This interface will soon cease to be publicly available. Use the new interface instead. Click here to switch over now.

Cookies on our website

We use cookies on this website, mainly to provide a secure browsing experience but also to collect statistics on how the website is used. You can find out more about the cookies we set, the information we store and how we use it on the cookies page.

Runic Dictionary

login: password: stay logged in: help

not skaldic (ns)

Deor (Deor) - 1

Deor

Not published: do not cite ()

non-skaldic stanzas:  1 

The poetry here is not included in the skaldic edition but derives from other published editions.

1 Vol. [not skaldic: Deor 1] — Deor 1

The following text is from a superseded edition and is not the work of the editor(s) named on this page. It is included for reference only. Do not refer to this site when using this text but rather consult the original edition (Skj where relevant).

Welund him be wurman | wræces cunnade.
Anhydig eorl | earfoþa dreag,
hæfde him to gesiþþe | sorge ond longaþ,
wintercealde wræce, | wean oft onfond,
siþþan hine Niðhad on | nede legde
swoncre seonobende | on syllan monn.
Þæs ofereode, | þisses swa mæg!
Beadohilde ne wæs | hyre broþra deaþ
on sefan swa sar | swa hyre sylfre þing:
þæt heo gearolice | ongieten hæfde
þæt heo eacen wæs— | æfre ne meahte
þriste geþencan, | hu ymb þæt sceolde.
Þæs ofereode, | þisses swa mæg!
We þæt Mæðhilde | monge gefrugnon
wurdon grundlease | Geates frige,
þæt hi seo sorglufu | slæp ealle binom.
Þæs ofereode, | þisses swa mæg!
Ðeodric ahte | þritig wintra
Mæringa burg— | þæt wæs monegum cuþ.
Þæs ofereode, | þisses swa mæg!
We geascodan | Eormanrices
wylfenne geþoht; | ahte wide folc
Gotena rices. | Þæt wæs grim cyning.
Sæt secg monig | sorgum gebunden,
wean on wenan, | wyscte geneahhe
þæt þæs cynerice | ofercumen wære.
Þæs ofereode, | þisses swa mæg!
Siteð sorgcearig | sælum bidæled,
on sefan sweorceð, | sylfum þinceð
þæt sy endeleas | earfoða dæl.
Mæg þonne geþencan | þæt geond þas woruld
witig dryhten | wendeþ geneahhe,
eorle monegum | are gesceawað,
wislicne blæd, | sumum weana dæl.
Þæt ic bi me sylfum | secgan wille,
þæt ic hwile wæs | Heodeninga scop,
dryhtne dyre. | Me wæs Deor noma.
Ahte ic fela wintra | folgað tilne,
holdne hlaford, | oþþæt Heorrenda nu,
leoðcræftig monn | londryht geþah,
þæt me eorla hleo | ær gesealde.
Þæs ofereode, | þisses swa mæg!

Skj: Not in Skj; eddic or germanic; ed. NS; group: X
 
© 2008-