skaldic

Skaldic Poetry of the Scandinavian Middle Ages

Menu Search

Þorgeirsdrápa — Þorm ÞorgdrV (Fbr)

Þormóðr Kolbrúnarskáld

Þormóðr Kolbrúnarskáld, Þorgeirsdrápa — R. D. Fulk

Not published: do not cite (Þorm ÞorgdrV (Fbr))

 

Starf hófsk upp, þás arfa
auðveitir lét dauðan
(hestrennir vas hlunna
hugsnjallr) Klœings falla;
efnð tóksk Hávars hefnðar,
hafstóðs þás vas Móði
(hann hlaut happ at vinna
hvettr) fimtían vetra.
 
The new edition is unavailable.
This text is from an old edition
Aldrspelli kveðk ollu
Ingolfs sonar (þingat
frétt es víg sem vættik)
vald há-Sleipnis tjalda;
fell fyr frœknum stilli,
fjǫrtjón vas þat ljóna,
(lítt vas þá til þrætu)
Þórbrandr drasils vandar.
 
The new edition is unavailable.
This text is from an old edition
Vann, dugir verk at telja
(vápna hreggs) fyr seggjum,
(opt fló) geirr (frá gunni)
(gjóðr) Butralda hljóðan;
þótt kynni mun minni
margrjóðanda þjóðir
(né hnekkik því) þakkir
þess vígs fetils stíga.
 
The new edition is unavailable.
This text is from an old edition
Frétt hefr ǫld, at ôttum
(undlinns) þás svik vinna
(rjóðanda nautk ráða)
rógsmenn saman gnóga;
enn vilk einskis minnask
(œsidýrs við stýri
raun gatk fyrða fjóna
flóðs) nema okkars góða.
 
The new edition is unavailable.
This text is from an old edition
Kapp lét hǫldr, með hepni
hríð gerðisk þá sverða,
(hrátt gat hrafn at slíta
hold) Más syni goldit;
enn vas vágs at vígi
viggríðandi síðan
(kœnn bar greipr at gunni
gjarna) Skúfs ok Bjarna.
 
The new edition is unavailable.
This text is from an old edition
Sex lét sævar Faxa
sviprunnr heðan Gunnar,
snjallr vas ôrr at ǫllu
undlinns, búinn sinnum;
salt-ǫttum réð særir
seims (frá ek þat) heiman
opt (vann auðar skiptir
erring) í haf knerri.
 
The new edition is unavailable.
This text is from an old edition
Hús braut snarr til Snorra
sverðrjóðr, ok styr gerði
hinn es heiptir manna,
Hœkils sonar, rœkði;
varð, eggjaðr, þar þriggja
Þórgeirr, á hvǫt meiri,
(leygs hefk síks frá sœki
sann spurt), bani manna.
 
The new edition is unavailable.
This text is from an old edition
Ôr mank, þegn hinns Þóris
þarfs, farligra, arfa,
hlýra hrafns, með geiri
happauðigr réð dauða;
dýrr hefnði svá sára
(slíkt fór alt af ríki)
Odds ok ernir sǫddusk
jóstýrandi hlýra.
 
The new edition is unavailable.
This text is from an old edition
Njǫrðr gekk á skæ skorðu
skeljeggr (en þann teljum
hjaldr), es herja vildi,
hjǫrgaldrs með Rǫgnvaldi;
lítt sparði fjǫr fyrða
fremðar mildr at hildi,
drengs varð dôð in lengri;
djarfr vas Hávars arfi.
 
The new edition is unavailable.
This text is from an old edition
Gaut veitk at son Sleitu
snarfengr meðal drengja
hǫldr við harðar deilðir
hjǫrdjarfan nam fjǫrvi;
ófeigum varð eigi
(almþing) í gný malma
(opt verðr rík þeims rœkir
raun) stynfullu launat.
 
The new edition is unavailable.
This text is from an old edition
Golls réð Þórgeirr þolla
því næst griða æsta,
sér es hann sáat fœri
svinngeðr með lið minna;
ǫll tók seggr enn snjalli
sǫnn, leygs, friðar mǫnnum,
fljóts þás fergir nýtan
fullmæli, réð tæla.
 
The new edition is unavailable.
This text is from an old edition
Stirðr réð stafn at verja
strenghreins tøgum drengja,
ítr þvít, ôrr, vas heitinn
auðstjóri þrek, fjórum;
áðr sigreynir sínum
(sôr hlutu meðr) at hvôru
út við eigi lítla
erring fell á knerri.
 
The new edition is unavailable.
This text is from an old edition
Kent hefr fjǫrs hvé frændum
folkhneitir skal veita
dýrr, þó at drengi væri
dylgjusamt at fylgja;
þægs, frák Þórgeir eiga,
þau eru orð komin norðan
handar grjóts frá hreyti,
hug þanns við mun brugðit.
 
The new edition is unavailable.
This text is from an old edition
Hauks frák hræva lœkjar
harðræðis þrot bræði
við sviprunna sennu
sverðs aldrigi verða;
Már hét maðr ok Þórir
málsnjallr es lét falla
(áðr frôgum) þá (þeira)
Þórgeirr (lokit eirum).
 
The new edition is unavailable.
This text is from an old edition
Olli fjǫrr áðr felli
(flugtrauðr) hjarar dauða
(sá vas rœkjandi enn ríki
reggs) þrétían seggja;
þar lætk hjaldrs fyr hǫlðum
hins, es þrek gat vinna
(mál téa mín at deilask
mjúk) víga tal lúkask.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.