skaldic

Skaldic Poetry of the Scandinavian Middle Ages

Menu Search

Háttatal — SnSt HtIII

Snorri Sturluson

Kari Ellen Gade 2017, ‘(Introduction to) Snorri Sturluson, Háttatal’ in Kari Ellen Gade and Edith Marold (eds), Poetry from Treatises on Poetics. Skaldic Poetry of the Scandinavian Middle Ages 3. Turnhout: Brepols, p. 1094.

 

Lætr, sás Hákun heitir,
(hann rekkir lið) bannat,
[jǫrð kann frelsa] fyrðum
friðrofs [konungr] ofsa;
sjalfr ræðr alt ok Elfar,
ungr stillir sá, milli
(gramr á gipt at fremri)
Gandvíkr, jǫfurr, landi.
 
The new edition is unavailable.
This text is from an old edition
Fellr of fúra stilli
fleinbraks, limu axla,
Hamðis fang, þars hringum
hylr ættstuðill skylja;
holt felr Hildigelti
heila bœs, ok deilir
gulls í gelmis stalli
gunnseið, skǫrungr, reiðir.
 
The new edition is unavailable.
This text is from an old edition
Ulfs bága verr ægis
ítr báls hati môlu;
sett eru bǫrð fyr bratta
brún Míms vinar rúnu;
orms váða kann eiðu
allvaldr gǫfugr halda;
menstríðir, njót móður
mellu dolgs til elli.
 
The new edition is unavailable.
This text is from an old edition
Stinn sôr þróask stórum
sterk egg frǫmum seggjum
hvast skerr hlífar traustar,
hár gramr lifir framla;
hrein sverð litar harða
hverr drengr, gǫfugr þengill,
ítr rǫnd furask undrum,
unir bjartr snǫru hjarta.
 
The new edition is unavailable.
This text is from an old edition
Óðharða spyrk eyða
egg fullhvǫtum seggjum;
dáðrǫkkum veldr dauða
dreng ofrhugaðr þengill;
hamdǫkkum fær Hlakkar
hauk munnroða aukinn,
veghrœsinn spyrk vísa,
valdr ógnþorinn skjaldar.
 
The new edition is unavailable.
This text is from an old edition
Sviðr lætr sóknar naðra
slíðrbraut jǫfurr skríða,
ótt ferr rógs ór réttum
ramsnákr fetilhamsi;
linnr kná sverða sennu
sveita bekks at leita,
ormr þyrr vals at varmri
víggjǫll sefa stígu.
 
The new edition is unavailable.
This text is from an old edition
Hjalms fylli spekr hilmir
hvatr Vindhlés skatna,
hann kná hjǫrvi þunnum
hræs þjóðár ræsa;
ýgr hilmir lætr eiga
ǫld dreyrfá skjǫldu,
styrs rýðr stillir hersum
sterkr járngrá serki.
 
The new edition is unavailable.
This text is from an old edition
Klofinn spyr ek hjalm fyrir hilmis
hjarar egg, duga seggir;
því eru heldr, þar er skekr skjǫldu,
skafin sverð lituð ferðar;
bila muna gramr þó at gumna
gular rítr nái líta,
draga þorir hann yfir hreinna
hvatan brand þrǫmu randa.
 
The new edition is unavailable.
This text is from an old edition
Vex íðn, vellir roðna,
verpr lind, þrimu snerpir,
fæsk gagn, fylkir eignask,
falr hitnar, sezk vitnir;
skekr rǫnd, skildir bendask,
skelfr askr, griðum raskar,
brandr gellr, brynjur sundrask,
braka spjǫr, litask ǫrvar.
 
The new edition is unavailable.
This text is from an old edition
Jǫrð verr siklingur sverðum,
sundr rjúfa spjǫr undir,
lind skerr í styr steinða,
støkkr hauss af bol lausum,
falla folk á velli,
fremr mildr jǫfurr hildi,
egg bítr á lim lýti,
liggr skǫr sniðin hjǫrvi.
 
The new edition is unavailable.
This text is from an old edition
Ýskelfir kann ulfum
auðmildr búa gildi;
lætr gylðis kyn gáti
gunnsnarr una harri;
fær gotna vinr vitni
valbjór afar stóran;
vargr tér ór ben bergja
blóðdrykk ok grǫn rjóða.
 
The new edition is unavailable.
This text is from an old edition
Hákun veldr ok hǫlðum,
harðrôðum guð jarðar
tyggja lér með tíri,
teitr þjóðkonungs heiti;
vald á víðrar foldar,
vindræfrs jǫfurr gæfu
ǫðlingi skóp ungum,
ǫrlyndr skati gǫrla.
 
The new edition is unavailable.
This text is from an old edition
Manndýrðir fá mærðar,
mæt ǫld, fira gæti,
lýtr auðgjafa ítrum
ǫll. Stóð sær of fjǫllum.
Rjóðvendils gatk randa
rœki-Njǫrð at sœkja,
hœf ferð var sú harða,
heim. Skaut jǫrð ór geima.
 
The new edition is unavailable.
This text is from an old edition
Hákun ræðr með heiðan,
hefr drengja vinr fengit
(lǫnd verr buðlungr brandi
breiðfeld) mikit veldi;
rógleiks náir ríki
remmi-Týr at stýra
(ǫld fagnar því) eignu,
orðróm konungdómi.
 
The new edition is unavailable.
This text is from an old edition
Þeim es grundar grímu
gjaldseiðs ok vas faldinn
(drótt man enn þat) átti
áðr hans faðir ráða;
gunnhættir kná grýttu
(gramr býr of þrek) stýra,
stórt ræðr hann en hjarta
hvetr, buðlunga setri.
 
The new edition is unavailable.
This text is from an old edition
Setr of vísa vitran
vígdrótt, en þar hníga,
(ýr dregsk) við skotskúrum
skjaldborg, í gras aldir;
vápnrjóðr stikar víða,
vellbrjótr á lǫg, spjótum,
þryngr at sverða sǫngvi,
sóknharðr þrǫmu jarðar.
 
The new edition is unavailable.
This text is from an old edition
Síks glóðar verr sœkir
slétt skarð hafi jarðar,
hlífgranda rekr hendir
heit kǫld loga ǫldu;
fljótt válkat skilr fylkir
friðlæ, rǫðuls sævar
ránsið ræsir stǫðvar
reiðr, glaðr, frǫmum meiðum.
 
The new edition is unavailable.
This text is from an old edition
Blóð fremr, hlǫkk at háðisk
heldr slitnar dul, vitni;
skjǫldr, en skatnar foldir,
skelfr harðr, taka varða;
fal lætr of her hvítan
hollr gramr rekinn framðan;
en tyggja sonr, seggjum,
svalr brandr, dugir, grandar.
 
The new edition is unavailable.
This text is from an old edition
Segl skekr of hlyn, Huglar,
(hvast drífa skip) rasta,
en fǫll, of gram, gylli
grunn (djúp) hata unna;
né Rôn viðr hafhreinum
hôraust, skapar flaustum,
hrǫnn fyr húfi þunnum
heil klofnar, frið, deilu.
 
The new edition is unavailable.
This text is from an old edition
Hélir hlýr at stáli,
hafit fellr, en svífr þelli
(ferð dvǫl firrisk) harða
framm mót lagar glammi;
vindr réttr váðir bendir,
vefr rekr á haf snekkjur,
veðr þyrr, vísa iðjur,
varar fýsir skip, lýsa.
 
The new edition is unavailable.
This text is from an old edition
Lung frák lýða þengils,
lô reis of skut, geisa,
en svǫrð of her herða;
hljóp stóð und gram Róða;
þjóð fær þungra skeiða
þrǫng rúm skipat lǫngum,
stôl lætr styrjar deilir
stinn kløkk í mar søkkva.
 
The new edition is unavailable.
This text is from an old edition
Himinglæva strýkr hôvar,
hrǫnn skilja sog, þiljur;
lǫgstíga vill lœgir
ljótr fagrdrasil brjóta;
lýsheims náir ljóma
(líðr ár) of gram blíðum,
uðr rekkir kjǫl kløkkvan
kǫld, eisa, far geisar.
 
The new edition is unavailable.
This text is from an old edition
Firrisk hǫnd með harra
hlumr, líðr vetr af sumri,
en flaust við lǫg Lista
lǫng taka hvílð at gǫngu;
ǫl mœðir lið lýða,
létt skipask hǫll, et rétta,
en skôl at gjǫf góla
gulls svífr, tóm, en fulla.
 
The new edition is unavailable.
This text is from an old edition
Hreintjǫrnum gleðr horna,
horn náir lítt at þorna,
mjǫðr hegnir bǫl bragna,
bragningr skipa sagnir;
folkhǫmlu gefr framla
framlyndr viðum gamlar,
hinn es heldr fyr skot skjǫldum,
skjǫldungr hunangs-ǫldur.
 
The new edition is unavailable.
This text is from an old edition
Rǫst gefr ǫðlingr jastar,
ǫl virðik svá, firðum;
þǫgn fellir brim bragna,
bjór forn es þat, horna;
máls kann mildingr heilsu,
mjǫðr heitir svá, veita;
strúgs kømr í val veiga,
vín kallak þat, galli.
 
The new edition is unavailable.
This text is from an old edition
Fúss brýtr fylkir eisu
fens; bregðr hǫnd á venju;
ránhegnir gefr Rínar
rǫf; spyrr ætt at jǫfrum;
mjǫk trúir ræsir rekka
raun; sér gjǫf til launa;
ráð á lofðungr lýða
lengr; vex hverr af gengi.
 
The new edition is unavailable.
This text is from an old edition
Ískalda skark ǫldu
eik, vas súð en bleika
reynd, til ræsis fundar
ríks; emk kuðr at slíku;
brjótr þá hersis heiti
hátt, dugir sœmð at vátta,
auðs af jarla prýði
ítrs; vasa siglt til lítils.
 
The new edition is unavailable.
This text is from an old edition
Vandbaugs veitti sendir
vígrakkr, en gjǫf þakkak
skjaldbraks Skylja mildum,
skipreiðu mér, heiða;
fann næst fylkir unna
fǫl dýr at gjǫf stýri
stálhreins; styrjar deilis
stórlæti sák mæta.
 
The new edition is unavailable.
This text is from an old edition
Tvær mank hilmi hýrum
heims vistir ótvistar,
hlautk á-samt at sitja
seimgildi fémildum;
fúss gaf fylkir hnossir
fleinstýri margdýrar;
hollr vas hersa stilli
hoddspennir fjǫlmennum.
 
The new edition is unavailable.
This text is from an old edition
Þoll biðk hilmis hylli
halda grœnna skjalda;
askr beið af því þroska
þilju Hrungnis ilja;
vígfoldar njót valdi
vandar margra landa,
(nýtr vast oss) til ítrar
elli (dolga fellir).
 
The new edition is unavailable.
This text is from an old edition
Stáls dynblakka støkkvi
stinngeðs samir minnask,
álms bifsœki aukum
Yggs feng, á lof þengils;
odds bláferla jarli
ǫrbrjót né skal þrjóta,
Hárs saltunnu hrannir
hrœrum, óð at stœra.
 
The new edition is unavailable.
This text is from an old edition
Él þreifsk skarpt of Skúla
skýs snarvinda lindar,
egg varð hvǫss í hǫggum
hræs dynbrunnum runnin;
seimþreytir bjó sveita
snjallr ilstafna hrafni,
Páll varð und fit falla
framm þrábarni arnar.
 
The new edition is unavailable.
This text is from an old edition
Lífs varð rán at raunum
(reið sverð) skapat mjǫk ferðum;
stǫng óð þrátt á þingi
þjóðsterk, liðu framm merki;
hrauð, of hilmis bróður,
hvǫss egg friðar vôn seggjum,
spjót nôðu blô bíta;
búandmenn hlutu þar renna.
 
The new edition is unavailable.
This text is from an old edition
Flaust bjó folka treystir
fagrskjǫlduðustum ǫldum,
leið skar bragnings bróðir
bjartveggjuðustu reggi;
hest rak hilmir rastar
harðsveipaðastan reipum,
sjár hlaut við þrǫm þjóta
þunghúfuðustu lungi.
 
The new edition is unavailable.
This text is from an old edition
Reist at Vágsbrú vestan,
varrsíma bar fjarri,
heitfastr hôvar rastir
hjalm-Týr svǫlu stýri;
stǫkr óx, es bar blakka
brims fyr jǫrð et grimma
herfjǫlð (húfar svǫlðu)
hrannláð, búandmanna.
 
The new edition is unavailable.
This text is from an old edition
Hristi hvatt, þás reistisk,
herfǫng, mjǫk lǫng véstǫng,
samði folk, en frǫmðusk,
fullsterk, hringserk, grams verk;
hǫnd lék, herjum reyndisk,
hjǫrr kaldr, allvaldr mannbaldr;
egg frák breiða bjoggu
bragning fylking (stóð þing).
 
The new edition is unavailable.
This text is from an old edition
Vann, kann virðum banna
vald, gjald, hǫfundr aldar,
ferð verð folka herði
fest mest, sás bil lestir;
hátt þrátt hǫlða áttar,
(hrauð auð jǫfurr rauðum),
þat, gat þengill skatna,
þjóð, stóð af gram, bjóða.
 
The new edition is unavailable.
This text is from an old edition
Farar snarar fylkir byrjar,
freka breka lemr á snekkjum,
vaka taka vísa rekkar,
viðar skriðar at þat biðja;
svipa skipa sýjur hepnar
sǫmum þrǫmum í byr rǫmmum;
Haka skaka hrannir blǫkkum
hliðar; miðar und kjǫl niðri.
 
The new edition is unavailable.
This text is from an old edition
Ok hjaldreifan hófu
hoddstiklanda miklir,
morðflýtir kná mœta
malmskúrar dyn, hjalmar,
hjaldrs þás hilmir foldar
hugfœrum gaf stœri,
ógnsvellir fær allan
jarldóm, gǫfugr sóma.
 
The new edition is unavailable.
This text is from an old edition
Hverr fremr hildi barra?
hverr es mælingum ferri?
hverr gerir hǫpp at stœrri?
hverr kann auð at þverra?
veldr hertogi hjaldri;
hann es first blikurmanni;
hann á hǫpp at sýnni;
hann vélir blik spannar.
 
The new edition is unavailable.
This text is from an old edition
Velr ítrhugaðr ýtum
otrgjǫld jǫfurr snotrum;
opt hefr þings fyr þrøngvi
þungfarmr Grana sprungit;
hjǫrs vill rjóðr at ríði
reiðmalmr Gnitaheiðar;
vígs es hreytt at hættis
hvatt Niflunga skatti.
 
The new edition is unavailable.
This text is from an old edition
Alrauðum drífr auði;
ógnrakkr firum Hlakkar
veitk hvar vals á reitu
verpr hringdropa snerpir;
snjallr lætr á fit falla
fagrregn jǫfurr þegnum,
ógnflýtir verr ýtum
arm, Mardallar hvarma.
 
The new edition is unavailable.
This text is from an old edition
Samþykkjar fremr søkkvi
snarr Baldr hjarar aldir;
gunnhættir kann Grótta
glaðdript hraða skipta;
féstríðir kná Fróða
friðbygg liði tryggva;
fjǫlvinjaðr hylr Fenju
falr meldr alinveldi.
 
The new edition is unavailable.
This text is from an old edition
Frama skotnar gram, gotnum
(gjǫf sannask) rǫf spannar,
menstiklir, vensk, miklar
manndýrðir vann skýrðar;
herfjǫlð (bera hǫlðar)
hagbáls lagar stála
friðask sjaldan við valdi
(vallands svala branda).
 
The new edition is unavailable.
This text is from an old edition
Lætr undin brot brotna
bragningr fyr sér hringa,
sá tekr fyr men menja
mætt orð of sik fættir;
armr kná við blik blikna
brimlands viðum randa,
þars hǫnd, at lið liðnar,
lýslóðar berr glóðir.
 
The new edition is unavailable.
This text is from an old edition
Virðandi gefr virðum
verbál liðar skerja,
gleðr vellbroti vellum
verðung afarþungum;
ýtandi fremr ýta
auðs sæfuna rauðum,
þars mætum gram mæti
marblakks skipendr þakka.
 
The new edition is unavailable.
This text is from an old edition
Seimþverrir gefr seima
seimǫrr liði beima,
hringmildan spyrk hringum
hringskemmi brott stinga;
baugstøkkvir fremr baugum
bauggrimmr hjarar drauga,
viðr gullbroti gulli
gullhættr skaða fullan.
 
The new edition is unavailable.
This text is from an old edition
Auðkendar verr auði
auð-Týr boga nauðir,
þar es auðviðum auðit
auðs í gulli rauðu;
heiðmǫnnum býr heiðis
heiðmildr jǫfurr reiðir;
venr heiðfrǫmuðr heiðar
heiðgjǫf vala leiðar.
 
The new edition is unavailable.
This text is from an old edition
Hjaldrremmir tekr Hildi,
hringr brestr at gjǫf, festa,
hnígr und Hǫgna meyjar
hers valdandi tjald;
Heðins mála býr hvílu
hjálmlestanda flestum,
morðaukinn þiggr mæki
mund Hjaðninga sprund.
 
The new edition is unavailable.
This text is from an old edition
Yggs drósar rýfr eisa
ǫld móðsefa tjǫld,
glóð støkkr í hof Hlakkar
hugtúns firum brún;
geðveggjar svífr glugga
glæs dynbrími hræs,
hvattr es hyrr at slétta
hjaldrs gnapturna aldrs.
 
The new edition is unavailable.
This text is from an old edition
Herstefnir lætr hrafn
hungrs fullseðjask ungr,
ilspornat getr ǫrn
aldrlausastan haus,
vilja borg en vargr
vígsára klífr grár,
opt solgit fær ylgr
(jǫfurr góðr vill svá) blóð.
 
The new edition is unavailable.
This text is from an old edition
Sær skjǫldungs niðr skúrum,
(skǫpt) darraðar (lyptask),
hrindr gunnfana grundar
glygg of frœknum tyggja;
geisa vé fyr vísa,
veðr stǫng at hlym Gungnis,
styrk eru mót und merkjum
malms of ítran hilmi.
 
The new edition is unavailable.
This text is from an old edition
Stjóri vensk at stœra
stór verk dunu geira,
halda kann með hildi
hjaldr-Týr und sik foldu;
hjarri slítr í hverri
Hjarranda fǫt snerru,
falla þar til fyllar
fjallvargs jǫru þollar.
 
The new edition is unavailable.
This text is from an old edition
Skýtr at Skǫglar veðri,
en skjaldagi haldask,
Hildar hlemmidrífu
of hvítan þrǫm rítar;
en í sœfis sveita
at sverðtogi ferðar
rýðr aldar vinr odda
(þat es jarls megin) snarla.
 
The new edition is unavailable.
This text is from an old edition
Hverr séi jǫfra œgi
jarl fjǫlvitrum betra,
eða gjarnara at gœða
glym harðsveldan skjalda?
stendr af stála skúrar
styrr ólítill Gauti,
þás folks jaðarr foldir
ferr sig-Njǫrðum varða.
 
The new edition is unavailable.
This text is from an old edition
Hverr ali blóði byrsta
bens rauðsylgjum ylgi,
nema svát gramr of gildi
grôð dag margan vargi;
gefr oddviti undir
egg nýbitnar vitni,
herr sér fenris fitjar
frammkló loðna roðna.
 
The new edition is unavailable.
This text is from an old edition
Hilmir hjalma skúrir
herðir sverði roðnu,
hrjóta hvítir askar,
hrynja brynju spangir;
hnykkja Hlakkar eldar
harða svarðar landi,
remma rimmu glóðir
randa grand of jarli.
 
The new edition is unavailable.
This text is from an old edition
Es til hjalma hyrjar
herjum styrjar væni,
þar svát jarl til ógnar
egnir tognu sverði;
sjá kná garð fyr grundu
grindar Þundar jaðra,
es skatna vinr skjaldar
skyldisk galdr at fremja.
 
The new edition is unavailable.
This text is from an old edition
Hjalmlestir skekr Hristar
hreggǫld Sigars veggi,
gramr lætr í byr brjóta
brands hnigþili randa stranda;
stálhrafna lætr stefnir
styrvind of sik þyrja,
þiggr at Gǫndlar glyggvi
gagn oddvita bragna sagna.
 
The new edition is unavailable.
This text is from an old edition
Almdrósar skylr ísa
ár flest meginbára sára,
kœnn lætr hvatt á hrǫnnum
hjalmsvell jǫfurr gella fella;
styrjǫkla kná stiklir
stinnr mens legi venja benja,
lætr stillr frár fylla
folk sund hjarar lunda unda.
 
The new edition is unavailable.
This text is from an old edition
Hræljóma fellr hrími, tími
hár vex of gram sára ára,
frost nemr, of hlyn Hristar, Mistar
herkaldan þrǫm skjaldar aldar;
gullsendir brýtr grundar Hrundar
gunnveggs stǫfum leggi hreggi,
(sóknvallar) spyrk (svelli) elli
(svá skotnar þat) gotna þrotna.
 
The new edition is unavailable.
This text is from an old edition
Tyggi snýr á ógnar ôru
(undgagl veit þat) sóknar hagli,
yngvi drífr (at hreggi hlífa
hjǫrr vélir fjǫr) brynju éli;
(vísi) heldr of fjǫrnis foldir,
folk (skiptir svá boga driptum)
skúrum lýstr of hilmi hraustan,
(hans fregnum styr) Mistar regni.
 
The new edition is unavailable.
This text is from an old edition
Stála kendi støkkvilundum
styrjar valdi rauðu falda,
rekkar stýrðu rétt til jarðar
roðnu barði, austan fjarðar;
oddum rendi eljunstrandir
ýta ferðar hringa skerðir,
hilmir stœrði hvǫssu sverði
heila grundar meginundir.
 
The new edition is unavailable.
This text is from an old edition
Vafði lítt, es virðum mœtti,
vígrœkjandi framm at sœkja;
skerðir gekk í skúrum Hlakkar
Skǫglar serks fyr roðnum merkjum;
ruddisk land, en ræsir Þrœnda
Ribbungum skóp bana þungan,
Gunnarr skaut und gera fótar
grimmsetta il hjarna kletti.
 
The new edition is unavailable.
This text is from an old edition
Vápna hríð velta náði
vægðarlaus feigum hausi;
hilmir lét hǫggum mœta
herða klett bana verðan;
fleina lands fylkir rendi
fjǫrnis hlíð meginskíði,
ǫflugt sverð eyddi fyrðum
jǫfri kent, holdi fenta.
 
The new edition is unavailable.
This text is from an old edition
Eyddi úthlaupsmǫnnum
ítr hertogi spjótum,
sungu stôl of stillis
(stóð ylgr í val) dolgum;
hal margan lét hǫfði
hoddgrimmr jǫfurr skemra;
svá kann rán at refsa
reiðr oddviti þjóðum.
 
The new edition is unavailable.
This text is from an old edition
Ortak ǫld at minnum,
þá alframast vissak,
of siklinga snjalla
með sex tøgum hátta;
sízt hafa veg né vellum,
es virðan mik létu,
á aldinn mar orpit
(þat's oss frami) jǫfrar.
 
The new edition is unavailable.
This text is from an old edition
Fremstr vas Skúli.
Skala lof dvala;
semk mildum gram
mœrð fjǫlsnœrða;
meirr skalk stœri
styrs hróðr fyrir
(kærr vask harra)
hers gnótt bera.
 
The new edition is unavailable.
This text is from an old edition
Kunn bjók kvæði
konungs bróður þjóð
(þann veitk þengil)
þrenn (fjǫlmennan);
framm skal en fjórða
folkglaðs vaða
ljóss elds lagar
lofun friðrofa.
 
The new edition is unavailable.
This text is from an old edition
Mitt's of mœti
mart lag bragar
áðr ókveðit
oddbraks spakan;
hlýtr grams geta
greppr óhneppra
skýrr skrautfara.
Skjǫldunga ungr.
 
The new edition is unavailable.
This text is from an old edition
Slóð kann sneiðir
seima geima
hnigfák Haka
hleypa greypa,
hinn's af hlunni
hesta festa
lætr leyfðr skati
langa ganga.
 
The new edition is unavailable.
This text is from an old edition
Gull kná, greppar,
glóa, róa,
váss eru seggir
samir framir;
eik má und jǫfri
una bruna,
þá nýtr vísi
viðar skriðar.
 
The new edition is unavailable.
This text is from an old edition
Ræsir glæsir
Rǫkkva dǫkkva
hvítum rítum
hreina reina;
skreytir hreytir
skafna stafna
hringa stinga
hjǫrtum svǫrtum.
 
The new edition is unavailable.
This text is from an old edition
Hafrǫst hristir
hlunnvigg tiggja,
borðgrund bendir
brimdýrs stýri;
blô veit brjóta
byrskíð víði
bǫðharðr bǫrðum
buðlungr þungan.
 
The new edition is unavailable.
This text is from an old edition
Hrinda lætr hniggrund
hafbekks snekkjur,
þás falla, fleinþollr
frár, môl, stôlum;
hlummi lítr hergramr
hirðmenn spenna,
en rœði raungóð
rógalfs skjalfa.
 
The new edition is unavailable.
This text is from an old edition
Hrannir skrýkva hlaðin borð,
haflauðr skeflir,
kasta náir kjalar stíg
kalt hlýr sǫltum;
svǫrtum hleypir svana fjǫll
snjallmæltr stillir
hlunna framm of Haka veg
hríðfeld stóðum.
 
The new edition is unavailable.
This text is from an old edition
Snyðja lætr í sólroð
snekkjur á Manar hlekk,
árla sér, ungr jarl,
allvaldr breka fall;
lypta kná of liði opt
lauki of kjalar raukn,
greiða náir glygg vôð,
greipum mœta dragreip.
 
The new edition is unavailable.
This text is from an old edition
Hrǫnn skerr, hvatt ferr,
húfr kaldr, allvaldr,
lô brýtr, lǫg skýtr,
limgarmr, rangbarmr;
brátt skekr, byrr rekr,
blán vegg, ráskegg,
jarl lætr almætr
ósvipt húnskript.
 
The new edition is unavailable.
This text is from an old edition
Læsir leyfðr vísi
landa útstrandir
blíðr ok bláskíðum
barða randgarði;
ern kná jarl þyrna
oddum falbrodda
jǫrð með élsnœrðum
jaðri hrænaðra.
 
The new edition is unavailable.
This text is from an old edition
Lof's flutt fjǫrum
fyr gunnǫrum
(né spurð spǫrum
spjǫll) gram snǫrum;
hefk hans fǫrum
til hróðrs gǫrum
ypt óvǫrum
fyr auðs bǫrum.
 
The new edition is unavailable.
This text is from an old edition
Fluttak frœði
of frama grœði,
tunga tœði,
með tǫlu rœði;
stef skal stœra
stilli Mœra,
hróðr dugir hrœra,
ok honum fœra.
 
The new edition is unavailable.
This text is from an old edition
Slíkt es svá,
siklingr á
(ǫld þess ann)
orðróm þann;
jarla er
austan ver
skatna skýrstr
Skúli dýrstr.
 
The new edition is unavailable.
This text is from an old edition
Naðrs gnapa ógn alla
eyðis baugvalla
hlunns of hástalla
hestar svanfjalla;
orms es glatt galla
með gumna spjalla,
jarl fremr sveit snjalla;
slíkt má skǫrung kalla.
 
The new edition is unavailable.
This text is from an old edition
Orð fékk gótt gramr,
hann es gunntamr,
mjǫk es fullframr
fylkir rausnsamr;
hinn es môl metr,
milding sízt getr
þann es svá setr
seggi hvern vetr.
 
The new edition is unavailable.
This text is from an old edition
Mærð vilk auka
Mistar lauka
góma sverði
grundar skerði;
dýrð skal segja
(drótt má þegja)
styrjar glóða
støkkvi-Móða.
 
The new edition is unavailable.
This text is from an old edition
Veitk hrings hraða
í hǫll laða,
gótt's hús Hlaða,
hirð ǫlsaða;
drekkr gramr glaða,
en at gjǫf vaða
vitar valstaða,
vandbaugskaða.
 
The new edition is unavailable.
This text is from an old edition
Drífr handar hlekkr,
þars hilmir drekkr;
mjǫk's brǫgnum bekkr
blíðskálar þekkr;
leikr hilmis her
hreingullit ker,
segik alt sem er,
við orða sker.
 
The new edition is unavailable.
This text is from an old edition
En þás hirð til hallar
hers oddviti kallar,
opt tekr jarl at fagna
við ótali bragna,
búin es gjǫf til greizlu
at gullbrota veizlu,
þrøngt sitr þjóðar sinni,
þar es mestr frami inni.
 
The new edition is unavailable.
This text is from an old edition
Hirð gerir hilmis kátt,
hǫll skipask þrǫngt at gôtt,
auð gefr þengill þrátt,
þat spyrr framm í ôtt;
slíkt telk hilmis hôtt,
hans es rausn of môtt,
jarl brýtr sundr í smátt
slungit gull við þôtt.
 
The new edition is unavailable.
This text is from an old edition
Mǫrg þjóð ferr til siklings sala,
sœmð es þar til allra dvala,
tyggi veitir seima svala,
satt es bezt of hann at tala;
bresta spyrjum bauga flata,
bragna vinr kann gulli hata,
œðri veitk at gjǫflund gata
grundar vǫrðr, fyr hringa skata.
 
The new edition is unavailable.
This text is from an old edition
Þiggja kná með gulli glǫð
gotna ferð at ræsi mjǫð;
drekka lætr hann sveit at sín
silfri skenkt et fagra vín;
greipum mœtir gullin skôl,
gumnum sendir Rínar bál,
eigi hittir œðra mann,
jarla beztr, en skjǫldung þann.
 
The new edition is unavailable.
This text is from an old edition
Getit vas grams fara,
gǫrt hefk mærð snara,
þengil mun þess vara,
þat namk lítt spara;
finnrat frœknara
fœði gunnstara
mann né mildara
merkir blóðsvara.
 
The new edition is unavailable.
This text is from an old edition
Þengill lætr hǫpp hrest,
honum fylgir dôð mest,
vísi gefr vel flest
verbôl ok ólest;
húfar brutu haf ljótt,
heim létk jǫfur sótt,
Yngva lofar ǫll drótt,
jarls sák frama gnótt.
 
The new edition is unavailable.
This text is from an old edition
- - - - - - - - Gramr
gulli søri Kraki framr,
efla frôgum Haka hjaldr,
- - - - - - - - aldr;
ormi veitti Sigurðr sár
(slíkt vas alt fyr liðit ár)
Ragnarr þótti skatna skýrstr,
Skúli jarl es miklu dýrstr.
 
The new edition is unavailable.
This text is from an old edition
Munðak mildingi,
þás Mœra hilmi
fluttak fjogur kvæði,
fimtán stórgjafar;
hvar viti áðr orta
með œðra hætti
mærð of menglǫtuð
maðr und himins skautum.
 
The new edition is unavailable.
This text is from an old edition
Ort's of ræsi,
þanns rýðr granar
vargs ok ylgjar
ok vôpn litar;
þat mun æ lifa,
nema ǫld farisk,
bragninga lof,
eða bili heimar.
 
The new edition is unavailable.
This text is from an old edition
Lyptak ljósu
lofi þjóðkonungs;
upp's fyr ýta
jarls mærð borin;
hver myni heyra
hróðr gjǫflata
seggr svá kveðinn
seims ok hnossa.
 
The new edition is unavailable.
This text is from an old edition
Veitk verðari
þás vell gefa,
brǫndum beita
ok búa snekkjur,
hæra hróðrar
en heimdrega,
unga jǫfra,
en auðspǫruð.
 
The new edition is unavailable.
This text is from an old edition
Þeir ró jǫfrar
alvitrastir,
hringum hæstir,
hugrakkastir,
vellum verstir,
vígdjarfastir,
hirð hollastir,
happi næstir.
 
The new edition is unavailable.
This text is from an old edition
Gløggva grein
hefk gǫrt til bragar;
svá's tírœtt hundrað talit;
hróðrs ørverðr
skala maðr heitinn vesa,
ef svá fær alla hôttu ort.
 
The new edition is unavailable.
This text is from an old edition
Sóttak fremð,
sóttak fund konungs,
sóttak ítran jarl,
þás ek reist,
þás ek renna gat
kaldan straum kili,
kaldan sjá kili.
 
The new edition is unavailable.
This text is from an old edition
Njóti aldrs
ok auðsala
konungr ok jarl,
þat's kvæðis lok;
falli fyrr
fold í ægi,
steini studd,
en stillis lof.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.