Skjöldungr veitir skýja veldis
skírðum þjóðum alt hið góða
hjartanliga á himnum björtum;
háleitr er Kristr Jésús sálum.
Stendr og sitr til hægri handar
heilög Máría aldar deili;
mildingr skipar nú mána foldar
mæstr Kátrínu henni hið næsta.
Skjöldungr veldis skýja veitir hjartanliga skírðum þjóðum á björtum himnum alt hið góða; Jésús Kristr er háleitr sálum. Heilög Máría stendr og sitr til hægri handar deili aldar; mæstr mildingr foldar mána skipar nú Kátrínu hið næsta henni.
The king of the realm of the clouds [SKY/HEAVEN > = God] sincerely grants baptised people in the bright heavens everything good; Jesus Christ is sublime towards souls. Holy Mary stands and sits at the right hand of the ruler of people [= God]; the greatest prince of the land of the moon [SKY/HEAVEN > = God] now places Catherine next to her.