5 (AI, 65; BI, 57); (málaháttr); ed. RDF; group: A2; mss: 301x, 302x, 51x, 52x, 761bx, F, FskAx, FskBx, J1x, J2x, Kx; texts: Fsk 45, HákGóð 20
21
(I 80)
Vol. 1. 13. Eyvindr skáldaspillir Finnsson, 1. Hákonarmál, 6 [Vol. 1, 180] — Eyv Hák 6I
Trǫddusk tǫrgur
fyr Týs ok bauga
hjalta harðfótum
hausar Norðmanna;
róma varð í eyju,
ruðu konungar
skírar skjaldborgir
í skatna blóði.
Skj: Eyvindr Finnsson skáldaspillir: 1. Hákonarmál 6 (AI, 65; BI, 58); (málaháttr); ed. RDF; group: A2; mss: 301x, 302x, 51x, 52x, 761bx, F, FskAx, FskBx, J1x, J2x, Kx; texts: Fsk 46, HákGóð 21
22
(I 81)
Vol. 1. 13. Eyvindr skáldaspillir Finnsson, 3. Lausavísur, 4 [Vol. 1, 219] — Eyv Lv 4I
Baðat valgrindar vinda
veðrheyjandi Skreyju,
gumnum hollr né golli,
Gefnar sinni stefnu -
ef sólspenni svinnan
sigrminnigr vilt finna,
fram halt, Njóts, at nýtum
Norðmanna gram, ranna.
Skj: Eyvindr Finnsson skáldaspillir: 3. Lausavísur 4 (961 - AI, 72; BI, 63); (dróttkvætt); ed. RGP; group: A2; mss: 301x, 302x, 51x, 52x, 761bx, F, FskAx, FskBx, Kx; texts: Fsk 48, HákGóð 22
23
(I 82)
Vol. 1. 13. Eyvindr skáldaspillir Finnsson, 3. Lausavísur, 5 [Vol. 1, 221] — Eyv Lv 5I
Veitk, at beit enn bitri
byggving meðaldyggvan
bulka skíðs ór bôðum
benvǫndr konungs hǫndum;
ófælinn klauf Ála
éldraugs skarar hauga
gollhjǫltuðum galtar
grǫnduðr Dana brandi.
Skj: Eyvindr Finnsson skáldaspillir: 3. Lausavísur 5 (961 - AI, 72; BI, 63); (dróttkvætt); ed. RGP; group: A2; mss: 301x, 302x, 325IX 1 a, 51x, 52x, 61, 761bx, Bb, F, Flat, FskAx, FskBx, J1x, J2x, Kx; texts: Flat 200(18), Fsk 49, HákGóð 23, ÓT 18
24
(I 83)
Vol. 1. 14. Þórðr Særeksson (Sjáreksson), 1. Þórálfs drápa Skólmssonar, 2 [Vol. 1, 238] — ÞSjár Þórdr 2I
Varði varga myrði
vítt (svá skal frið slíta)
jǫfur vildu þann eldask,
ǫndvert folk, at lǫndum;
starf hófsk upp, þás arfi,
ótta valdi (á flótta)
golls (en gramr vas fallinn),
Gunnhildar kom sunnan.
Skj: Þórðr Særeksson: 2. Þórolfs drápa Skolmssonar 3 (AI, 328; BI, 302-3); (dróttkvætt); ed. KEG; group: A1; mss: 301x, 302x, 325IX 1 a, 51x, 52x, 61, Bb, F, Flat, FskAx, FskBx, J1x, J2x, Kx; texts: Flat 201(19), Fsk 51, HákGóð 24, ÓT 19
25
(I 84a)
Vol. 1. 14. Þórðr Særeksson (Sjáreksson), 1. Þórálfs drápa Skólmssonar, 3 [Vol. 1, 239] — ÞSjár Þórdr 3I
Þrot vas sýnt þás settusk
sinn róðrs við þrǫm stinnan
mannr lét ǫnd ok annarr
ófár, búendr sárir,
ok hjǫrkrafðir hǫfðu
huggendr Munins tuggu
gauks við gjǫlfrum leikna
grunnu sand í munni.
Skj: Þórðr Særeksson: 2. Þórolfs drápa Skolmssonar 4 (AI, 328-9; BI, 303); (dróttkvætt); ed. KEG; group: A1; mss: 301x, 302x, 325IX 1 a, 51x, 52x, 61, Bb, F, FskAx, FskBx, J1x, J2x, Kx; texts: Fsk 52, HákGóð 25, ÓT 20
26
(I 84b)
Vol. 1. 14. Þórðr Særeksson (Sjáreksson), 1. Þórálfs drápa Skólmssonar, 4 [Vol. 1, 240] — ÞSjár Þórdr 4I
Afreks veit, þats jǫfri
allríkr í styr slíkum
Gǫndlar Njǫrðr, sás gerði,
gekk næst, Hugins drekku.
Skj: Þórðr Særeksson: 2. Þórolfs drápa Skolmssonar 2 (AI, 328; BI, 302); (dróttkvætt); ed. KEG; group: A1; mss: 301x, 325IX 1 a, 51x, 52x, 61, Bb, F, FskAx, FskBx, J1x, J2x, Kx; texts: Fsk 53, HákGóð 26, ÓT 21
27 Vol. 1. 13. Eyvindr skáldaspillir Finnsson, 1. Hákonarmál, 1 [Vol. 1, 174] — Eyv Hák 1I
Gǫndul ok Skǫgul
sendi Gauta-týr
at kjósa of konunga,
hverr Yngva ættar
skyldi með Óðni fara
ok í Valhǫll vesa.
Skj: Eyvindr Finnsson skáldaspillir: 1. Hákonarmál 1 (AI, 64; BI, 57); (ljóðaháttr); ed. RDF; group: A2; mss: 301x, 302x, 51x, 52x, 761bx, B, F, FskAx, FskBx, J1x, J2x, Kx, R, Tx, U, W; texts: Fsk 39, HákGóð 27, Skm 7
28 Vol. 1. 13. Eyvindr skáldaspillir Finnsson, 1. Hákonarmál, 7 [Vol. 1, 182] — Eyv Hák 7I
Brunnu beneldar
í blóðgum undum,
lutu langbarðar
at lýða fjǫrvi;
svarraði sárgymir
á sverða nesi,
fell flóð fleina
í fjǫru Storðar.
Skj: Eyvindr Finnsson skáldaspillir: 1. Hákonarmál 7 (AI, 65; BI, 58); (málaháttr); ed. RDF; group: A2; mss: 301x, 302x, 51x, 52x, 761bx, F, FskAx, FskBx, J1x, J2x, Kx; texts: Fsk 47, HákGóð 28
29 Vol. 1. 13. Eyvindr skáldaspillir Finnsson, 1. Hákonarmál, 8 [Vol. 1, 183] — Eyv Hák 8I
Blendusk við roðnum
und randar himni,
Skǫglar veðr léku
við ský of bauga,
umðu oddláar
í Óðins veðri,
hné mart manna
fyr mækis straumi.
Skj: Eyvindr Finnsson skáldaspillir: 1. Hákonarmál 8 (AI, 66; BI, 58); (málaháttr); ed. RDF; group: A2; mss: 761bx, J1x, J2x, Kx; texts: HákGóð 29
30 Vol. 1. 13. Eyvindr skáldaspillir Finnsson, 1. Hákonarmál, 9 [Vol. 1, 184] — Eyv Hák 9I
Sôtu þá dǫglingar
með sverð of togin,
með skarða skjǫldu
ok skotnar brynjur,
vasa sá herr
í hugum ok átti
til Valhallar vega.
Skj: Eyvindr Finnsson skáldaspillir: 1. Hákonarmál 9 (AI, 66; BI, 58); (ljóðaháttr mix); ed. RDF; group: A2; mss: 761bx, F, J1x, J2x, Kx; texts: HákGóð 30
31 Vol. 1. 13. Eyvindr skáldaspillir Finnsson, 1. Hákonarmál, 10 [Vol. 1, 185] — Eyv Hák 10I
Gǫndul þat mælti,
studdisk geirskapti:
vex nú gengi goða,
es Hôkoni hafa
með her mikinn
heim bǫnd of boðit.
Skj: Eyvindr Finnsson skáldaspillir: 1. Hákonarmál 10 (AI, 66; BI, 58); (ljóðaháttr); ed. RDF; group: A2; mss: 761bx, F, J1x, J2x, Kx; texts: HákGóð 31
32 Vol. 1. 13. Eyvindr skáldaspillir Finnsson, 1. Hákonarmál, 11 [Vol. 1, 186] — Eyv Hák 11I
Vísi þat heyrði,
hvat valkyrjur mæltu
mærar af mars baki,
hyggiliga létu
ok hjalmaðar sôtu
ok hǫfðusk hlífar fyrir.
Skj: Eyvindr Finnsson skáldaspillir: 1. Hákonarmál 11 (AI, 66; BI, 58); (ljóðaháttr); ed. RDF; group: A2; mss: 761bx, F, J1x, J2x, Kx; texts: HákGóð 32
33 Vol. 1. 13. Eyvindr skáldaspillir Finnsson, 1. Hákonarmál, 12 [Vol. 1, 186] — Eyv Hák 12I
Hví þú svá gunni
skiptir, Geir-Skǫgul,
órum þó verðir gagns frá goðum?
Vér því vǫldum.
es velli helt
en þínir fíandr flugu.
Skj: Eyvindr Finnsson skáldaspillir: 1. Hákonarmál 12 (AI, 66; BI, 58-9); (ljóðaháttr); ed. RDF; group: A2; mss: 761bx, F, J1x, J2x, Kx; texts: HákGóð 33
34 Vol. 1. 13. Eyvindr skáldaspillir Finnsson, 1. Hákonarmál, 13 [Vol. 1, 187] — Eyv Hák 13I
Ríða vit skulum,
kvað en ríkja Skǫgul,
grœnna heima goða,
Óðni at segja,
at nú mun allvaldr koma
á hann sjalfan at séa.
Skj: Eyvindr Finnsson skáldaspillir: 1. Hákonarmál 13 (AI, 66; BI, 59); (ljóðaháttr); ed. RDF; group: A2; mss: 761bx, F, J1x, J2x, Kx; texts: HákGóð 34
35 Vol. 1. 13. Eyvindr skáldaspillir Finnsson, 1. Hákonarmál, 14 [Vol. 1, 188] — Eyv Hák 14I
Hermóðr ok Bragi,
kvað Hroptatýr,
gangið í gǫgn grami,
þvít konungr ferr,
sás kappi þykkir,
til hallar hinig.
Skj: Eyvindr Finnsson skáldaspillir: 1. Hákonarmál 14 (AI, 66-7; BI, 59); (ljóðaháttr); ed. RDF; group: A2; mss: 761bx, B, F, J1x, J2x, Kx, R, Tx, U, W; texts: HákGóð 35, Skm 11
36 Vol. 1. 13. Eyvindr skáldaspillir Finnsson, 1. Hákonarmál, 15 [Vol. 1, 189] — Eyv Hák 15I
Ræsir þat mælti,
vas frá rómu kominn,
stóð allr í dreyra drifinn:
illúðigr mjǫk
þykkjumk Óðinn vesa,
séumk vér hans of hugi.
Skj: Eyvindr Finnsson skáldaspillir: 1. Hákonarmál 15 (AI, 67; BI, 59); (ljóðaháttr); ed. RDF; group: A2; mss: 761bx, F, J1x, J2x, Kx; texts: HákGóð 36
37 Vol. 1. 13. Eyvindr skáldaspillir Finnsson, 1. Hákonarmál, 16 [Vol. 1, 190] — Eyv Hák 16I
Einherja grið
skalt þú allra hafa,
þigg þú at ôsum ǫl;
jarla bági,
þú átt inni hér
átta brœðr - kvað Bragi.
Skj: Eyvindr Finnsson skáldaspillir: 1. Hákonarmál 16 (AI, 67; BI, 59); (ljóðaháttr); ed. RDF; group: A2; mss: 301x, 52x, 761bx, F, FskAx, J1x, J2x, Kx; texts: Fsk 56, HákGóð 37
38 Vol. 1. 13. Eyvindr skáldaspillir Finnsson, 1. Hákonarmál, 17 [Vol. 1, 190] — Eyv Hák 17I
Gerðar órar,
kvað enn góði konungr,
viljum vér sjalfir hafa;
hjalm ok brynju
skal hirða vel,
gótt's til gǫrs at taka.
Skj: Eyvindr Finnsson skáldaspillir: 1. Hákonarmál 17 (AI, 67; BI, 59); (ljóðaháttr); ed. RDF; group: A2; mss: 761bx, F, J1x, J2x, Kx; texts: HákGóð 38
39 Vol. 1. 13. Eyvindr skáldaspillir Finnsson, 1. Hákonarmál, 18 [Vol. 1, 191] — Eyv Hák 18I
Þá þat kyndisk,
hvé sá konungr hafði
vel of þyrmt véum,
es Hôkon bôðu
heilan koma
rôð ǫll ok regin.
Skj: Eyvindr Finnsson skáldaspillir: 1. Hákonarmál 18 (AI, 67; BI, 59); (ljóðaháttr); ed. RDF; group: A2; mss: 761bx, F, J1x, J2x, Kx; texts: HákGóð 39
40 Vol. 1. 13. Eyvindr skáldaspillir Finnsson, 1. Hákonarmál, 19 [Vol. 1, 192] — Eyv Hák 19I
Góðu dœgri
verðr sá gramr of borinn,
es sér getr slíkan sefa,
hans aldar
mun æ vesa
at góðu getit.
Skj: Eyvindr Finnsson skáldaspillir: 1. Hákonarmál 19 (AI, 67; BI, 59-60); (ljóðaháttr); ed. RDF; group: A2; mss: 301x, 302x, 51x, 52x, 761bx, F, FskAx, FskBx, J1x, J2x, Kx; texts: Fsk 54, HákGóð 40
41 Vol. 1. 13. Eyvindr skáldaspillir Finnsson, 1. Hákonarmál, 20 [Vol. 1, 192] — Eyv Hák 20I
Mun óbundinn
á ýta sjǫt
fenrisulfr fara,
áðr jafngóðr
á auða trǫð
konungmaðr komi.
Skj: Eyvindr Finnsson skáldaspillir: 1. Hákonarmál 20 (AI, 67; BI, 60); (ljóðaháttr); ed. RDF; group: A2; mss: 301x, 302x, 51x, 52x, 761bx, F, FskAx, FskBx, J1x, J2x, Kx; texts: Fsk 55, HákGóð 41
42 Vol. 1. 13. Eyvindr skáldaspillir Finnsson, 1. Hákonarmál, 21 [Vol. 1, 193] — Eyv Hák 21I
Deyr fé,
deyja frændr,
eyðisk land ok láð;
síz Hôkon
fór með heiðin goð,
mǫrg es þjóð of þéuð.
Skj: Eyvindr Finnsson skáldaspillir: 1. Hákonarmál 21 (AI, 68; BI, 60); (ljóðaháttr); ed. RDF; group: A2; mss: 302x, 51x, 761bx, F, FskBx, J1x, J2x, Kx; texts: Fsk 0, HákGóð 42
© Skaldic Project Academic Body, unless otherwise noted. Database structure and interface developed by Tarrin Wills. All users of material on this database are reminded that its content may be either subject to copyright restrictions or is the property of the custodians of linked databases that have given permission for members of the skaldic project to use their material for research purposes. Those users who have been given access to as yet unpublished material are further reminded that they may not use, publish or otherwise manipulate such material except with the express permission of the individual editor of the material in question and the General Editor of the volume in which the material is to be published. Applications for permission to use such material should be made in the first instance to the General Editor of the volume in question. All information that appears in the published volumes has been thoroughly reviewed. If you believe some information here is incorrect please contact Tarrin Wills with full details.