skaldic

Skaldic Poetry of the Scandinavian Middle Ages

Menu Search

Háttalykill — RvHbreiðm HlIII

Rǫgnvaldr jarl and Hallr Þórarinsson

Kari Ellen Gade 2017, ‘(Introduction to) Rǫgnvaldr jarl and Hallr Þórarinsson, Háttalykill’ in Kari Ellen Gade and Edith Marold (eds), Poetry from Treatises on Poetics. Skaldic Poetry of the Scandinavian Middle Ages 3. Turnhout: Brepols, p. 1001.

 

Skyldr at skemta
þykkik skǫtnum vera
þeims vilja nýt môl nema,
forn frœði lætk
framm of borin,
ef ér vilið heyrt hafa.
 
The new edition is unavailable.
This text is from an old edition
Barn at aldri
þykkik brǫgnum vera,
þó hefk forn tíðendi [fregit];
ǫðlinga sǫgur
þykkjumk [segja kunna]
fyr lǫngu liðnar.
 
The new edition is unavailable.
This text is from an old edition
- - - - -
- - - - -
í framstafn
frœðis þessa,
- - - - -
- - - - -
ok mannbót
marga gerði.
 
The new edition is unavailable.
This text is from an old edition
- - - - -
- - - - -
- - - - -
skreið at vatni;
blés of vísa
- - - endi
heiðar hvals
til hjarta [stóð].
 
The new edition is unavailable.
This text is from an old edition
- - - - - - - -
heiptbráðr taka náði
snyrtibyggð þás seggir
- - - vegin - - -
- - - - - - - -
naut illa þess stillir,
gunnar geymirunnar
gáttar - - - - aðrir.
 
The new edition is unavailable.
This text is from an old edition
Ór skôru þá [œrit]
Atla menn til hvatla
harðir hjǫrva Nirði
hjarta ógnar-bjǫrtum;
helju Hǫgna seldu
hjǫrþings framir bǫrvar;
hann fekk harma sinna
"hugbygdr vegins tuiggia".
 
The new edition is unavailable.
This text is from an old edition
Gunnarr réð grundu linna,
gætti vel digra mæta,
Fáfnis láð fengu þjóðir
færi an skapligt væri;
lestir réð loks at kasta
(lofðungs brǫgð ýtar sǫgðu)
urðar lax œskijǫrðu
út á Rín fenris sútar.
 
The new edition is unavailable.
This text is from an old edition
Atli tók ǫðling frœknan,
es svá rétt saga þessi,
eptir frá alnar driptum,
eigi mjúkr sonum Gjúka;
leggja bað í linnum byggðan
lǫgdagshrjóð fram[a góðan]
byggðar vǫrðr bǫðvar harðan
bauga ga[rð] - - - -.
 
The new edition is unavailable.
This text is from an old edition
Heldr var Helgi mildr
hjǫrva - - - - -
regn háði hjalms við þjóð
- - - - - - - -
gerðisk geira harðr
gnýr, en - - - -
flaug bǫðvar - - - stǫð
- - - - - - - -
- - - - - - - -
hvít klofnaði rít,
gegn veitti vísi nýtr
- - - - - - - -
ótt fenrir átti ben,
egg sundraði legg,
gauts en gerði[sk harðr
gnýr] malmr sakaði hjalm.
 
The new edition is unavailable.
This text is from an old edition
Rétt's at rekkum þótti
Ragnarr hauksnarr [móðbarr],
rauð bragna vinr blóði
bensildr hringmildr algildr;
frægr lét gramr með gnógu
gunnhvatr, ólatr, - - -
satt'r at siklingr þótti
sjaldhýrr margskýrr aldýrr.
 
The new edition is unavailable.
This text is from an old edition
Segik at fell, en flagða
fekk blóð, mǫrg þjóð, grástóð
hjalmsamt lið með hilmi,
hjǫrr gnast, skjǫldr brast, stóð fast;
hold beit hrátt, en fyldisk
hringr þuðr, vargs muðr, óx guðr,
hirð jók, hermenn gerðu,
hjósk lið, þann sið, ófrið.
 
The new edition is unavailable.
This text is from an old edition
Ella var - - - - -
- - - - - - - -
Ragnars bani rómu vanr
- - - - sœfðisk ferð;
gekk at frið fylkis lið
- - - - - - - -
þá vas rít roðin hvít
- - - - - - - -
 
The new edition is unavailable.
This text is from an old edition
Hjǫrva hríð
- - - - - - - -
- - - - - - - -
- - - - - - - -
- - - - - - - -
- - - - - - - -
- - - - - - - -
skjǫld siklings ǫld.
 
The new edition is unavailable.
This text is from an old edition
- - - - - an vægði
sóknfúss enn beinlausi
- - - - - í bǫð færi,
því - - - - meginvíða;
réð aldrlagi [Ellu]
- - - - - - - -
- - - - - - - -
- - - - - - - -
 
The new edition is unavailable.
This text is from an old edition
Harðr ráð ok ríki,
réð hans engi líki,
[fekk] hann gagn af gunni
- - - - - -
- - - vellbrota vissu
víst skjǫldungar fle[stir]
- - - - Agnars bróður
einn gǫrvallra beina.
 
The new edition is unavailable.
This text is from an old edition
Bjǫrn ǫrn bræddi, fjǫrnis
beit reit firum hneitir
brátt, þrátt, brynju neytir
barg margfrekum vargi;
ypt lypt átti at skipta
egg legg í tvau seggja,
hrátt, brátt, hafði at slíta
hrafn tafn af því jafnan.
 
The new edition is unavailable.
This text is from an old edition
Gramr framr gerði rimmu,
gekk, fekk vargr at drekka
blóð, þjóð, bragningr háði
bǫð, glǫð til vígstǫðva;
sǫng lǫng slíðra tunga,
sleit, beit, ørlyg, peita,
bar þar buðlungr, herðir,
bjart, snart, í styr hjarta.
 
The new edition is unavailable.
This text is from an old edition
Sigurð frák seðja
sára skára,
verð skóp vísi
vǫrgum mǫrgum;
ruðr nam rjóða
randa branda,
gumi gœddi sá
garpa snarpa.
 
The new edition is unavailable.
This text is from an old edition
Spurðak hraustan
- - - - -
þanns linns legu
lesti, festi;
lét opt jǫfurr
ar - - - - -
- - - - sveita
saddan gladdan.
 
The new edition is unavailable.
This text is from an old edition
Hvítserkr gekk at hildi
ha - - - - - - -
jafnt var hann maðr - -
- - - - - flug - -
fylkir hygg - - - - -
- - - - - - - -
- - - - - - - -
- - - - - sem skyldi.
 
The new edition is unavailable.
This text is from an old edition
Var með víg - - - -
- - - - - - kunni
ǫrn kom at ylgjar [brunni]
- - - - - - - -
beit ór hauka hlunni
hjalms - - - - - -
œgði hann orma grunni,
ulfs kom - - - - - -
 
The new edition is unavailable.
This text is from an old edition
Segja kank Svipdags
sǫgu, er frá gram - -
er mér sagt sǫgulegt
frá sǫgu þeiri - -
ǫðlingr gerðisk ótrauðr
auðbjóðr þjóðum;
auðar lét auðbrjótr
auðit þeims sverð rauð.
 
The new edition is unavailable.
This text is from an old edition
Hildi vakði [hildingr],
hildar var sá gramr mildr,
þvít hildi - - - -
- - - - frœkn vildi;
hjalmar kendu hjalms vǫnd,
hjalma beit snarpr malmr,
en hjalmr hjalms - - - -
hjalmr framði - - - -
 
The new edition is unavailable.
This text is from an old edition
- - - þings
orrostu - - -
réð byr beiðir
brands hug - -
- - - - -
almr hjǫrsalma;
þjóð lofar þat ráð
- - - - -
 
The new edition is unavailable.
This text is from an old edition
- við geira glaðr
- - allvalda hafs
- unni verr - -
- - - - -
þat er of hilmi
harðráðan - -
- - - - -
- - var snarast.
 
The new edition is unavailable.
This text is from an old edition
- - - - - - - rekka,
hygg ek mærð of kon
- - - - maðr unda sunda
jǫfurr - - - - - - -
[týndi] herr fyr hjǫrvi fjǫrvi
- - - - - - - - -
svan frák blóðs til benja [spenja]
- - - - dyn leggja seggja.
 
The new edition is unavailable.
This text is from an old edition
Frægr stillir - - - -
fekk þengill sér gengi, drengi,
[grendi hi]nn, er gunni kunni,
grið létusk þá, [viðnis niðja]
auðveitir drap ýta nýta,
almr sparn - - malma hjalma,
á stǫddusk þá oddar broddar,
[ítrar] sprungu rítir, hvítir.
 
The new edition is unavailable.
This text is from an old edition
Hǫrðu réð Hagbarðr,
hvatir leyfa menn þat,
aldrklifs epli;
ýtum var sá gramr nýtur;
mýll gerðit margsnjalls
morðalfs skjalfa
í geira glymskúr
geðvangs strangri.
 
The new edition is unavailable.
This text is from an old edition
Jǫfri varat aldrklifs
akarn við sverðs brak
(stillir vakði stáls gǫll)
stalldræpt snjǫllum;
hvǫssu réð hugar sess
(hildar var sá gramr mildr)
í branda brakvind
baugnjótr grjóti.
 
The new edition is unavailable.
This text is from an old edition
Frilleifs vinn ek sagt frá snilli,
siklingr vakði gunni mikla,
rjóða kunni randar váða
rómu valdr í benja ǫldu;
bíta knátti brynju ótti,
brandar skôru svartar randir,
(gera spurðak þar gladdan verða)
gunnar sól (með ylgjar brunni).
 
The new edition is unavailable.
This text is from an old edition
Bragningr réð í branda regni
benja linn til sára spenja,
allvaldr rauð, þars ýtar fellu,
unda naðr í hræva sundi;
bitran spurðak bǫðvar Njǫrðum
brynju snák í hausum dynja,
reiða tóku ríkar þjóðir
randar orm at svarðar strǫndu.
 
The new edition is unavailable.
This text is from an old edition
Áli fœddi aldinn ara,
allvítt kveðk hans snilli fara,
eigi frák hann armlog spara,
auði gœddi hann drengi snara,
víða hygg ek bragna bera
buðlungs nafn, er saddi gera,
hraustan spurðak vísa vera,
vôpnum kunni hann benjar skera.
 
The new edition is unavailable.
This text is from an old edition
Hjarta dugði jǫfri ǫrum,
ýtar fylgðu hilmi snǫrum,
segja kank frá fylkis fǫrum,
fyrða beitti hann lið með ǫrum;
harðir ôttu hermenn saman,
hilding frák við gunni taman,
hônum þótti at geirleik gaman,
greppar leyfðu vísa framan.
 
The new edition is unavailable.
This text is from an old edition
Þjóð hefr frétt til Fróða,
ferð leyfir menskerði,
hróðr hefk hugt at smíða
hringmildum dǫglingi;
hátt bar hodda veitir
hjalmstall enn margsnjalli,
alkostigr gekk œstu
ǫðlingr at brynþingi.
 
The new edition is unavailable.
This text is from an old edition
Gaf landreki lofðum
linnból enn margsvinni,
sigrstýrir nam særa
sefþvengjar hrynvengi;
frægr vísi réð fleygja
fjallreyðar glóstalli,
morðkennir gaf mǫnnum
móins sæti ágætum.
 
The new edition is unavailable.
This text is from an old edition
Hafði Helgi
í hjǫrva gný
geðstein glaðan,
gótt drengjaval,
hjalm harðsleginn,
hjól mundriða,
sverð snardregit
ok svala brynju.
 
The new edition is unavailable.
This text is from an old edition
Var rǫnd roðin,
riðu skǫlkingar,
fellu fyrðar
í flogi vápna,
ôtu ernir
af jǫfurs dolgum;
hreyfðusk hrafnar
of hrækesti.
 
The new edition is unavailable.
This text is from an old edition
Harald frák gunni gerva,
geri varð, þars lið barðisk,
már kom sigs til sára
svangr, fullr, þars spjǫr gullu;
þegn grástóði gríðar,
gnast hlífð, en, brá fǫstu,
hjaldrgǫgl nutu hildar,
hvít, svǫrt, í dyn rítar.
 
The new edition is unavailable.
This text is from an old edition
Benfasti varð bresta,
bitu hjalm svalir malmar,
í háturnum hjarna,
heitr, kaldr, þars dreif sveiti;
strǫng var guðr, áðr gengi
(geirmót) konungr Jóta,
bendr sparn almr til unda,
(óx) þvarr boga starran.
 
The new edition is unavailable.
This text is from an old edition
Hringr brast, hjoggusk drengir,
hjalmr gnast, bitu malmar,
rǫnd skar, rekkar týndusk,
ruðusk sverð, hnigu ferðir;
brandr reið, blœddu undir,
ben sullu, spjǫr gullu,
brast hjǫrr, brynjur lestusk,
beit skjómi, dreif sveiti.
 
The new edition is unavailable.
This text is from an old edition
Sverð ruðusk, sœfðusk ferðir,
svall ben, valr lá fallinn,
und hraut, almar bendusk,
ǫr fló, beitt varð hjǫrvi,
herr fell, geirar gullu,
gnast hlífð, hrafn brá fǫstu,
oddr beit, ernir sǫddusk,
ulfr fyldisk, vé skulfu.
 
The new edition is unavailable.
This text is from an old edition
Frák Angantýs ævi
(óð stofnak svá) góða;
lét drjúgum brot bauga
bjúg hertogi fljúga,
nema ek ljúga, en ek mun eigi ljúga,
kank fyr randa runnum,
ráð hófsk grams við dáðir,
menn lofa vísa vinnur,
veg þess konungs segja
[nema ek þegja, en ek mun eigi þegja].
 
The new edition is unavailable.
This text is from an old edition
Hljóðr réð hann at kveðja
hauðr benloga rauðum,
þvít margkostigr mesta
mildingr of vann hildi,
ef hann vildi, en ek veit at vildi;
trauðr var lundr af lǫndum
linns fyr þeim at sinna
(svipr varð at þar sverða)
sára polls ok golli,
ef þat olli, sem ek veit at olli.
 
The new edition is unavailable.
This text is from an old edition
Hverr réð Hildi at næma?
hverir daglengis berjask?
hverir síðarla sættask?
hverr siklingum atti?
Heðinn réð Hildi at næma,
Hjaðningar æ berjask,
þeir síðarla sættask,
saman Hildr liði atti.
 
The new edition is unavailable.
This text is from an old edition
Hverr rýðr hvassar eggjar?
hverr brytjar mat vargi?
hverr gerir hjalma skúrir?
hverr eggjaði styrjar?
Heðinn rauð hvassar eggjar,
herr brytjar mat vargi,
hjalmskúr gerir Hǫgni,
Hjarrandi réð gunni.
 
The new edition is unavailable.
This text is from an old edition
Hrólfs spurðak hag,
hafs veitti dag,
fló fáfnis setr,
fáir þóttu betr;
hann veitti her
haukslóðar sker;
brast linna láð
við lofðungs ráð.
 
The new edition is unavailable.
This text is from an old edition
Kraka þrautat kapp,
(konung sótti happ),
hinn'r brynþing bauð,
at brjóta auð,
þvít buðlungr var,
sás benjar skar,
(honum tíddisk hildr)
hugprúðr ok mildr.
 
The new edition is unavailable.
This text is from an old edition
Heyja réð hjǫrþey
Hjalmarr vígsnarr,
auðar vǫru óleið
ǫrbrjót geirmót;
vekja frák vítt mjǫk
vápnþing dǫgling,
fella spurðak forsnjǫll
fira kyn víghlyn.
 
The new edition is unavailable.
This text is from an old edition
Hausa beit hjalm-Týs
hjaldrliðr alstiðr;
sundra nam snarbeind
sverðs egg manns legg;
veita réð vellbrjótr
valgjóð hræflóð;
haukum var hjǫrleiks
hjaldrmôs gefin krôs.
 
The new edition is unavailable.
This text is from an old edition
Ák frá Eiríks mildi
elds brjótǫndum hranna,
þess'r hét enn sigr-sæli,
segja einkar gegnum;
þvít gollskati gagni,
gram þann lofa ýtar,
réð, sás ríkstr var heitinn,
í randa gný hverjum.
 
The new edition is unavailable.
This text is from an old edition
Réð gunnstara gildi
Gauts mútari drekka,
þvít morðhauka milsku
muninn kunni sér nýta;
ǫl var ógnar gagla
ótrautt gefit hrafni;
réð ylgjar mjǫð erni
ógndjarfr konungr veita.
 
The new edition is unavailable.
This text is from an old edition
Ák frá Óláfi,
auðar þrámeiðum
sløngði snákvengi,
selju mens telja;
fréttu fleystéttar,
fengu gjǫf drengir,
harðir hyr-Nirðir
hildings fémildi.
 
The new edition is unavailable.
This text is from an old edition
Fleygði ôrr Óli
aurborða forðum
meiðum margnýtum
malmi gollhjalma;
sungu svanvengis
snótir raustljótar
hátt of haf beittum
hjalmar skæ salma.
 
The new edition is unavailable.
This text is from an old edition
Golli Gautrekr þótti
góðr illr kyni þjóðar,
saddr varð svanr, en hræddisk
seint, skjótt, konungr, Þróttar;
frák allvald, þanns óðisk,
opt, sjaldan, styr valda;
vǫrðr gekk fróns, né fœrðisk,
framm, aptr, í bǫð ramma.
 
The new edition is unavailable.
This text is from an old edition
Morð óx, mildingr sparði,
mjǫk, lítt diguljǫkla,
lét ósa rǫf ræsir
rétt bjúg á her fljúga;
fira sættir rak flótta
fúss trauðr vita lauðar,
þollr var geirs, en golli,
góðr, illr, kyni þjóðar.
 
The new edition is unavailable.
This text is from an old edition
Styrbjǫrn réð til styrjar
styrfimr meginsnimma,
hildingr gekk at hildi
hildar fúss und skildi;
eggþinga skar eggjum
eggjandi fjǫr seggja,
vargfœðir rauð vargi
varghollr granar mǫrgum.
 
The new edition is unavailable.
This text is from an old edition
Hilmir rauð ok hjalma
hjalmskóð í dyn malma;
skjǫldungr komat skjaldi
skjaldfimr í bug sjaldan;
bǫrr lét vígs at vígi
vígreyr lituð dreyra,
þvít gunnþorinn gunni
gunn-Freyr hvata kunni.
 
The new edition is unavailable.
This text is from an old edition
Haraldr kunni gný gerva,
gekk hilmis lið vekja
(menn ruðu geir at gunni)
gráp smíðaðra vápna;
háði herr við prýði
hjǫrþing með dǫglingi,
hinn'r skyndi byr branda,
bendags enn hárfagri.
 
The new edition is unavailable.
This text is from an old edition
Haraldr kunni gný gerva,
glaðr var hrafn fyr Jaðri,
þar'r svát víg á vági
vargs gráðtǫpuðr háði,
þvít við hodda hneiti
hvatráðan burr Kjǫtva
barðisk Bokks í firði,
bendags enn hárfagri.
 
The new edition is unavailable.
This text is from an old edition
Frétt'r, at Eiríkr átti
eggmót, sás rauð spjót,
(frægr gerði val víga)
víts mǫrg (konungr bjǫrg),
þvít blóðstari bæði
bens nýtti sér fen
(frægr þótti sá flotnum
foldar vǫrðr) ok hold.
 
The new edition is unavailable.
This text is from an old edition
Sér nýtti þá sveita
sármútari grár [blár?];
hrafn fekk døkkr at drekka
drengja blóð til sprengs;
môr drakk morðs af dreyra
(menn fylgðu vel) sylg,
valdr bar hjalms frá hjaldri
(hvǫtum bragningi) gagn.
 
The new edition is unavailable.
This text is from an old edition
Hauðr frák Hákon síðan
harðgeðjaðastan varða;
þjóð sá ræsi rjóða
ráðvandaðastan branda;
seimfærir klauf sverði
snarpeggjuðustu leggi;
getk, at gramr fekk vitni
gráleituðustum sveita.
 
The new edition is unavailable.
This text is from an old edition
Ríkr barg lofðungr Leiknar
ljótrǫnuðustum sóta;
svan frák blóðs til bráða
bjúgnefjaðastan fljúga;
skutu bráðgegnir bragnar
beinskeptuðustum fleini;
almr sparn hart til hjalma
hvassodduðustum broddi.
 
The new edition is unavailable.
This text is from an old edition
Haraldr magnaði hildi,
hildr tíddisk gram mildum,
frák hann við gný Gunnar,
Gunnhildar burr, kunnu;
harðr rauð í svip sverða
sverðs egg konungr; ferðar
morðs lét hilmir Hǫrða
hǫrð reyr lituð dreyra.
 
The new edition is unavailable.
This text is from an old edition
Siklingr lét þar sveita,
sveit fylkis rauð hneiti,
bǫðvar skýrstr, í bráði,
brôð, môl lituð stála;
vann blóðroðin benja
benflœðr skolat rœði,
sóknbára gat sára
sárvǫrm þvegit árar.
 
The new edition is unavailable.
This text is from an old edition
Sveinn framði gný grimman,
guðr heitir svá, peitu;
hagl brast skógs í Skǫglar,
skjǫld nefnik svá, tjaldi;
sóknbjartar skar snyrtir,
sverð nefnik svá, ferðir;
hringr brá horskra drengja,
hjǫr nefnik svá, fjǫrvi.
 
The new edition is unavailable.
This text is from an old edition
Hjaldrkyndill beit hildar
harðr, brandr er þat, garða;
ljós varð hjaldrs í hausum,
hjǫr kallak svá, gjalla;
hart skar Hildar kerti,
hjalms grand er þat, randir,
þvít benlogi brynju
beit, nefnik svá hneiti.
 
The new edition is unavailable.
This text is from an old edition
Knútr sásk, herr hjósk,
hlífð gnast, rǫnd brast,
guðr svall, folk fell,
fátt, mart, hvít, svǫrt;
bargsk ǫld, beit skjǫld,
benskóð rauð þjóð,
hart flugu hjalmreyr,
hó, lôg, breið, mjó.
 
The new edition is unavailable.
This text is from an old edition
Guðr var, en gram - -
- - uðr, fekk herr berjask,
flótta, þars fell drótt,
fúss, trauð, kvik, dauð;
þótti þar ulfs ætt,
ǫrva gerðisk hríð snǫr
(eigi var fleins flaug)
full-svǫng, (skǫmm) lǫng.
 
The new edition is unavailable.
This text is from an old edition
Óláfr rauð í éli
Yggjar slíðra bryggjur;
veitk at vísi átti
víða brynju hríðir;
hirð réð gramr í Gǫrðum
gleðja þursa kveðju
fœddr, en fylki studdu
fróðan sygnskar þjóðir.
 
The new edition is unavailable.
This text is from an old edition
Sonr Tryggva bað seggi
síðan ógnar blíða
vallar baug á vági
verja sœnskum herjum;
hjaltvendi skar Hrundar
hríðar tungla stríðir
(alms varð hagl á hjalma
hrynja) danskar brynjur.
 
The new edition is unavailable.
This text is from an old edition
Óláfr náði eggjar rjóða
enskra þjóða vǫrmu blóði,
hneigiborða háði skerðir
hjǫrva þeyja Viðris meyja;
bǫðvar hauka búðar snáka
beiti-Nirðir ógnar girði
rjóða nômu, rekkar kómu
randar Freyju þing at heyja.
 
The new edition is unavailable.
This text is from an old edition
Slíðra tungur snarpar gengu,
sullu benjar, hlífðir gullu,
hilmir vakði, hneitir rakði
hjǫrva salma, skúrir malma;
hyggju knarrar harða veggi
hjoggu sverðum vísa ferðir
vægðar trauðar valskrar þjóðar,
veigar hrafna knífum grafna.
 
The new edition is unavailable.
This text is from an old edition
Mætr rauð Magnús hneiti,
mildr fylkir vann hildi,
snjallr gerði styr stillir,
stóð ógn af gram þjóðar,
dunðu dǫrr á brynjur,
drótt hilmis rak flótta,
egg brast hǫrð i hǫggvi,
hjǫrr beit - - - gǫrva.
 
The new edition is unavailable.
This text is from an old edition
Skjǫldr brast skreyttr í hjaldri,
skôrusk randir fyr brandi,
rít hykk malma mœttu,
mǫrg vôpn [slitu] tǫrgur,
hlífð frák karlmenn kljúfa,
kyn jǫfra skar brynjur,
sungu slǫg við hringa,
sundr brast hjalmr fyr malmi.
 
The new edition is unavailable.
This text is from an old edition
Haraldr var, herr skar,
harðráðr sigbráðr,
snart lið sleit frið,
sverðs egg manns legg;
bargsk ǫld, beit skjǫld
brandr þuðr, óx guðr,
skaut gramr geðframr,
gnast almr, fló malmr.
 
The new edition is unavailable.
This text is from an old edition
Ben svall, brandr gall,
beit egg manns legg,
roðin var, rǫnd skar
rendr hjǫrr, benstǫrr;
rautt blóð rann þjóð,
riðu sverð, hné ferð,
almr hrauzk, hræ bauzk
hrafns ætt, óslætt.
 
The new edition is unavailable.
This text is from an old edition
Ǫrt rauð Óláfr snyrti,
egg gall; hjǫrr skar leggi;
dunði bitr á brynjur
brandr, skôru spjǫr randir;
bitu ramslegin rimmu
reyr, knôttu ben dreyra,
ferð þars fylkir barðisk,
fell, hné drótt at velli.
 
The new edition is unavailable.
This text is from an old edition
Kœnn hlaut lofðungr linna
láð, segik vísa dáðir;
gramr prýddi sá gumna
gjǫfum; kunni hann sið jǫfra;
ógnbeiðis naut auðar
ǫld, leyfum bǫr skjaldar;
þvít ljósan veg vísi
vann, nú'r mælt et sanna.
 
The new edition is unavailable.
This text is from an old edition
Magnús malma regni
morðbráðan frák ráða,
hyrbrjótr hauka strætis
hjǫrskúrir vann gǫrvar;
allnýtr Egða stillir
ósjaldan rauð skjaldar
snjallr fúr seggja dreyra,
sveiti dreif á hneiti.
 
The new edition is unavailable.
This text is from an old edition
Glygg-Freyr Gǫndlar veggjar
- - - - - - - -
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.