skaldic

Skaldic Poetry of the Scandinavian Middle Ages

Menu Search

Arinbjarnarkviða — Egill ArkvV (Eg)

Egill Skallagrímsson

Egill Skallagrímsson, Arinbjarnarkviða — Margaret Clunies Ross

Not published: do not cite (Egill ArkvV (Eg))

 

Emk hraðkvæðr
hilmi at mæra,
en glapmáll
of gløggvinga,
opinspjallr
of jǫfurs dôðum,
en þagmælskr
of þjóðlygi.
 
The new edition is unavailable.
This text is from an old edition
Skaupi gnœgðr
skrǫkberǫndum,
emk vilkvæðr
of vini mína;
sótt hefk mǫrg
mildinga sjǫt
með grunlaust
grepps of œði.
 
The new edition is unavailable.
This text is from an old edition
Hafðak endr
ynglings burar,
ríks konungs,
reiði fengna;
drók djarfhǫtt
of døkkva skǫr,
létk hersi
heim of sóttan.
 
The new edition is unavailable.
This text is from an old edition
Þars allvaldr
und ýgs hjalmi,
ljóðfrǫmuðr,
at landi sat;
stýrði konungr
við stirðan hug
í Jórvík
úrgum - - -.
 
The new edition is unavailable.
This text is from an old edition
Vasa tunglskin
tryggt at líta
né ógnlaust
Eiríks bráa,
þás ormfránn
ennimáni
skein allvalds
œgigeislum.
 
The new edition is unavailable.
This text is from an old edition
Þó bólstrverð
of bera þorðak
maka hœings
markar drótni,
svát Yggs full
ýranda kom
at hvers manns
hlustamunnum.
 
The new edition is unavailable.
This text is from an old edition
Né hamfagrt
hǫlðum þótti
skaldfé mitt
at skata húsum,
þás ulfgrátt
við Yggjar miði
hattar staup
at hilmi þák.
 
The new edition is unavailable.
This text is from an old edition
Við því tók,
en tiru fylgðu
sǫkk sámleit
síðra brúna
ok sá muðr,
es mína bar
hǫfuðlausn
fyr hilmis kné.
 
The new edition is unavailable.
This text is from an old edition
Þar tannfjǫlð
með tungu þák
ok hlertjǫld
hlustum gǫfguð,
en sú gjǫf
golli betri
hróðugs konungs
of heitin vas.
 
The new edition is unavailable.
This text is from an old edition
Þar stóð mér
mǫrgum betri
hoddfinnǫndum
á hlið aðra
tryggr vinr minn,
sás trúa knáttak,
heiðþróaðr,
hverju ráði.
 
The new edition is unavailable.
This text is from an old edition
Arinbjǫrn,
es oss einn of hóf,
knía fremstr,
frá konungs fjónum,
vinr þjóðans,
es vætki ló
í herskás
hilmis garði.
 
The new edition is unavailable.
This text is from an old edition
Ok - - - -
- - stuðill lét,
margfrǫmuðr
minna dáða,
sem en - að - -
- - - Halfdanar
at í væri
ættar skaði.
 
The new edition is unavailable.
This text is from an old edition
Munk vinþjófr
verða heitinn
ok váljúgr
at Viðurs fulli,
hróðrs ørvirðr
ok heitrofi,
nema þess gagns
gjǫld of vinnak.
 
The new edition is unavailable.
This text is from an old edition
Nú's þat sét,
hvar setja skalk
bratt stiginn
of bragar fótum
fyr mannfjǫlð
margri sjónir
hróðr máttigs
hersa kundar.
 
The new edition is unavailable.
This text is from an old edition
Erum auðskœf
ómunlokri
magar Þóris
mærðar efni,
vinar míns,
þvít valið liggja
tvén ok þrén
á tungu mér.
 
The new edition is unavailable.
This text is from an old edition
Þat telk fyrst,
es flestr of veit
ok alþjóð
eyru sœkir,
hvé mildgeðr
mǫnnum þótti
bjóða-bjǫrn
birkis ótta.
 
The new edition is unavailable.
This text is from an old edition
Þat alls heri
at undri gefsk,
hvé urþjóð
auði gnœgir,
en Grjótbjǫrn
of gœddan hefr
Freyr of Njǫrðr
at féar afli.
 
The new edition is unavailable.
This text is from an old edition
En Hróalds
at hǫfuðbaðmi
auðs iðgnótt
at alnum sifjar (?)
se - - - semd (?)
af vegum ǫllum
á vindkers
víðum botni.
 
The new edition is unavailable.
This text is from an old edition
Hann drógseil
of - - - gat
sem hildingr
heyrnar spanna
goðum ávarðr
með gumna fjǫlð
vinr Véþorms
veklinga tøs (?).
 
The new edition is unavailable.
This text is from an old edition
Þat hann viðr,
es þrjóta mun
flesta menn,
þótt fé eigi,
kveðka skamt
meðal skata húsa
né auðskept
almanna spjǫr.
 
The new edition is unavailable.
This text is from an old edition
Gekk maðr engr
at Arinbjarnar
ór legvers
lǫngum knerri
háði leiddr
né heiptkviðum
með atgeirs
auðar toptir.
 
The new edition is unavailable.
This text is from an old edition
Hinn's fégrimmr,
es í Fjǫrðum býr,
sá's of-dolgr
Draupnis niðja,
sǫkunautr
of sona hvinna,
hringum hættr (?)
hoddvegandi.
 
The new edition is unavailable.
This text is from an old edition
Hann aldrteig
of eiga gat
fjǫl - - - -
of friðar spjǫllum
- - - - - -
 
The new edition is unavailable.
This text is from an old edition
Þat's órétt,
es orpit hefr
á máskeið
mǫrgu gagni,
ramriðin
Rǫkkva stóði,
vellvǫnuðr,
því's veitti mér.
 
The new edition is unavailable.
This text is from an old edition
Vask árvakr,
bark orð saman
með málþjóns
morginverkum;
hlóðk lofkǫst
þann's lengi stendr
óbrotgjarn
í bragar túni.
 
The new edition is unavailable.
This text is from an old edition
Close

Log in

This service is only available to members of the relevant projects, and to purchasers of the skaldic volumes published by Brepols.
This service uses cookies. By logging in you agree to the use of cookies on your browser.

Close

Information about a text: poem, sequence of stanzas, or prose work

This page is used for different resources. For groups of stanzas such as poems, you will see the verse text and, where published, the translation of each stanza. These are also links to information about the individual stanzas.

For prose works you will see a list of the stanzas and fragments in that prose work, where relevant, providing links to the individual stanzas.

Where you have access to introduction(s) to the poem or prose work in the database, these will appear in the ‘introduction’ section.

The final section, ‘sources’ is a list of the manuscripts that contain the prose work, as well as manuscripts and prose works linked to stanzas and sections of a text.