Skaldic Poetry of the Scandinavian Middle Ages

login: password: stay logged in: help

verses in Jómsvíkinga saga

0 Vol. 1. 18. Einarr skálaglamm Helgason, 3. Lausavísur, 2a [Vol. 1, 332] — Eskál Lv 2aI
Sœkjum jarl, þanns auka
ulfs verð þorir sverðum;
skipum borðróinn barða
baugskjǫldum Sigvalda;
drepr eigi svá sveigir
sárlinns, es gram finnum,
(rǫnd berum út á andra
Endils) við mér hendi.
Skj: Einarr Helgason skálaglamm: 4. Lausavísur 2 (AI, 132; BI, 124); (dróttkvætt); ed. MCR; group: A1; mss: 291, 453x, 461x, 462x, 510, 7, Flat, M; texts: Eg 125a, Jvs 0
1 Vol. 1. Anonymous Lausavísur, 3. Lausavísa from Óláfs saga Tryggvasonar in Heimskringla, 1níð poem about Harald blátǫnn [Vol. 1, 1073] — Anon (ÓTHkr) 1I
Þás sparn á mó marnar
morðkunnr Haraldr sunnan,
varð þá Vinða myrðir
vax eitt, í ham faxa,
en bergsalar Birgir
bǫndum rækr í landi
(þat sá ǫld) í jǫldu
óríkr fyrir líki.
Skj: Anonyme digte og vers [X]: I. A. [3]. Et niddigt om kong Harald blåtand (AI, 176; BI, 166); (dróttkvætt); ed. DW; group: A1; mss: 291, 761bx, F, J1x, Kx; texts: Jvs 1, ÓTC 29
2 Vol. 1. 20. Eyjólfr Valgerðarson, Lausavísa, 1 [Vol. 1, 276] — EValg Lv 1I
Selit maðr vápn við verði,
verði dynr ef má sverða,
verðum Hropts at herða
hljóð; eigum slǫg rjóða;
vér skulum Gorms af gǫmlu
Gandvíkr þoku landi
(hǫrð es vôn at verði
vápnhríð) sonar bíða.
Skj: Eyjólfr Valgerðarson: Lausavísa (AI, 100; BI, 95); (dróttkvætt); ed. DW; group: A1; mss: 291; texts: Jvs 2
3 Vol. 1. 35. Þórðr Kolbeinsson, Eiríksdrápa, 2 [Vol. 1, 491] — ÞKolb Eirdr 2I
Mjǫk lét margar snekkjur
(mærðar ǫrr) sem knǫrru
(óðr vex skalds) ok skeiðar
skjaldhlynr á brim dynja,
þás ólítill útan
oddherðir fór gerða
(mǫrg vas lind fyr landi)
lǫnd síns fǫður rǫndu.
Skj: Þórðr Kolbeinsson: 3. Eiríksdrápa 2 (AI, 213-14; BI, 203); (dróttkvætt); ed. JC; group: A1; mss: 301x, 325VIII 1, 39, 51x, 510, 54, 61, 761bx, A, Bb, C, F, FskAx, FskBx, J1x, J2x, Kx, R, Tx, U; texts: Fsk 89, Jvs 3, ÓT 70, ÓTC 31, Skm 305
4 Vol. 1. 35. Þórðr Kolbeinsson, Eiríksdrápa, 3 [Vol. 1, 493] — ÞKolb Eirdr 3I
Setti jarl, sás atti,
ógnfróðr, á lǫg stóði
hrefnis, hôva stafna
hóts Sigvalda at móti;
margr skalf hlumr, en hvergi
huggendr bana uggðu,
þeirs gôtu sæ slíta,
sárgamms, blǫðum ára.
Skj: Þórðr Kolbeinsson: 3. Eiríksdrápa 3 (AI, 214; BI, 204); (dróttkvætt); ed. JC; group: A1; mss: 301x, 325VIII 1, 39, 51x, 510, 54, 61, Bb, F, FskAx, FskBx, J1x, J2x, Kx; texts: Fsk 90, Jvs 4, ÓT 74, ÓTC 32
5 Vol. 5. Egils saga Skalla-Grímssonar 124 (Einarr skálaglamm Helgason, Lausavísur in Egils saga, 1b) — Einarr Helgason skálaglamm — Eskál Lv 1bV (Eg 124)
Gerðak veig of virða
vǫrð, þanns sitr at jǫrðu,
(iðrumk þess) meðan aðrir,
ǫrr Váfaðar, svôfu;
hykk at hodda støkkvi
(hinig sóttak gram) þótti
(fýsinn) frœknum vísa
ferri skald in verra.
Skj: Einarr Helgason skálaglamm: 4. Lausavísur 1 (AI, 131-2; BI, 124); (dróttkvætt); ed. MCR; group: A1; mss: 291, 461x, 510, Flat, M; texts: Eg 124, Flat 221, Jvs 5
6 Vol. 5. Egils saga Skalla-Grímssonar 125 (Einarr skálaglamm Helgason, Lausavísur in Egils saga, 2b) — Einarr skálaglamm — Eskál Lv 2bV (Eg 125 [b])
Sœkjum jarl, þanns auka
ulfs verð þorir sverðum;
skipum borðróinn barða
baugskjǫldum Sigvalda;
drepr eigi svá sveigir
sárlinns, es gram finnum,
(rǫnd berum út á andra
Endils) við mér hendi.
Skj: Einarr Helgason skálaglamm: 4. Lausavísur 2 (AI, 132; BI, 124); (dróttkvætt); ed. MCR; group: A1; mss: 291, 453x, 461x, 462x, 510, 7, Flat, M; texts: Eg 125b, Flat 222, Jvs 6
7 Vol. 1. 21. Þorleifr skúma Þorkelsson, Lausavísa, 1 [Vol. 1, 360] — Þskúm Lv 1I
Hefk í hendi
til hǫfuðs gǫrva,
beinbrot Búa,
bǫl Sigvalda,
[vô víkinga,
vǫrn Hôkonar];
sjá skal verða,
ef vér lifum,
eikikylfa
óþǫrf Dǫnum.
Skj: Þórleifr skúma Þórkelsson: Lausavísa (AI, 117; BI, 111-12); (fornyrðislag); ed. DW; group: A1; mss: 291, 301x, 51x, 510, 7, Flat, FskAx, FskBx, W; texts: Flat 223, FoGT 27, Fsk 92, Jvs 7, LaufE 134(380)
8 Vol. 1. 22. Vígfúss Víga-Glúmsson, 2. Lausavísa, 1 [Vol. 1, 364] — Vígf Lv 1I
Oss es leikr, en lauka
liggr heima vinr feimu,
þryngr at Viðris veðri
vandar, góðr fyr hǫndum;
hlýs kveðk hœlis bósa,
(hann væntir sér annars)
vífs und vǫrmum bœgi,
vér skreytum spjǫr, neyta.
Skj: Vígfúss Víga-Glúmsson: [2]. Lausavísa (AI, 121; BI, 115); (dróttkvætt); ed. DW; group: A1; mss: 301x, 51x, 510, 7, Flat, FskAx, FskBx; texts: Flat 224, Fsk 93, Jvs 8
9 Vol. 1. 19. Tindr Hallkelsson, Hákonardrápa, 1 [Vol. 1, 338] — Tindr Hákdr 1I
Varða gims sem gerði
Gerðr bjúglima herða
(gnýr óx Fjǫlnis fúra)
farlig sæing jarli,
þás hringfôum Hanga
hrynserk Viðurr brynju,
hruðusk riðmarar Róða
rastar, varð at kasta.
Skj: Tindr Hallkelsson: 1. Drape om Hakon jarl 1 (AI, 144-5; BI, 136); (dróttkvætt); ed. RGP; group: B; mss: 39, 510, 54, 61, 761bx, A, Bb, C, F, J1x, J2x, Kx, R, Tx, U, W; texts: Jvs 9, ÓT 83, ÓTC 36, Skm 230
10 Vol. 1. 19. Tindr Hallkelsson, Hákonardrápa, 2 [Vol. 1, 341] — Tindr Hákdr 2I
Gatat óhræðinn æðru
(oddgaldrs) ok Sigvaldi
(vítt hykk vætti-Njóta)
viðrnám Búi (kvômu),
áðr mótrǫðuls mœttu
magnendr gymis vagna
(sǫng at sverða þingi
sarla) þrœnzkum jarli.
Skj: Tindr Hallkelsson: 1. Drape om Hakon jarl 2 (AI, 145; BI, 136); (dróttkvætt); ed. RGP; group: B; mss: 510; texts: Jvs 10
11 Vol. 1. 19. Tindr Hallkelsson, Hákonardrápa, 3 [Vol. 1, 343] — Tindr Hákdr 3I
Dreif at Viðris veðri
(vargi) grimmu (mǫrgum
varð auðfundit virði
valgagls) þrimu hagli,
þars í sundr á sandi
Sǫrla blés fyr jarli
(þess hefr seggja sessi)
serk hringofinn (merki).
Skj: Tindr Hallkelsson: 1. Drape om Hakon jarl 3 (AI, 145; BI, 136); (dróttkvætt); ed. RGP; group: B; mss: 39, 510, 54, 61, 761bx, Bb, F, J1x, J2x, Kx; texts: Jvs 11, ÓT 84, ÓTC 37
12 Vol. 1. 19. Tindr Hallkelsson, Hákonardrápa, 4 [Vol. 1, 345] — Tindr Hákdr 4I
Vann á Vinða sinni
verðbjóðr hugins ferðar
(beit sólgagarr seilar)
sverðs eggja spor (leggi),
áðr hjǫrmeiðir hrjóða
(hætting vas þat) mætti
leiðar langra skeiða
(liðs) halfan tøg þriðja.
Skj: Tindr Hallkelsson: 1. Drape om Hakon jarl 4 (AI, 145-6; BI, 136-7); (dróttkvætt); ed. RGP; group: B; mss: 39, 510, 54, 61, 761bx, Bb, F, J1x, J2x, Kx; texts: Jvs 12, ÓT 100, ÓTC 38
13 Vol. 1. 19. Tindr Hallkelsson, Hákonardrápa, 5 [Vol. 1, 347] — Tindr Hákdr 5I
Fórat jarl enn ára
endr hermǫrum kendi
Gǫndlar dóms at glaumi
geirs tírar fǫr meiri,
en þás hrauð (en Hrauðnis)
hjaldrs (ræsik þat gjǫldum)
mærðar fúss á Mœri
meiðr víkinga skeiðar.
Skj: Tindr Hallkelsson: 1. Drape om Hakon jarl 5 (AI, 146; BI, 137); (dróttkvætt); ed. RGP; group: B; mss: 510; texts: Jvs 13
14 Vol. 1. 19. Tindr Hallkelsson, Hákonardrápa, 6 [Vol. 1, 348] — Tindr Hákdr 6I
Gerðusk, Gǫndlar borða
glaumr óx, þar es, naumu,
auði grimms of eyðis
ǫll lǫnd Dana brandi;
kent hefr heggr at hǫggva
hræbirtinga sævar
veðreggjǫndum viggja
veggs niðr of þat skeggi.
Skj: Tindr Hallkelsson: 1. Drape om Hakon jarl 6 (AI, 146; BI, 137); (dróttkvætt); ed. RGP; group: B; mss: 510; texts: Jvs 14
15 Vol. 1. 19. Tindr Hallkelsson, Hákonardrápa, 7 [Vol. 1, 350] — Tindr Hákdr 7I
Saddi jarl, þars odda
ofþing saman gingu,
vann hanga vals hungri,
hrafna, fylkis nafni;
morðskýja varð mávi
Mistar gótt til vista
heiðins dóms at háða
hríð við markar síðu.
Skj: Tindr Hallkelsson: 1. Drape om Hakon jarl 7 (AI, 146; BI, 137); (dróttkvætt); ed. RGP; group: B; mss: 510; texts: Jvs 15
16 Vol. 1. 19. Tindr Hallkelsson, Hákonardrápa, 8 [Vol. 1, 351] — Tindr Hákdr 8I
Þá veit ǫld, meðan aldir
Yggs, hræva, man byggva,
gnótt þess's gǫglum veitti
glæs, Hôkonar ævi;
því hykk bitrum beita
bǫnd at vildu landi
hyrs lá-reiði lýða
letr hverjum gram betra.
Skj: Tindr Hallkelsson: 1. Drape om Hakon jarl 8 (AI, 146; BI, 137-8); (dróttkvætt); ed. RGP; group: B; mss: 510; texts: Jvs 16
17 Vol. 1. 19. Tindr Hallkelsson, Hákonardrápa, 9 [Vol. 1, 353] — Tindr Hákdr 9I
Hrauð, en Hroptr of náði,
hjaldrskýja, val nýjum,
(þar vas) lundr (fyr landi
leiðangr) Dana skeiðar.
Skj: Tindr Hallkelsson: 1. Drape om Hakon jarl 9 (AI, 147; BI, 138); (dróttkvætt); ed. RGP; group: B; mss: 510; texts: Jvs 17
18 Vol. 1. 19. Tindr Hallkelsson, Hákonardrápa, 10 [Vol. 1, 354] — Tindr Hákdr 10I
Þás fyr borð á Barða
bǫðvar fangs at ganga,
veðrmagnanda Viðris,
virðendr Búa kendu,
mikinn gerði herr hjǫrva
hljóm, es runnu sunnan
bauga skeiðr at breiðu
Baldrs Hôkonar valdi.
Skj: Tindr Hallkelsson: 1. Drape om Hakon jarl 10 (AI, 147; BI, 138); (dróttkvætt); ed. RGP; group: B; mss: 510; texts: Jvs 18
19 Vol. 1. 19. Tindr Hallkelsson, Hákonardrápa, 11 [Vol. 1, 356] — Tindr Hákdr 11I
Undr es þreytt, ef, Þundi,
þann kendi val, 's sendi
golls samnandi, gumna,
Goðmarr, hræum fjarri.
Skj: Tindr Hallkelsson: 1. Drape om Hakon jarl 11 (AI, 147; BI, 138); (dróttkvætt); ed. RGP; group: B; mss: 510; texts: Jvs 19
20 Vol. 1. 23. Vagn Ákason, Lausavísa, 1Vagn Ákason [Vol. 1, 366] — Vagn Lv 1I
Sigvaldi hefr setta
sjalfa oss und kylfu,
en fárhugaðr fnauði
fór heim til Danmarkar,
hyggr í faðm at falla
fljótt vinkonu sinni,
en fyr borð et breiða
Búi gekk með hugrekki.
Skj: Anonyme digte og vers [X]: Tillæg [1]. Vagn Ákason (AI, 185-6; BI, 175); (dróttkvætt); ed. MT; group: A1; mss: 291, 510, 7, Flat; texts: Flat 225, Jvs 20
21 Vol. 1. 22. Vígfúss Víga-Glúmsson, 1. Poem about Hákon jarl(?), 1 [Vol. 1, 363] — Vígf Hák 1I
Varðat hœgt, þars hurðir
hjǫrklofnar sák rofna
(hótt sǫng Hǫgna) Geitis
(hregg) til Vagns at leggja;
þar gingum vér, þrøngvir
þunníss, í bǫð, Gunnar
(strǫng vas) danskra drengja
(darra flaug) til knarrar.
Skj: Vígfúss Víga-Glúmsson: [1]. Digt om Hakon jarl(?) (AI, 120; BI, 115); (dróttkvætt); ed. DW; group: A1; mss: 301x, 51x, 510, FskAx, FskBx; texts: Fsk 94, Jvs 21
22 Vol. 1. Anonymous Lausavísur, 4. Lausavísa from Fagrskinna, 1a Jómsviking [Vol. 1, 1081] — Anon (Fsk) 1I
Gerðak jarli
ǫrr at vári;
þat vas mér þá títt,
en þetta nú.
Skj: Anonyme digte og vers [X]: Tillæg [2]. En Jomsviking (AI, 186; BI, 175); (fornyrðislag); ed. MT; group: A1; mss: 301x, 51x, 510, FskAx, FskBx; texts: Fsk 95, Jvs 22
23 Vol. 1. 18. Einarr skálaglamm Helgason, 3. Lausavísur, 3 [Vol. 1, 333] — Eskál Lv 3I
Þat kvað jarl at æri
unnviggs fyr haf sunnan,
þás á seima særi
sárelda spor vôru;
ǫllungis hefr illa,
eybaugs, ef skalt deyja
(víst hyggjum þat) viggja
valdr, þinn faðir haldit.
Skj: Einarr Helgason skálaglamm: 4. Lausavísur 3 (AI, 132; BI, 124-5); (dróttkvætt); ed. MCR; group: A1; mss: 2368x, 291, 301x, 308x, 51x, 510, 57x, 7, 743x, Flat, FskAx, FskBx; texts: Flat 226, Fsk 96, Jvs 23, LaufE 162(391)
© Skaldic Project Academic Body, unless otherwise noted. Database structure and interface developed by Tarrin Wills. All users of material on this database are reminded that its content may be either subject to copyright restrictions or is the property of the custodians of linked databases that have given permission for members of the skaldic project to use their material for research purposes. Those users who have been given access to as yet unpublished material are further reminded that they may not use, publish or otherwise manipulate such material except with the express permission of the individual editor of the material in question and the General Editor of the volume in which the material is to be published. Applications for permission to use such material should be made in the first instance to the General Editor of the volume in question. All information that appears in the published volumes has been thoroughly reviewed. If you believe some information here is incorrect please contact Tarrin Wills with full details.