skaldic

Skaldic Poetry of the Scandinavian Middle Ages

Menu Search

Lausavísur — KormǪ LvV (Korm)

Kormákr Ǫgmundarson

Kormákr Ǫgmundarson, Lausavísur — Edith Marold

Not published: do not cite (KormǪ LvV (Korm))

 

Nú varðk mér í mínu
(menreið) jǫtuns leiði
(réttumk risti) snótar
ramma ôst fyr skǫmmu;
þeir munu fœtr at fári
fald-Gerðar mér verða
(alls ekki veitk ella)
optarr an nú (svarra).
 
The new edition is unavailable.
This text is from an old edition
Brunnu beggja kinna
bjǫrt ljós á mik drósar
(oss hlœgir þat eigi)
eldhúss of við feldan,
en til ǫkla svanna
ítrvaxins gatk líta
(þrô muna oss of ævi
eldask) hjá þreskeldi.
 
The new edition is unavailable.
This text is from an old edition
Brámáni skein brúna
brims und ljósum himni
Hristar, hǫrvi glæstrar,
haukfránn á mik lauka,
en sá geisli sýslir
síðan gollmens Fríðar
hvarma tungls ok hringa
Hlínar óþurpt mína.
 
The new edition is unavailable.
This text is from an old edition
Hófat lind (né leynðak)
líðs (hyggju því stríði)
- bands mank beiði-Rindi -
baugsœm af mér augu,
þás húnknarrar hjarra
happ-þægi-Bil krapta
helsisœm at halsi
Hagbarðs á mik starði.
 
The new edition is unavailable.
This text is from an old edition
Eitt lýti kvazk Áta
eldbekks á mér þekkja
Eir of aptanskœrur
allhvít, ok þó lítit -
haukmœrar kvað hári
Hlín vel borin mínu
(þat skyldak kyn kvinna
kenna) sveipt í enni.
 
The new edition is unavailable.
This text is from an old edition
Svǫrt augu berk sveiga
snyrti-Grund til fundar
(þykkik erma Ilmi
allfǫlr) ok lô sǫlva;
þó hefk mér hjá meyjum,
men-Grund, komit stundum,
hrings við Hǫrn at manga
hagr, sem drengr enn fagri.
 
The new edition is unavailable.
This text is from an old edition
Ǫl-Sôgu metk auga
annat, beðjar Nǫnnu
þats í ljósu líki
liggr, hundraða þriggja,
þann metk hadd, es (hodda)
hǫrbeiði-Sif greiðir,
(dýr verðr fægi-Freyja),
fimm hundraða snimma.
 
The new edition is unavailable.
This text is from an old edition
Alls metk auðar þellu
Íslands, þás mér grandar,
Húnalands ok handan
hugstarkr sem Danmarkar;
verð es Engla jarðar
Eir háþyrnis geira
(sól-Gunni metk svinna
sunds) ok Íra grundar.
 
The new edition is unavailable.
This text is from an old edition
Léttfœran skalt láta
(ljóst vendi mar) Tósti
móðr of miklar heiðar
minn hest und þér rinna;
makara's mér mér at mæla,
an mórauða sauði
of afréttu elta,
orð mart við Steingerði.
 
The new edition is unavailable.
This text is from an old edition
Saurfirðum kom svarðar
sefþeys at mér Freyja
(grepps reiðu mank góða)
geir teins skarar beina;
þó vôrum vér þeiri
þǫll hyltinga vallar
(minnumk Eir at unna
unnfúrs) meðalkunnir.
 
The new edition is unavailable.
This text is from an old edition
Góðr þykkir soðinn mǫrr
syni Ǫgmundar.
 
The new edition is unavailable.
This text is from an old edition
Hvat skal orfa Áli
ófróðr of mat rœða
- þér vas þeirar kerski
þǫrf eng við mik, Narfi.
 
The new edition is unavailable.
This text is from an old edition
Spurði frenju fœðir
fréttinn, hvé mér þœtti
(hann sýnisk mér heima
hvarmrauðr) ketilormar;
veitk, at hrímugr hlúki,
hrókr saurugra flóka,
sás túnvǫllu taddi,
tíkr ørendi hafði.
 
The new edition is unavailable.
This text is from an old edition
Hneit við Hrungnis fóta
(hall) vitjǫndum stalli
(inn vask Ilmi at finna)
engis sax (of genginn);
vita skal hitt, ef hœtir
(handvíst es) mér grandi,
- né Yggs fyr líð leggjum -
lítlu meira vítis.
 
The new edition is unavailable.
This text is from an old edition
Braut hvarf ór sal sæta,
sunds eum hugr á Gunni
(hvat merkir nú) herkis
(hǫll) þverligar (alla);
rendak alt et iðra
(eyrar geirs) at þeiri
(hyrs erum Hǫrn at finna)
hús brágeislum (fúsir).
 
The new edition is unavailable.
This text is from an old edition
Sitja sverð ok hvetja
sín andskotar mínir,
eins karls synir, inni;
erut þeir banar mínir;
en ef á víðum velli
vega tveir at mér einum,
þá's sem ær at ulfi
órœknum fjǫr sœki.
 
The new edition is unavailable.
This text is from an old edition
Sitja menn ok meina
mér eina Gnô steina,
þeir hafa víl at vinna,
es mér varða Gnô borða;
því meira skalk þeiri,
es þeir ala meira
ǫfund of órar gǫngur,
unna sǫlva Gunni.
 
The new edition is unavailable.
This text is from an old edition
Sitja menn ok meina
mér ásjónu þína;
þeir hafa lǫgðis loddu
linna "fætr" (fár?) at vinna,
þvít upp skulu allar,
ǫlstafns áðr þér hafnak
lýsi-Grund, í landi,
linns, þjóðáar rinna.
 
The new edition is unavailable.
This text is from an old edition
Hvern myndir þú Hrundar,
Hlín, skapfrǫmuð, línu,
(líkn sýnir mér) leika,
ljós, þér at ver kjósa?
 
The new edition is unavailable.
This text is from an old edition
Kosta hins, at hesti
haldir fast ok skjaldi,
koma mun ór við eyra
yðr bráðliga hnyðja,
seg þú aldrigi síðan,
þótt sjau of dag fregnir,
(kemba skalt of kúlu)
kumblabrjótr frá sumbli.
 
The new edition is unavailable.
This text is from an old edition
Brott hefr Bersi sótta
(beiðis hann á reiði
valkjósanda at vísu
víns) heitkonu mína,
þás unni mér manna,
(mist hefk fljóðs ens tvista)
þá kystak mey, miklu
mest, daglengis flestan.
 
The new edition is unavailable.
This text is from an old edition
At emk, Yggjar gǫtva,
ullar Svǫlnis fulli
of reiði-Sif rjóða,
runnr, sem vífl at brunni. -
[22b]
Dýrt verðr dǫggva kerti
Draupnis mart at kaupa, -
þrimr aurum skal þetta
Þórveigar skip leiga.
 
The new edition is unavailable.
This text is from an old edition
Svá kveðk snyrti-Freyju
(snimr trúða ek brúði)
gamðis vangs of gengna
greipar báls ór skôlum,
at vegskorða verðit
varrskíðs funa síðan
(sǫddum hǫlðs á holdi
hrafna) mér at tafni.
 
The new edition is unavailable.
This text is from an old edition
Þú telr, ljós, of logna,
lín-Gefn, við þik stefnu,
en ek gerða mjǫk móðan
mínn fák of sǫk þína;
heldr vilda ek hǫlfu,
hring-Eir, at marr spryngi
(sparðak jó, þanns ôttum,
alllítt), an þik gefna.
 
The new edition is unavailable.
This text is from an old edition
Átt hefk yðr at fœra
eggfallinn hjǫr, Skeggi,
(beitat vápn) at vísu
varð þeira hlutr meiri;
vasat of gang, þanns gengum
geirþey of mey heyja,
(sigr varða þá sverða
sennu) mér at kenna.
 
The new edition is unavailable.
This text is from an old edition
Hefk á holm of gengit
(hugðumk þat fyr betra)
við híðbyggvi, hasla
handar skers, at berjask;
brast fyr mér enn mæri
mála vǫndr í hendi
(mist hefr margra kosta)
morðeggjandi Skeggja.
 
The new edition is unavailable.
This text is from an old edition
Fœrðia mér at morði
morðvǫnd (fetils storðar
staðr esa strandar naðri)
starreggjaðan Skeggi;
gerði (holt) fyr hjalti
Hvíting í tvau bíta
(brotit hefk skarð í skerðum)
Skǫfnungr (fetils þrafna).
 
The new edition is unavailable.
This text is from an old edition
Gerðisk minn at morði
morðvǫndr, es hjók, randar
greipum rann at gunni
grannfengr, íugtanni;
illa lét, þás, Áta,
ófúss, varar húsa,
sónar, fress, ór sínu
slíðr balti gekk híði.
 
The new edition is unavailable.
This text is from an old edition
Gerðu, vask of genginn,
Gefn, til víssar stefnu,
(nú emk hǫrþellu hylli
hornungr) tváa morna;
gætumk hins, at heima,
hǫrfit, munak sitja
(mér's of erma Ilmi
iðjusamt) enn þriðja.
 
The new edition is unavailable.
This text is from an old edition
Firnat mik, þótt, fjǫrnis
Freyr, værak þér dreyra
(mærð berk fyr þik mína)
mœri seinn at fœra;
máat (und heiði) Hildar
hreggmiðjunga, Skeggi,
(verit hefr í þrym þremja
þinn hjǫrr) skǫpum vinna.
 
The new edition is unavailable.
This text is from an old edition
Framm þóttumk ek, fasta
Freyr, mínum gram, dreyra,
Gauts at gǫtva móti,
galdrs, blóðfrekum halda,
né, gim-Ránar, gína,
gôtt, hlœðivið máttit,
minn leikr hugr á henni,
hlunnjós við banmunni.
 
The new edition is unavailable.
This text is from an old edition
Mákak hitt of hyggja,
hví þú skyldir verða,
gollhlaðs geymiþella,
gefin tindráttar manni,
trauðla mák of tœja
tanna, silki-Nanna,
síz þik fastnaði frægja
faðir þinn blotamanni.
 
The new edition is unavailable.
This text is from an old edition
Þarfta, hvít, at hœta,
Hlín skrautligrar línu,
(vér kunnum skil skepja)
Skíðunga mér níði;
naddhríðar skalk níða
Njót, svát steinar fljóti;
nú hef ek illan enda
Eysteins sonum leystan.
 
The new edition is unavailable.
This text is from an old edition
Skaka verðum vér Skarði,
skald á búð til kalda,
(fjǫll eru fjarðar kelli
faldin) hrím af tjaldi;
vildak at reiðar valdi
væri engu hæra;
hann's til latr frá ljóssi
linnbeðjar Gnô sinni.
 
The new edition is unavailable.
This text is from an old edition
Uggik lítt, þótt leggi
landvǫrðr saman randir
(vasat ógn verka stœri)
vellauðigr, mér dauða;
meðan skerjarðar, Skarði,
skorðu mank fyr norðan,
hvǫss angrar sú, sessi,
sótt, Þórketils dóttur.
 
The new edition is unavailable.
This text is from an old edition
Skjótt munum Skarði herðnir,
skulum tveir banar þeira,
hollr, andskota hrinda,
hjǫrdrífr, níu, fjǫrvi,
meðan goðleiðum gáða
grunnleit, sús mér unni,
gengr at glæstum bingi
gollseims Njǫrun heima.
 
The new edition is unavailable.
This text is from an old edition
Brim gnýr, brattir hamrar
blálands Haka standa,
alt gjalfr eyja þjalfa
út líðr í stað, víðis;
mér kveðk heldr of Hildi
hrannbliks, an þér, miklu
svefnfátt; sǫrva Gefnar
sakna mank, es ek vakna.
 
The new edition is unavailable.
This text is from an old edition
Esa mér, sem Tinteini
- trauðr's vásfara kauði -
(skjarr's hann) við þys þenna,
þrjótr myksleða brjóti,
þás (alsnjallir allir
oddregns stafar fregni)
es í Sólundar sundi
sundfaxa rô bundin.
 
The new edition is unavailable.
This text is from an old edition
Veit hinn, es tin tannar,
trauðr sæfara, enn blauði
(stǫndumk Ilmr fyr ynði)
ógǫrva þat (sǫrva),
hvar eldfaldin alda
opt gengr of skǫr drengjum;
hann á vífs at vitja
varma búð á armi.
 
The new edition is unavailable.
This text is from an old edition
Hvílum, handar bála
Hlín, valda skǫp sínu
(þat séum) reið at ráði
rík, tveim megin bríkar,
nærgi's oss í eina
angrlaust sæing gǫngum,
dýr skǫfnunga, drafnar
dúneyjar, við, Freyja.
 
The new edition is unavailable.
This text is from an old edition
Svôfum, Hnoss, í húsi
hornþeyjar, vit Freyja
fjarðar logs en frægja
fimm nœtr saman grimmar;
ok hyrketils hverja
hrafns ævi Gnóð stafna
lags, á lítt of hugsi,
lák andvanr á banda.
 
The new edition is unavailable.
This text is from an old edition
Heitask hellur fljóta
hvatt sem korn á vatni
(enn emk auðspǫng ungri
ofþekkr), en bjǫð søkkva,
fœrask fjǫll en stóru,
fræg, í djúpan ægi,
auðs áðr jafnfǫgr tróða
alin verði Steingerði.
 
The new edition is unavailable.
This text is from an old edition
Svá berr mér í mína,
men-Gefn, of þat svefna
(nema fági dul drjúga
drengr) ofraðar lengi,
at axllimar yðrar,
auð-Frigg, myni liggja,
hvít, á heiðis landi
hlíðar mér of síðir.
 
The new edition is unavailable.
This text is from an old edition
Digla bauð ek dregla
dagtála (því máli
mér vasa dagr, sás dugði)
drífhagl (af því) vífi,
en blíðhuguð beiði
bauð golls-Njǫrun (auðar
mitt villat fé Fulla)
fingrgoll gefit trollum.
 
The new edition is unavailable.
This text is from an old edition
Seinn þykki mér søkkvi
snyrti-móts, ór Fljótum
sás elgrennir unnar
orð sendi mér norðan;
hringsnyrtir þarf hjarta
háðœrr í sik fœra
(þó's men-Gunnar manni
meira vant) ór leiri.
 
The new edition is unavailable.
This text is from an old edition
Skulut níðingar neyða,
nú emk sóttr of gjǫf Þróttar
(upp geldk Gauta gildi)
gǫgnum, mik til þagnar;
þat munu Þróttar víttir,
Þrós, regns stafar fregna,
(byrjak frægð), nema fjǫrvi
fél-miðlendr mik véli.
 
The new edition is unavailable.
This text is from an old edition
Aura gafk, á eyri
af, skar mær, at bærit
Týr, sýndisk, mér taura,
tveim gangvegum þeima;
vesa mun blóð af blóði,
bjóð aldri þat skaldi
þeims ǫlverki orkar
ásar, tveggja gása.
 
The new edition is unavailable.
This text is from an old edition
Mjǫk hafa troll of trylda
(trúit mannr konu annars)
eldreið Áta foldar
(ómissila) þessa;
vættik hins at valdit,
es at vangroði gǫngum,
(hvat of kennum þat henni?)
hôs vǫlva, því, bǫlvi.
 
The new edition is unavailable.
This text is from an old edition
Hefk á holm of gengit,
hald-Eir, of þik, fǫldu,
(hvat megi okrum ôstum)
annat sinn (of rinna?),
ok vígsakar vakðar
(Vôr) hefk of þik (bôru
fúrs skal mér an Tinteini)
tvær, (unnasta værri).
 
The new edition is unavailable.
This text is from an old edition
Hefk á holm of gengit
handar skers, at berjask
þú skaltat mér, þella,
þriðja sinn of kviðja;
rauðk eigi ek rauða
reyr í þessi dreyra,
mitt kveðk slætt, í sveita,
sverð fordæðu gerðu.
 
The new edition is unavailable.
This text is from an old edition
Ek verð, opt þvít þykkjum
erróttr, af mér þerra,
golls hlýkk af þér þella
þraut, á mǫttulskauti,
því lát í set snauta
saurreiði (brag greiðik),
mér hefr steypt í stúru
Steingerðr, bana verðan.
 
The new edition is unavailable.
This text is from an old edition
Hins mun hǫr-Gefn spyrja,
es it heim komið báðir
með blót roðin, beiði
benhlunns, sús mér unni,
hvar's nú baugr enn brendi?
bǫl ólítit - - -,
hefr hann sveinn enn svarti,
sonr Ǫgmundar, skaldi.
 
The new edition is unavailable.
This text is from an old edition
Rjóðandi lét randa
ryðskǫlm of mér falma
(fægik Fjǫlnis veigar),
fnasi hann vesalstr manna,
ok þrymskúrar þeirar
(þat varð hlaup at skaupi)
víst hafði mér váða
(vers spákonu) ferri.
 
The new edition is unavailable.
This text is from an old edition
Deyfði eld en aldna
ǫrg véttr fyr mér tǫrgu
(lætk níð á bak bíta
bǫðlund) at hjǫrfundi,
dugðit hjǫrr, þás hugðak
hjalmrœkjanda at sœkja,
hǫgg hlaut huglaus dugga
hølzti stinn at minni.
 
The new edition is unavailable.
This text is from an old edition
Baugi varðk at bœta
brúnleggs hvaðartveggja
(gulduð fé fyrr) bjartrar
fang hals mýils spangar;
gôtut gjalli mœta
golls laufguðum þolli
(tôl hefk teitimála)
tveir kossar fémeiri.
 
The new edition is unavailable.
This text is from an old edition
Vísu munk of vinna,
áðr vér til skips gangim,
senda sǫrva-Rindi
til Svínadals mína;
koma skulu ǫll til eyrna
orð mín Skǫgul borða;
betr annk sigli-Sôgu
an sjǫlfum mér hǫlfu.
 
The new edition is unavailable.
This text is from an old edition
Fekk sás fǫgru vífi
fór nær an vér stórum
hǫgg af hjalmar skíði
í hattar stall miðjan;
Eysteins hratar arfi
á elliða stafni;
stýrat á mik, Steingerðr,
þótt steigurla látir.
 
The new edition is unavailable.
This text is from an old edition
Drengr ungr stal mik dalki,
þás drakk á mey rakka;
skuluma of dalk deila
sem drengir tveir ungir;
vel hefr Vigr of skepta,
varðk í grjót at skjóta,
víst's at manns of mistak,
mosi varð upp at losna.
 
The new edition is unavailable.
This text is from an old edition
Runnu, randar linna
rógviðr, at mér gnógir,
þás vér of fen fórum,
flokkum díkis bokkar;
Gauts myndi þá gáttar
gnýsvells, ef þar fellak,
lunds (komk ljósu sprundi)
lǫngum minzk (ór ǫngum).
 
The new edition is unavailable.
This text is from an old edition
Hirðat, handar girðis
Hlín, (sof hjá ver þínum),
fátt kant, í mun manni,
minna frama, at vinna;
þó skalt, fornrar fǫldu
Frigg, heldr an mér liggja
(drykk hefk yðr of aukit
Aureks) næir gauri.
 
The new edition is unavailable.
This text is from an old edition
Vasa sem fljóð í faðmi,
þás fangremmi mœttak
við strengmara stýri,
Steingerði mér hefðak;
myndak ǫl at Óðins
í ǫndvegi drekka
skjótt (segik til þess skǫtnum),
ef mér Skrýmir lið veittit.
 
The new edition is unavailable.
This text is from an old edition
Réðkat því at, reiði-
Rindr, morðgǫfugr forðum,
sunds, at, sólar, grandi
sverð skyldi mér verða;
forðumk vætr, þvít verða
vígnaðrs stafar aðrir
(snertum harmr við hjarta)
helnauð, ór kǫr dauðir.
 
The new edition is unavailable.
This text is from an old edition
Vasat með mér í morgin
maðr þinn, kona en svinna,
roðinn vas hjǫrr til hodda,
handfǫgr, á Írlandi,
þás, síðernis Sága,
sǫng of mínum vanga
Hlakkar þrafni, en hrafni
heitr fell á nef sveiti.
 
The new edition is unavailable.
This text is from an old edition
Dunði djúpra benja
dǫgg ór mækis hǫggvi
(bark með dýrum drengjum
dreyrugt sverð) á eyri;
bera knôttu þá breiðan
blóðvǫnd hjarar Þundar,
þó munk, greipa glóðar
Gerðr, strádauða verða.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.